AtthaPali Vol.37

8 Suhanujatakam nayidam visamasilenati idam sattha jetavane viharanto dve candabhikkhu arabbha kathesi. Tasmim hi samaye jetavanepi eko bhikkhu cando ahosi pharuso sahasiko. Janapade hi eko bhikkhu cando ahosi. Athekadivasam janapado bhikkhu kenacideva karaniyena jetavanam agamasi. Samanera ca daharabhikkhu ca tassa candabhavam jananti. Tesam dvinnam candanam kalaham passissamati kutuhalena tam bhikkhum jetavanavasikassa parivenam pahinimsu. Te ubhopi canda annamannam disvava samagga piyasamvasam vasimsu sammodimsu hatthapadapitthisambahanadini akamsu. Dhammasabhayam bhikkhu katham samutthapesum avuso dve canda bhikkhu annesam upari canda pharusa sahasika, annamannam pana ubhopi te samagga sammodamana piyasamvasa jatati. Sattha agantva kayanuttha bhikkhave etarahi kathaya sannisinnati pucchitva imaya Namati vutte na bhikkhave idaneva pubbepete annesam canda pharusa sahasika annamannam pana disva samagga sammodamana piyasamvasa ca ahesunti vatva atitam ahari. Atite baranasiyam brahmadatte rajjam karente bodhisatto tassa sabbatthasadhako atthadhammanusasako amacco ahosi. So pana raja thokam dhanalobhapakatiko. Tassa mahasono nama kutaasso atthi. Atha uttarapathaka vanija ^1- pancaassasatani anesum. Amacca assanam agatabhavam ranno arocesum. Tato pubbe pana bodhisatto asse agghapetva mule aparihapetva dapesi. Raja tam aparihayamanam disva annam amaccam pakkositva tata asse agghapehi, agghapento ca pathamam mahasonam yatha tesam assanam antaram pavisati tatha vissajjetva asse damsapetva vanite karapetva dubbalakale mulam hapetva agghapeyyasiti aha. So sadhuti sampaticchitva tatha akasi. Assavanija anattamana hutva tena katakiriyampi bodhisattassa arocesum. Bodhisatto kim pana tumhakam nagare kutaasso natthiti pucchi. Atthi sami suhanu nama kutaasso cando pharusoti. Tena hi puna agacchanta tam assam aneyyathati. Te sadhuti patisunitva puna agacchanta tam kutassam gahapetva agacchimsu. Raja assavanija agatati sutva sihapanjaram ugghatetva asse @Footnote: ¹ assabanijatipi. Oloketva mahasonam vissajjapesi. Assavanijapi mahasonam agacchantam disva suhanum vissajjesum. Te annamannam patva sarirani lehanta sammodamana atthamsu. Raja bodhisattam pucchi passasi, ime dve kutassa annesam canda pharusa sahasika anne asse damsitva gelannam papesum, idani annamannam pana sariram lehanta sammodamana atthamsu, kinnametanti. Bodhisatto na ime maharaja visamasila samasila samadhatuka eteti vatva dve gatha abhasi nayidam visamasilena sonena suhanu saha, suhanupi tadiso yeva yo sonassa sagocaro, pakkhandina pagabbhena niccam sandanakhadina sameti papam papena sameti asatasatanti ^1-. Tattha nayidam visamasilena sonena suhanu sahati yam idam suhanukutasso sonena saddhim samam ^2- karoti, idam na attano visamasilena. Atha kho attano samasileneva saddhim karoti, ubhopi hete attano anacarataya dussilataya samasila samadhatuka. Suhanupi tadisoyevati yadiso hi sono suhanupi tadiso yeva. Yo sonassa sagocaroti sono yamgocaro so tamgocaro yeva. Yatheva hi sono assagocaro asse damsento carati tatha suhanupi. Imina nesam samanagocaratam dasseti. Te pana anacaragocare @Footnote: ¹ asata asantipi . ² pemantipi. Ekato katva dassetum pakkhandinati adi vuttam. Tattha pakkhandinati assanam upari pakkhandanasilena pakkhandanagocarena. Pagabbhenati kayapagabbhiyadisamannagatena dussilena. Niccam sandanakhadinati attano bandhanayottam khadanasilena khadanagocarena ca. Sameti papam papenati etesu annatarena saddhim annatarassa papam dussilyam sameti. Asatasatanti etesu annatarena asata anacaragocarasampannena saha itarassa asatassa ^1- asadhukammam sameti guthadini viya guthadihi ekato samsandati sadisam nibbisesameva hotiti. Evam vatva pana bodhisatto maharaja ranna nama na atiluddhena bhavitabbam, parassa santakam nama nasetum na vattatiti rajanam ovaditva asse agghapetva bhutamulam dapesi. Assavanija yathasabhavameva mulam labhitva hatthatuttha agamamsu. Rajapi bodhisattassa ovade thatva yathakammam gato. Sattha imam dhammadesanam aharitva jatakam samodhanesi. Tada dve assa ime dve dutthabhikkhu ahesum, raja anando, panditamacco pana ahamevati. Suhanujatakam atthamam. @Footnote: ¹ asantipi.

The Pali Atthakatha in Roman Book 37 page 38-41. http://84000.org/tipitaka/atthapali/read_rm.php?B=37&A=770&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=770&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=165 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1077 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1063 The Pali Tipitaka in Roman Character :- http://84000.org/tipitaka/read/roman_read.php?B=27&A=1063 Contents of The Tipitaka Volume 27 http://84000.org/tipitaka/read/?index_27