TIPITAKA Volume 22 : PALI ROMAN
Sutta Pitaka Vol 14 : Sutta. Aṅ. (3): pañcaka-chakkanipātā

     [291]  20  Ekam  samayam bhagava nadike 2- viharati ginjakavasathe.
Tatra  kho  bhagava  bhikkhu  amantesi  maranassati  bhikkhave bhavita bahulikata
mahapphala   hoti   mahanisamsa  amatogadha  amatapariyosana  katham  bhavita
ca   bhikkhave   maranassati   katham   bahulikata   mahapphala  hoti  mahanisamsa
amatogadha   amatapariyosana   idha   bhikkhave   bhikkhu   divase  nikkhante
rattiya   patihitaya   3-   iti  patisancikkhati  bahuka  kho  me  paccaya
maranassa   ahi   va   mam   damseyya   vicchiko  va  mam  damseyya  satapadi
va   mam  damseyya  tena  me  assa  kalakiriya  so  mamassa  antarayo
@Footnote: 1 Ma. Yu. yo ca khvayam .  2 Ma. natike .  3 Ma. patigataya.
---------------------------------------------------------------------------------------------
page342.
Upakkhalitva   va  papateyyam  bhattam  va  me  bhuttam  byapajjeyya  pittam
va  me  kuppeyya  semham  va  me  kuppeyya  satthaka  va me vata
kuppeyyum   tena   me   assa   kalakiriya   so   mamassa  antarayoti
tena   bhikkhave   bhikkhuna   iti   patisancikkhitabbam   atthi   nu  kho  me
papaka   akusala   dhamma   appahina   ye   me   assu  rattim  kalam
karontassa antarayayati
     {291.1}   sace  bhikkhave  bhikkhu  paccavekkhamano  evam  janati
atthi   me   papaka  akusala  dhamma  appahina  ye  me  assu  rattim
kalam   karontassa   antarayayati  tena  bhikkhave  bhikkhuna  tesam  yeva
papakanam    akusalanam    dhammanam    pahanaya   adhimatto   chando   ca
vayamo   ca   ussaho   ca   ussolhi   ca  appativani  ca  sati  ca
sampajannanca    karaniyam    seyyathapi    bhikkhave    adittacelo    va
adittasiso   va   tasseva   celassa   va   sisassa  va  nibbapanaya
adhimattam      chandanca      vayamanca      ussahanca     ussolhinca
appativaninca     satinca    sampajannanca    kareyya    evameva    kho
bhikkhave   tena   bhikkhuna   tesam   yeva   papakanam  akusalanam  dhammanam
pahanaya   adhimatto   chando  ca  vayamo  ca  ussaho  ca  ussolhi
ca appativani ca sati ca sampajannanca karaniyam
     {291.2}   sace   pana   bhikkhave   bhikkhu  paccavekkhamano  evam
janati  natthi  me  papaka  akusala  dhamma  appahina  ye  me  assu
rattim  kalam  karontassa  antarayayati  tena  bhikkhave  bhikkhuna  teneva
pitipamojjena 1- vihatabbam ahorattanusikkhina kusalesu dhammesu.
@Footnote: 1 Po. Yu. pitipamujjena. ito param evam natabbam.
---------------------------------------------------------------------------------------------
page343.
     {291.3}   Idha  pana  bhikkhave  bhikkhu  rattiya  nikkhantaya  divase
patihite  iti  patisancikkhati  bahuka  kho  me  paccaya  maranassa  ahi  va
mam   damseyya  vicchiko  va  mam  damseyya  satapadi  va  mam  damseyya  tena
me   assa   kalakiriya   so   mamassa   antarayo   upakkhalitva  va
papateyyam   bhattam   va   me   bhuttam   byapajjeyya   pittam   va  me
kuppeyya  semham  va  me  kuppeyya  satthaka  va  me vata kuppeyyum
tena   me   assa  kalakiriya  so  mamassa  antarayoti  tena  bhikkhave
bhikkhuna   iti   patisancikkhitabbam   atthi   nu  kho  me  papaka  akusala
dhamma appahina ye me assu diva kalam karontassa antarayayati
     {291.4}  sace  pana  bhikkhave  bhikkhu paccavekkhamano evam janati
atthi  me  papaka  akusala  dhamma  appahina  ye  me assu diva kalam
karontassa  antarayayati  tena  bhikkhave  bhikkhuna  tesam  yeva papakanam
akusalanam  dhammanam  pahanaya  adhimatto  chando  ca  vayamo ca ussaho
ca   ussolhi   ca   appativani   ca   sati   ca   sampajannanca   karaniyam
seyyathapi  bhikkhave  adittacelo  va  adittasiso  va tasseva celassa
va   sisassa  va  nibbapanaya  adhimattam  chandanca  vayamanca  ussahanca
ussolhinca   appativaninca   satinca   sampajannanca   kareyya   evameva
kho   bhikkhave  tena  bhikkhuna  tesam  yeva  papakanam  akusalanam  dhammanam
pahanaya  adhimatto  chando  ca  vayamo  ca  ussaho  ca  ussolhi ca
---------------------------------------------------------------------------------------------
page344.
Appativani ca sati ca sampajannanca karaniyam
     {291.5}  sace  pana  bhikkhave  bhikkhu paccavekkhamano evam janati
natthi  me  papaka  akusala  dhamma  appahina  ye  me assu diva kalam
karontassa  antarayayati  tena  bhikkhave  bhikkhuna teneva pitipamojjena
vihatabbam  ahorattanusikkhina  kusalesu dhammesu. Evam bhavita kho bhikkhave
maranassati   evam   bahulikata   mahapphala   hoti   mahanisamsa  amatogadha
amatapariyosanati.
                   Saraniyadivaggo dutiyo.
                        Tassuddanam
       dve saraniya mettam 1-     bhaddakam anutappiyam nakulam
       kusala maccham 2- dve ca        honti maranassatina dasati 3-.
                        -------


             The Pali Tipitaka in Roman Character Volume 22 page 341-344.
http://84000.org/tipitaka/pali/roman_item_s.php?book=22&item=291&items=1&pagebreak=1&modeTY=2
             Classified by [Item Number] :-
http://84000.org/tipitaka/pali/roman_item_s.php?book=22&item=291&items=1&pagebreak=1&modeTY=2&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=22&item=291&items=1&pagebreak=1&modeTY=2
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=22&item=291&items=1&pagebreak=1&modeTY=2
             Study Atthakatha :-
http://84000.org/tipitaka/attha/attha.php?b=22&i=291
             The Pali Atthakatha in Thai :-
http://84000.org/tipitaka/atthapali/read_th.php?B=16&A=2420
             The Pali Atthakatha in Roman :-
http://84000.org/tipitaka/atthapali/read_rm.php?B=16&A=2420
             Contents of The Tipitaka Volume 22
http://84000.org/tipitaka/read/?index_22