บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
35. Parinibbananananiddesavannana [86] Parinibbananananiddese idhati imasmim sasane. Sampajanoti satthakasampajannam gocarasampajannam asammohasampajannanti imehi catuhi sampajannehi sampajano. Pavattanti sabbattha yathanurupam pariyutthanappavattam anusayappavattanca. Pariyadiyatiti upacarappanavasena vuttesu vikkhambhanavasena, vipassanavasena vuttesu tadangavasena, maggavasena vuttesu samucchedavasena khepeti appavattam karoti. Peyyalamukhena hi dutiyadijhanasamapattimahavipassanamagga sankhitta. Yasma etam paccavekkhantassa pavattam nanam nama hoti, tasma vikkhambhanaparinibbanam tadangaparinibbanasamucchedaparinibbanantipi vuttameva hoti. Etehi kilesaparinibbana- paccavekkhanananam vuttam. Atha va panatiadihi khandhaparinibbanapaccavekkhanananam niddisati. Anupadisesaya nibbanadhatuyati duvidha hi nibbanadhatu saupadisesa ca anupadisesa ca. Tattha upadiyate "aham mama"ti bhusam ganhiyatiti upadi, khandhapancakassetam adhivacanam. Upadiyeva seso avasitthoti upadiseso, saha upadisesena vattatiti saupadisesa. Natthettha upadisesoti anupadisesa. Saupadi sesa. Pathamam vutta, ayam pana panupadisesa. Taya anupadisesaya nibbanadhatuya. Cakkhupavattanti cakkhupavatti cakkhusamudacaro. Pariyadiyatiti khepiyati maddiyatiti. Esa nayo sesesu. Parinibbananananiddesavannana nitthita ------------The Pali Atthakatha in Roman Book 47 page 337. http://84000.org/tipitaka/atthapali/read_rm.php?B=47&A=7525&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=7525&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=31&i=226 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=2503 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=2940 The Pali Tipitaka in Roman Character :- http://84000.org/tipitaka/read/roman_read.php?B=31&A=2940 Contents of The Tipitaka Volume 31 http://84000.org/tipitaka/read/?index_31
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]