AtthaPali Vol.36

7. Puppharattajatakam nayidam dukkham adum dukkhanti idam sattha jetavane viharanto ekam ukkanthitabhikkhum arabka kathesi. So hi bhikkhu bhagavata saccam kira tvam bhikkhu ukkanthitoti vutto saccanti vatva kena ukkanthapitositi puttho puranadutiyikayati vatva madhurahattharasa bhante sa itthi na sakkomi tam vina vasitunti aha. Atha nam sattha esa te bhikkhu

--------------------------------------------------------------------------------------------- page397.

Anatthakarika pubbepi tvam etam nissaya sule uttasito etanneva paridevamano kalam katva niraye nibbatto idani nam kasma puna patthesiti vatva atitam ahari. Atite baranasiyam brahmadatte rajjam karente bodhisatto akasatthakadevata ahosi. Atha baranasiyam kattikarattivaracchano sampatto hoti. Nagaram devanagaram viya alankarimsu. Sabbo jano chanakilanissito ahosi. Ekassa pana duggatamanussassa ekameva ghanasatakayugam ahosi. So tam sudhotam dhovapetva obhanjapetva satavalikasahassavalikam karetva thapesi. Atha nam bhariya evamaha icchamaham sami ekam kusumbharattam nivasetva ekam parupitva tava kanthe lagga kattikarattivaram caritunti. Bhadde kuto amhakam daliddanam kusumbham suddhavattham nivasetva kilahiti. Kusumbharattam alabhamana chanakilam na kilissami tvam annam itthim gahetva kilassuti. Bhadde kim mam pilesi kuto amhakam kusumbhanti. Sami purisassa icchaya sati kinnama natthi nanu ranno kusumbhavatthusmim bahum kusumbhanti. Bhadde tanthanam rakkhasapariggahitapokkharanisadisam balavarakkha na sakka upasankamitum ma te etam rucci yathaladdheneva tussassuti. Sami rattibhage andhakare sati purisassa agamaniyatthanam nama natthiti. Eka akasacarini devata tassa anagatabhayam disva tam nivaresi. Iti so taya punappunam kathentiya kilesavasena vacanam gahetva

--------------------------------------------------------------------------------------------- page398.

Hotu bhadde ma cintayitthati tam samassasetva rattibhage jivitam pariccajitva nagara nikkhamitva ranno kusumbhavatthum gantva vatim madditva antovatthum pavisi. Arakkhamanussa vatisaddam sutva coro coroti parivaretva gahetva paribhasitva kottetva bandhitva pabhataya rattiya ranno dassesum. Raja gacchatha nam sule uttasethati aha. Atha nam pacchabahum bandhitva vajjhabheriya vajjamanaya nagara nikkhametva sule uttasesum. Balavavedana vattanti. Kaka sise niliyitva kanayaggasadisehi tundehi akkhini vijjhanti. So tatharupampi dukkham amanasikaritva tameva itthim anussaritva taya namamhi ghanapuppharattanivatthaya kanthe asattabahuyugalaya saddhim kattikarattivarato parihinoti vatva imam gathamaha nayidam dukkham adum dukkham yam mam tudati vayaso yam sama puppharattena kattikam nanubhossatiti. Tattha nayidam dukkham adum dukkham yam mam tudati vayasoti yanca idam sule lagganapaccayam kayikacetasikadukkham yanca lohamayehi viya tundehi vayaso tudati idam sabbampi mayham na dukkham adum dukkham etamyeva pana me dukkhanti attho. Kataram. Yam sama puppharattena kattikam nanubhossatiti yam sa piyangusama mama bhariya ekam kusumbharattam nivasetva ekam parupitvapi ekaghanapuppharattena vatthayugena acchanna mam kanthe gahetva kattikarattivaram

--------------------------------------------------------------------------------------------- page399.

Nanubhossati imam mayham dukkham etadeva hi mam badhatiti. So nam evam matugamam arabbha vippalapantoyeva kalam katva niraye nibbatti. Sattha imam dhammadesanam aharitva jatakam samodhanesi tada jayapatika idani jayapatika tam karanam paccakkham katva thita akasatthakadevata pana ahamevati. Puppharattajatakam sattamam. ---------

The Pali Atthakatha in Roman Book 36 page 396-399. http://84000.org/tipitaka/atthapali/read_rm.php?B=36&A=7888&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=7888&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=147 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=970 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=960 The Pali Tipitaka in Roman Character :- http://84000.org/tipitaka/read/roman_read.php?B=27&A=960 Contents of The Tipitaka Volume 27 http://84000.org/tipitaka/read/?index_27