AtthaPali Vol.36

9 Ekapannajatakam ekapanno ayam rukkhoti idam sattha vesalim upanissaya mahavane kutagarasalayam viharanto vesalikam dutthalicchavikumaram arabbha kathesi. Tasmim hi kale vesalinagaram gavutantare tihi pakarehi parikkhittam tisu thanesu gopurattalakayuttam paramasobhaggappattam. Tattha niccakalam rajjam karetva vasantananneva rajunam sattasahassani sattasatani satta ca rajano honti tattakayeva uparajano tattaka senapatino tattaka bhandagarika. Tesam rajakumaranam antare eko dutthalicchavi rajakumaro nama ahosi kodhano cando pharuso dandena ghatitasiviso viya niccam pajjalito. Kodhavasena tassa purato dve tini vacanani kathetum Samattho nama natthi. Tam neva matapitaro na natayo na mittasuhajja sikkhapetum sakkhimsu. Athassa matapitunam etadahosi ayam kumaro atipharuso sahasiko thapetva sammasambuddham anno imam vinetum samattho nama natthi buddhaveneyyena bhavitabbanti. Te tam adaya satthu santikam gantva vanditva ahamsu bhante ayam kumaro cando pharuso kodhena jalati imassa ovadam dethati. Sattha kumaram ovadi kumara imesu nama sattesu taya candena pharusena sahasikena vihethakajatikena na bhavitabbam pharusavaco nama vijatamatuyapi pitunopi puttadarassapi bhatikabhagininampi mittabandhavanampi appiyo hoti amanapo damsitum agacchanto sappo viya ataviyam utthitacoro viya khaditum agacchanto yakkho viya ca ubbejaniyo hutva dutiyakacittavare nirayadisu nibbattati dittheyeva dhamme kodhano puggalo manditappasadhitopi dubbannova hoti punnacandasassirikampissa mukham jalabhihatappadumam viya malaggahitam kancanadasamandalam viya virupam hoti duddasikam kodham nissaya hi satta sattham adaya attanava attanam paharanti visam khadanti rajjuya ubbandhanti papatam patanti evam kodhavasena kalam katva nirayadisu uppajjanti vihethakajatiyapi dittheyeva dhamme garaham patva kayassa bheda nirayadisu uppajjanti puna manussattam labhitvapi jatakalato patthaya rogabahulava honti cakkhurogo sotarogoti adisu ca rogesu ekato utthaya etasmim Patanti rogena aparimutta hutva niccam dukkhitava honti tasma sabbasattesu mettacittena muducittena bhavitabbam evarupo hi puggalo nirayadibhayena parimuccatiti. So kumaro satthu ovadam sutva ekovadeneva nihatamano danto nibbisevano mettacitto mudukova ahosi annam akkosantampi paharantampi nivattitva na olokesi uddhatadatho viya sappo alacchinno viya kakkatako chinnavisano viya ca usabho ahosi. Tassa tam pavuttim natva bhikkhu dhammasabhayam katham samutthapesum avuso dutthalicchavikumaram sucirampi ovaditva neva matapitaro na natimittadayo dametum sakkhimsu sammasambuddho pana tam ekovadeneva dametva nibbisevanam katva mattavaravaranam viya samuggahitananchakaranam akasi yava subhasitancidam hatthidamakena bhikkhave hatthidammo sarito ekamyeva disam dhavati puratthimam va pacchimam va uttaram va dakkhinam va assadamakena .pe. Gonadamekena .pe. Dakkhinam va tathagatena bhikkhave arahata sammasambuddhena purisadammo sarito attha disa vidhavati rupi rupani passati ayameva tadiso .pe. So vuccati yoggacariyanam anuttaro purisadammasarathiti na hi avuso sammasambuddhena sadiso purisadammasarathi nama atthiti. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave idanevesa maya ekovadena damito pubbepaham imam ekovadeneva Damesinti vatva atitam ahari. Atite baranasiyam brahmadatte rajjam karente bodhisatto udiccabrahmanakule nibbattitva vayappatto takkasilayam tayo vede sabbasippani ca uggahetva kinci kalam gharavasam vasitva matapitunam accayena isipabbajjam pabbajitva abhinna ca samapattiyo ca nibbattetva himavante vasam kappesi. Tattha ciram vasitva lonambilasevanatthaya janapadam gantva baranasim patva rajuyyane vasitva punadivase sunivattho suparuto tapasakappasampanno bhikkhaya nagaram pavisitva rajanganam papuni. Raja sihapanjarena olokento tam disva iriyapathe pasiditva ayam tapaso santinduriyo santamanaso yugamattadasso padavare padavare sahassathavikam thapento viya sihavijambhitena agacchati sace santadhammo nameko atthi imassa tena abbhantare bhavitabbanti cintetva ekam amaccam olokesi. So kim karomi devati aha. Etam tapasam anehiti. So sadhu devati bodhisattam upasankamitva vanditva hatthato bhikkhabhajanam gahetva kim mahapunnati vutte bhante raja tam pakkosatiti aha. Bodhisatto na mayam rajakulupaka himavantaka namamhati aha. Amacco gantva tamattham ranno arocesi. Raja anno amhakam kulupako natthi anehi nanti aha. Amacco gantva bodhisattam vanditva yacitva rajanivesanam pavesesi. Raja bodhisattam vanditva Samussitasetacchatte kancanapallanke nisidapetva attano patiyattam nanaggarasabhojanam bhojetva kaham bhante vasathati pucchi. Himavantaka mayam maharajati. Idani kaham gacchathati. Vassarattanurupam senasanam upadharema maharajati. Tenahi bhante amhakanneva uyyane vasathati patinnam gahetva sayampi bhunjitva bodhisattam adaya uyyanam gantva pannasalam mapetva rattitthanadivatthanani karetva pabbajitaparikkhare datva uyyanapalam paticchapetva nagaram pavisi. Tato patthaya bodhisatto uyyane vasati. Rajapissa divase divase dvittikkhattum upatthanam gacchati. Tassa pana ranno dutthakumaro nama putto ahosi cando pharuso. Neva nam raja dametum sakkhi na sesanataka. Amaccapi brahmanagahapatikapi ekato hutva sami ma evam kari evam katum na labbhati kujjhitva kathentapi katham gahapetum na sakkhimsu. Raja cintesi thapetva mama ayyam silavantam tapasam anno imam kumaram dametum samattho nama natthi soyeva nam damessatiti. So kumaram adaya bodhisattassa santikam gantva bhante ayam kumaro cando pharuso mayam etam dametum na sakkoma tumhe nam ekena upayena sikkhapethati kumaram bodhisattassa niyyadetva pakkami. Bodhisatto kumaram gahetva uyyane vicaranto ekato ekena ekato ekenati dvihiyeva pattehi ekam nimbapotakam disva kumaram aha kumara Etassa nimbarukkhapotakassa pannam khaditva rasam janahiti. So etassa ekam pannam khaditva rasam natva chichiti saha khelena bhumiyam nutthubhi kim etam kumarati vutte bhante idanevesa rukkho halahalavisupamo vaddhanto pana bahu manusse maressatiti tam nimbapotakam uppatetva hatthehi parimadditva imam gathamaha ekapanno ayam rukkho na bhumiya caturangulo phalena visakappena mahayam kim bhavissatiti. Tattha ekapannoti ubhosu passesu ekekam pannam. Na bhumiya caturanguloti bhumito caturangulamattampi na vaddhito. Phalenati phalarasena. Visakappenati halahalavisasadisena. Evam khuddakopi samano evarupena tittakapannena samannagatoti attho. Mahayam kim bhavissatiti yada ca panayam vuddhippatto maha bhavissati tada kim bhavissati addha manussamaranako bhavissatiti etam uppatetva madditva chaddesinti aha. Atha nam bodhisatto etadavoca kumara tvam imam nimbapotakam idaneva evamtittako mahallakakale kim bhavissati kuto imam nissaya vuddhiti uppatetva madditva chaddesi yatha tvam etasmim patipajji evameva tava ratthavasinopi ayam kumaro daharakaleyeva evam cando pharuso mahallakakale rajjam patva kim nama karissati kuto amhakam etam nissaya vuddhiti tava kulasantakam rajjam adatva Nimbapotakam viya tam uppatetva rattha pabbajaniyakammam karissanti tasma nimbarukkhappatibhagatam pajahitva ito patthaya khantimettanuddayasampanno hohiti. So tato patthaya nihatamano nibbisevano khantimettanuddayasampanno hutva bodhisattassa ovade thatva pitu accayena rajjam patva danadini punnani katva yathakammam gato. Sattha imam dhammadesanam aharitva na bhikkhave idanevesa dutthalicchavikumaro maya damito pubbepaham etam damesimyevati vatva jatakam samodhanesi tada dutthakumaro ayam licchavikumaro ahosi raja anando ovadadayakatapaso pana ahamevati. Ekapannajatakam navamam. -------

The Pali Atthakatha in Roman Book 36 page 404-410. http://84000.org/tipitaka/atthapali/read_rm.php?B=36&A=8048&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=8048&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=149 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=981 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=971 The Pali Tipitaka in Roman Character :- http://84000.org/tipitaka/read/roman_read.php?B=27&A=971 Contents of The Tipitaka Volume 27 http://84000.org/tipitaka/read/?index_27