AtthaPali Vol.36

2. Silavanagajatakam akatannussa posassati idam sattha veluvane viharanto devadattam arabbha kathesi. Dhammasabhayam hi bhikkhu avuso devadatto akatannu tathagatassa gune na janatiti kathenta nisidimsu. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave idaneva devadatto akatannu pubbepi akatannuyeva na kadaci mayham gunam janatiti vatva atitam ahari. Atite baranasiyam brahmadatte rajjam karente bodhisatto himavantappadese hatthiyoniyam nibbatti. So matukucchito nikkhamanto sabbaseto ahosi rajatapunjasannibho. Akkhini panassa manigulasadisani pannayamanani pancappasadani ahesum mukham rattakambalasadisam sondam suvannabinduppatimanditam rajatadamam viya cattaro pada katalakharasaparikamma viya evamassa dasahi paramihi alankato rupasobhaggappatto attabhavo ahosi. Atha nam vinnutam pattam sakalahimavante varana sannipatitva upatthahanta vicarimsu. Evam So asitisahassavaranaparivaro himavantappadese vasamano aparabhage gane dosam disva ganamha kayavivekam gantva ekakova arannavasam kappesi. Silavantataya ca panassa silavanagarajatveva namam ahosi. Atheko baranasivasiko vanacarako himavantam pavisitva attano ajivabhandakam gavesamano disa vavatthapetum asakkonto maggamulho hutva maranabhayabhito baha paggayha paridevamano vicarati. Bodhisatto tassa tam paridevitam sutva imam purisam dukkha mocessamiti karunnacodito tassa santikam agamasi. So tam disvava bhito palayi. Bodhisatto tam palayantam disva tatheva atthasi. So puriso bodhisattam thitam disva atthasi. Bodhisatto puna agamasi. So puna palayitva tassa thitakale thatva cintesi ayam varano mama palayanakale titthati thitakale agacchati nayam mayham anatthakamo imamha pana mam dukkha mocetukamo bhavissatiti. Suro hutva atthasi. Bodhisatto tam upasankamitva kasma bho tvam purisa paridevamano vicarasiti pucchi. Sami disa vavatthapetum asakkonto maggamulho hutva maranabhayenati. Atha nam bodhisatto attano vasanatthanam netva katipaham phalaphalehi santappetva bho purisa ma bhayi aham tam manussapatham nessamiti. Attano pitthe nisidapetva manussapatham papesi. Atha kho so mittadubbhipuriso sace koci pucchissati acikkhitabbam bhavissatiti bodhisattassa pitthe Nisinnoyeva rukkhanimittam pabbatanimittam upadharentova gacchati. Atha nam bodhisatto aranna niharitva baranasigamikamahamagge thapetva bho purisa imina maggena gaccha mayham pana vasanatthanam pucchitopi ma kassaci acikkhati tam uyyojetva attano vasanatthanamyeva agamasi. Atha so puriso baranasim gantva anuvicaranto dantakaravithim patva dantakare dantavikatiyo kurumane disva kim pana bho jivadantampi labhitva ganheyyathati. Bho kim vadasi jivadanto nama matahatthidantato mahagghataroti. Tenahi aham vo jivadantam aharissamiti patheyyam gahetva kharakakacam adaya bodhisattassa vasanatthanam agamasi. Bodhisatto tam disva kimattham agatositi pucchi. Aham sami duggato kapano jivitum asakkonto tumhe dantakhandam yacitva sace dassatha tam adaya gantva vikkinitva tena mulena jivissamiti agatoti. Hotu bho dantam te dassami sace dantakappanatthaya kakacam atthiti. Kakacam gahetva agatomhi samiti. Tenahi dante kakacena kantitva adaya gacchahiti bodhisatto pade samminjitva gonisinnakam nisidi. So tassa dvepi aggadante chindi. Bodhisatto te dante sondaya gahetva bho purisa naham ime mayham appiya amanapati dammi imehi pana me dantehi satagunena sahassagunena satasahassagunena sabbadhammappativedhasamattham sabbannutananam piyataram Tassa me idam dantadanam sabbannutananappativijjhanatthaya hotuti sabbannutananassa panidhanam katva dantayugalam adasi. So tam adaya gantva vikkinitva tasmim mule khine puna bodhisattassa santikam gantva sami tumhakam dante vikkinitva laddhamulam mayham inasodhanamattameva jatam avasesadante me dethati aha. Bodhisatto sadhuti patissunitva purimanayeneva kappapetva avasesadante adasi. Sopi te vikkinitva puna agantva sami jivitum na sakkomi muladatha me dehiti aha. Bodhisatto sadhuti vatva purimanayeneva nisidi. So papapuriso mahasattassa rajatadamasadisam sondam maddamano kelasakutasadisam kumbham abhiruhitva ubho kotiyo panhiya paharanto mamsam viyuhitva kumbha oruyha kakacena muladatha kappetva pakkami. Bodhisattassa dassanupacaram vijahanteyeva pana tasmim papapurise catunnahutadhikadviyojanasatasahassabahala ghanapathavi sineruyugandharadayo mahabhare duggandhajegucchani guthamuttadini ca dharetum samatthapi tassa agunarasim dharetum asakkonti viya bhijjitva vivaramadasi. Tavadeva avicimahanirayato jala nikkhamitva tam mittadubbhipurisam kuladattikena kambalena parupanti viya parikkhipitva ganhi. Evam tassa papapuggalassa pathavim pavitthakale tasmim vanasande adhivattha rukkhadevata akatannum mittadubbhipuggalam imam cakkavattirajjam datvapi tosetum na sakkotiti vanam unnadetva dhammam desayamana imam gathamaha Akatannussa posassa niccam vivaradassino sabbance pathavim dajja neva nam abhiradhayeti. Tattha akatannussati attano katagunam ajanantassa. Posassati purisassa. Vivaradassinoti chiddameva okasameva olokentassa. Sabbance pathavim dajjati sacepi tadisassa puggalassa sakalam cakkavattirajjam imam va pana mahapathavim parivattetva pathavojam dadeyya. Neva nam abhiradhayeti evam karontopi akatannum evarupam katagunaviddhamsanam koci paritosetum va pasadetum va na sakkuneyyati attho. Evam sa devata vanam unnadetva dhammam desesi. Bodhisatto yavatayukam thatva yathakammam agamasi. Sattha na bhikkhave devadatto idaneva akatannu pubbepi akatannuyevati idam dhammadesanam aharitva anusandhim ghatetva jatakam samodhanesi tada mittadubbhipuriso devadatto ahosi rukkhadevata sariputto silavanagaraja pana ahamevati. Silavanagajatakam dutiyam. -----------

The Pali Atthakatha in Roman Book 36 page 124-128. http://84000.org/tipitaka/atthapali/read_rm.php?B=36&A=2480&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=2480&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=72 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=475 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=463 The Pali Tipitaka in Roman Character :- http://84000.org/tipitaka/read/roman_read.php?B=27&A=463 Contents of The Tipitaka Volume 27 http://84000.org/tipitaka/read/?index_27