|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Sigalajatakam etam hi te durajananti idam sattha veluvane viharanto devadattassa vadhaya parisakkanam arabbha kathesi .pe. Dhammasabhayam hi bhikkhunam katham sutva sattha na bhikkhave devadatto idaneva mayham vadhaya parisakkati pubbepi parisakkiyeva na ca mam maretum asakkhi sayameva pana kilantoyevati vatva atitam ahari. Atite baranasiyam brahmadatte rajjam karente bodhisatto sigalayoniyam nibbattitva sigalaraja hutva sigalaganaparivuto susanavane vihasi. Tena samaye rajagahe ussavo ahosi. Yebhuyyena manussa suram pivanti . Surachanoyeva kireso. Athettha sambahula dhutta bahum suranca mamsanca aharapetva manditappasadhita gayitva suranca pivanti mamsanca khadanti. Tesam pathamayamavasane mamsam khinam sura pana bahukava. Atheko mamsakhandam dehiti aha mamsam khinanti ca vutte mayi thite mamsakkhayo nama natthiti vatva amakasusane matamanussamamsam khadanatthaya agatam sigalam maretva mamsam aharissamiti muggaram gahetva niddhamanamaggena nagara nikkhamitva susanam gantva muggaram gahetva matako viya uttano nipajji. Tasmim khane bodhisatto--------------------------------------------------------------------------------------------- page383.
Sigalaganaparivuto tattha gato tam disva nayam matakoti natvapi sutthutaram upaparikkhissamiti tassa adhovate thatva sariragandham ghayitva tattatovassa amatabhavam natva lajjapetva nam uyyojessamiti gantva muggarakotiyam damsitva akaddhi. Dhutto muggaram na vissajjesi upasankamantampi na olokento nam galhataram aggahesi. Bodhisatto patikkamitva bho purisa sace tvam matako bhaveyyasi na mayi muggaram akaddhante galhataram ganheyyasi imina karanena tava matabhavo va amatabhavo va dujjanoti vatva imam gathamaha etam hi te durajanam yam sesi matasayitam yassa te kaddhamanassa hattha dando na muccatiti . Tattha etam hi te durajananti etam karanam tava duvinneyyam. Yam sesi matasayitanti yena karanena tvam matasayitam sesi matako viya hutva sayasi. Yassa te kaddhamanassati yassa tava dandakotiyam gahetva kaddhiyamanassa hatthato dando na muccati so pana tvam tattato matako nama nahositi. Evam vutte so dhutto ayam mama amatabhavam janatiti utthaya dandam khipi. Dando virajjhi. Dhutto gacchasi viraddhodani siyati aha. Bodhisatto nivattitva bho purisa mam virajjhantopi tvam attha mahaniraye solasa ca ussadaniraye aviraddhoyevasiti vatva pakkami. Dhutto kinci alabhitva--------------------------------------------------------------------------------------------- page384.
Susana nikkhamitva parikkhayam nhayitva agatamaggeneva nagaram pavisi. Sattha imam dhammadesanam aharitva jatakam samodhanesi tada dhutto devadatto ahosi sigalaraja pana ahamevati. Sigalajatakam dutiyam. -------The Pali Atthakatha in Roman Book 36 page 382-384. http://84000.org/tipitaka/atthapali/read_rm.php?B=36&A=7592&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=7592&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=142 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=944 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=932 The Pali Tipitaka in Roman Character :- http://84000.org/tipitaka/read/roman_read.php?B=27&A=932 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]