|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
kundakakucchisindhavajatakam
bhutva tinaparighasanti idam sattha jetavane viharanto
sariputtattheram arabbha kathesi.
Ekasmim hi samaye sammasambuddho savatthiyam vasitva vassam
vuttho carikam caritva puna paccagato. Manussa agantukasakkaram
karissamati buddhappamukhassa bhikkhusanghassa mahadanam dadanti.
Vihare ekam dhammaghosakam bhikkhum thapesum. So ye agantva
yattake bhikkhu icchanti tesam te bhikkhu vicaretva deti.
Atheka duggata mahallika itthi ekameva pativimsam sajjetva tesam
manussanam bhikkhusu vicaretva dinnesu ussure dhammaghosakassa
santikam agantava mayham ekam bhikkhum dethati aha. So maya
sabbe bhikkhu vicaretva dinna sariputtatthero pana vihareyeva
---------------------------------------------------------------------------------------------
page20.
Vasati tvam tassa bhikkham dehiti aha. Sa sadhuti tutthacitta
jetavanadvarakotthake thatva therassa agatakale vanditva hatthato
pattam gahetva gharam netva gehe nisidapesi. Ekaya kira
mahallikaya dhammasenapati attano ghare nisidapitoti bahuni saddhani
kulani assosum. Tesu raja passenadikosalo tam pavuttim sutva
tassa satakena ca sahassatthavikaya ca saddhim bhattabhojanani pahini
mayham ayyam parivisamana imam satakam nivasetva ime kahapane
valanjetva theram parivisatuti. Yatha ca raja evam anathapindiko
cullaanathapindiko visakha mahaupasikapi pahinimsu. Annani
pana kulani ekasatadvesatadivasena attano balanurupena kahapane
pahinimsu. Evam ekaheneva sa mahallika satasahassamattam labhi. Thero
pana taya dinnam yagumeva pivitva taya katam khajjakameva pakkabhattameva
ca paribhunjitva bhattanumodanam katva tam mahallikam sotapattiphale
patitthapetva viharameva agamasi. Dhammasabhayam bhikkhu therassa
gunakatham samutthapesum avuso dhammasenapati mahallikam gahapatanim
duggatabhavato mocetva patittha ahosi taya dinnam aharam
ajigucchanto paribhunjatiti. Sattha agantva kayanuttha bhikkhave
etarahi kathaya sannisinnati pucchitva imaya namati vutte na
bhikkhave sariputto idaneva etissa mahallikaya avassayo jato
na idaneva taya dinnam aharamajigucchanto paribhunjati pubbepi
paribhunjatiyevati vatva atitam ahari.
---------------------------------------------------------------------------------------------
page21.
Atite baranasiyam brahmadatte rajjam karente bodhisatto
uttarapathe vanijakule nibbatti. Uttarapathajanapadato pancasata
assavanija asse baranasim anetva vikkinanti. Annataropi.
Assavanijo panca assasatani adaya baranasimaggam patipajji.
Antaramagge baranasito avidure eko nigamagamo atthi. Tattha
pubbe mahavibhavo setthi ahosi. Tassa mahantam nivesanam. Tam
pana kulam anukkamena parikkhayam gatam. Ekava mahallika avasittha.
Sa tasmim nivesane vasati. Athakho so assavanijo tam nigamagamam
patva vettanam te dassamiti tasmim tassa nivesane nivasam
ganhitva asse ekamante thapesi. Tamdivasamevassa ekissa
ajaniyavalavaya gabbhavutthanam ahosi. So dve tayo divase vasitva
asse ca balam gahapetva rajanam passissamiti asse adaya
payasi. Atha nam mahallika gehavettanam dehiti vatva sadhu
amma demiti vutte tata vettanam me dadamano imampi assapotakam
gehavettanato khandetva dehiti aha. Assavanijo tatha
katva pakkami. Sa tasmim assapotake puttasineham paccupatthapetva
athassacamakabhattam vighasatinani datva patijaggi. Athaparabhage
bodhisatto panca assasatani adaya gacchanto tasmim gehe
nivasam ganhi. Kundakakhadakassa sindhavapotakassa thitatthanato
gandham ghayitva eko assopi gehanganam pavisitum nasakkhi.
Bodhisatto tam mahallikam pucchi amma kacci imasmim gehe asso
---------------------------------------------------------------------------------------------
page22.
Atthiti. Tata anno asso nama natthi aham pana puttakam
katva ekam assapotakam patijaggami so ettha atthiti.
Kaham so ammati. Gocaram caritum gato tatati. Kaya velaya
agamissati ammati. Sakalasseva agacchati tatati. Bodhisatto
tassa agamanam patimanento asse bahi thapetvava nisidi.
Sindhavapotakopi gocaram caritva sakalasseva agami. Bodhisatto
kundakakucchisindhavapotakam disva lakkhanani samanetva ayam sindhavo
anaggho sindhavapotakassa mahallikaya mulam datva gahetum vattatiti
cintesi. Sindhavapotakopi geham pavisitva attano vasanatthaneyeva
thito. Tasmim khane te assa geham pavisitum nasakkhimsu. Bodhisatto
dviham tiham vasitva asse santappetva gacchanto amma imam
assapotakam mulam gahetva mayham dehiti aha. Kim vadesi tata
puttam nama vikkinanto na atthiti. Amma tvam etam kim khadapetva
patijaggasiti. Odanakundakam acamakabhattam vighasatinanca
khadapetva kundakayagunca payetva patijaggami tatati.
Amma aham etam labhitva pindarasabhojanam bhojessami thitatthane
celavitanam pasaretva attharakapitthe thapessamiti. Tata evam
sante mama putto bhogasukham anubhavatu gahetvana gacchahiti. Atha
bodhisatto tassa catunnam padanam nangutthassa ca muddhassa ca mulam
ekekam katva cha sahassatthavikayo thapetva mahallikam navavattham
nivasapetva alankaritva sindhavapotakassa purato thapesi. So akkhini
---------------------------------------------------------------------------------------------
page23.
Ummiletva mataram oloketva assuni pavattesi. Sapi tassa
pitthim parimajjitva maya puttaposavanikam laddham tvam gaccha tatati
aha. Tada so agamasi. Bodhisatto punadivase tassa
assapotakassapi rasabhojanam sajjetva vimamsissami tava nam janati
nukho attano balam udahu na janatiti doniyam kundakayagum
akirapetva dapesi. So naham imam bhojanam bhunjissamiti
tam yagum na patum icchi. Bodhisatto tam vimamsento pathamam gathamaha
bhutva tinaparighasam bhutva acamakundakam
etam te bhojanam asi kasmadani na bhunjasiti.
Tattha bhutva tinaparighasanti tvam pubbe mahallikaya dinnam
tesam tesam khaditavasesam tinaparighasasankhatam vighasatinam bhunjitva
vaddhito. Bhutva acamakundakanti ettha acamo vuccati
odanavasanam kundakanti kundakameva etanca bhunjitva
vaddhitositi dipeti. Etam teti etam tava pubbe bhojanam asi.
Kasmadani na bhunjasiti mayapi te tameva dinnam tvam tam kasma
idani na bhunjasiti.
Tam sutva sindhavapotako itara dve gatha avoca
yattha posam na jananti jatiya vinayena va
bahu tattha mahabrahme api acamakundakam
tvanca kho mam pajanasi yadisoyam hayuttamo
jananto janamagamma na te bhakkhami kundakanti.
---------------------------------------------------------------------------------------------
page24.
Tattha yatthati yasmim thane. Posanti sattam. Jatiya
vinayena vati jatisampanno va esa na va acarayutto va
na vati evam na jananti. Mahabrahmeti garukam alapanam
alapanto aha. Yadisoyanti yadiso ayam. Attanam sandhaya
vadati. Jananto janamagammati aham attano balam jananto
janantameva tam agamma paticca tava santike kundakam na bhunjami na
hi tvam kundakam bhojapetukamataya cha sahassani datva mam ganhasiti.
Tam sutva bodhisatto tava vimamsanatthaya tam maya katam ma
kujjhiti tam samassasetva subhojanam bhojetva adaya rajanganam
gantva ekasmim passe panca assasatani katva ekasmim passe
cittasaniya parikkhipitva hettha attharakam pattharitva upari
celavitanam bandhitva sindhavapotakam thapesi. Raja agantva
asse olokento ayam asso kasma visum thapitoti pucchitva
maharaja ayam sindhavo imesu assesu visum akato mocessatiti
sutva sobhano bho sindhavoti pucchi. Bodhisatto ama
maharajati vatva tenahissa javam passissamiti vutte tam assam
kappapetva abhiruhitva passatha maharajati manusse ussarapetva
rajangane pahesi. Sabbam rajanganam nirantaram assapantihi
parikkhittamiva ahosi. Puna bodhisatto passatha maharaja
sindhavapotakassa veganti visajjesi. Ekapurisopi tam na addasa.
Puna rattapatam udare parikkhipitva visajjesi. Rattapatamevassa
---------------------------------------------------------------------------------------------
page25.
Udare katam mahajana passimsu. Atha nam antonagare ekissa
pokkharaniya udakapitthe visajjesi. Tatthassa udakapitthe dhavato
khuragganipi na temimsu. Punekavaram paduminipattanam upari dhavanto
ekapannampi udake na osidapesi. Evamassa javanasampadam
dassetva oruyha panim paharitva hatthatalam upanamesi. Asso
uggantva cattaro pade ekato katva hatthatale atthasi.
Atha mahasatto rajanam aha maharaja imassa assapotakassa
sabbakarena vege dassaniyamane samuddapariyante ratthe nikkhipanto
nappahotiti. Raja tussitva mahasattassa uparajjam adasi
sindhavapotakampi abhisincitva mangalaassam akasi. So ranno
piyo ahosi manapo. Sakkaropissa maha ahosi. Tassapi
vasanatthanam ranno alankatapatiyatto vasitagharagabbho viya ahosi.
Catujatikagandhehi bhumilepanam akamsu. Gandhadamamaladamadini
ossarayimsu. Upari suvannatarakavicittam celavitanam ahosi. Samanta
citrasani parikkhittava ahosi. Niccam gandhatelappadipo jhayi.
Uccarapassavatathanepissa suvannakataham thapayimsu. Niccam rajabhojanameva
bhunji. Tassa pana agatakalato patthaya ranno sakalajambudiparajjam
hatthagatameva ahosi. Raja bodhisattassa ovade thatva
danadini punnani katva saggaparayano ahosi.
Sattha imam dhammadesanam aharitva saccani pakasetva
jatakam samodhanesi. Saccapariyosane bahu sotapanna
---------------------------------------------------------------------------------------------
page26.
Sakadagamino anagamino ahesum. Tada mahallika ayameva mahallika
ahosi. Sindhavo sariputto. Raja anando ahosi.
Assavanijo pana ahamevati.
Kundakakucchisindhavajatakam catuttham
----------
The Pali Atthakatha in Roman Book 38 page 19-26.
http://84000.org/tipitaka/atthapali/read_rm.php?B=38&A=386&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=38&A=386&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=361
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=2022
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=2010
The Pali Tipitaka in Roman Character :-
http://84000.org/tipitaka/read/roman_read.php?B=27&A=2010
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]