บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ananusociyajatakam bahunam vijjati bhotiti idam sattha jetavane viharanto ekam kutumbikam matabhariyam arabbha kathesi. So kira bhariyaya mataya na nhayati na bhunjati na kammante payojesi. Annadatthum sokabhibhuto alahanam gantva paridevamano vicari. Abbhantare panassa kute dipo viya sotapattimaggassa upanissayo jalati. Sattha paccusasamaye lokam volokento tam disva Imassa mam thapetva anno koci sokam niharitva sotapattimaggassa dayako natthi bhavissamissa avassayoti pacchabhattam pindapatapatikkanto pacchasamanam adaya tassa gehadvaram gantva kutumbikena sutagamano katapaccuggamanadisakkaro pannattasane nisinno kutumbikam agantva ekamante nisinnam kim upasaka cintesiti pucchitva ama bhante bhariya me kalakata tam anusocanto cintemiti vutte upasaka bhijjanadhammam nama bhijjati tasmim bhinne na yuttam cintetum poranakapanditapi bhariyaya mataya bhijjanadhammam bhinnanti na cintayimsuti vatva tena yacito atitam ahari. Atitavatthu dasakanipate cullabodhijatake avibhavissati. Ayam panettha sankhepo. Atite baranasiyam brahmadatte rajjam karente bodhisatto brahmanakule nibbattitva vayappatto takkasilayam sabbasippani ugganhitva matapitunam santikam agamasi. Imasmim jatake bodhisatto komarabrahmacari ahosi. Athassa matapitaro tava bhariyapariyesanam karomati arocayimsu . Bodhisatto na mayham gharavasenattho aham tumhakam accayena pabbajissamiti vatva tehi punappunam yacito ekam kancanarupam karetva evarupam kumarikam labhamano ganhissamiti aha. Tassa matapitaro tam kancanarupakam paticchannayane aropetva gacchatha jambudipatalam vicaranta yatthevarupam brahmanakumarikam passatha tatthimam kancanarupakam datva tam anethati mahantena Parivarena manusse pesesum. Tasmim pana kale eko punnava satto brahmalokato cavitva kasikarattheyeva nigamagame asitikotivibhavassa brahmanassa gehe kumarika hutva nibbatti. Sammillahasiniti 1- tassa namam akamsu. Sa solasavassikakale abhirupa ahosi pasadika devaccharapatibhaga sabbangasampanna. Tassapi kilesavasena cittam nama na uppannapubbam. Accantabrahmacarini ahosi. Kancanarupakam adaya vicaranta tam gamam papunimsu. Tattha manussa tam disva asukabrahmanassa dhita sammillahasini kimkarana idha thitati ahamsu. Manussa tam sutva brahmanakulam gantva sammillahasinim varesum. Sa aham tumhakam accayena pabbajissami na me gharavasenatthoti matapitunam sasanam pesesi. Te kim karosi kumariketi vatva kancanarupakam gahetva tam mahantena parivarena pesayimsu. Bodhisattassa ca sammillahasiniya ca ubhinnampi anicchantananneva mangalam karimsu. Te ekasmim gabbhe vasamana ekasmim sayane sayantapi na annamannam kilesavasena olokayimsu. Dve bhikkhu dve brahmano viya ca ekatthane vasimsu. Aparabhage bodhisattassa matapitaro kalamakamsu. So tesam sarirakiccam katva sammillahasinim pakkosapetva bhadde mama kulasantaka asitikotiyo tava kulasantaka asitikotiyoti imam ettakam dhanam gahetva imam kutumbam patipajjahi aham pabbajissamiti aha. @Footnote: 1 sammillabhasini. Ayyaputta tayi pabbajante ahampi pabbajissami na sakkomi tam jahitunti. Te sabbam dhanam danamukhe visajjetva khelapindam viya sampattim chaddetva himavantam pavisitva ubhopi tapasapabbajjam pabbajitva vanamulaphalahara tattha ciram vasitva lonambilasevanatthaya himavanta otaritva anupubbena baranasiyam patva rajuyyane vasimsu. Tesam tattha vasantanam sukhumalaya paribbajikaya nirojam missakabhattam paribhunjantiya lohitapakkhandikabadho uppajji. Sa sappayabhesajjam alabhamana dubbala ahosi. Bodhisatto bhikkhacaravelaya tam viniggahetva nagaradvaram netva ekissa salaya phalake nipajjapetva sayam bhikkhaya pavisati. Sa tasmim anikkhanteyeva kalamakasi. Mahajana paribbajikaya rupasampattim disva parivaretva rodanti paridevanti. Bodhisatto bhikkham caritva agato tassa matabhavam natva bhijjanadhammam bhijjati sabbe sankhara anicca evamgatikayevati taya nipannaphalakeyeva nisiditva missakabhojanam bhunjitva mukham vikkhalesi. Parivaretva thitamahajano ayam te bhante paribbajika kim hotiti pucchi. Gihikale me padaparicarika ahositi. Bhante mayam tava na sahama 1- rodama paridevama tumhe kasma na rodathati. Bodhisatto jivantavesa mama kinci hoti idani paralokasamangitaya na kinci hoti parajanavasam gata aham kasma rodamiti mahajanassa dhammam desento @Footnote: 1 santhambhama. Ima gatha abhasi bahunam vijjati bhoti tehi me kim bhavissati tasma etam na socami piyam sammillahasinim tam tance anusoceyya yam yam tassa na vijjati attanamanusoceyya sada maccuvasampattam na heva thitam nasinam na sayanam na patthagum 1- yavuppatti nimissati 2- tatrapi sarati vayo tatthattani vatappanthe 3- vinabhave asamsaye bhutam sesam dayitabbam cavitam ananusociyanti 4-. Tattha bahunam vijjatiti ayam bhoti amhe chaddetva idani annesam bahunam matakasattanam antare vijjati atthi upalabbhati. Tehi me kim bhavissatiti tehi matakasattehi saddhim vattamana idaneva sa mayham kim bhavissati tehi va sattehi atirekasambandhavaseneva sa mayham kim bhavissati ka nama bhavissati kim bhariya udahu bhaginiti. Tehi mekantipi patho. Tehi matakehi saddhim idampi me kalevaram ekam bhavissatiti attho. Tasmati yasma esa mata matakesu samagata mayham na kinci hoti tasma etam na socami. Yam yam tassati yam yam tassa anusocanakassa sattassa na vijjati natthi matam niruddham tam tam sace anusoceyyati attho. @Footnote: 1 paddhagum . 2 yava pati nimisati. yavummiti nimissati . 3 vatabbaddhe. @4 vitam ananusocitam. Yassatipi patho. Yam yam yassa vijjati tance so anusoceyyati attho. Maccuvasampattanti evam sante niccam maccuvasam pattam gacchantam attanameva anusoceyya tenassa anusocanakaloyeva na bhaveyyati attho. Tatiyagathaya. Na heva thitam nasinam na nipannam na patthagum kinci sattam ayusankharo anugacchatiti pathaseso. Tattha patthagunti samparivattetva caramanam. Idam vuttam hoti ime satta catusu iriyapathesu pamatta viharanti ayusankhara pana rattinca divanca sabbiriyapathesu appamatta attano khayagamanakammameva karontiti. Yavuppatti nimissatiti ayamhi tasmim kale voharo. Idam vuttam hoti yava ummissati ca nimmissati ca tatrapi evam appamattake kale imesam sattanam sarati vayo tisu vayesu seso vayo parihayateva na vaddhati. Tatthattani vatappantheti tattha vata attani panthe. Idam vuttam hoti tasmim vata evam saramane vaye ayam attati sankhyam gato attabhavo pantho hoti pasena bandho upaddho aparipunnova hoti evam tattha imasmim attani panthe yo cesa tattha tattha nibbattanam vinabhavo asamsayo tasmim vinabhavepi asamsaye nissamsaye bhutam sesam amatam tam sesam jivamanam jivamanameva dayitabbam mettayitabbam ayam satto arogo hotu abyapajjhoti evam tasmim mettabhavana katabba yam panetam cavitam vigatam matam ananusociyam ananusocitabbanti. Evam mahasatto catuhi gathahi aniccakaram dipento dhammam desesi. Mahajano paribbajikaya sarirakiccam karesi. Bodhisatto himavantam pavisitva jhanabhinna nibbattetva brahmalokaparayano ahosi. Sattha imam dhammadesanam aharitva saccani pakasetva jatakam samodhanesi. Saccapariyosane kutumbiko sotapattiphale patitthahi. Tada sammillahasini rahulamata ahosi. Tapaso pana ahamevati. Ananusociyajatakam atthamam ---------------The Pali Atthakatha in Roman Book 38 page 342-348. http://84000.org/tipitaka/atthapali/read_rm.php?B=38&A=7118&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=7118&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=610 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2990 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2952 The Pali Tipitaka in Roman Character :- http://84000.org/tipitaka/read/roman_read.php?B=27&A=2952 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]