อรรถกถาเล่มที่ ๕๐ ภาษาบาลีอักษรไทย
 อป.อ.๒ (วิสุทฺธ.๒)

                  ๑๒๘. ๖. กุสุมาสนิยตฺเถราปทานวณฺณนา
     นคเร ธญฺวติยาติอาทิกํ อายสฺมโต กุสุมาสนิยตฺเถรสฺส อปทานํ.
อยมฺปิ ปุริมชินวเรสุ กตาธิกาโร ตตฺถ ตตฺถ ภเว วิวฏฺฏูปนิสฺสยานิ ปุญฺานิ
อุปจินนฺโต วิปสฺสิสฺส ภควโต กาเล พฺราหฺมณกุเล นิพฺพตฺโต วิญฺุตํ ปตฺโต
มหทฺธโน มหาโภโค ติณฺณํ เวทานํ ปารํ คโต พฺราหฺมณสิปฺเปสุ โกฏิปฺปตฺโต
สกปรสมยกุสโล มาตาปิตโร ปูเชตุกาโม ปญฺจ อุปฺปลกลาเป อตฺตโน สมีเป
เปตฺวา นิสินฺโน ภิกฺขุสํฆปริวุตํ วิปสฺสึ ภควนฺตํ อาคจฺฉนฺตํ ทิสฺวา
นีลปีตาทิฆนพุทฺธรสฺมิโย จ ทิสฺวา ปสนฺนมานโส อาสนํ ปญฺาเปตฺวา ตตฺถ
ตานิ ปุปฺผานิ สนฺถริตฺวา ภควนฺตํ ตตฺถ นิสีทาเปตฺวา สกฆเร มาตุ
อตฺถาย ปฏิยตฺตานิ สพฺพานิ ขาทนียโภชนียานิ คเหตฺวา สปริวารํ ภควนฺตํ
สหตฺเถน สนฺตปฺเปนฺโต โภเชสิ. โภชนาวสาเน เอกํ อุปฺปลหตฺถํ อทาสิ.
เตน โสมนสฺสชาโต ปตฺถนํ อกาสิ. ภควาปิ อนุโมทนํ กตฺวา ปกฺกามิ. โส
เตน ปุญฺเน เทวมนุสฺเสสุ เทฺว สมฺปตฺติโย อนุภวิตฺวา อิมสฺมึ พุทฺธุปฺปาเท
สาวตฺถิยํ วิภวสมฺปนฺเน เอกสฺมึ กุเล นิพฺพตฺโต วิญฺุตํ ปตฺโต โภคยเสหิ
วฑฺฒิโต กาเมสุ อาทีนวํ ทิสฺวา ฆราวาสํ ปหาย ปพฺพชิโต นจิรสฺเสว
อรหา อโหสิ.
     [๖๕] โส อปรภาเค ปุพฺเพ กตกุสลํ ปุพฺเพนิวาสาเณน สริตฺวา
โสมนสฺสชาโต ๑- ปุพฺพจริตาปทานํ ปกาเสนฺโต นคเร ธญฺวติยาติอาทิมาห.
ธญฺานํ ปุญฺวนฺตานํ ขตฺติยพฺราหฺมณคหปติมหาสาลานํ อเนเกสํ กุลานํ
อากรตฺตา ธญฺวตี, อถ วา มุตฺตามณิอาทิสตฺตรตนานํ สตฺตวิธธญฺานํ
อุปโภคปริโภคานํ อากรตฺตา ธญฺวตี, อถ วา ธญฺานํ
@เชิงอรรถ: ๑ ฉ.ม. โสมนสฺสปฺปตฺโต.
พุทฺธปจฺเจกพุทฺธขีณาสวานํ วสนฏฺานํ อารามวิหาราทีนํ อากรตฺตา ธญฺวตี, ตสฺสา
ธญฺวติยา. นครนฺติ ปตฺเถนฺติ เอตฺถ อุปโภคปริโภคตฺถิกา ชนาติ นครํ,
น คจฺฉตีติ วา นคํ, ราชยุวราชมหามตฺตาทีนํ วสนฏฺานํ. นคํ ราติ
อาททาติ คณฺหาตีติ นครํ, ราชาทีนํ วสนฏฺานสมูหภูตํ ปาการปริขาทีหิ
ปริกฺขิตฺตํ ปริจฺฉินฺนฏฺานํ นครํ นามาติ อตฺโถ. ตสฺมึ นคเร ยทา อหํ
วิปสฺสิสฺส ภควโต สนฺติเก พฺยากรณํ อลภึ, ตทา ตสฺมึ ธญฺวติยา นคเร
พฺราหฺมโณ อโหสินฺติ สมฺพนฺโธ. เสสํ สพฺพตฺถ อุตฺตานเมวาติ.
                  กุสุมาสนิยตฺเถราปทานวณฺณนา นิฏฺิตา.
                           -----------

             อรรถกถาภาษาบาลีอักษรไทย เล่มที่ ๕๐ หน้า ๑๗๐-๑๗๑.
http://84000.org/tipitaka/atthapali/read_th.php?B=50&A=3683&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=50&A=3683&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=32&i=128
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=32&A=3811
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=32&A=4661
             The Pali Tipitaka in Roman Character :-
http://84000.org/tipitaka/read/roman_read.php?B=32&A=4661
             สารบัญพระไตรปิฎกเล่มที่ ๓๒
http://84000.org/tipitaka/read/?index_32