|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5. Radhajatakam na tvam radha vijanasiti idam sattha jetavane viharanto puranadutiyikapalobhanam arabbha kathesi. Paccuppannavatthum indriyajatake avibhavissati. Sattha pana tam bhikkhum amantetva bhikkhu matugamo nama arakkhiyo arakkham thapetva rakkhantopi nam rakkhitum na sakkoti tvampi bhikkhu pubbe etam arakkham thapetva rakkhantopi rakkhitum nasakkhi idani katham rakkhasiti vatva atitam ahari. Atite baranasiyam brahmadatte rajjam karente bodhisatto sukayoniyam nibbatti. Kasiratthe eko brahmano bodhisattanca kanitthabhatikancassa puttatthane thapetva posesi. Tesu bodhisattassa potthapadoti namam ahosi itarassa radhoti. Tassa pana brahmanassa bhariya anacara hoti dussila. So voharatthaya gacchanto ubhopi bhataro aha tata sace vo mata brahmani anacaram carati vareyyatha nanti. Bodhisatto aha sadhu tata varetum sakkonto varessami asakkonto tunhi bhavissamiti. Evam brahmano brahmanim sukanam niyyadetva voharatthaya gato. Tassa gatadivasato patthaya brahmani aticaritum araddha. Pavisantananca nikkhamantananca pamanam natthi. Tassa kiriyam disva radho bodhisattam aha bhatika amhakam pita sace vo--------------------------------------------------------------------------------------------- page392.
Mata anacaram carati vareyyathati vatva gato idanipesa anacaram carati varema nanti. Bodhisatto tata tvam attano abyattataya balabhaveneva vadesi matugamam nama ukkhipitva carantapi rakkhitum na sakkonti yam kammam katum na sakkonti na tam katum vattatiti vatva imam gathamaha. Na tvam radha vijanasi addharatte anagate abyayatam vilapasi viratte kosiyayaneti. Tattha na tvam radha vijanasi addharatte anagateti tata radha tvam na janasi addharatte anagate pathamayameyeva ettaka jana anagata idani ko janati kittakapi agamissantiti. Abyayatam vilapasiti tvam abyattavilapam vilapasi. Viratte kosiyayaneti mata no kosiyayani brahmani viratta amhakam pitari nippema jatava sacassa tasmim sineho va pemam va bhaveyya na evarupam anacaram kareyyati imamattham etehi byanjanehi pakasesi. Evam pakasetva ca pana brahmaniya saddhim radhassa vattum na adasi. Sa yava brahmanassa anagamana yatharuciya vicari. Brahmano agantva potthapadam pucchitva tata kidisi vo matati. Bodhisatto brahmanassa sabbam yathabhutam kathetva kim te tata evarupaya dussilayati vatva tata amhehi matuya dosassa kathitakalato patthaya na sakka idha vasitunti brahmanassa pade vanditva uppatitva arannam agamasi.--------------------------------------------------------------------------------------------- page393.
Sattha imam dhammadesanam aharitva saccani pakasesi. Saccapariyosane ukkanthitabhikkhu sotapattiphale patitthahi. Tada brahmano ca brahmani ca eteyeva dvejana ahesum radho pana anando potthapado pana ahamevati. Radhajatakam pancamam. --------The Pali Atthakatha in Roman Book 36 page 391-393. http://84000.org/tipitaka/atthapali/read_rm.php?B=36&A=7773&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=7773&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=145 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=959 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=950 The Pali Tipitaka in Roman Character :- http://84000.org/tipitaka/read/roman_read.php?B=27&A=950 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]