paliTIPITAKA Volume 35 - Abhidhamma Pitaka 2

[990] Tattha katame panca ditthadhammanibbanavada . idhekacco samano va brahmano va evamvadi hoti evamditthi yato kho Bho ayam atta pancahi kamagunehi samappito samangibhuto paricareti ettavata kho bho ayam atta paramaditthadhammanibbanappatto hotiti ittheke sato sattassa paramaditthadhammanibbanam pannapenti . Tamanno evamaha atthi kho bho eso atta yam tvam vadesi neso natthiti vadami no ca kho bho ayam atta ettavata paramaditthadhammanibbanappatto hoti tam kissa hetu kama hi bho anicca dukkha viparinamadhamma tesam viparinamannathabhava uppajjanti sokaparidevadukkhadomanassupayasa yato kho bho ayam atta vivicceva kamehi .pe. pathamam jhanam upasampajja viharati ettavata kho bho ayam atta paramaditthadhammanibbanappatto hotiti ittheke sato sattassa paramaditthadhammanibbanam pannapenti. {990.1} Tamanno evamaha atthi kho bho eso atta yam tvam vadesi neso natthiti vadami no ca kho bho ayam atta ettavata paramaditthadhammanibbanappatto hoti tam kissa hetu yadeva tattha vitakkitam vicaritam etena etam olarikam akkhayati yato kho bho ayam atta vitakkavicaranam vupasama .pe. dutiyam jhanam upasampajja viharati ettavata kho bho ayam atta paramaditthadhammanibbanappatto hotiti ittheke sato sattassa paramaditthadhammanibbanam pannapenti . Tamanno evamaha atthi kho bho eso atta yam tvam vadesi neso natthiti vadami no ca kho bho ayam atta ettavata Paramaditthadhammanibbanappatto hoti tam kissa hetu yadeva tattha pitigatam cetaso ubbilavitam etena etam olarikam akkhayati yato kho bho ayam atta pitiya ca viraga .pe. tatiyam jhanam upasampajja viharati ettavata kho bho ayam atta paramaditthadhammanibbanappatto hotiti ittheke sato sattassa paramaditthadhammanibbanam pannapenti. {990.2} Tamanno evamaha atthi kho bho eso atta yam tvam vadesi neso natthiti vadami no ca kho bho ayam atta ettavata paramaditthadhammanibbanappatto hoti tam kissa hetu yadeva tattha sukham cetaso abhogo etena etam olarikam akkhayati yato kho bho ayam atta sukhassa ca pahana .pe. catuttham jhanam upasampajja viharati ettavata kho bho ayam atta paramaditthadhammanibbanappatto hotiti ittheke sato sattassa paramaditthadhammanibbanam pannapenti . Ime panca ditthadhammanibbanavada. Pancakam.

The Pali Tipitaka in Roman Character Volume 35 page 511-513. http://84000.org/tipitaka/pali/roman_item_s.php?book=35&item=990&items=1&modeTY=2 Classified by [Item Number] :- http://84000.org/tipitaka/pali/roman_item_s.php?book=35&item=990&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=35&item=990&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=35&item=990&items=1&modeTY=2 Study Atthakatha :- http://84000.org/tipitaka/attha/attha.php?b=35&i=990 The Pali Atthakatha in Thai :- http://84000.org/tipitaka/atthapali/read_th.php?B=54&A=12819 The Pali Atthakatha in Roman :- http://84000.org/tipitaka/atthapali/read_rm.php?B=54&A=12819 Contents of The Tipitaka Volume 35 http://84000.org/tipitaka/read/?index_35