AtthaPali Vol.6

page44.

4. Aggannasuttavannana vasetthabharadvajavannana [111] Evamme sutanti aggannasuttam. Tatrayam anuttanapadavannana:- pubbarame migaramatupasadeti ettha ayam anupubbikatha:- atite kira satasahassakappamatthake eka upasika padumuttaram bhagavantam nimantetva buddhappamukhassa bhikkhusatasahassassa danam datva bhagavato padamule nipajjitva "anagate tumhadisassa buddhassa aggupatthayika homi"ti patthanam akasi. Sa kappasatasahassam devesu ca manussesu ca samsaritva amhakam bhagavato kale bhaddiyanagare mendakasetthiputtassa dhananjayasetthino gehe sumanadeviya kucchimhi patisandhim ganhi. Jatakale tassa visakhati namam akamsu. Sa yada bhagava bhaddiyanagaram agamasi, tada pancahi darikasatehi saddhim bhagavato paccuggamanam katva pathamadassanamhiyeva sotapanna ahosi. Aparabhage savatthiyam migarasetthiputtassa punnavaddhanakumarassa geham gata. Tattha nam migarasetthi matutthane thapesi. Tasma migaramatati vuccati. Patikulam gacchantiya cassa pita mahalatapasadhanapilandhanam nama karapesi. Tasmim pilandhane ca tisso ^1- vajiranaliyo upayogam agamamsu, muttanam ekadasa naliyo, pabalassa dvavisati naliyo, maninam tettimsa naliyo. Iti etehi ca annehi ca sattavannehi ^2- ratanehi nitthanam agamasi. Tam sise patimukkam yava padapitthiya bhassati. Pancannam hatthinam balam dharayamanava nam itthi dharetum sakkoti, sa aparabhage dasabalassa aggupatthayika hutva tam pasadhanam visajjetva navahi kotihi bhagavato viharam karayamana karisamatte bhumibhage pasadam karesi. Tassa uparibhumiyam panca gabbhasatani honti, hetthimabhumiyam @Footnote: ¹ cha.Ma., i. catasso. ² cha.Ma. sattahi.

--------------------------------------------------------------------------------------------- page45.

Pancati evam gabbhasahassapatimandito ahosi. Sa "suddhapasadova na sobhati"ti tam parivaretva panca duvaddhagehasatani, panca culapasadasatani, panca dighasalasatani ca karapesi. Viharamaho catuhi masehi nitthanam agamasi. Matugamattabhave thitaya visakhaya viya annissa buddhasasane dhanapariccago nama natthi, purisattabhave thitassa anathapindikassa viya annassati. So hi catupannasakotiyo visajjetva savatthiya dakkhinabhage anuradhapurassa mahaviharassa sadise thane jetavanamahaviharam nama karesi. Visakha savatthiya pacinabhage uttamadeviya ^1- viharasadise thane pubbaramam nama karesi. Bhagava imesam dvinnam kulanam anukampaya savatthiyam nissaya viharanto imesu dvisu viharesu nibaddhavasam vasi. Ekam antovassam jetavane vasati, ekam pubbarame. Tasmim samaye pana bhagava pubbarame viharati. Tena vuttam "pubbarame migaramatupasade"ti. Vasetthabharadvajati vasettho ca samanero bharadvajo ca. Bhikkhusu parivasantiti teneva titthiyaparivasam vasanti, na apattiparivasam. Aparipunnavassatta pana bhikkhubhavam patthayamana vasanti. Tenaha "bhikkhubhavam akankhamana"ti, ubhopi hete udiccabrahmanamahasalakule nibbatta, cattalisacattalisakotivibhava tinnam vedanam paragu majjhimanikaye vasetthasuttam sutva saranam gata, tevijjasuttam sutva pabbajitva imasmim kale bhikkhubhavam akankhamana parivasanti. Abbhokase cankamatiti uttaradakkhinena ayatassa pasadassa puratthimabhage pasadacchayayam yantarajjuhi akaddhiyamanam ratanasatubbedham suvannaagghikam viya anilapathe vidhavantihi chabbannahi buddharasmihi sobhayamano aparaparam cankamati. [113] Anucankamimsuti anjalim paggayha onatasarira hutva anuvattamana cankamimsu. Vasettham amantesiti so tesam panditataro gahetabbam visajjetabbanca janati, tasma tam amantesi. Tumhe khvatthati tumhe kho @Footnote: ¹ cha.Ma. uttaradeviya

--------------------------------------------------------------------------------------------- page46.

Attha. Brahmanajaccati brahmanajatika. Brahmanakulinati brahmanesu kulina kulasampanna. Brahmanakulati brahmanakulato, bhogadisampannam brahmanakulam pahayati attho. Na akkosantiti dasavidhena akkosavatthuna na akkosanti. Na paribhasantiti nanavidhaya paribhavakathaya na paribhasantiti ^1- attho. Iti bhagava "brahmana ime samanere akkosanti paribhasanti"ti janamanova pucchati. Kasma? ime maya apucchita pathamataram na kathessanti, akathite katha na Samutthatiti kathasamutthapanatthaya. Tagghati ekamsavacanena nipato, ekamseneva no bhante brahmana akkosanti paribhasantiti vuttam hoti. Attarupayati attano anurupaya. Paripunnayati yatharucim padabyanajanani aropetva aropetva puritaya. ^2- No aparipunnayati antara atthapitaya nirantaram pavattaya. Kasma pana brahmana ime samanere akkosantiti. Appatitthataya. Ime hi samanera aggabrahmananam putta tinnam vedanam paragu jambudipe brahmananam antare pakata sambhavita. Tesam pabbajitatta anne bahu brahmanaputta pabbajimsu. Athakho brahmana "appatittha mayam jata"ti imaya appatitthataya gamadvarepi antogamepi te disva "tumhehi brahmanasamayo bhinno mundasamanakassa pacchato pacchato rasagiddha hutva vicaratha"ti adini ceva paliyam agatani "brahmanova settho vanno"ti adini ca vatva akkosanti. Samanera tesu akkosantesupi kopam va aghatam va akatva kevalam bhagavata putthatta ^3- "taggha no bhante brahmana akkosanti paribhasanti"ti arocesum. Atha ne bhagava akkosanakaram pucchanto yathakatham pana voti pucchati. Te acikkhanta brahmana bhanteti adimahamsu. Tattha settho vannoti jatigottadinam pannapanatthane brahmanova setthoti dassenti. Hina anne vannati itare tayo vanna hina lamakati vadanti. Sukkoti pandaro. Kanhoti kalako. Sujjhantiti @Footnote: ¹ Si. garahanti ² cha.Ma. paripuritaya ³ cha.Ma. puttha

--------------------------------------------------------------------------------------------- page47.

Jatigottadinam pannapanatthane sujjhanti. Brahmuno puttati mahabrahmuno putta. Orasa mukhato jatati ure vasitva mukhato nikkhanta, ure katva samvaddhitati va orasa. Brahmajati brahmato nibbatta. Brahmanimmitati brahmuna nimmita. Brahmadayadati brahmuno dayada. Hinamatthavannam ajjhupagatati hinam vannam ajjhupagata attha. Mundake samanaketi nindanta jigucchanta vadanti, na mundakamattanceva samanamattanca sandhaya. Ibbheti gahapatike. Kanheti kalake. Bandhuti marassa bandhubhute marapakkhike. Padapacceti mahabrahmuno padanam ^1- apaccabhute, padato jateti adhippayo. [114] "taggha vo vasettha brahmana poranam asaranta evamahamsu"ti ettha voti nipatamattam, samivacanam va, tumhakam brahmanati attho. Porananti poranakam aggannam lokuppatticariyavamsam. Asarantati ajanamana. ^2- Idam vuttam hoti, ekamsena vo vasettha brahmana poranam lokuppattim ananussaranta ajananta evam vadantiti. "dissanti kho pana"ti evamadi tesam laddhibhindanatthaya vuttam. Tattha brahmaniyoti brahmananam puttapatilabhatthaya avahavivahavasena kulam anita brahmaniyo dissanti. Ta kho paneta aparena samayena utuniyopi honti, sanjatapupphati attho. Gabbhiniyoti sanjatagabbha. Vijayamanati puttadhitaro janayamana. Payamanati darake thannam payantiyo. Yonijava samanati brahmaninam passavamaggena jatava samana. Evamahamsuti evam vadanti. Katham? "brahmanova settho vanno .pe. Brahmadayada"ti. Yadi pana tesam saccam vecanam siya, brahmaninam kucchi mahabrahmuno uro bhaveyya, brahmaninam tassava maggo mahabrahmuno mukham bhaveyya, na kho panetam evam datthabbam. Tenaha "te ca brahmananceva abbhacikkhanti"ti adi. @Footnote: ¹ Si. pada ² cha.Ma., i. assaramana

--------------------------------------------------------------------------------------------- page48.

Catuvannasuddhivannana [115] Ettavata "mayam mahabrahmuno ure vasitva mukhato nikkhantati vattum ma labhantu"ti imam mukhacchedakavadam vatva puna cattaropi vanna kusale dhamme samadaya vattantava sujjhantiti dassanattham cattarome vasettha vannati adimaha. Akusalasamkhatati akusalati samkhata akusalatthoasabhuta va. Esa nayo sabbattha. Naalamariyati ariyabhave asamattha. Kanhati pakatikalaka. Kanhavipakati vipakopi nesam kanho dukkhoti attho. Khattiyepi teti khattiyamhipi te. Ekacceti ekasmim. Esa nayo sabbattha. Sukkati nikkilesabhavena pandaRa. Sukkavipakati vipakopi nesam sukko sukhoti attho. [116] Ubhayavokinnesu vattamanesuti ubhayesu vokinnesu missibhutesu hutva vattamanesu. Katamesu ubhayesuti kanhasukkesu dhammesu vinnugarahitesu ceva vinnupasatthesu ca. Yadettha brahmana evamahamsuti ettha etesu kanhasukkadhammesu vattamanapi brahmana yadetam evam vadanti "brahmanova settho vanno"ti adi. Tantesam ^1- vinnu nanujanantiti ye loke pandita, te nanumodanti, nappasamsantiti attho. Tam kissa hetu. Imesanhi vasetthati adimhi ayam samkhepattho: yam vuttam nanujanantiti, tam kasmati ce. Yasma imesam catunnam vannanam yo bhikkhu araham .pe. Sammadanna vimutto, so tesam aggamakkhayati, teneva ^2- evarupa tasma tesam vinnu nanujananti. Arahanti adipadesu cettha kilesanam arakattahihi karanehi araham. Asavanam khinatta khinasavo. Satta sekkha puthujjanakalyanaka ca brahmacariyavasam vasanti nama. Ayam pana vutthavasoti vusitva. Catuhi maggehi catusu saccesu parijananadikaraniyam katam assati katakaraniyo. Kilesabharo ca khandhabharo ca ohito assati ohitabharo. Ohitoti oharito. ^3- Sundaro attho, sako va atthoti sadattho, anuppatto sadattho etenati anuppattasadattho. @Footnote: ¹ cha.Ma., i. tam nesam ² cha.Ma. te ca na ³ Si. otarito

--------------------------------------------------------------------------------------------- page49.

Bhavasannojanam vuccati tanha, sa parikkhina assati parikkhinabhavasannojano. Sammadanna vimuttoti samma hetuna karanena ^1- janitva vimutto. Janetasminti jane etasmim, imasmim loketi attho. Ditthe ceva dhamme abhisamparayancati idhattabhave ca parattabhave ca. [117] Anantarati antaravirahita, attano kulena sadisati attho. Anuyantati ^2- vasavattino. Nipaccakaranti mahallakatara nipaccakaram dassenti. Daharatara abhivadanadini karonti. Tattha samicikammanti tamtamvattakaranadi anucchavikakammam. [118] Nivitthati abhinivittha acalatthita. Kassa pana evarupa saddha hotiti. Sotapannassa. So hi nivitthasaddho asina sise chijjamanepi ^3- buddho abuddhoti va, dhammo adhammoti va, samgho asamghoti va na vadati. Patitthitasaddhova hoti surambattho viya. So kira satthu dhammadesanam sutva sotapanno hutva geham agamasi. Atha maro dvattimsavaralakkhanapatimanditam buddharupam mapetva tassa gharadvare thatva "sattha agato"ti sasanam pahini. Suro cintesi "aham idaneva satthu santike dhammam sutva agato, kim nu kho bhavissati"ti upasankamitva satthu sannaya vanditva atthasi. Maro aha "ambattha yam te maya `rupam aniccam .pe. Vinnanam aniccan'ti kathitam, tam dukkathitam. Anupadharetvava hi maya etam vuttam. Tasma tvam' rupam niccam .pe. Vinnanam niccan'ti ganhahi"ti. Suro ^4- cintesi "atthanametam yam buddha anupadharetva apaccakkham katva kinci katheyyum, addhayam mayham vicchindajananattham maro agato"ti. Tato nam "tvam marosi"ti aha. So musavadam katum nasakkhi. "ama marosmi"ti patijanati. "kasma agatosi"ti. Tava saddhacalanatthanti aha. "kanha papima tvam tava eko tittha, tadisanam maranam satampi sahassampi satasahassampi mama saddham @Footnote: ¹ Si. hetuna nayena karanena ² cha.Ma., i. anuytta @³ cha.Ma., i. chejjamanepi ⁴ cha.Ma. so

--------------------------------------------------------------------------------------------- page50.

Caletum asamattham, maggena agatasaddha nama thira silapathaviyam patitthitasineru viya acala hoti, kim tvam ettha"ti accharam pahari. So thatum asakkonto tattheva antaradhayi. Evarupam saddham sandhayetam vuttam "nivittha"ti. Mulajata patitthitati maggamulassa sanjatatta tena mulena patitthita. Dalhati thiRa. Asamhariyati sunikhataindakhilo viya kenaci caletum asakkuneyya. Tassetam kallam vacanayati tassa ariyasavakassa yuttametam vattum. Kinti? "bhagavatomhi putto oraso"ti evamadi. So hi bhagavantam nissaya Ariyabhumiyam jatoti bhagavato putto. Ure vasitva mukhato nikkhantadhammaghosavasena maggaphalesu patitthitatta oraso mukhato jato. Ariyadhammato jatatta ariyadhammena ca nimmitatta dhammajo dhammanimmito. Navalokuttaradhammadayajjam ^1- arahatiti dhammadayado. Tam kissa hetuti yadetam "bhagavatomhi putto"ti vatva "dhammajo dhammanimmito"ti vuttam, tam kasmati ce. Idanissa attham dassento tathagatassa hetanti adimaha. Tattha "dhammakayo itipi"ti kasma tathagato "dhammakayo"ti vutto. Tathagato hi tepitakam buddhavacanam hadayena cintetva vacaya abhinihari. Tenassa kayo dhammamayatta dhammova. Iti dhammo kayo assati dhammakayo. Dhammakayattaeva brahmakayo. Dhammo hi setthatthena brahmati vuccati. Dhammabhutoti dhammasabhavo. Dhammabhutattaeva brahmabhuto. [119] Ettavata bhagava setthacchedakavadam dassetva idani aparenapi nayena setthacchedakavadameva dassetum hoti kho so vasettha samayoti adimaha. Tattha samvattavivattakatha brahmajale vittharitava. Itthattam agacchantiti itthabhavam manussattam agacchanti. Tedha honti manomayati te idha manussaloke nibbattamanapi opapatika hutva maneneva nibbattati manomaya. Brahmaloke viya idhapi tesam pitiyeva aharakiccam sadhetiti pitibhakkha. Eteneva nayena sayampabhadinipi veditabbani. @Footnote: ¹ Si.......dayadam

--------------------------------------------------------------------------------------------- page51.

Rasapathavipatubhavavannana [120] Ekodakibhutanti sabbam cakkavalam ekodakameva bhutam. Andhakati tamo. Andhakaratimisati cakkhuvinnanuppattinivaranena andhabhavakaranam bahalatamam. Samantaniti ^1- patitthati samantato patthari. Payatattassati tattassa khirassa. Vannasampannati vannena sampanna. Kannikarapupphasadiso hissa vanno ahosi. Gandhasampannati gandhena sampanna dibbagandham vayati. Rasasampannati rasena sampanna pakkhittadibboja viya hoti. Khuddamadhunti khuddakamakkhikahi katamadhum. Anelakanti niddosam makkhikandakavirahitam. Lolajatikoti lolasabhavo. Atitanantarepi kappe loloyeva. Ambhoti acchariyajato aha. Kimevidam bhavissatiti vannopissa manapo gandhopi, raso panassa kidiso bhavissatiti attho. Yo tattha uppannalobho, so rasapathavim anguliya sayi, anguliya gahetva jivhagge thapesi. Acchadesiti jivhagge thapitamatta satta rasaharanisahassani pharitva manapa hutva titthati. Tanha cassa okkamiti tattha cassa rasatanha uppajjati. Candimasuriyadipatubhavavannana [121] Aluppakarakam upakkamimsu paribhunjitunti alopam katva pinde pinde chinditva paribhunjitum arabhimsu. Candimasuriyati candima ca suriyo ca. Paturahesunti patubhavimsu. Ko pana tesam pathamam patubhavi, ko kasmim vasati, kassa kim pamanam, ko upari, ko sigham gacchati, kati nesam vithiyo, katham caranti, kittake thane @Footnote: ¹ cha.Ma. samatani

--------------------------------------------------------------------------------------------- page52.

Alokam karontiti. Na ubho ekato patubhavanti. Suriyo pathamataram pannayati. Tesam hi sattanam sayampabhaya antarahitaya andhakaro ahosi. Te bhitatasita "bhaddakam vatassa sace aloko patubhaveyya"ti cintayimsu. Tato mahajanassa surabhavam janayamanam suriyamandalam utthahi. Tenevassa suriyoti namam ahosi. Tasmim divasam alokam katva atthangate puna andhakaro ahosi. Te "bhaddakam vatassa sace anno aloko uppajjeyya"ti cintayimsu. Atha nesam chandam natvava candamandalam utthahi. Tenevassa candoti namam ahosi. Tesu cando antomanivimane vasati. Tam bahi rajatena parikkhittam. Ubhayampi sitalameva hoti. Suriyo antokanakavimane vasati. Tam bahiram phalikaparikkhittam hoti. Ubhayampi unhameva. Pamanato cando ujukam ekunapannasayojano. Parimandalato tihi yojanehi unadiyaddhasatayojano. Suriyo ujukam pannasayojano, parimandalato diyaddhasatayojano. Cando hettha suriyo upari, antara nesam yojanam hoti. Candassa hetthimantato suriyassa uparimantato yojanasatam hoti. Cando ujukam sanikam gacchati, tiriyam sigham. Dvisu passesu nakkhattataraka gacchanti. Cando dhenu viya vaccham tam tam nakkhattam upasankamati. Nakkhattani pana attano thanam na vijahanti. Suriyassa ujukagamanam sigham, tiriyam gamanam dandham. So kalapakkhauposathato patipadadivase yojananam satasahassam candamandalam ohaya gacchati. Atha cando lekha viya pananayati. Pakkhassa dutiyaya satasahassanti evam yava uposathadivasa satasahassam satasahassam ohaya gacchati. Atha cando anukkamena vaddhitva uposathadivase paripunno hoti. Puna patipadadivase yojananam satasahassam dhavitva ganhati. Dutiyaya satasahassanti evam yava uposathadivasa satasahassam satasahassam dhavitva ganhati. Atha cando anukkamena hayitva uposathadivase sabbaso na pannayati. Candam hettha katva suramyo upari hoti. Mahatiya patiya khuddakabhajanam viya candamandalam

--------------------------------------------------------------------------------------------- page53.

Pithiyati. Majjhantike gehacchaya viya candassa chaya na pannayati. So chayaya apannayamanaya dure thitanam diva padipo viya sayampi na pannayati. Kati nesam vithiyoti ettha pana ajavithi nagavithi govithiti tisso vithiyo honti. Tattha ajanam udakam patikulam hoti, tam hi hatthinaganam manapam. Gunnam situnhasamataya phasu hoti. Tasma yam kalam candimasuriya ajavithim aruhanti, tada devo ekabindumpi na vassati. Yada nagavithim arohanti, tada bhinnam viya nabham paggharati. Yada govithim aruhanti, tada utusamata sampajjati, candimasuriya cha mase sineruto bahi nikkhamanti, cha mase anto vicaranti. Te hi asalhamase sinerusamipena caranti. ^1- Tato pare dve mase nikkhamitva bahi caranta ^2- pathamakattikamase majjhena gacchanti. Tato cakkavalabhimukha gantva tayo mase cakkavalasamipena caritva puna nikkhamitva citramase majjhena gantva tato apare ^3- mase sinerubhimukha pakkhanditva puna asalhe sinerusamipena caranti. Kittake thane alokam karontiti. Ekappaharena tisu dipesu alokam karonti. Katham? imasmim hi dipesuriyuggamanakalo pubbavidehe majjhantiko hoti, uttarakurusu atthangamanakalo, amaragoyane majjhimayamo. Pubbavidehamhi uggamanakalo uttarakurusu majjhantiko hoti, ^4- amaragoyane atthangamanakalo, idha majjhimayamo. Uttarakurusu uggamanakalo amaragoyane majjhantiko, idha atthangamanakalo, pubbavidehe majjhimayamo. Amaragoyanadipe uggamanakalo idha majjhantiko, pubbavidehadipe ^5- atthangamanakalo, uttarakurusu majjhimayamoti. Nakkhattani tarakarupaniti kattikadinakkhattani ceva sesatarakarupani ca candimasuriyehi saddhimyeva paturahesum. Rattindivati tato suriyatthangamanato yava arunuggamana ratti, arunuggamanato yava suriyatthangamana divati evam rattindiva pannayimsu. Atha pancadasa rattiyo addhamaso, dve addhamasa masoti evam @Footnote: ¹ cha.Ma., vicaranti ² cha.Ma. vicaranta ³ cha.Ma. dve @⁴ cha.Ma. hotiti saddo na dissati ⁵ cha.Ma. pubbavidehe

--------------------------------------------------------------------------------------------- page54.

Masaddhamasa pannayimsu. Atha cattaro masa utu, tayo utu samvacacharoti evam utusamvacchara pannayimsu. [122] Vannavevannata cati vannassa vivannabhavo. Tesam vannatimanapaccayati tesam vannam arabbha uppannaatimanapaccaya. Manatimanajatikananti punappunam uppajjamanamanatimanasabhavanam. Rasapathaviyati ^1- sampannarasatta rasati laddhanamaya pathaviya. Anutthunimsuti anubhasimsu. Aho rasanti aho amhakam madhurarasam antarahitam. Aggannam akkharanti lokuppattivamsakatham. Anusarantiti anugacchanti. Bhumipappatakapatubhavadivannana [123] Evameva paturahositi ediso hutva utthahi, antovapiyam udake chinne sukkhakalalapatalam viya ca utthahi. [124] Padalatati eka madhurarasa bhaddalata. ^2- Kalambakati nalika. Ahu vata noti madhurarasa vata no padalata ahosi. Ahayi vata noti sa no etarahi antarahitati. Akatthapakasalipatubhavavannana [125] Akatthapakoti akattheyeva bhumibhage uppanno. Akanoti nikkondako. ^3- Athusoti nitthuso. Sugandhoti dibbagandham vayati. Tandulapphaloti parisuddham pandaram tandulapphalameva phalati. Pakkam pativirulhanti sayam gahitatthanam pato pakkam hoti, punavirulham pakatikameva ^4- gahitatthanam na pannayati. Napadanam pannayatiti alayitam hutva anunameva pannayati. @Footnote: ¹ cha.Ma. rasaya pathaviya ² cha.Ma. bhaddalata ³ cha.Ma., i. nikkundako @⁴ cha.Ma., i. patipakatikameva

--------------------------------------------------------------------------------------------- page55.

Itthipurisalingapatubhavavannana [126] Itthiya cati ya pubbe manussakale itthi, tassa itthilingam patubhavati, pubbe purisassa purisalingam. Matugamo ^1- hi purisattabhavam labhanto anupubbena purisattapaccaye dhamme puretva labhati. Puriso itthattabhavam labhanto kamamicchacaram ^2- nissaya labhati. Tada pana pakatiya matugamassa itthilingam, purisassa purisalingam paturahosi. Upanijjhayatanti ^3- upanijjhayantanam olokentanam. Parilahoti ragaparilaho. Setthinti charikam. Nibbuyhamanayati niyyamanaya. Methunadhammasamacaravannana [127] Adhammasammatanti tam pamsukhipanadikam adhammoti sammatam. Tadetarahi dhammasammatanti tam idani dhammoti sammatam, dhammoti tam gahetva vicaranti. Tatha hi ekaccesu janapadesu kalaham kurumana itthiyo "tvam kasma kathesi, ya gomayapindamattampi nalattha"ti vadanti. Patabyatanti sevitabbatam. Sannidhikarakanti sannidhim katva. Apadanam pannayitthati chinnatthanam onameva hutva pannayittha. Sandasandati ekekasmim thane kalapabandha viya gumbagumba hutva. Salivibhagavannana [128] Mariyadam thapeyyamati simam thapeyyama. [129] Yatra hi namati yo hi nama. Panina paharimsuti tayo vare vacanam agganhantam panina paharimsu. Tadagge kho panati ^4- tam aggam katva. @Footnote: ¹ cha.Ma., i. matugamo nama ² cha.Ma. kamesumicchacaram @³ di. pati. 11/76 upanijjhayantanam, cha.Ma. upanijjhayatam ⁴ cha.Ma. tadagge khoti

--------------------------------------------------------------------------------------------- page56.

Mahasammatarajavannana [130] Khiyitabbam khiyeyyati pakasetabbam pakaseyya, khipitabbam khipeyya, haretabbam hareyyati vuttam hoti. Yonesam sattoti yo etesam satto. Ko pana soti. Amhakam bodhisatto. Salinam bhagam anuppadassamati mayam ekekassa khettato ambanambanam aharitva tuyham salibhagam dassama, taya kinci kammam na katabbam, tvam amhakam jetthakatthane titthati. [131] Akkharam upanibbattanti sankhasamannapannattivoharo uppanno. Khattiyo khattiyotveva dutiyam akkharanti na kevalam akkharameva, te panassa khettasami noti tihi sankhehi abhisekampi akamsu. Ranjetiti sukheti pineti. Aggannenati agaganti natena, agge va natena lokuppattisamaye uppannena abhinibbatti ahositi. Brahmanamandaladivannana [132] Vitangara vitadhumati pacitva khatitabbabhavato vigatadhumangaRa. Pannamusalati kottetva pacitabbabhavato patitamusala. Ghasamesamanati ^1- bhikkhacariyavasena yagubhattam pariyesanta. Tamenam manussa disvati te ete manussa passitva. Anabhisambhunamanati asahamana asakkonta. Ganthe karontati tayo vede abhisankharonta ceva vacenta ca. Acchantiti vasanti, "acchenti"tipi patho. Esevattho. Hinasammatanti mante dharenti "mante vacenti"ti kho vasettha idam tena samayena hinasammatam. Tadetarahi setthasammatanti tam idani "ettake mante dharenti ettake mante vacenti"ti setthasammatam jatam. Brahmanamandalassati brahmanaganassa. @Footnote: ¹ Si., i., ka. ghasamesana

--------------------------------------------------------------------------------------------- page57.

Vessamandalavannana [133] Methunam dhammam samadayati methunadhammam samadiyitva. Visu kammante ^1- payojesunti gopakakammavanijakammadike ^2- vissute uggate kammante payojesum. Suddamandalavannana [134] Sudda suddati tena luddacarakammakhuddacarakammuna suddam suddanti ^3- lahum lahum kucchitam gacchanti, vinassantiti attho. [135] Ahu khoti hoti kho. Sakam dhammam garahamanoti na setacchattam ussapanamattena sujjhitum sakkati evam attano khattiyadhammam nindamano. Esa nayo sabbattha. "imehi kho vasettha catuhi mandalehi"ti imina idam dasseti "samanamandalam nama visum natathi, yasma ^4- pana na sakka jatiya sujjhitum attano attano sammapatipattiyava suddhi hoti, tasma imehi catuhi mandalehi samanamandalassa abhinibbatti hoti. Imani mandalani samanamandalam anuvattanti, anuvattantani ca dhammeneva anuvattananti, no adhammena. Samanamandalam hi agamma sammapatipattim puretva suddhim papunanti"ti. Duccaritadikathavannana [136] Idani yathajatiya na sakka sujjhitum, sammapatipattiyava sujjhanti, tamattham pakatam karonto khattiyopi kho vasetthati desanam arabhi. Tattha micchaditthikammasamadanahetuti micchaditthivasena samadinnakammahetu, micchaditthikammassa va samadanahetu. [137] Dvayakariti kalena kusalam karoti, kalena akusalanti evam ubhayakari. Sukhadukkhapatisamvedi hotiti ekakkhane ubhayavipakadanatthanam nama natthi. @Footnote: ¹ Si. vissutakammante ² cha.Ma. gorakkha... ³ cha.Ma. iti saddo na disusati @⁴ Si. samma

--------------------------------------------------------------------------------------------- page58.

Yena pana akusalam bahum katam hoti, kusalam mandam, so tam kusalam nissaya khattiyakule va brahmanakule va nibbatti. Atha nam akusalakammam kanampi karoti khujjampi pithasappimpi karoti. ^1- So rajjassa va anaraho hoti, abhisittakale va evambhuto bhoge paribhunjitum na sakkoti. Aparassa maranakale dve balavamalla viya te dvepi kusalakusalakammani upatthahanti. Tesu akusalance balavataram hoti. Tam kusalam patibahitva tiracchanayoniyam nibbattapeti. Kusalakammampi pavattivedaniyam hoti. Tamenam mangalahatthim va karoti mangalassam va mangalaasubham va. So tam sampattim anubhavati. Idam sandhaya vuttam "sukhadukkhapatisamvedi hoti"ti. Bodhipakkhiyadhammabhavanavannana [138] Sattannam bodhipakkhiyananti "cattaro satipatthana"ti adikotthasavasena sattannam, patipatiya pana sattatimsaya bodhipakkhiyadhammanam. Bhavanamanvayati bhavanam anugantva, patipajjitvati attho. Parinibbayatiti kilesaparinibbanena parinibbati. ^2- Iti bhagava cattaro vanne dassetva vinivattetva patividdhacatusaccam khinasavameva devamanussesu settham katva dasseti. ^3- [140] Idani tamevattham lokasammatassa brahmunopi vacanadassananusarena dalham katva dassento imesam hi vasettha catunnam vannananti adimaha. "brahmuna cesa"ti ^4- adi ambatthasutte vittharitam. Iti bhagava ettakena imina kathamaggena setthacchedakavadameva dassetva suttantam vinivattetva arahattanikutena desanam nitthapesi. Attamana vasetthabharadvajati vasetthabharadvajasamanerapi hi attamana ^5- tutthamana "sadhu sadhu"ti bhagavato bhasitam abhinandimsu. Idameva suttantam avajjanta anumajjanta saha patisambhidahi arahattam papunimsuti. Aggannasuttavannana nitthita ----------- @Footnote: ¹ cha.Ma., i. karotiti saddo na dissati ² cha.Ma. parinibbayati @³ cha.Ma., i. dassesi ⁴ cha.Ma., i. brahmunapesa ⁵ cha.Ma., i. sakamana

The Pali Atthakatha in Roman Book 6 page 44-58. http://84000.org/tipitaka/atthapali/read_rm.php?B=6&A=1093&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=6&A=1093&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=11&i=51 เนื้อความพระไตรปิฎกฉบับหลวง :- http://84000.org/tipitaka/read/r.php?B=11&A=1703 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=11&A=1803 The Pali Tipitaka in Roman Character :- http://84000.org/tipitaka/read/roman_read.php?B=11&A=1803 Contents of The Tipitaka Volume 11 http://84000.org/tipitaka/read/?index_11