บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
47. 5. Pancahatthiyattherapadanavannana sumedho nama sambuddhotiadikam ayasmato pancahatthiyattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto sumedhassa bhagavato kale ekasmim kulagehe nibbatto vinnutam patva ratanattaye pasanno vihasi. Tasmim samaye pancauppalahatthani anesum. So tehi pancauppalahatthehi vithiyam caramanam sumedham bhagavantam pujesi. Tani gantva akase vitanam hutva chayam kurumanani tathagateneva saddhim gacchimsu. So tam disva somanassajato pitiya phutthasariro yavajivam tadeva punnam anussaritva tato cuto devaloke nibbatto aparaparam samsaranto imasmim buddhuppade ekasmim kulagehe nibbatto vinnutam patto saddhajato pabbajitva vipassanam vaddhetva nacirasseva araha ahosi. Katakusalanamena pancahatthiyattheroti pakato. [77] So attano pubbakammam saritva paccakkhato pannaya dittha- pubbacaritapadanam pakasento sumedho nama sambuddhotiadimaha. Tattha sumedhoti sundara medha catusaccapativedhapatisambhidadayo panna yassa so Bhagava sumedho sambuddho antarapane antaravithiyam gacchatiti sambandho. Okkhittacakkhuti adhokhittacakkhu. Mitabhaniti pamanam natva bhananasilo, pamanam janitva dhammam desesiti attho. Sesam suvinneyyamevati. Pancahatthiyattherapadanavannana nitthita. ------------------The Pali Atthakatha in Roman Book 50 page 84-85. http://84000.org/tipitaka/atthapali/read_rm.php?B=50&A=1867&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=1867&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=47 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=2274 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=2888 The Pali Tipitaka in Roman Character :- http://84000.org/tipitaka/read/roman_read.php?B=32&A=2888 Contents of The Tipitaka Volume 32 http://84000.org/tipitaka/read/?index_32
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]