อรรถกถาเล่มที่ ๑๐ ภาษาบาลีอักษรไทย
 ม.อ. (ปปญฺจ.๔)

                      ๕. จูฬกมฺมวิภงฺคสุตฺตวณฺณนา
      [๒๘๙] เอวมฺเม สุตนฺติ จูฬกมฺมวิภงฺคสุตฺตํ. ตตฺถ สุโภติ โส กิร
ทสฺสนีโย อโหสิ ปาสาทิโก เตนสฺส องฺคสุภตาย สุโภเตฺวว นามํ อกํสุ.
มาณโวติ ปน ตํ ตรุณกาเล โวหรึสุ, โส มหลฺลกกาเลปิ เตเนว
โวหาเรน โวหริยติ. โตเทยฺยปุตฺโตติ โตเทยฺยสฺส นาม ปเสนทิรญฺโ
ปุโรหิตพฺราหฺมณสฺส ปุตฺโต. โส กิร สาวตฺถิยา อวิทูเร ตุทิคาโม นาม
อตฺถิ, ตสฺส อธิปติตฺตา โตเทยฺโยติ สงฺขํ คโต. มหาธโน ปน โหติ
สตฺตาสีติโกฏิวิภโว ปรมมจฺฉรี, "ททโต โภคานํ อปริกฺขโย นาม นตฺถี"ติ
จินฺเตตฺวา กสฺสจิ กิญฺจิ น เทติ. วุตฺตมฺปิ เจตํ:-
            "อญฺชนานํ ขยํ ทิสฺวา     วมฺมิกานญฺจ สญฺจยํ
             มธูนญฺจ สมาหารํ       ปณฺฑิโต ฆรมาวเส"ติ.
@เชิงอรรถ: ๑ สี., ก. เทวปุตฺตสฺส
---------------------------------------------------------------------------------------------
หน้าที่ ๑๘๐.
      เอวํ อทานเมว สิกฺขาเปสิ. ธุรวิหาเร วสโต สมฺมาสมฺพุทฺธสฺส
ยาคุอุฬุงฺกมตฺตํ วา ภตฺตกฏจฺฉุมตฺตํ วา อทตฺวา ธนโลเภน กาลํ กตฺวา
ตสฺมึเยว ฆเร สุนโข หุตฺวา นิพฺพตฺโต. สุโภ ตํ สุนขํ อติวิย ปิยายติ,
อตฺตโน ภุญฺชนกภตฺตํเยว โภเชติ, อุกฺขิปิตฺวา วรสยเน สยาเปสิ. อถ ภควา
เอกทิวสํ ปจฺจูสสมเย โลกํ โวโลเกนฺโต ตํ สุนขํ ทิสฺวา "โตเทยฺยพฺราหฺมโณ
ธนโลเภน อตฺตโนว ฆเร สุนโข หุตฺวา นิพฺพตฺโต, อชฺช มยิ สุภสฺส ฆรํ
คเต มํ ทิสฺวา สุนโข ภุกฺการํ กริสฺสติ, อถสฺสาหํ เอกํ วจนํ วกฺขามิ, โส
`ชานาติ มํ สมโณ โคตโม'ติ  คนฺตฺวา อุทฺธนฏฺาเน ๑- นิปชฺชิสฺสติ. ตโตนิทานํ
สุภสฺส มยา สทฺธึ เอโก กถาสลฺลาโป ภวิสฺสติ, โส ธมฺมํ สุตฺวา สรเณสุ
ปติฏฺหิสฺสติ, สุนโข ปน กาลํ กตฺวา นิรเย นิพฺพตฺติสฺสตี"ติ อิมํ มาณวสฺส
สรเณสุ ปติฏฺานภาวํ ตฺวา ภควา ตํ ทิวสํ สรีรปฏิชคฺคนํ  กตฺวา เอกโตว
คามํ ปวิสิตฺวา นิกฺขนฺเต มาณเว ตํ ฆรํ ปิณฺฑาย ปาวิสิ.
      สุนโข ภควนฺตํ ทิสฺวา ภุกฺการํ กโรนฺโต ภควโต สมีปํ คโต, ตโต
นํ ภควา เอตทโวจ "โตเทยฺย ตฺวํ ปุพฺเพปิ มํ โภ โภติ ปริภวิตฺวา สุนโข
ชาโต, อิทานิปิ ภุกฺการํ กตฺวา อวีจึ คมิสฺสสี"ติ. สุนโข ตํ สุตฺวา "ชานาติ
มํ สมโณ โคตโม"ติ วิปฺปฏิสารี หุตฺวา คีวํ โอนาเมตฺวา อุทฺธนนฺตเร ๒-
ฉาริกายํ นิปนฺโน. มนุสฺสา อุกฺขิปิตฺวา วรสยเน สยาเปตุํ นาสกฺขึสุ. สุโภ
อาคนฺตฺวา "เกนายํ สุนโข สยนา โอโรปิโต"ติ อาห. มนุสฺสา น เกนจีติ
วตฺวา ตํ ปวตฺตึ อาโรเจสุํ. มาณโว สุตฺวา "มม ปิตา พฺรหฺมโลเก นิพฺพตฺโต,
โตเทยฺโย นาม สุนโข นตฺถิ. สมโณ ปน โคตโม ปิตรํ สุนขํ กโรติ, ยํ
กิญฺจิ เอส มุขารุฬฺหํ ภาสตี"ติ กุชฺฌิตฺวา ภควนฺตํ มุสาวาเทน นิคฺคเหตุกาโม
วิหารํ คนฺตฺวา ตํ ปวตฺตึ ปุจฺฉิ.
      ภควาปิสฺส ตเถว วตฺวา อวิสํวาทนตฺถํ อาห "อตฺถิ ปน เต มาณว
ปิตรา อนกฺขาตํ ธนนฺ"ติ. อตฺถิ โภ โคตม สตสหสฺสคฺฆนิกา สุวณฺณมาลา
สตสหสฺสคฺฆนิกา สุวณฺณปาทุกา สตสหสฺสคฺฆนิกา สุวณฺณปาติ สตสหสฺสญฺจ
@เชิงอรรถ: ๑ สี. อุทฺธนทฺวาเร           ๒ ม. อุทฺธนฏฺาเน
---------------------------------------------------------------------------------------------
หน้าที่ ๑๘๑.
กหาปณนฺติ. คจฺฉ ตํ ๑- สุนขํ อปฺโปทกปายาสํ โภชาเปตฺวา สยเน อาโรเปตฺวา
อีสกํ นิทฺทํ โอกฺกนฺตกาเล ปุจฺฉ, สพฺพนฺเต อาจิกฺขิสฺสติ. อถ นํ ชาเนนฺยาสิ
"ปิตา เม เอโส"ติ. มาณโว "สเจ สจฺจํ ภวิสฺสติ, ธนํ ลจฺฉามิ, โน เจ,
สมณํ โคตมํ มุสาวาเทน นิคฺคณฺหิสฺสามี"ติ ทฺวีหิปิ การเณหิ ๒- ตุฏฺโ คนฺตฺวา
ตถา อกาสิ. สุนโข "าโตมฺหิ อิมินา"ติ โรทิตฺวา หุํ หุนฺติ กโรนฺโต
ธนนิธานฏฺานํ คนฺตฺวา ปาเทน ปวึ ขนิตฺวา สญฺ อทาสิ, มาณโว ธนํ
คเหตฺวา "ภวปฏิจฺฉนฺนํ นาม เอวํ สุขุมํ ปฏิสนฺธิอนฺตรํ ปากฏํ สมณสฺส
โคตมสฺส, อทฺธา เอส สพฺพญฺู"ติ ภควติ ปสนฺนจิตฺโต จุทฺทสปเญฺห
อภิสงฺขริ. องฺควิชฺชาปาโก กิเรส, เตนสฺส เอตทโหสิ "อิทํ ธมฺมปณฺณาการํ
คเหตฺวา สมณํ โคตมํ ปเญฺห ปุจฺฉิสฺสามี"ติ. ทุติยคมเนน เยน ภควา
เตนุปสงฺกมิ, เตน ปุฏฺปเญฺห ปน ภควา เอกปฺปหาเรเนว เต วิสฺสชฺเชนฺโต
กมฺมสฺสกาติอาทิมาห.
      ตตฺถ กมฺมํ เอเตสํ สกํ อตฺตโน ภณฺฑกนฺติ กมฺมสฺสกา. กมฺมสฺส
ทายาทาติ กมฺมทายาทา, กมฺมํ เอเตสํ ทายชฺชํ ภณฺฑกนฺติ อตฺโถ. กมฺมํ
เอเตสํ โยนิ การณนฺติ กมฺมโยนี. กมฺมํ เอเตสํ พนฺธูติ กมฺมพนฺธู,
กมฺมาตกาติ อตฺโถ. กมฺมํ เอเตสํ ปฏิสฺสรณํ ปติฏฺาติ กมฺมปฏิสรณา. ยทิทํ
หีนปฺปณีตตายาติ ยํ อิทํ "ตฺวํ หีโน ภว, ตฺวํ ปณีโต, ตฺวํ อปฺปายุโก ภว,
ตฺวํ ทีฆายุโก ฯเปฯ ตฺวํ ทุปฺปญฺโ ภว, ตฺวํ ปญฺวา"ติ เอวํ หีนปฺปณีตตาย
วิภชนํ, ตํ น อญฺโ โกจิ กโรติ, กมฺมเมว เอวํ สตฺเต วิภชตีติ อตฺโถ.
น มาณโว กถิตสฺส อตฺถํ สญฺชานาสิ, ฆนทุสฺสปฏฺเฏนสฺส มุขํ พนฺธิตฺวา มธุรํ
ปุรโต ปิตํ วิย อโหสิ. มานนิสฺสิโต กิเรส ปณฺฑิตมานี, อตฺตนา สมํ น
ปสฺสติ. ๓- อถสฺส ๔- "กึ สมโณ โคตโม กเถติ, ยมหํ ชานามิ, ตเทว กเถตีติ
อยํ มาโน มา อโหสี"ติ มานภญฺชนตฺถํ ภควา "อาทิโตว ทุปฺปฏิวิชฺฌํ
กตฺวา กเถสฺสามิ, ตโต `นาหํ โภ โคตม ชานามิ, วิตฺถาเรน เม ปากฏํ
@เชิงอรรถ: ๑ ม. คจฺฉ ตฺวํ   ๒ ม. ทฺวีหากาเรหิ   ๓ สี. อตฺตนา สมนุปสฺสติ
@๔ เตนสฺส (?)
---------------------------------------------------------------------------------------------
หน้าที่ ๑๘๒.
กตฺวา กเถถา'ติ มํ ยาจิสฺสติ, อถสฺสาหํ ยาจิตกาเล กเถสฺสามิ, เอวํ จสฺส
สาตฺถกํ ภวิสฺสตี"ติ ทุปฺปฏิวิชฺฌํ กตฺวา กเถสิ.
      อิทานิ โส อตฺตโน อปฺปฏิวิทฺธภาวํ ปกาเสนฺโต น โข อหนฺติอาทิมาห.
      [๒๙๐] สมตฺเตนาติ ปริปุณฺเณน. สมาทินฺเนนาติ คหิเตน ปรามฏฺเน.
อปฺปายุกสํวตฺตนิกา เอสา มาณว ปฏิปทา ยทิทํ ปาณาติปาตีติ ยํ อิทํ
ปาณาติปาตกมฺมํ, เอสา อปฺปายุกสํวตฺตนิกา ปฏิปทาติ.
      กถํ ปเนสา อปฺปายุกตํ กโรติ? จตฺตาริ หิ กมฺมานิ อุปปีฬกํ
อุปจฺเฉทกํ ชนกํ อุปตฺถมฺภกนฺติ. พลวกมฺเมน หิ นิพฺพตฺตํ ปวตฺเต อุปปีฬกํ
อาคนฺตฺวา อตฺถโต เอวํ วทติ นาม "สจาหํ ปมตรํ ชาเนยฺยํ, น เต อิธ
นิพฺพตฺติตุํ ทเทยฺยํ, จตูสุเยว ตํ อปาเยสุ นิพฺพตฺตาเปยฺยํ. โหตุ, ตฺวํ ยตฺถ
กตฺถจิ นิพฺพตฺโต, ๑- อหํ อุปปีฬกกมฺมํ นาม ตํ ปีฬิตฺวา นิโรชํ นิยูสํ กสฏํ
กริสฺสามี"ติ. ตโต ปฏฺาย ตํ ตาทิสํ กโรติ. กึ กโรติ? ปริสฺสยํ อุปเนติ,
โภเค วินาเสติ.
      ตตฺถ ทารกสฺส มาตุกุจฺฉิยํ นิพฺพตฺตกาลโต ปฏฺาย มาตุ อสฺสาโท ๒-
วา สุขํ วา น โหติ, มาตาปิตูนํ ปีฬาว อุปฺปชฺชติ. เอวํ ปริสฺสยํ อุปเนติ.
ทารกสฺส ปน มาตุกุจฺฉิมฺหิ นิพฺพตฺตกาลโต ปฏฺาย เคเห โภคา อุทกํ
ปตฺวา โลณํ วิย ราชาทีนํ วเสน นสฺสนฺติ, กุมฺภโทหนเธนุโย ขีรํ น เทนฺติ,
สูรตา โคณา ๓- จณฺฑา โหนฺติ, กาณา โหนฺติ, ขุชฺชา โหนฺติ, โคมณฺฑเล
โรโค ปตติ, ทาสาทโย วจนํ น กโรนฺติ, วาปิตํ สสฺสํ น ชายติ, เคหคตํ
เคเห, อรญฺคตํ อรญฺเ นสฺสติ, อนุปุพฺเพน ฆาสจฺฉาทนมตฺตํ ทุลฺลภํ โหติ,
คพฺภปริหาโร น โหติ, วิชาตกาเล มาตุถญฺ ฉิชฺชติ, ทารโก ปริหารํ
อลภนฺโต ปีฬิโต นิโรโช นิยูโส กสโฏ โหติ อิทํ อุปปีฬกกมฺมํ นาม.
      ทีฆายุกกมฺเมน ปน นิพฺพตฺตสฺส อุปจฺเฉทกกมฺมํ อาคนฺตฺวา อายุํ
ฉินฺทติ. ยถา หิ ปุริโส อฏฺุสภคมนํ กตฺวา สรํ ขิเปยฺย, ตมญฺโ ธนุโต
วิมุตฺตมตฺตํ มุคฺคเรน ปหริตฺวา ตตฺเถว ปาเตยฺย, เอวํ ทีฆายุกกมฺเมน
@เชิงอรรถ: ๑ ม. นิพฺพตฺตํ, ฉ. นิพฺพตฺตํ    ๒ สี. อสฺสาโส      ๓ ม. สุทนฺตโคณา
---------------------------------------------------------------------------------------------
หน้าที่ ๑๘๓.
นิพฺพตฺตสฺส อุปจฺเฉทกกมฺมํ อายุํ ฉินฺทติ. กึ กโรติ? โจรานํ ๑- อฏวึ
ปเวเสติ, วาลมจฺโฉทกํ โอตาเรติ, อญฺตรํ วา ปน สปริสฺสยฏฺานํ
อุปเนติ, อิทํ อุปจฺเฉทกกมฺมํ นาม, "อุปฆาฏกนฺ"ติปิ เอตสฺเสว นามํ.
      ปฏิสนฺธินิพฺพตฺตกํ ปน กมฺมํ ชนกกมฺมํ นาม. อปฺปโภคกุลาทีสุ
นิพฺพตฺตสฺส โภคสมฺปทาทิกรเณน อุปตฺถมฺภกกมฺมํ อุปตฺถมฺภกกมฺมํ นาม.
      อิเมสุ จตูสุ ปุริมานิ เทฺว อกุสลาเนว, ชนกํ กุสลมฺปิ อกุสลมฺปิ,
อุปตฺถมฺภกํ กุสลเมว. ตตฺถ ปาณาติปาตกมฺมํ อุปจฺเฉทกกมฺเมน
อปฺปายุกสํวตฺตนิกํ โหติ. ปาณาติปาตินา วา กตํ กุสลกมฺมํ อุฬารํ น โหติ,
ทีฆายุกํ ปฏิสนฺธึ ชเนตุํ น สกฺโกติ. เอวํ ปาณาติปาโต อปฺปายุกสํวตฺตนิโก
โหติ. ปฏิสนฺธิเมว วา นิยาเมตฺวา อปฺปายุกํ กโรติ, สนฺนิฏฺานเจตนาย วา
นิรเย นิพฺพตฺตติ, ปุพฺพาปรเจตนาหิ วุตฺตนเยน อปฺปายุโก โหติ.
      ทีฆายุกสํวตฺตนิกา เอสา มาณว ปฏิปทาติ เอตฺถ ปริตฺตกมฺเมนปิ
นิพฺพตฺตํ ปวตฺเต เอตํ ปาณาติปาตา วิรติกมฺมํ อาคนฺตฺวา อตฺถโต เอวํ
วทติ นาม "สจาหํ ปมตรํ ชาเนยฺยุํ, น เต อิธ นิพฺพตฺติตุํ ทเทยฺยุํ,
เทวโลเกเยว ตํ นิพฺพตฺตาเปยฺยํ. โหตุ, ตฺวํ ยตฺถ กตฺถจิ นิพฺพตฺโต อหํ
อุปตฺถมฺภกกมฺมํ นาม ถมฺภํ เต กริสฺสามี"ติ อุปตฺถมฺภํ กโรติ, กึ กโรติ?
ปริสฺสยํ นาเสติ, โภเค อุปฺปาเทติ.
      ตตฺถ ทารกสฺส มาตุกุจฺฉิยํ นิพฺพตฺตกาลโต ปฏฺาย มาตาปิตูนํ
สุขเมว สาตเมว โหติ. เยปิ ปกติยา มนุสฺสามนุสฺสปริสฺสยา ๒- โหนฺติ, เต
สพฺเพ อปคจฺฉนฺติ. เอวํ ปริสฺสยํ นาเสติ. ทารกสฺส ปน มาตุกุจฺฉิมฺหิ
นิพฺพตฺตกาลโต ปฏฺาย เคเห โภคานํ ปมาณํ น โหติ, นิธิกุมฺภิโย ปุรโตปิ
ปจฺฉโตปิ เคหํ ปวตฺตมานา ปวิสนฺติ. มาตาปิตโร ปเรหิ ปิตธนสฺสาปิ
สมฺมุขีภาวํ คจฺฉนฺติ. เธนุโย พหุขีรา โหนฺติ, โคณา สุขสีลา โหนฺติ,
วปฺปฏฺาเน สสฺสานิ สมฺปชฺชนฺติ, วฑฺฒิยา วา สมฺปยุตฺตํ, ตาวกาลิกํ วา
ทินฺนํ ธนํ อโจทิตา สยเมว อาหริตฺวา เทนฺติ, ทาสาทโย สุวจา โหนฺติ,
@เชิงอรรถ: ๑ สี. โจราฏวึ       ๒ สี. มนุสฺสานํ ปริสฺสยา, ม. มนุสฺสานํ มนุสฺสปริสฺสยา
---------------------------------------------------------------------------------------------
หน้าที่ ๑๘๔.
กมฺมนฺตา น ปริหายนฺติ, ทารโก คพฺภโต ปฏฺาย ปริหารํ ลภติ, โกมาริกเวชฺชา
สนฺนิปติตาว โหนฺติ. คหปติกุเล ชาโต เสฏฺิฏฺานํ, อมจฺจกุลาทีสุ ชาโต
เสนาปติฏฺานาทีนิ ลภติ. เอวํ โภเค อุปฺปาเทติ. โส อปริสฺสโย สโภโค
จิรํ ชีวตีติ. เอวํ อปาณาติปาตกมฺมํ ทีฆายุกสํวตฺตนิกํ โหติ.
      อปาณาติปาตินา วา กตํ อญฺมฺปิ กุสลํ อุฬารํ โหติ, ทีฆายุกปฏิสนฺธึ
ชเนตุํ สกฺโกติ, เอวมฺปิ ทีฆายุกสํวตฺตนิกํ โหติ. ปฏิสนฺธิเมว วา นิยาเมตฺวา
ทีฆายุกํ กโรติ. สนฺนิฏฺานเจตนาย วา เทวโลเก นิพฺพตฺตติ, ปุพฺพาปรเจตนาหิ
วุตฺตนเยน ทีฆายุโก โหติ. อิมินา นเยน สพฺพปญฺหวิสฺสชฺชเนสุ
อตฺโถ เวทิตพฺโพ.
      วิเหนกมฺมาทีนิปิ หิ ปวตฺเต อาคนฺตฺวา อตฺถโต ตเถว วทมานานิ วิย
อุปปีฬเนน นิพฺโภคตํ อาปาเทตฺวา ปฏิชคฺคนํ อลภนฺตสฺส โรคุปฺปาทนาทีหิ
วา, วิเหกาทีหิ กตสฺส กุสลสฺส อนุฬารตาย วา, อาทิโตว ปฏิสนฺธินิยามเนน
วา, วุตฺตนเยเนว ปุพฺพาปรเจตนาวเสน วา พหฺวาพาธตาทีนิ
กโรนฺติ, อปาณาติปาโต วิย จ อวิเหนาทีนิปิ อปฺปาพาธตาทีนีติ.
      [๒๙๓] เอตฺถ ปน อิสฺสามนโกติ อิสฺสาสมฺปยุตฺตจิตฺโต. อุปทุสฺสตีติ
อิสฺสาวเสเนว อุปกฺโกสนฺโต ทุสฺสติ. อิสฺสํ พนฺธตีติ ยวกลาปํ พนฺธนฺโต
วิย ยถา น นสฺสติ, เอวํ พนฺธิตฺวา วิย เปติ. อปฺเปสกฺโขติ อปฺปริวาโร,
รตฺตึ ขิตฺโต วิย สโร น ปญฺายติ, อุจฺฉิฏฺหตฺโถ นิสีทิตฺวา อุทกทายกมฺปิ
น ลภติ.
      [๒๙๔] น ทาตา โหตีติ มจฺฉริยวเสน น ทาตา โหติ. เตน
กมฺเมนาติ เตน มจฺฉริยกมฺเมน.
      [๒๙๕] อภิวาเทตพฺพนฺติ อภิวาทนารหํ พุทฺธํ วา ปจฺเจกพุทฺธํ วา
อริยสาวกํ วา. ปจฺจุฏฺาตพฺพาทีสุปิ เอเสว นโย. อิมสฺมึ ปน ปญฺหวิสฺสชฺชเน
อุปปีฬกอุปตฺถมฺภกกมฺมานิ น คเหตพฺพานิ. น หิ ปวตฺเต นีจกุลินํ วา
อุจฺจากุลินํ วา สกฺกา กาตุํ, ปฏิสนฺธึเยว ปน นิยเมตฺวา นีจกุลิยํ กมฺมํ
นีจกุเล นิพฺพตฺเตติ, อุจฺจากุลิยํ กมฺมํ อุจฺจากุเล.
---------------------------------------------------------------------------------------------
หน้าที่ ๑๘๕.
      [๒๙๖] น ปริปุจฺฉิตา โหตีติ เอตฺถ ปน อปริปุจฺฉเนน นิรเย
น นิพฺพตฺตติ. อปริปุจฺฉโก ปน "อิทํ กาตพฺพํ, อิทํ น กาตพฺพนฺ"ติ น
ชานาติ, อชานนฺโต กาตพฺพํ น กโรติ, อกาตพฺพํ กโรติ. เตน นิรเย
นิพฺพตฺตติ, อิตโร สคฺเค. อิติ โข มาณว ฯเปฯ ยทิทํ หีนปฺปณีตตายาติ
สตฺถา เทสนํ ยถานุสนฺธึ ปาเปสิ. เสสํ สพฺพตฺถ อุตฺตานเมวาติ.
                    ปปญฺจสูทนิยา มชฺฌิมนิกายฏฺกถาย
                    จูฬกมฺมวิภงฺคสุตฺตวณฺณนา นิฏฺิตา.
                         สุภสุตฺตนฺติปิ วุจฺจติ.
                           ----------

             อรรถกถาภาษาบาลีอักษรไทย เล่มที่ ๑๐ หน้า ๑๗๙-๑๘๕.
http://84000.org/tipitaka/atthapali/read_th.php?B=10&A=4555&modeTY=1&pagebreak=1
             The Pali Atthakatha in Roman :-
http://84000.org/tipitaka/atthapali/read_rm.php?B=10&A=4555&modeTY=1&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=14&i=579
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=14&A=7623
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=14&A=7484
             The Pali Tipitaka in Roman Character :-
http://84000.org/tipitaka/read/roman_read.php?B=14&A=7484
             สารบัญพระไตรปิฎกเล่มที่ ๑๔
http://84000.org/tipitaka/read/?index_14