AtthaPali Vol.38

godhajatakam samanantam mannamanoti idam sattha jetavane viharanto kuhakam bhikkhum arabbha kathesi. Vatthu hettha vittharitameva. Idhapi bhikkhu tam bhikkhum anetva ayam bhante kuhakoti satthu dassesum. Sattha na bhikkhave idaneva pubbepi esa kuhakoyevati vatva atitam ahari. Atite baranasiyam brahmadatte rajjam karente bodhisatto godhayoniyam nibbattitva vayappatto kayupapanno aranne vasati. Eko dussilatapaso tassa avidure pannasalam mapetva vasam kappesi. Bodhisatto gocaraya caranto tam disva silavantatapasassa pannasala bhavissatiti tattha gantva tam vanditva attano vasanatthanameva gato. Athekadivasam so kutatapaso upatthakakulesu sampaditam madhuramamsam labhitva kim mamsannametanti pucchitva

--------------------------------------------------------------------------------------------- page333.

Godhamamsanti sutva rasatanhaya abhibhuto mayham assamapadam nibaddham agacchamanam godham maretva yatharucim pacitva khadissamiti sappidadhikatukabhandadini gahetva tattha gantva muggaram kasavena paticchadetva bodhisattassagamanam olokento pannasaladvare upasantupasanto viya nisidi. So agantva tam padutthindriyam disva imina amhakam sajatikamamsam khaditam bhavissati parigganhami nanti adhovate thatva sariragandham ghayitva sajatikamamsassa khaditabhavam natva tapasam anupagamma patikkamitva cari. Sopi tassa anagamanam natva muggaram khipi. Muggaro sarire apatitva nangutathakotim papuni. Tapaso gaccha viraddhosmiti aha. Bodhisatto mam tava viraddhosi cattaro pana apaye na viraddhositi palayitva cankamanakotiyam thitavammikam pavisitva annena chiddena sisam niharitva tena saddhim sallapanto dve gatha abhasi samanantam mannamano upaganchim asannatam so mam dandena pahasi yatha assamano tatha kinte jatahi dummedha kinte ajinasatiya abbhantarante gahanam bahiram parimajjasiti. Tattha asannatanti kayadihi asannatam assamanameva samanam tam samano esoti samitapapataya samataya samanoti mannamano upaganchim. Pahasiti pahari. Ajinasatiyati ekamsam katva parutena ajinacammena tuyham ko attho. Abbhantaranteti tava sarirabbhantaram

--------------------------------------------------------------------------------------------- page334.

Visapuram viya alabu guthapuro viya avato asivisapuro viya vammiko kilesagahanam. Bahiranti kevalam bahi sariram parimajjasi (ti) anto pharusataya bahi matthataya hatthilandam viya assalandam viya ca hoti. Tam sutva tapaso tatiyam gathamaha ehi godha nivattassu bhunja salinamodanam telam lonanca me atthi pahutam mayham pipphaliti. Tattha pahutam mayham pipphaliti na kavalam salinamodanam telalonameva hingujirakasingiveramaricapipphalippabhedam katukabhandampi mayham bahu atthi tenabhisankhatam salinamodanam bhunja ehiti. Tam sutva bodhisatto catuttham gathamaha esa bhiyyo pavekkhami vammikam sataporisam telam lonanca kintesi ahitam mayham pipphaliti. Tattha pavekkhamiti pavisissami. Ahitanti yam etam tava katukabhandasankhatam pipphali etam mayham ahitam asappayanti. Evancapana vatva are kutajatila sace idha vasissasi gocaragamamanusseva tam ayam coroti gahapetva vippakaram papessami khippam palayassuti tam tajjesi. Kutajatilo tato palayi. Sattha imam dhammadesanam aharitva jatakam samodhanesi tada kutajatilo ayam kuhakabhikkhu ahosi godharaja pana ahamevati. Godhajatakam pancamam ----------

The Pali Atthakatha in Roman Book 38 page 332-334. http://84000.org/tipitaka/atthapali/read_rm.php?B=38&A=6902&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=6902&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=598 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2955 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2917 The Pali Tipitaka in Roman Character :- http://84000.org/tipitaka/read/roman_read.php?B=27&A=2917 Contents of The Tipitaka Volume 27 http://84000.org/tipitaka/read/?index_27