AtthaPali Vol.38

supattajatakam baranassam maharajati idam sattha jetavane viharanto bimbadeviya sariputtattherena dinnam rohitamaccharasanavasappimissakam salibhattam arabbha kathesi. Vatthu hettha kathitaabbhantarajatakavatthusadisameva. Tadapi hi theriya udaravato kuppi. Rahulabhadro therassa acikkhi. Thero tam asanasalayam nisidapetva kosalaranno @Footnote: ¹ amattoti appamanena. Nivesanam gantva rohitamaccharasanavasappimissakam salibhattam aharitva tassa adasi. So aharitva matu theriya adasi. Tassa bhuttamattaya udaravato patippassambhi. Raja purise pesetva parigganhapetva tato patthaya theriya tatharupam bhattam adasi. Athekadivasam bhikkhu dhammasabhayam katham samutthapesum avuso dhammasenapati therim evarupena nama bhojanena santappesiti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva sariputto rahulamatuya patthitam deti pubbepi adasiyevati vatva atitam ahari. Atite baranasiyam brahmadatte rajjam karente bodhisatto kakayoniyam nibbattetva vayappatto asitiya kakasahassanam jetthako supatto nama raja ahosi. Aggamahesi panassa supassa ^1- nama kaki ahosi. Senapati sumukho nama. So asitiya kakasahassehi parivuto baranasim upanissaya vasi. So ekadivasam supassam adaya gocaram pariyesamano baranasiranno mahanasamatthakena agamasi. Sudo ranno nanamacchamamsavikatiparivaram bhojanam sampadetva thokam bhajanani vivaritva usumam palapento atthasi. Supassa macchamamsagandham ghayitva rajabhojanam bhunjitukama hutva tamdivasam akathetva dutiyadivase ehi bhadde gocaraya @Footnote: ¹ suphassa. Gamissamati vutta tumhe gacchatha mayham eko dohalo atthiti vatva kimdohaloti vutte baranasiranno bhojanam bhunjitukamamhi na kho pana sakka maya tam laddhum tasma jivitam pariccajissami devati aha. Bodhisatto cintayamano nisidi. Sumukho agantva kim maharaja anattamanositi pucchi. Raja tamattham arocesi. Senapati ma cintayi maharajati te ubhopi assasetva ajja tumhe idheva hotha mayam bhattam aharissamati vatva pakkami. So kake sannipatetva tam karanam kathetva etha bhattam aharissamati kakehi saddhim baranasim pavisitva mahanasassavidure kake vagge vagge katva tasmim tasmim thane arakkhanatthaya thapetva sayam atthahi kakayodhehi saddhim mahanasacchadane nisidi. Ranno bhattaharanakalam olokayamano te ca kake aha aham ranno bhatte ahariyamane bhajanani patessami bhajanesu pana patitesu mayham jivitam natthi tumhe cattaro jana mukhapuram bhattam cattaro macchamamse gahetva netva sapajapatikam kakarajanam bhojetha kaham senapatiti vutte pacchato ehititi vadeyyathati. Atha sudo ranno bhojanavikatim sampadetva bhajanam kajena gahapetva rajakulam pavisi. Tassa rajanganam gatakale kakasenapati kakanam sannam datva sayam opatitva bhattaharakassa ure nisiditva nakhapanjarena paharitva kanayaggasadisena tundena nasaggamassa abhihananto utthaya dvihi pakkhapadehi mukhamassa pidahi. Raja Mahatale cankamanto mahavatapanena oloketva tam kakassa kiriyam disva bhattaharakassa saddam datva bho bhattaharaka bhajanani chaddetva kakameva ganhahiti aha. So bhajanani chaddetva kakam dalham ganhi. Rajapi tam ito ehiti aha. Tasmim khane te kaka agantva attano pahonakam bhunjitva sesam vuttaniyameneva gahetva agamamsu. Tato sesa agantva sesam bhunjimsu. Tepi attha jana gantva tam rajanam sapajapatikam bhojesum. Supassaya dohalo vupasami. Bhattaharako kakam ranno upanesi. Atha nam raja pucchi bho kaka tvam mamanca na lajji bhattaharakassa ca nasam khandesi bhattabhajanani ca bhindi attano ca jivitam na rakkhi kasma evarupam kammam akasiti. Kako maharaja amhakam raja baranasim upanissaya vasati ahamassa senapati tassa supassa nama bhariya dohalini tumhakam bhojanam bhunjitukama raja tassa dohalam mayham acikkhi aham tasseva mama jivitam pariccajitva agato idani me tassa bhojanam pesitam mayham manoratho matthakam patto imina karanena maya evarupam katanti dipento ima gatha aha baranassam maharaja kakaraja nivasiko asitiya sahassehi supatto parivarito tassa dohalini bhariya supassa bhakkhitumicchati ranno mahanase pakkam paccaggham rajabhojanam Tesaham pahito duto ranno camhi idhagato bhattu apacitim kummi nasayamakaram vananti. Tattha baranassanti baranasiyam. Nivasikoti nibaddhavasanako. Pakkanti nanappakarena sampaditam. Keci siddhanti sajjhayanti. Paccagghanti abbhunham aparivasikam macchamamsavikatisu paccekapakamettha mahagghantipi paccaggham. Tesaham pahito duto ranno camhi idhagatoti tesam ubhinnampi aham duto anattikaro ranno camhi pahito tasma idha agatoti attho. Bhattu apacitim kummiti svaham evam agato attano bhattu apacitim sakkarasammanam karomi. Nasayamakaram vananti maharaja imina karanena tumhe ca attano ca jivitam aganayitva bhattabhajanam patapetum bhattaharakassa nasaya mukhatundakena vanam akasim maya attano ranno apaciti kata idani me tumhe yam icchatha tam dandam karothati. Raja tassa vacanam sutva mayam tava manussabhutava manussabhutanam mahantam yasam datva amhakam suhajje katum na sakkoma gamadini dadamanapi amhakam jivitadayakam na labhama ayam kako samano attano ranno jivitam pariccaji ativiya sappuriso madhurassaro dhammakathikoti ^1- tassa gunesu pasiditva tanca setacchattena pujesi. So attano laddhena setacchattena rajanameva pujetva bodhisattassa gune kathesi. Raja tam pakkosapetva @Footnote: ¹ dhammikoti. Dhammam sutva ubhinnampi tesam attano bhojananiyamena bhattam patthapesi sesakakanam devasikam ekadonitandulodanam ^1- pacapesi sayanca bodhisattassa ovade thatva sabbasattanam abhayam datva panca silani rakkhi. Supattakakovado pana sattavassasatani pavattati. Sattha imam dhammadesanam aharitva jatakam samodhanesi tada raja anando ahosi senapati sariputto supassa rahulamata supatto pana ahamevati. Supattajatakam dutiyam --------

The Pali Atthakatha in Roman Book 38 page 199-204. http://84000.org/tipitaka/atthapali/read_rm.php?B=38&A=4151&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=4151&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=475 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2493 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2454 The Pali Tipitaka in Roman Character :- http://84000.org/tipitaka/read/roman_read.php?B=27&A=2454 Contents of The Tipitaka Volume 27 http://84000.org/tipitaka/read/?index_27