บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 21 : PALI ROMAN Sutta Pitaka Vol 13 : Sutta. Aṅ. (2): catukkanipāto
[202] Asappurisanca vo bhikkhave desessami asappurisena asappurisataranca sappurisanca sappurisena sappurisataranca tam sunatha sadhukam manasikarotha bhasissamiti . evam bhanteti kho te bhikkhu bhagavato paccassosum . bhagava etadavoca katamo ca bhikkhave asappuriso idha bhikkhave ekacco assaddho hoti ahiriko hoti anottappi hoti appassuto hoti kusito hoti mutthassati hoti duppanno hoti ayam vuccati bhikkhave asappuriso. {202.1} Katamo ca bhikkhave asappurisena asappurisataro idha bhikkhave ekacco attana ca assaddho hoti paranca assaddhiye 1- samadapeti attana ca @Footnote: 1 Yu. asaddhaya. Ahiriko hoti paranca ahirikataya samadapeti attana ca anottappi hoti paranca anottappe samadapeti attana ca appassuto hoti paranca appassute samadapeti attana ca kusito hoti paranca kosajje samadapeti attana ca mutthassati hoti paranca mutthasacce samadapeti attana ca duppanno hoti paranca duppannataya samadapeti ayam vuccati bhikkhave asappurisena asappurisataro. {202.2} Katamo ca bhikkhave sappuriso idha bhikkhave ekacco saddho hoti hirima hoti ottappi hoti bahussuto hoti araddhaviriyo hoti satima hoti pannava hoti ayam vuccati bhikkhave sappuriso. {202.3} Katamo ca bhikkhave sappurisena sappurisataro idha bhikkhave ekacco attana ca saddhasampanno hoti paranca saddhasampadaya samadapeti attana ca hirima hoti paranca hirimataya samadapeti attana ca ottappi hoti paranca ottappe samadapeti attana ca bahussuto hoti paranca bahusacce samadapeti attana ca araddhaviriyo hoti paranca viriyarambhe samadapeti attana ca upatthitassati hoti paranca satipatthane samadapeti attana ca pannasampanno hoti paranca pannasampadaya samadapeti ayam vuccati bhikkhave sappurisena sappurisataroti.The Pali Tipitaka in Roman Character Volume 21 page 298-299. http://84000.org/tipitaka/pali/roman_item_s.php?book=21&item=202&items=1&modeTY=2 Classified by [Item Number] :- http://84000.org/tipitaka/pali/roman_item_s.php?book=21&item=202&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=21&item=202&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=21&item=202&items=1&modeTY=2 Study Atthakatha :- http://84000.org/tipitaka/attha/attha.php?b=21&i=202 The Pali Atthakatha in Thai :- http://84000.org/tipitaka/atthapali/read_th.php?B=15&A=10057 The Pali Atthakatha in Roman :- http://84000.org/tipitaka/atthapali/read_rm.php?B=15&A=10057 Contents of The Tipitaka Volume 21 http://84000.org/tipitaka/read/?index_21
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]