AtthaPali Vol.38

vanarajatakam asakkhim vata attananti idam sattha veluvane viharanto devadattassa vadhaya parisakkanam arabbha kathesi. Vatthu vittharitameva. Atite pana baranasiyam brahmadatte rajjam karente bodhisatto himavantappadese kapiyoniyam nibbattitva vayappatto gangatire vasi. Atheka antogangaya sumsumari bodhisattassa hadayamamse dohalam uppadetva sumsumarassa kathesi. So tam kapim udake nimmujjapetva maretva hadayamamsam sumsumariya dassamiti cintetva mahasattam aha ehi samma antaradipake ambaphalam ^2- khaditum gacchamati. Aham katham gamissamiti aha. Tam mama pitthiyam nisidapetva nessamiti. So tassa cittam ajananto langhitva @Footnote: ¹ kandarijatakam . ² phalaphale. Pitthiyam nisidi. Sumsumaro thokam gantva nimmujjitum arabhi. Atha nam banaro kim mam bho udake nimmujjapesiti aha. Ahantam maretva tava hadayamamsam mama bhariyaya dassamiti. Handa ^1- tvam mama hadayamamsam ureti mannasiti. Atha kaham te thapitanti. Etam udumbare olambantam na passasiti. Passami dassasi pana meti. Ama dassamiti. Sumsumaro dandhataya nam gahetva naditire udumbaramulam gato. Bodhisatto tassa pitthito langhitva udumbararukkhe nisinno ima gatha abhasi asakkhim vata attanam utthatum udaka thalam nadanaham puna tuyham vasam gacchami varija alametehi ambehi jambuhi panasehi ca yani param samuddassa varam mayham udumbaro yo ca uppatitam attham na khippamanubujjhati amittavasamanveti paccha ca anutappati yo ca uppatitam attham khippameva nibodhati muccate sattusambadha na ca pacchanutappatiti. Tattha asakkhim vatati samattho vata ahosim. Utthatunti uddharitum. Varijati sumsumaram alapati. Yani param samuddassati gangam samuddanamenalapanto yani samuddassa param gantva khaditabbani alantehiti vadati. Paccha ca anutappatiti uppannam @Footnote: ¹ dandha. Attham khippam ajananto amittavasam gacchati paccha ca anutappatiti. Iti so catuhi gathahi lokiyakiccanam nipphattikaranam kathetva vanasandameva gato. Sattha imam dhammedesanam aharitva jatakam samodhanesi tada sumsumaro devadatto ahosi banaro pana ahamevati. Vanarajatakam dutiyam -----------

The Pali Atthakatha in Roman Book 38 page 393-395. http://84000.org/tipitaka/atthapali/read_rm.php?B=38&A=8165&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=8165&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=666 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3202 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3176 The Pali Tipitaka in Roman Character :- http://84000.org/tipitaka/read/roman_read.php?B=27&A=3176 Contents of The Tipitaka Volume 27 http://84000.org/tipitaka/read/?index_27