AtthaPali Vol.38

sukajatakam yava so mattamannasiti idam sattha jetavane viharanto ekam atibahum bhunjitva ajirakena kalakatam bhikkhum arabbha kathesi. Tasmim kira evam kalakate dhammasabhayam bhikkhu tassa agunakatham samutthapesum avuso asuko bhikkhu attano kucchippamanam ajanitva atibhojanam bhunjitva jirapetum asakkonto kalakatoti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva pubbepesa atibhojanapaccayena matoti vatva atitam ahari. Atite baranasiyam brahmadatte rajjam karente bodhisatto himavantappadese sukayoniyam nibbattitva anekanam sukasahassanam samuddanugate himavantappadese vasanto raja ahosi. Tasseko putto ahosi. Tasmim vayappatte bodhisatto dubbalacakkhu ahosi. Sukanam kira sighavego ahosi. Tena tesam mahallakakale pathamam cakkhumeva dubbalam ahosi. So matapitaro kulavakeyeva katva gocaram aharitva posesi. So ekadivasam gocarabhumim gantva

--------------------------------------------------------------------------------------------- page27.

Pabbatamatthake thito samuddam olokento ekam dipakam passi. Tasmim pana suvannavannam madhuraphalam ambavanam atthi. So punadivase gocaravelaya uppatitva tasmim ambavane otaritva ambarasam pivitva ambapakkam adaya gantva matapitunam adasi. Bodhisatto tam khaditva rasam sanjanitva tata nanu imam asukadipake ambapakkanti vatva ama tatati vutte tata etam dipakam gacchanta suka dighamayum palenta nama natthi ma kho tvam pana tam dipakam agamasiti aha. So tassa vacanam aggahetva agamasiyeva. Athekadivasam bahum ambarasam pivitva matapitunam ambapakkam adaya samuddamatthakena agacchanto atidhavataya kilantakayo niddabhibhuto. So niddayantopi agacchateva. Tundena panassa gahitam ambapakkam pati. So anukkamena agamanavithim jahitva udakeyeva pati. So udakapitthenevagacchanto udake osidati. Atha nam eko maccho gahetva khadi. Bodhisatto tasmim agamanavelaya anagacchanteyeva samudde patitva mato manneti annasi. Athassa matapitaropi aharam alabhamana sussitva marimsu. Sattha atitam aharitva abhisambuddho hutva ima gatha abhasi yava so mattamannasi bhojanasmim vihangamo tava addhanamapadi mataranca aposayi

--------------------------------------------------------------------------------------------- page28.

Yato ca kho so bahutaram bhojanam ajjhavahari tato tattheva samsidi amattannu ca so ahu tasma mattannuta sadhu bhojanasmim agiddhita amattannu hi sidanti mattannuva na sidareti. Tattha yava soti yava so vihangamo bhojanamattamannasi. Tava addhanamapaditi tattakam kalam jivitaddhanam apadi ayum vindi. Matarancati desanasisamattametam. Matapitaro ca aposayiti attho. Yato ca khoti yasmim ca kho kale. Bhojanam ajjhavahariti ambarasam ajjhohari. Tatoti tasmim kale. Tattheva samsiditi tasmim samuddeyeva osidi nimmujji macchabhojanattam apajji. Tasma mattannuta sadhuti yasma bhojane amattannu suko samudde osiditva mato tasma bhojanasmim agiddhitasankhata mattannuta sadhu pamanajananam sundaranti attho. Athava. Patisankha yoniso aharam ahareti neva davaya na madaya .pe. Phasuviharo cati allam sukkham ca bhunjanto na balham suhito siya onodaro mitaharo sato bhikkhu paribbaje cattaro panca alope abhutva udakam pive alam phasuviharaya pahitattassa bhikkhuno manujassa sada satimato mattam janato laddhabhojanassa

--------------------------------------------------------------------------------------------- page29.

Tanukassa bhavanti vedana sanikam jirati ayu palayanti evam vannita mattannutapi sadhu. Kantare puttamamsamva akkhassabbhanjanam yatha evam ahari aharam yapanatthaya amucchitoti evam vannita agiddhitapi sadhu. Paliyam pana agiddhimati likhitam. Tato ayam atthakathapatho sundarataro. Amattannu hi sidantiti bhojane pamanam ajananta hi rasatanhavasena papakammam katva catusu apayesu sidanti. Mattannuva na sidareti ye pana bhojane pamanam jananti te ditthadhammepi samparayepi na sidantiti. Sattha imam dhammadesanam aharitva saccani pakasetva jatakam samodhanesi. Saccapariyosane bahu sotapannapi sakadagaminopi anagaminopi arahantopi ahesum. Tada bhojane amattannu bhikkhu sukarajaputto ahosi. Sukaraja pana ahamevati. Sukajatakam pancamam ---------

The Pali Atthakatha in Roman Book 38 page 26-29. http://84000.org/tipitaka/atthapali/read_rm.php?B=38&A=529&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=529&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=364 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2032 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2020 The Pali Tipitaka in Roman Character :- http://84000.org/tipitaka/read/roman_read.php?B=27&A=2020 Contents of The Tipitaka Volume 27 http://84000.org/tipitaka/read/?index_27