จตุตฺถปาราชิกกณฺฑํ
[๒๒๗] เตน สมเยน พุทฺโธ ภควา เวสาลิยํ วิหรติ มหาวเน
กูฏาคารสาลายํ ฯ เตน โข ปน สมเยน สมฺพหุลา สนฺทิฏฺา
สมฺภตฺตา ภิกฺขู วคฺคุมุทาย นทิยา ตีเร วสฺสํ อุปคจฺฉึสุ ฯ เตน
โข ปน สมเยน วชฺชี ทุพฺภิกฺขา โหติ ทฺวีหิติกา เสตฏฺิกา
สลากาวุตฺตา น สุกรา อุญฺเฉน ปคฺคเหน ยาเปตุํ ฯ อถโข เตสํ
ภิกฺขูนํ เอตทโหสิ เอตรหิ โข วชฺชี ทุพฺภิกฺขา ทฺวีหิติกา เสตฏฺิกา
สลากาวุตฺตา น สุกรา อุญฺเฉน ปคฺคเหน ยาเปตุํ เกน นุ โข
มยํ อุปาเยน สมคฺคา สมฺโมทมานา อวิวทมานา ผาสุกํ วสฺสํ
วเสยฺยาม น จ ปิณฺฑเกน กิลเมยฺยามาติ ฯ
{๒๒๗.๑} เอกจฺเจ เอวมาหํสุ หนฺท มยํ อาวุโส คิหีนํ กมฺมนฺตํ
อธิฏฺเม เอวนฺเต อมฺหากํ ทาตุํ มญฺิสฺสนฺติ เอวํ มยํ สมคฺคา
สมฺโมทมานา อวิวทมานา ผาสุกํ วสฺสํ วสิสฺสาม น จ ปิณฺฑเกน
กิลมิสฺสามาติ ฯ เอกจฺเจ เอวมาหํสุ อลํ อาวุโส กึ คิหีนํ กมฺมนฺตํ
อธิฏฺิเตน หนฺท มยํ อาวุโส คิหีนํ ทูเตยฺยํ หราม เอวนฺเต อมฺหากํ
ทาตุํ มญฺิสฺสนฺติ เอวํ มยํ สมคฺคา สมฺโมทมานา อวิวทมานา ผาสุกํ
วสฺสํ วสิสฺสาม น จ ปิณฺฑเกน กิลมิสฺสามาติ ฯ เอกจฺเจ เอวมาหํสุ อลํ
อาวุโส กึ คิหีนํ กมฺมนฺตํ อธิฏฺิเตน กึ คิหีนํ ทูเตยฺยํ หเฏน ๑- หนฺท
@เชิงอรรถ: ๑ หรเณนาติปิ ปาโ ฯ
มยํ อาวุโส คิหีนํ อญฺมญฺสฺส อุตฺตริมนุสฺสธมฺมสฺส วณฺณํ
ภาสิสฺสาม อสุโก ภิกฺขุ ปมสฺส ฌานสฺส ลาภี อสุโก ภิกฺขุ
ทุติยสฺส ฌานสฺส ลาภี อสุโก ภิกฺขุ ตติยสฺส ฌานสฺส ลาภี
อสุโก ภิกฺขุ จตุตฺถสฺส ฌานสฺส ลาภี อสุโก ภิกฺขุ โสตาปนฺโน
อสุโก ภิกฺขุ สกทาคามี อสุโก ภิกฺขุ อนาคามี อสุโก ภิกฺขุ
อรหา อสุโก ภิกฺขุ เตวิชฺโช อสุโก ภิกฺขุ ฉฬภิญฺโติ เอวนฺเต
อมฺหากํ ทาตุํ มญฺิสฺสนฺติ เอวํ มยํ สมคฺคา สมฺโมทมานา
อวิวทมานา ผาสุกํ วสฺสํ วสิสฺสาม น จ ปิณฺฑเกน กิลมิสฺสามาติ ฯ
เอโสเยว โข อาวุโส เสยฺโย โย อมฺหากํ คิหีนํ อญฺมญฺสฺส
อุตฺตริมนุสฺสธมฺมสฺส วณฺโณ ภาสิโตติ ฯ
{๒๒๗.๒} อถโข เต ภิกฺขู คิหีนํ อญฺมญฺสฺส อุตฺตริมนุสฺสธมฺมสฺส
วณฺณํ ภาสึสุ อสุโก ภิกฺขุ ปมสฺส ฌานสฺส ลาภี ฯเปฯ อสุโก ภิกฺขุ
จตุตฺถสฺส ฌานสฺส ลาภี อสุโก ภิกฺขุ โสตาปนฺโน ฯเปฯ อสุโก ภิกฺขุ
ฉฬภิญฺโติ ฯ อถโข เต มนุสฺสา ลาภา วต โน สุลทฺธํ วต โน เยสํ
โน เอวรูปา ภิกฺขู วสฺสํ อุปคตา น วต โน อิโต ปุพฺเพ เอวรูปา
ภิกฺขู วสฺสํ อุปคตา ยถยิเม ภิกฺขู สีลวนฺโต กลฺยาณธมฺมาติ ฯ
เต ๑- น ๒- ตาทิสานิ โภชนานิ อตฺตนา ภุญฺชนฺติ น มาตาปิตูนํ
เทนฺติ น ปุตฺตทารสฺส เทนฺติ น ทาสกมฺมกรโปริสสฺส เทนฺติ น
มิตฺตามจฺจานํ เทนฺติ น าติสาโลหิตานํ เทนฺติ ยาทิสานิ
@เชิงอรรถ: ๑-๒ ยุ. ม. โปตฺถเกสุ อยํ ปาโ สพฺพตฺถ วาเรสุ อาคโต ฯ
ภิกฺขูนํ เทนฺติ น ตาทิสานิ ขาทนียานิ อตฺตนา ขาทนฺติ น
มาตาปิตูนํ เทนฺติ ฯเปฯ น าติสาโลหิตานํ เทนฺติ ยาทิสานิ
ภิกฺขูนํ เทนฺติ น ๑- ตาทิสานิ สายนียานิ อตฺตนา สายนฺติ น
มาตาปิตูนํ เทนฺติ ฯเปฯ น าติสาโลหิตานํ เทนฺติ ยาทิสานิ
ภิกฺขูนํ เทนฺติ น ๒- ตาทิสานิ ปานานิ อตฺตนา ปิวนฺติ น มาตาปิตูนํ
เทนฺติ น ปุตฺตทารสฺส เทนฺติ น ทาสกมฺมกรโปริสสฺส
เทนฺติ น มิตฺตามจฺจานํ เทนฺติ น าติสาโลหิตานํ เทนฺติ
ยาทิสานิ ภิกฺขูนํ เทนฺติ ฯ อถโข เต ภิกฺขู วณฺณวนฺโต อเหสุํ
ปีนินฺทฺริยา ปสนฺนมุขวณฺณา วิปฺปสนฺนจฺฉวิวณฺณา ฯ
{๒๒๗.๓} อาจิณฺณํ โข ปเนตํ วสฺสํ วุตฺถานํ ภิกฺขูนํ ภควนฺตํ
ทสฺสนาย อุปสงฺกมิตุํ ฯ อถโข เต ภิกฺขู วสฺสํ วุตฺถา เตมาสจฺจเยน
เสนาสนํ สํสาเมตฺวา ปตฺตจีวรมาทาย เยน เวสาลี เตน ปกฺกมึสุ
อนุปุพฺเพน จาริกํ ๓- จรมานา ๔- เยน เวสาลี เยน มหาวนํ เยน
กูฏาคารสาลา เยน ภควา เตนุปสงฺกมึสุ อุปสงฺกมิตฺวา ภควนฺตํ
อภิวาเทตฺวา เอกมนฺตํ นิสีทึสุ ฯ
[๒๒๘] เตน โข ปน สมเยน ทิสาสุ วสฺสํ วุตฺถา ภิกฺขู กิสา
โหนฺติ ลูขา ทุพฺพณฺณา อุปฺปณฺฑุปฺปณฺฑุกชาตา ธมนิสนฺถตคตฺตา ฯ
วคฺคุมุทาตีริยา ปน ภิกฺขู วณฺณวนฺโต โหนฺติ ปีนินฺทฺริยา ปสนฺนมุขวณฺณา
@เชิงอรรถ: ๑-๒ อยมฺปน เอเกกสฺมึ วาเร เอเกโกเยว ปากโฏ ฯ ๓-๔ ตีสุปิ
@โปตฺถเกสุ อิทํ ปาทฺวยํ น ปญฺายติ ฯ
วิปฺปสนฺนจฺฉวิวณฺณา ฯ อาจิณฺณํ โข ปเนตํ พุทฺธานํ
ภควนฺตานํ อาคนฺตุเกหิ ภิกฺขูหิ สทฺธึ ปฏิสมฺโมทิตุํ ฯ อถโข
ภควา วคฺคุมุทาตีริเย ภิกฺขู เอตทโวจ กจฺจิ ภิกฺขเว ขมนียํ
กจฺจิ ยาปนียํ กจฺจิ สมคฺคา สมฺโมทมานา อวิวทมานา ผาสุกํ
วสฺสํ วสิตฺถ น จ ปิณฺฑเกน กิลมิตฺถาติ ฯ ขมนียํ ภควา
ยาปนียํ ภควา สมคฺคา จ มยํ ภนฺเต สมฺโมทมานา อวิวทมานา
ผาสุกํ วสฺสํ วสิมฺหา น จ ปิณฺฑเกน กิลมิมฺหาติ ฯ ชานนฺตาปิ
ตถาคตา ปุจฺฉนฺติ ชานนฺตาปิ น ปุจฺฉนฺติ กาลํ วิทิตฺวา ปุจฺฉนฺติ
กาลํ วิทิตฺวา น ปุจฺฉนฺติ อตฺถสญฺหิตํ ตถาคตา ปุจฺฉนฺติ โน
อนตฺถสญฺหิตํ อนตฺถสญฺหิเต เสตุฆาโต ตถาคตานํ ฯ ทฺวีหากาเรหิ
พุทฺธา ภควนฺโต ภิกฺขู ปฏิปุจฺฉนฺติ ธมฺมํ วา เทสิสฺสาม
สาวกานํ วา สิกฺขาปทํ ปญฺาเปสฺสามาติ ฯ อถโข ภควา
วคฺคุมุทาตีริเย ภิกฺขู เอตทโวจ ยถา กถํ ปน ตุเมฺห ภิกฺขเว
สมคฺคา สมฺโมทมานา อวิวทมานา ผาสุกํ วสฺสํ วสิตฺถ น จ
ปิณฺฑเกน กิลมิตฺถาติ ฯ อถโข เต ภิกฺขู ภควโต เอตมตฺถํ
อาโรเจสุํ ฯ กจฺจิ ปน โว ภิกฺขเว ภูตนฺติ ฯ อภูตํ ภควาติ ฯ
[๒๒๙] วิครหิ พุทฺโธ ภควา อนนุจฺฉวิกํ โมฆปุริสา อนนุโลมิกํ
อปฺปฏิรูปํ อสฺสามณกํ อกปฺปิยํ อกรณียํ กถํ หิ นาม ตุเมฺห
โมฆปุริสา อุทรสฺส การณา คิหีนํ อญฺมญฺสฺส อุตฺตริ-
มนุสฺสธมฺมสฺส วณฺณํ ภาสิสฺสถ วรํ ตุเมฺหหิ โมฆปุริสา ติเณฺหน
โควิกนฺตเนน ๑- กุจฺฉิปริกนฺโต น เตฺวว อุทรสฺส การณา คิหีนํ
อญฺมญฺสฺส อุตฺตริมนุสฺสธมฺมสฺส วณฺโณ ภาสิโต ตํ กิสฺส
เหตุ ตโตนิทานํ หิ โมฆปุริสา มรณํ วา นิคจฺเฉยฺย มรณมตฺตํ
วา ทุกฺขํ น เตฺวว ตปฺปจฺจยา กายสฺส เภทา ปรํ มรณา
อปายํ ทุคฺคตึ วนิปาตํ นิรยํ อุปปชฺเชยฺย อิโตนิทานญฺจ โข
โมฆปุริสา กายสฺส เภทา ปรํ มรณา อปายํ ทุคฺคตึ วินิปาตํ
นิรยํ อุปปชฺเชยฺย เนตํ โมฆปุริสา อปฺปสนฺนานํ วา ปสาทาย
ปสนฺนานํ วา ภิยฺโยภาวาย ฯเปฯ วิครหิตฺวา ธมฺมึ กถํ กตฺวา
ภิกฺขู อามนฺเตสิ ฯ
[๒๓๐] ปญฺจิเม ภิกฺขเว มหาโจรา สนฺโต สํวิชฺชมานา โลกสฺมึ ฯ
กตเม ปญฺจ ฯ อิธ ภิกฺขเว เอกจฺจสฺส มหาโจรสฺส เอวํ โหติ
กุทาสฺสุ นามาหํ สเตน วา สหสฺเสน วา ปริวุโต คามนิคมราชธานีสุ
อาหิณฺฑิสฺสามิ หนนฺโต ฆาเตนฺโต ฉินฺทนฺโต เฉทาเปนฺโต ปจนฺโต
ปจาเปนฺโตติ ฯ โส อปเรน สมเยน สเตน วา สหสฺเสน วา ปริวุโต
คามนิคมราชธานีสุ อาหิณฺฑติ หนนฺโต ฆาเตนฺโต ฉินฺทนฺโต
เฉทาเปนฺโต ปจนฺโต ปจาเปนฺโต ฯ เอวเมว โข ภิกฺขเว อิเธกจฺจสฺส
ปาปภิกฺขุโน เอวํ โหติ กุทาสฺสุ นามาหํ สเตน วา สหสฺเสน
วา ปริวุโต คามนิคมราชธานีสุ จาริกํ จริสฺสามิ สกฺกโต ครุกโต
มานิโต ปูชิโต อปจิโต คหฏฺานญฺเจว ปพฺพชิตานญฺจ ลาภี
@เชิงอรรถ: ๑ ยุ. ม. โควิกตฺตเนน ฯ
จีวรปิณฺฑปาตเสนาสนคิลานปจฺจยเภสชฺชปริกฺขารานนฺติ ฯ โส
อปเรน สมเยน สเตน วา สหสฺเสน วา ปริวุโต คามนิคมราชธานีสุ
จาริกํ จรติ สกฺกโต ครุกโต มานิโต ปูชิโต อปจิโต คหฏฺานญฺเจว
ปพฺพชิตานญฺจ ลาภี จีวรปิณฺฑปาตเสนาสนคิลานปจฺจยเภสชฺช-
ปริกฺขารานํ ฯ อยํ ภิกฺขเว ปโม มหาโจโร สนฺโต สํวิชฺชมาโน
โลกสฺมึ ฯ
{๒๓๐.๑} ปุน จปรํ ภิกฺขเว อิเธกจฺโจ ปาปภิกฺขุ ตถาคตปฺปเวทิตํ
ธมฺมวินยํ ปริยาปุณิตฺวา อตฺตโน หทติ ๑- ฯ อยํ ภิกฺขเว ทุติโย
มหาโจโร สนฺโต สํวิชฺชมาโน โลกสฺมึ ฯ
{๒๓๐.๒} ปุน จปรํ ภิกฺขเว อิเธกจฺโจ ปาปภิกฺขุ สุทฺธํ พฺรหฺมจารึ
ปริสุทฺธํ พฺรหฺมจริยํ จรนฺตํ อมูลเกน อพฺรหฺมจริเยน อนุทฺธํเสติ ฯ อยํ
ภิกฺขเว ตติโย มหาโจโร สนฺโต สํวิชฺชมาโน โลกสฺมึ ฯ
{๒๓๐.๓} ปุน จปรํ ภิกฺขเว อิเธกจฺโจ ปาปภิกฺขุ ยานิ ตานิ สงฺฆสฺส
ครุภณฺฑานิ ครุปริกฺขารานิ เสยฺยถีทํ อาราโม อารามวตฺถุ วิหาโร
วิหารวตฺถุ มญฺโจ ปี ภิสี พิมฺโพหนํ โลหกุมฺภี โลหภาณกํ ๒-
โลหวารโก โลหกฏาหํ วาสี ผรสุ กุารี กุทฺทาโล นิขาทนํ วลฺลี
เวฬุ มุญฺชํ ปพฺพชํ ติณํ มตฺติกา ทารุภณฺฑํ มตฺติกาภณฺฑํ เตหิ คิหี
สงฺคณฺหาติ อุปลาเปติ ฯ อยํ ภิกฺขเว จตุตฺโถ มหาโจโร สนฺโต
สํวิชฺชมาโน โลกสฺมึ ฯ
{๒๓๐.๔} สเทวเก ภิกฺขเว โลเก สมารเก สพฺรหฺมเก สสฺสมณพฺราหฺมณิยา
ปชาย สเทวมนุสฺสาย อยํ อคฺโค มหาโจโร โย อสนฺตํ อภูตํ อุตฺตริมนุสฺสธมฺมํ
@เชิงอรรถ: ๑ ยุ. ม. หรติ ฯ ๒ ยุ. ม. โลหภาณโก ฯ
อุลฺลปติ ตํ กิสฺส เหตุ เถยฺยาย โว ภิกฺขเว รฏฺปิณฺโฑ
ภุตฺโตติ ฯ
อญฺถา สนฺตมตฺตานํ อญฺถา โย ปเวทเย
นิกจฺจ กิตวสฺเสว ภุตฺตํ เถยฺเยน ตสฺส ตํ ฯ
กาสาวกณฺา พหโว ปาปธมฺมา อสญฺตา
ปาปา ปาเปหิ กมฺเมหิ นิรยนฺเต อุปปชฺชเร ฯ
เสยฺโย อโยคุโฬ ภุตฺโต ตตฺโต อคฺคิสิขูปโม
ยญฺเจ ภุญฺเชยฺย ทุสฺสีโล รฏฺปิณฺฑํ อสญฺโตติ ฯ
[๒๓๑] อถโข ภควา วคฺคุมุทาตีริเย ภิกฺขู อเนกปริยาเยน
วิครหิตฺวา ทุพฺภรตาย ทุปฺโปสตาย ฯเปฯ เอวญฺจ ปน ภิกฺขเว
อิมํ สิกฺขาปทํ อุทฺทิเสยฺยาถ
{๒๓๑.๑} โย ปน ภิกฺขุ อนภิชานํ อุตฺตริมนุสฺสธมฺมํ อตฺตูปนายิกํ
อลมริยาณทสฺสนํ สมุทาจเรยฺย อิติ ชานามิ อิติ ปสฺสามีติ ตโต อปเรน สมเยน
สมนุคฺคาหิยมาโน วา อสมนุคฺคาหิยมาโน วา อาปนฺโน วิสุทฺธาเปกฺโข ๑-
เอวํ วเทยฺย อชานเมวํ อาวุโส อวจํ ชานามิ อปสฺสํ ปสฺสามิ ตุจฺฉํ มุสา
วิลปินฺติ อยมฺปิ ปาราชิโก โหติ อสํวาโสติ ฯ
{๒๓๑.๒} เอวญฺจิทํ ภควตา ภิกฺขูนํ สิกฺขาปทํ ปญฺตฺตํ โหติ ฯ
[๒๓๒] เตน โข ปน สมเยน สมฺพหุลา ภิกฺขู อทิฏฺเ ทิฏฺสญฺิโน
อปตฺเต ปตฺตสญฺิโน อนธิคเต อธิคตสญฺิโน อสจฺฉิกเต
@เชิงอรรถ: ๑ วิสุทฺธาเปโขติปิ ปาโ ฯ
สจฺฉิกตสญฺิโน อธิมาเนน อญฺ พฺยากรึสุ ฯ เตสํ อปเรน
สมเยน ราคายปิ จิตฺตํ นมติ โทสายปิ จิตฺตํ นมติ โมหายปิ
จิตฺตํ นมติ ฯ เตสํ กุกฺกุจฺจํ อโหสิ ภควตา สิกฺขาปทํ ปญฺตฺตํ
มยญฺจมฺหา อทิฏฺเ ทิฏฺสญฺิโน อปตฺเต ปตฺตสญฺิโน อนธิคเต
อธิคตสญฺิโน อสจฺฉิกเต สจฺฉิกตสญฺิโน อธิมาเนน อญฺ
พฺยากริมฺหา กจฺจิ นุ โข มยํ ปาราชิกํ อาปตฺตึ อาปนฺนาติ ฯ
เต ๑- อายสฺมโต อานนฺทสฺส เอตมตฺถํ อาโรเจสุํ ฯ อายสฺมา
อานนฺโท ภควโต เอตมตฺถํ อาโรเจสิ ฯ โหนฺติเยวานนฺท ๒- ภิกฺขู
อทิฏฺเ ทิฏฺสญฺิโน อปตฺเต ปตฺตสญฺิโน อนธิคเต อธิคตสญฺิโน
อสจฺฉิกเต สจฺฉิกตสญฺิโน อธิมาเนน อญฺ พฺยากโรนฺติ
ตญฺจ โข เอตํ อพฺโพหาริกนฺติ ฯ อถโข ภควา เอตสฺมึ นิทาเน
เอตสฺมึ ปกรเณ ธมฺมึ กถํ กตฺวา ภิกฺขู อามนฺเตสิ ฯเปฯ เอวญฺจ
ปน ภิกฺขเว อิมํ สิกฺขาปทํ อุทฺทิเสยฺยาถ
{๒๓๒.๑} โย ปน ภิกฺขุ อนภิชานํ อุตฺตริมนุสฺสธมฺมํ อตฺตูปนายิกํ
อลมริยาณทสฺสนํ สมุทาจเรยฺย อิติ ชานามิ อิติ ปสฺสามีติ ตโต อปเรน
สมเยน สมนุคฺคาหิยมาโน วา อสมนุคฺคาหิยมาโน วา อาปนฺโน
วิสุทฺธาเปกฺโข เอวํ วเทยฺย อชานเมวํ อาวุโส อวจํ ชานามิ อปสฺสํ
ปสฺสามิ ตุจฺฉํ มุสา วิลปินฺติ อญฺตฺร อธิมานา อยมฺปิ ปาราชิโก
โหติ อสํวาโสติ ฯ
@เชิงอรรถ: ๑ ยุ. ม. โปตฺถเกสุ อยํ ปาโ น โหติ ฯ ๒ ยุ. ม. เหเต อานนฺท ฯ
[๒๓๓] โย ปนาติ โย ยาทิโส ฯเปฯ ภิกฺขูติ ฯเปฯ อยํ
อิมสฺมึ อตฺเถ อธิปฺเปโต ภิกฺขูติ ฯ อนภิชานนฺติ อสนฺตํ อภูตํ
อสํวิชฺชมานํ อชานนฺโต อปสฺสนฺโต อตฺตนิ กุสลํ ธมฺมํ อตฺถิ
เม กุสลา ๑- ธมฺมาติ ฯ อุตฺตริมนุสฺสธมฺโม นาม ฌานํ วิโมกฺขํ
สมาธิ สมาปตฺติ าณทสฺสนํ มคฺคภาวนา ผลสจฺฉิกิริยา
กิเลสปฺปหานํ วินีวรณตา จิตฺตสฺส สุญฺาคาเร อภิรติ ฯ
อตฺตูปนายิกนฺติ เต วา กุสเล ธมฺเม อตฺตนิ อุปเนติ อตฺตานํ
วา เตสุ กุสเลสุ ธมฺเมสุ อุปเนติ ฯ าณนฺติ ติสฺโส วิชฺชา ฯ
ทสฺสนนฺติ ยํ าณํ ตํ ทสฺสนํ ยํ ทสฺสนํ ตํ าณํ ฯ สมุทาจเรยฺยาติ
อาโรเจยฺย อิตฺถิยา วา ปุริสสฺส วา คหฏฺสฺส วา ปพฺพชิตสฺส
วา ฯ อิติ ชานามิ อิติ ปสฺสามีติ ชานามหํ เอเต ธมฺเม ปสฺสามหํ
เอเต ธมฺเม อตฺถิ จ เม เอเต ธมฺมา อหญฺจ เอเตสุ ธมฺเมสุ
สนฺทิสฺสามีติ ฯ
[๒๓๔] ตโต อปเรน สมเยนาติ ยสฺมึ ขเณ สมุทาจิณฺณํ โหติ
ตํ ขณํ ตํ ลยํ ตํ มุหุตฺตํ วีติวตฺเต ฯ สมนุคฺคาหิยมาโนติ ยํ
วตฺถุํ ปฏิญฺาตํ โหติ ตสฺมึ วตฺถุสฺมึ สมนุคฺคาหิยมาโน กึ
เต อธิคตํ กินฺติ เต อธิคตํ กทา เต อธิคตํ กตฺถ เต อธิคตํ
กตเม เต กิเลสา ปหีนา กตเมสํ ตฺวํ ธมฺมานํ ลาภีติ ฯ
อสมนุคฺคาหิยมาโนติ น เกนจิ วุจฺจมาโน ฯ อาปนฺโนติ ปาปิจฺโฉ
@เชิงอรรถ: ๑ ตีสุปิ โปตฺถเกสุ เอกวจนนิทฺเทโส กโต ฯ
อิจฺฉาปกโต อสนฺตํ อภูตํ อุตฺตริมนุสฺสธมฺมํ อุลฺลปิตฺวา ปาราชิกํ
อาปตฺตึ อาปนฺโน โหติ ฯ วิสุทฺธาเปกฺโขติ คิหี วา โหตุกาโม
อุปาสโก วา โหตุกาโม อารามิโก วา โหตุกาโม สามเณโร
วา โหตุกาโม ฯ อชานเมวํ อาวุโส อวจํ ชานามิ อปสฺสํ
ปสฺสามีติ นาหํ เอเต ธมฺเม ชานามิ นาหํ เอเต ธมฺเม ปสฺสามิ
นตฺถิ จ เม เอเต ธมฺมา น จาหํ เอเตสุ ธมฺเมสุ สนฺทิสฺสามีติ ฯ
ตุจฺฉํ มุสา วิลปินฺติ ตุจฺฉกํ มยา ภณิตํ มุสา มยา ภณิตํ
อภูตํ มยา ภณิตํ อสนฺตํ มยา ภณิตํ ๑- อชานนฺเตน มยา
ภณิตํ ฯ อญฺตฺร อธิมานาติ เปตฺวา อธิมานํ ฯ
[๒๓๕] อยมฺปีติ ปุริเม อุปาทาย วุจฺจติ ฯ ปาราชิโก โหตีติ
เสยฺยถาปิ นาม ตาโล มตฺถกจฺฉินฺโน อภพฺโพ ปุน วิรุฬฺหิยา
เอวเมว ภิกฺขุ ปาปิจฺโฉ อิจฺฉาปกโต อสนฺตํ อภูตํ อุตฺตริมนุสฺสธมฺมํ
อุลฺลปิตฺวา อสฺสมโณ โหติ อสกฺยปุตฺติโย เตน วุจฺจติ ปาราชิโก
โหตีติ ฯ อสํวาโสติ สํวาโส นาม เอกกมฺมํ เอกุทฺเทโส สมสิกฺขาตา
เอโส สํวาโส นาม ฯ โส เตน สทฺธึ นตฺถิ เตน วุจฺจติ อสํวาโสติ ฯ
[๒๓๖] อุตฺตริมนุสฺสธมฺโม นาม ฌานํ วิโมกฺขํ สมาธิ สมาปตฺติ
าณทสฺสนํ มคฺคภาวนา ผลสจฺฉิกิริยา กิเลสปฺปหานํ วินีวรณตา
จิตฺตสฺส สุญฺาคาเร อภิรติ ฯ ฌานนฺติ ปมํ ฌานํ ทุติยํ
@เชิงอรรถ: ๑ อิทํ ปาตฺตยํ ยุ. ม. โปตฺถเกสุ น ปญฺายติ ฯ
ฌานํ ตติยํ ฌานํ จตุตฺถํ ฌานํ ฯ วิโมกฺโขติ สุญฺโต วิโมกฺโข
อนิมิตฺโต วิโมกฺโข อปฺปณิหิโต วิโมกฺโข ฯ สมาธีติ สุญฺโต
สมาธิ อนิมิตฺโต สมาธิ อปฺปณิหิโต สมาธิ ฯ สมาปตฺตีติ
สุญฺตา สมาปตฺติ อนิมิตฺตา สมาปตฺติ อปฺปณิหิตา สมาปตฺติ ฯ
าณนฺติ ติสฺโส วิชฺชา ฯ มคฺคภาวนาติ จตฺตาโร สติปฏฺานา
จตฺตาโร สมฺมปฺปธานา จตฺตาโร อิทฺธิปาทา ปญฺจินฺทฺริยานิ ปญฺจ
พลานิ สตฺต โพชฺฌงฺคา อริโย อฏฺงฺคิโก มคฺโค ฯ ผลสจฺฉิกิริยาติ
โสตาปตฺติผลสฺส สจฺฉิกิริยา สกทาคามิผลสฺส สจฺฉิกิริยา อนาคามิ-
ผลสฺส สจฺฉิกิริยา อรหตฺตผลสฺส สจฺฉิกิริยา ฯ กิเลสปฺปหานนฺติ
ราคสฺส ปหานํ โทสสฺส ปหานํ โมหสฺส ปหานํ ฯ วินีวรณตา
จิตฺตสฺสาติ ราคา จิตฺตํ วินีวรณตา โทสา จิตฺตํ วินีวรณตา โมหา
จิตฺตํ วินีวรณตา ฯ สุญฺาคาเร อภิรตีติ ปเมน ฌาเนน
สุญฺาคาเร อภิรติ ทุติเยน ฌาเนน สุญฺาคาเร อภิรติ ตติเยน
ฌาเนน สุญฺาคาเร อภิรติ จตุตฺเถน ฌาเนน สุญฺาคาเร อภิรติ ฯ
[๒๓๗] ตีหากาเรหิ ปมํ ฌานํ สมาปชฺชินฺติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา
ภณิสฺสนฺติ ภณนฺตสฺส โหติ มุสา ภณามีติ ภณิตสฺส โหติ
มุสา มยา ภณิตนฺติ ฯ
{๒๓๗.๑} จตูหากาเรหิ ปมํ ฌานํ สมาปชฺชินฺติ
สมฺปชานมุสา ภณนฺตสฺส อาปตฺติ ปาราชิกสฺส ปุพฺเพ วสฺส
โหติ มุสา ภณิสฺสนฺติ ภณนฺตสฺส โหติ มุสา ภณามีติ
ภณิตสฺส โหติ มุสา มยา ภณิตนฺติ วินิธาย ทิฏฺึ ฯ
{๒๓๗.๒} ปญฺจหากาเรหิ ปมํ ฌานํ สมาปชฺชินฺติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ
วินิธาย ทิฏฺึ วินิธาย ขนฺตึ ฯ
{๒๓๗.๓} ฉหากาเรหิ ปมํ ฌานํ สมาปชฺชินฺติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ
วินิธาย ทิฏฺึ วินิธาย ขนฺตึ วินิธาย รุจึ ฯ
{๒๓๗.๔} สตฺตหากาเรหิ ปมํ ฌานํ สมาปชฺชินฺติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ
วินิธาย ทิฏฺึ วินิธาย ขนฺตึ วินิธาย รุจึ วินิธาย ภาวํ ฯ
[๒๓๘] ตีหากาเรหิ ปมํ ฌานํ สมาปชฺชามีติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ ฯ
{๒๓๘.๑} จตูหากาเรหิ ปมํ ฌานํ สมาปชฺชามีติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ ภณนฺตสฺส
โหติ มุสา ภณามีติ ภณิตสฺส โหติ มุสา มยา ภณิตนฺติ วินิธาย ทิฏฺึ ฯ
{๒๓๘.๒} ปญฺจหากาเรหิ ปมํ ฌานํ สมาปชฺชามีติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา
ภณิตนฺติ วินิธาย ทิฏฺึ วินิธาย ขนฺตึ ฯ
{๒๓๘.๓} ฉหากาเรหิ ปมํ ฌานํ สมาปชฺชามีติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ
วินิธาย ทิฏฺึ วินิธาย ขนฺตึ วินิธาย รุจึ ฯ
{๒๓๘.๔} สตฺตหากาเรหิ ปมํ ฌานํ สมาปชฺชามีติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ
วินิธาย ทิฏฺึ วินิธาย ขนฺตึ วินิธาย รุจึ วินิธาย ภาวํ ฯ
[๒๓๙] ตีหากาเรหิ ปมํ ฌานํ สมาปนฺโนติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา
ภณิสฺสนฺติ ภณนฺตสฺส โหติ มุสา ภณามีติ ภณิตสฺส โหติ
มุสา มยา ภณิตนฺติ ฯ
{๒๓๙.๑} จตูหากาเรหิ ปมํ ฌานํ สมาปนฺโนติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ
วินิธาย ทิฏฺึ ฯ
{๒๓๙.๒} ปญฺจหากาเรหิ ปมํ ฌานํ สมาปนฺโนติ สมฺปชานมุสา ภณนฺตสฺส
อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ ภณนฺตสฺส
โหติ มุสา ภณามีติ ภณิตสฺส โหติ มุสา มยา ภณิตนฺติ วินิธาย
ทิฏฺึ วินิธาย ขนฺตึ ฯ
{๒๓๙.๓} ฉหากาเรหิ ปมํ ฌานํ สมาปนฺโนติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ
วินิธาย ทิฏฺึ วินิธาย ขนฺตึ วินิธาย รุจึ ฯ
{๒๓๙.๔} สตฺตหากาเรหิ ปมํ ฌานํ สมาปนฺโนติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ
วินิธาย ทิฏฺึ วินิธาย ขนฺตึ วินิธาย รุจึ วินิธาย ภาวํ ฯ
[๒๔๐] ตีหากาเรหิ ปมสฺส ฌานสฺส ลาภิมฺหีติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ ฯ
{๒๔๐.๑} จตูหากาเรหิ ปมสฺส ฌานสฺส ลาภิมฺหีติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ
วินิธาย ทิฏฺึ ฯ
{๒๔๐.๒} ปญฺจหากาเรหิ ปมสฺส ฌานสฺส ลาภิมฺหีติ สมฺปชาน-
มุสา ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา
ภณิสฺสนฺติ ภณนฺตสฺส โหติ มุสา ภณามีติ ภณิตสฺส โหติ
มุสา มยา ภณิตนฺติ วินิธาย ทิฏฺึ วินิธาย ขนฺตึ ฯ
{๒๔๐.๓} ฉหากาเรหิ ปมสฺส ฌานสฺส ลาภิมฺหีติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา
ภณิสฺสนฺติ ภณนฺตสฺส โหติ มุสา ภณามีติ ภณิตสฺส โหติ มุสา
มยา ภณิตนฺติ วินิธาย ทิฏฺึ วินิธาย ขนฺตึ วินิธาย รุจึ ฯ
{๒๔๐.๔} สตฺตหากาเรหิ ปมสฺส ฌานสฺส ลาภิมฺหีติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ
วินิธาย ทิฏฺึ วินิธาย ขนฺตึ วินิธาย รุจึ วินิธาย ภาวํ ฯ
[๒๔๑] ตีหากาเรหิ ปมสฺส ฌานสฺส วสิมฺหีติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ ฯ
{๒๔๑.๑} จตูหากาเรหิ ปมสฺส ฌานสฺส วสิมฺหีติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ
วินิธาย ทิฏฺึ ฯ
{๒๔๑.๒} ปญฺจหากาเรหิ ปมสฺส ฌานสฺส วสิมฺหีติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ
วินิธาย ทิฏฺึ วินิธาย ขนฺตึ ฯ
{๒๔๑.๓} ฉหากาเรหิ ปมสฺส ฌานสฺส วสิมฺหีติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ
วินิธาย ทิฏฺึ วินิธาย ขนฺตึ วินิธาย รุจึ ฯ
{๒๔๑.๔} สตฺตหากาเรหิ ปมสฺส ฌานสฺส วสิมฺหีติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ
วินิธาย ทิฏฺึ วินิธาย ขนฺตึ วินิธาย รุจึ วินิธาย ภาวํ ฯ
[๒๔๒] ตีหากาเรหิ ปมํ ฌานํ สจฺฉิกตํ มยาติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ ฯ
{๒๔๒.๑} จตูหากาเรหิ ปมํ ฌานํ สจฺฉิกตํ มยาติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ
วินิธาย ทิฏฺึ ฯ
{๒๔๒.๒} ปญฺจหากาเรหิ ปมํ ฌานํ สจฺฉิกตํ มยาติ
สมฺปชานมุสา ภณนฺตสฺส อาปตฺติ ปาราชิกสฺส ปุพฺเพ วสฺส
โหติ มุสา ภณิสฺสนฺติ ภณนฺตสฺส โหติ มุสา ภณามีติ ภณิตสฺส โหติ
มุสา มยา ภณิตนฺติ วินิธาย ทิฏฺึ วินิธาย ขนฺตึ ฯ ฉหากาเรหิ ปมํ
ฌานํ สจฺฉิกตํ มยาติ สมฺปชานมุสา ภณนฺตสฺส อาปตฺติ
ปาราชิกสฺส ปุพฺเพ วสฺส โหติ มุสา ภณิสฺสนฺติ ภณนฺตสฺส
โหติ มุสา ภณามีติ ภณิตสฺส โหติ มุสา มยา ภณิตนฺติ วินิธาย
ทิฏฺึ วินิธาย ขนฺตึ วินิธาย รุจึ ฯ
{๒๔๒.๓} สตฺตหากาเรหิ ปมํ ฌานํ สจฺฉิกตํ มยาติ สมฺปชานมุสา
ภณนฺตสฺส อาปตฺติ ปาราชิกสฺส ปุพฺเพ วสฺส โหติ มุสา ภณิสฺสนฺติ
ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ
วินิธาย ทิฏฺึ วินิธาย ขนฺตึ วินิธาย รุจึ วินิธาย ภาวํ (ยถา อิทํ ปมํ
ฌานํ วิตฺถาริตํ เอวํ สพฺพํปิ วิตฺถาเรตพฺพํ ๑- ฯ)
[๒๔๓] ตีหากาเรหิ ทุติยํ ฌานํ ตติยํ ฌานํ จตุตฺถํ ฌานํ สมาปชฺชึ
สมาปชฺชามิ สมาปนฺโน จตุตฺถสฺส ฌานสฺส ลาภิมฺหิ วสิมฺหิ จตุตฺถํ
ฌานํ สจฺฉิกตํ มยาติ สมฺปชานมุสา ภณนฺตสฺส อาปตฺติ ปาราชิกสฺส
ปุพฺเพ วสฺส โหติ มุสา ภณิสฺสนฺติ ภณนฺตสฺส โหติ มุสา ภณามีติ
ภณิตสฺส โหติ มุสา มยา ภณิตนฺติ วินิธาย ทิฏฺึ วินิธาย ขนฺตึ
วินิธาย รุจึ วินิธาย ภาวํ ฯ
[๒๔๔] ตีหากาเรหิ สุญฺตํ วิโมกฺขํ อนิมิตฺตํ วิโมกฺขํ อปฺปณิหิตํ
วิโมกฺขํ สมาปชฺชึ สมาปชฺชามิ สมาปนฺโน อปฺปณิหิตสฺส
วิโมกฺขสฺส ลาภิมฺหิ วสิมฺหิ อปฺปณิหิโต วิโมกฺโข สจฺฉิกโต มยาติ
@เชิงอรรถ: ๑ อิทํ วจนํ ยุโรปิยโปตฺถเก อิตเรสํ ฌานานํ โอสานวาเร ปิตํ อมฺหากมฺปน
@โปตฺถเก มรมฺมรามญฺโปตฺถเกสุ จ อิธ ปิตนฺติ ทฏฺพฺพํ ฯ
สมฺปชานมุสา ภณนฺตสฺส อาปตฺติ ปาราชิกสฺส ฯเปฯ
[๒๔๕] ตีหากาเรหิ สุญฺตํ สมาธึ อนิมิตฺตํ สมาธึ อปฺปณิหิตํ
สมาธึ สมาปชฺชึ สมาปชฺชามิ สมาปนฺโน อปฺปณิหิตสฺส สมาธิสฺส
ลาภิมฺหิ วสิมฺหิ อปฺปณิหิโต สมาธิ สจฺฉิกโต มยาติ สมฺปชานมุสา
ภณนฺตสฺส อาปตฺติ ปาราชิกสฺส ฯเปฯ
[๒๔๖] ตีหากาเรหิ สุญฺตํ สมาปตฺตึ อนิมิตฺตํ สมาปตฺตึ
อปฺปณิหิตํ สมาปตฺตึ สมาปชฺชึ สมาปชฺชามิ สมาปนฺโน อปฺปณิหิตาย
สมาปตฺติยา ลาภิมฺหิ วสิมฺหิ อปฺปณิหิตา สมาปตฺติ สจฺฉิกตา
มยาติ สมฺปชานมุสา ภณนฺตสฺส อาปตฺติ ปาราชิกสฺส ฯเปฯ
[๒๔๗] ตีหากาเรหิ ติสฺโส วิชฺชา สมาปชฺชึ สมาปชฺชามิ สมาปนฺโน
ติสฺสนฺนํ วิชฺชานํ ลาภิมฺหิ วสิมฺหิ ติสฺโส วิชฺชา สจฺฉิกตา มยาติ
สมฺปชานมุสา ภณนฺตสฺส อาปตฺติ ปาราชิกสฺส ฯเปฯ
[๒๔๘] ตีหากาเรหิ จตฺตาโร สติปฏฺาเน จตฺตาโร สมฺมปฺปธาเน
จตฺตาโร อิทฺธิปาเท สมาปชฺชึ สมาปชฺชามิ สมาปนฺโน จตุนฺนํ
อิทฺธิปาทานํ ลาภิมฺหิ วสิมฺหิ จตฺตาโร อิทฺธิปาทา สจฺฉิกตา มยาติ
สมฺปชานมุสา ภณนฺตสฺส อาปตฺติ ปาราชิกสฺส ฯเปฯ
[๒๔๙] ตีหากาเรหิ ปญฺจินฺทฺริยานิ ปญฺจ พลานิ สมาปชฺชึ
สมาปชฺชามิ สมาปนฺโน ปญฺจนฺนํ พลานํ ลาภิมฺหิ วสิมฺหิ ปญฺจ
พลานิ สจฺฉิกตานิ มยาติ สมฺปชานมุสา ภณนฺตสฺส อาปตฺติ
ปาราชิกสฺส ฯเปฯ
[๒๕๐] ตีหากาเรหิ สตฺต โพชฺฌงฺเค สมาปชฺชึ สมาปชฺชามิ
สมาปนฺโน สตฺตนฺนํ โพชฺฌงฺคานํ ลาภิมฺหิ วสิมฺหิ สตฺต โพชฺฌงฺคา
สจฺฉิกตา มยาติ สมฺปชานมุสา ภณนฺตสฺส อาปตฺติ ปาราชิกสฺส ฯเปฯ
เนื้อความพระไตรปิฎกฉบับภาษาบาลีอักษรไทย เล่มที่ ๑ หน้าที่ ๑๖๕-๑๘๓.
https://84000.org/tipitaka/read/pali_item.php?book=1&item=227&items=24
อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=1&item=227&items=24&mode=bracket
อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=1&item=227&items=24
อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=1&item=227&items=24
ศึกษาอรรถกถานี้ได้ที่ :-
https://84000.org/tipitaka/attha/attha.php?b=1&i=227
สารบัญพระไตรปิฎกเล่มที่ ๑
https://84000.org/tipitaka/read/?index_1
https://84000.org/tipitaka/english/?index_1
บันทึก ๒ ธันวาคม พ.ศ. ๒๕๕๙.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย.
หากพบข้อผิดพลาด กรุณาแจ้งได้ที่ [email protected]
