|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Pabbajitavihethakajatakam
dubbannarupanti idam sattha jetavane viharanto lokatthacariyam
arabbha kathesi. Vatthum mahakanhajatake avibhavissati.
Tada pana sattha na bhikkhave idaneva pubbepi tathagato
lokassa attham caratiyevati vatva atitam ahari
atite baranasiyam brahmadatte rajjam karente bodhisatto
sakko ahosi. Tada eko vijjadharo mantavijjam parivattetva
addharattikasamaye sirigabbham pavisitva baranasiranno aggamahesiya
saddhim aticarati. Tassapi paricarikayo ranno arocesum. Sa
sayameva rajanam upasankamitva aha deva eko puriso addha-
rattikasamaye sirigabbham pavisitva mam dusetiti. Sakkhissasi panassa
kinci sannanam katunti. Sakkomi devati. Sa jatihingukapatim
aharapetva tassa purisassa rattim agantva abhiramitva
gacchantassa pitthiyam pancangulikam datva patova ranno arocesi.
Raja manusse anapesi gacchatha sabbadisasu oloketva pitthiyam
jatihingulikkham purisam ganhathati. Vijjadharopi rattim anacaram katva
diva susane suriyam namassanto ekapadena titthati. Rajapurisa
---------------------------------------------------------------------------------------------
page101.
Tam disva parivarayimsu. So pakatam me kammam jatanti vijjam
parivattetva akasena uppatitva gato. Raja te disva
agatapurise addasathati pucchi. Ama addasamati. Ko
namesoti. Pabbajito devati. So hi rattim anacaram katva
diva pabbajitavesena vasati. Raja ime diva samanavesena
caritva rattim anacaram karontiti pabbajitanam kujjhitva micchagahanam
gahetva mayham vijita sabbe pabbajita palayantuti ditthaditthatthane
rajanam karissathati bherincarapesi. Tiyojanasatika kasikarattha
palayitva sabbe pabbajita anna rajadhaniyo agamimsu. Sakala-
kasikaratthe manussanam ovadadayako ekopi dhammikasamanabrahmano
na ahosi. Anovadaka manussa pharusa ahesum. Danasiladim
muncetva matamata yebhuyyena apaye nibbattimsu. Sagge
nibbattanaka nama nahesum. Sakko navadevaputte apassanto
kim nu kho karananti avajjetva vijjadharam nissaya baranasiranna
kuddhena micchagahanena pabbajitanam rattha pabbajaniyabhavam natva
thapetva mam anno imassa ranno micchagahanam bhinditum samattho
nama natthi ranno ca ratthavasinanca avassayo bhavissamiti
cintetva nandamulakapabbhare paccekabuddhanam santikam gantva
vanditva bhante mayham ekam mahallakapaccekabuddham detha kasikarattham
pasadessamiti aha. So sanghattherameva labhi. Athassa pattacivaram
gahetva tam purato katva sayam pacchato hutva sirasmim anjalim
---------------------------------------------------------------------------------------------
page102.
Thapetva paccekabuddham namassanto uttamarupadharo manavako hutva
sakalanagarassa matthakena tikkhattum vicaritva rajadvaram agantva
akase atthasi. Amacca ranno arocayimsu deva eko
abhirupo manavako ekam samanam anetva rajadvare akase
thitoti. Raja asana vutthaya sihapanjare thatva manava
kasma tvam abhirupo samano etassa virupassa samanassa pattacivaram
gahetva namassamano thitoti tena saddhim sallapanto pathamam gathamaha
dubbannarupam tvamariyavanni
purakkhitva panjaliko namassa
seyyo nu te so udahu sarikkho
namam parassattano capi bruhiti.
Tattha ariyavanniti sundararupo. Seyyo nu te soti eso
virupo pabbajito kim nu taya uttaritaro udahu sarikkhoti.
Parassattano cati etassa ca parassa attano ca namam bruhiti pucchi.
Atha nam sakko maharaja samano nama garutthaniyo yena
namena alapitumpi na labhati mayham pana te namam kathessamiti
vatva dutiyam gathamaha
na namagottam ganhanti raja
samaggatanujjugatana deva
ahanca te namadheyyam vadami
sakkohamasmi tidasanamindoti.
---------------------------------------------------------------------------------------------
page103.
Tattha samaggatanujjugatana devati maharaja sabbasankhare yatha-
sabhavasarasavasena sammasitva aggaphalam arahattam pattatta samaggatanam
ujugatanam atthangikena maggena nibbanam gatatta ujugatanam maha-
khinasavanam upapattidevehi uttaritaranam visuddhidevanam upapattideva
namagottam na ganhanti. Ahanca te namadheyyanti api ca
aham attano namadheyyam tuyham kathesasamiti.
Tam sutva raja tatiyagathaya bhikkhum namassamanassa anisamsam pucchi
yo disva bhikkhum caranupapannam
purakkhitva panjaliko namassati
pucchami tam devarajetamattham
ito cuto kim labhate sukham soti.
Sakko catutthagathaya kathesi
yo disva bhikkhum caranupapannam
purakkhitva panjaliko namassati
dittheva dhamme labhate pasamsam
sagganca so yati sarirabhedati.
Tattha bhikkhunti bhinnakilesaparisuddhapuggalam. Caranupapannanti
silacaranena upetam. Dittheva dhammeti na kevalam ito cutoyeva
imasmim pana attabhave so pasamsam labhati pasamsa sukham vindatiti.
Raja sakkassa katham sutva attano micchagahanam bhinditva
tutthamanaso pancamam gathamaha
---------------------------------------------------------------------------------------------
page104.
Lakkhi vata me udapadi ajja
yam vasavam bhutapatimaddasam
bhikkhunca disvana tuvanca sakka
kahami punnani anappakaniti.
Tattha lakkhiti siri. Pannatipi vadanti. Idam vuttam hoti
ajja mama tava ca vacanam sunantasseva kusalakusalavipakajanana panna
uppannati. Yanti nipatamattam. Bhutapatimaddasanti bhutapatim
addasamiti.
Tam sutva sakko panditassa thutim karonto chattham gathamaha
addha have sevitabba sapanna
bahussuta ye bahu thanacintita
bhikkhunca disvana mamanca raja
karohi punnani anappakaniti.
Tattha bahu thanacintitati bahuni karanani cintanasamattha.
Tam sutva raja osanagathamaha
akkodhano niccapasannacitto
sabbatithiyacayogo bhavitva
nihanna manam abhivadayissam
sutvana devinda subhasitaniti.
Tattha sabbatithiyacayogo bhavitvati sabbesam atithinam agatanam
agantukanam yam yam te yacanti tassa tassa yutto anucchaviko
---------------------------------------------------------------------------------------------
page105.
Bhavitva sabbam tehi yacitayacitam dadamanoti attho. Sutvana
devinda subhasitaniti tava subhasitani sutva aham evarupo bhavissamiti
vadati.
Evanca pana vatva pasada oruyha paccekabuddham vanditva
ekamantam atthasi. Paccekabuddho akase pallankena nisiditva
maharaja vijjadharo so na samano tvam ito patthaya atuccho
loko atthi dhammikasamanabrahmanati natva danam dehi silam
rakkhahi uposathakammam karohiti rajanam ovadi. Sakkopi sakkanubhavena
akase thatva ito patthaya appamatta hothati nagaranam
ovadam datva palata samanabrahmana agacchantuti bherincarapesi.
Atha te ubhopi sakatthanameva agamamsu. Raja tassa ovade thatva
danadini punnani akasi.
Sattha imam dhammadesanam aharitva jatakam samodhanesi tada
paccekabuddho parinibbuto raja anando ahosi sakko pana
ahamevati.
Pabbajitavihethakajatakam chatthamam.
The Pali Atthakatha in Roman Book 39 page 100-105.
http://84000.org/tipitaka/atthapali/read_rm.php?B=39&A=1988&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=39&A=1988&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=937
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=4168
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=4166
The Pali Tipitaka in Roman Character :-
http://84000.org/tipitaka/read/roman_read.php?B=27&A=4166
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]