AtthaPali Vol.38

Pucimandavaggavannana ----------- pucimandajatakam utthehi cora kim sesiti idam sattha veluvane viharanto ayasmantam mahamoggallanam arabbha kathesi. There kira rajagaham upanissaya arannakutikaya viharante eko coro nagaradvaragame ekasmim gehe sandhim chinditva hatthasaram adaya palayitva therassa kutiparivenam pavisitva idha mayham arakkho bhavissatiti therassa pannasalappamukhe nipajji. Thero tassa pamukhe sayitabhavam natva tasmim asankitam katva corasamsaggo nama na vattatiti nikkhamitva ma idha re sayiti nihari. Coro tato nikkhamitva padam mohetva ^1- palayi. Manussa ukkamadaya corassa padanusarena tattha agantva tassa agatatthanathitatthana- sayitatthanadini disva coro ito agato idha thito idha nisinno imina thanena palato na dittho noti itocitoca pakkhanditva adisvava patigata. Punadivase thero pubbanhasamayam rajagaham pindaya caritva pindapatapatikkanto veluvanam gantva tam pavuttim satthu arocesi. Sattha na kho moggallana tvanneva asankitabbayuttakam asanki poranakapanditapi asankimsuti vatva @Footnote: ¹ mocetva. Therena yacito atitam ahari. Atite baranasiyam brahmadatte rajjam karente bodhisatto nagarassa susanavane nimbarukkhadevata hutva nibbatti. Athekadivasam nagaradvare game katakammacoro tam susanavanam pavisi. Tada pana tattha nimbo ca assattho cati dve jetthakarukkha. Coro nimbarukkhamule bhandakam thapetva nipajji. Annasmim pana kale core gahetva nimbasule uttasenti. Atha sa devata cintesi sace manussa agantva imam coram gahessanti imasseva nimbassa sakham chinditva sulam katva etam uttasessanti evam sante rukkho nassissati handa nam ito niharissamiti. Sa tena saddhim sallapanti pathamam gathamaha utthehi cora kim sesi ko attho supinena te ma tam gahesum rajano game kibbisakarakanti. Tattha rajanoti rajapurise sandhaya vuttam. Kibbisakarakanti darunasahasikacorakammakarakam. Iti nam vatva yava rajapurisa na ganhanti tava annattha gacchati bhayapetva palapesi. Tasmim pana gate assatthadevata dutiyam gathamaha nanu ^1- coram gahessanti game kibbisakarakam kim tattha pucimandassa vane jatassa titthatoti. @Footnote: ¹ yannu. Tattha vane jatassa titthatoti rukkho ^1- vane jato ceva thito ca. Devata ^2- pana tattha nibbattatta rukkhasamudacareneva samudacari. Tam sutva nimbadevata tatiyam gathamaha na tvam assattha janasi mama corassa cantaram coram gahetva rajano game kibbisakarakam accenti ^3- nimbasulasmim tasmim me sankate manoti. Tattha assatthati purimanayeneva tasmim nibbattadevata samudacarati. Mama corassa cantaranti mama ca corassa ca ekato avasanakaranam. Accenti nimbasulasminti imasmim kale rajano coram nimbasule avunanti. Tasmim me sankate manoti tasmim karane mama cittam sankati sace hi imam sule avunissanti vimanam me nassissati atha sakhaya olambessanti vimane me kunapagandho bhavissati tenaham etam palapesinti. Evam tasam devatanam annamannam sallapantananneva dhanasamika ukkahattha padanusarenagantva corassa sayitatthanam disva ambho idani coro utthaya ca palato na laddho no coro sace alabhissama imasseva nam nimbassa sule va avunitva sakhaya va olambitva gamissamati vatva itocitoca pakkhanditva coram adisvava gata. Tesam sutva assatthadevata catuttham gathamaha @Footnote: ¹ nimbo . ² devatam . ³ appenti. Sankeyya sankitabbani rakkheyyanagatam bhayam anagatabhaya dhiro ubho loke avekkhatiti. Tattha rakkheyyanagatam bhayanti dve anagatabhayani ditthadhammikanceva samparayikanca tesu papamitte parivajjento ditthadhammikam rakkhati tini duccaritani parivajjento samparayikam rakkhati. Anagatabhayati anagatabhayahetu tam bhayam asankayamano. Dhiroti pandito puriso papamittasamsaggam na karoti tihi dvarehi duccaritam na carati. Ubho loketi evam bhayanto hesa idhalokaparalokasankhate ubho loke avekkhati oloketi sankayamano idhalokabhayena papamitte vajjeti paralokabhayena papakammam na karoti. Sattha imam dhammadesanam aharitva jatakam samodhanesi tada assatthanibbattadevata sariputto ahosi nimbadevata pana ahamevati. Pucimandajatakam pathamam ------------

The Pali Atthakatha in Roman Book 38 page 267-270. http://84000.org/tipitaka/atthapali/read_rm.php?B=38&A=5550&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=5550&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=542 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2763 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2725 The Pali Tipitaka in Roman Character :- http://84000.org/tipitaka/read/roman_read.php?B=27&A=2725 Contents of The Tipitaka Volume 27 http://84000.org/tipitaka/read/?index_27