AtthaPali Vol.38

kalabahujatakam yam annapanassati idam sattha veluvane viharanto hatalabhasakkaram devadattam arabbha kathesi. Devadattena hi tathagate atthanakopam bandhitva dhanuggahesu payojitesu nalagirivisajjanena tassa doso pakato jato. Athassa patthapitani dhuvabhattadini manussa harimsu. Rajapi nam na olokesi. So hatalabhasakkaro kulesu vinnapetva bhunjanto vicari. Bhikkhu dhammasabhayam katham samutthapesum avuso devadatto labhasakkaram uppadessamiti uppannampi thiram katum nasakkhiti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva pubbepesa hatalabhasakkaro ahositi vatva atitam ahari. Atite baranasiyam dhananjaye rajjam karente bodhisatto radho nama sukko ^1- ahosi mahaparivaro paripunnagatto. Kanittho panassa potthapado nama. Eko luddako te dvepi jane bandhitva netva baranasiranno adasi. Raja ubhopi te suvannapanjare pakkhipitva suvannatattakena madhulaje khadapento sakkharodakam payento patijaggi. Sakkaro maha ahosi. Labhaggayasaggappatta ahesum. Atheko vanacarako kalabahum namekam mahakalamakkatam anetva ranno adasi. Tassa paccha agatatta mahantataro labhasakkaro ahosi. Sukkanam parihayati. Bodhisatto tadilakkhanayogatta na kinci aha. Kanittho panassa tadilakkhanabhava tam makkatassa sakkaram asahanto bhatika pubbe imasmim rajakule sadhurasakhadaniyadini amhakameva denti idani pana mayam na labhama kalabahumakkatassevaharanti mayam dhananjayaranno santika labhasakkaram alabhanta imasmim thane kim karissama ehi arannameva gantva vasissamati tena saddhim sallapanto pathamam gathamaha yam annapanassa pure labhama tandani sakhamigameva gacchati gacchamadani vanameva radha asakkatavamha dhananjayayati. Tattha yam annapanassati yam annapanam assa ranno santika. @Footnote: ¹ suko. Upayogatthe va samivacanam. Dhananjayayati karanatthe sampadanavacanam. Dhananjayena asakkatavamha annapananca na labhama iminava na sakkatamhati attho. Tam sutva radho dutiyam gathamaha labho alabho ayaso yaso ca ninda pasamsa ca sukham dukkhanca ete anicca manujesu dhamma ma soci kim socasi potthapadati. Tattha yasoti issariyaparivaro. Ayasoti tassabhavo. Eteti ete attha lokadhamma manujesu anicca labhaggayasaggappattapi hutva aparena samayena appalabha appasakkara honti niccalabhino nama natthi. Yasadisupi eseva nayo. Tam sutva potthapado makkate ussuyam apanetum asakkonto tatiyam gathamaha addha tuvam panditakosi radha janasi atthani anagatani katham nukho sakhamigam dakkhama niddhapitam ^1- rajakulatova jammanti. Tattha katham nukhoti kena nukho upayena. Dakkhamati dakkhissama. Niddhapitanti nicchuddam nikkaddhitam. Jammanti lamakam. @Footnote: ¹ nibbapitam. Tam sutva radho catuttham gathamaha caleti kannam bhakutim karoti mahum mahum bhayate kumare sayameva tam kahati kalabahu yenaraka thassati annapanati. Tattha bhayate kumareti rajakumare utraseti. Yenaraka thassatiti yena karanena imamha annapana dure thassati sayameva tam karanam karissati ma tvam etassa cintayiti attho. Kalabahupi katipaheneva rajakumaranam purato kannacalanadini karonto kumare bhayapesi. Te bhitabhita viravamakamsu. Raja kim etanti pucchitva tamattham sutva nikkaddhatha nanti makkatam nikkaddhapesi. Sukkanam labhasakkaro puna pakatikova ahosi. Sattha imam dhammadesanam aharitva jatakam samodhanesi tada kalabahu devadatto ahosi potthapado anando radho pana ahamevati. Kalabahujatakam navamam ------------

The Pali Atthakatha in Roman Book 38 page 348-351. http://84000.org/tipitaka/atthapali/read_rm.php?B=38&A=7239&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=7239&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=614 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3003 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2964 The Pali Tipitaka in Roman Character :- http://84000.org/tipitaka/read/roman_read.php?B=27&A=2964 Contents of The Tipitaka Volume 27 http://84000.org/tipitaka/read/?index_27