paliTIPITAKA Volume 6 - Vinaya Pitaka 6

[69] Tihi bhikkhave angehi samannagatassa bhikkhuno akankhamano sangho niyassakammam kareyya bhandanakarako hoti kalahakarako vivadakarako bhassakarako sanghe adhikaranakarako balo hoti abyatto apattibahulo anapadano gihisamsattho viharati ananulomikehi gihisamsaggehi imehi kho bhikkhave tihangehi samannagatassa bhikkhuno akankhamano sangho niyassakammam kareyya. [70] Aparehipi bhikkhave tihangehi samannagatassa bhikkhuno akankhamano sangho niyassakammam kareyya adhisile silavipanno hoti ajjhacare acaravipanno hoti atiditthiya ditthivipanno hoti imehi kho bhikkhave tihangehi samannagatassa bhikkhuno akankhamano sangho niyassakammam kareyya. [71] Aparehipi bhikkhave tihangehi samannagatassa bhikkhuno

--------------------------------------------------------------------------------------------- page28.

Akankhamano sangho niyassakammam kareyya buddhassa avannam bhasati dhammassa avannam bhasati sanghassa avannam bhasati imehi kho bhikkhave tihangehi samannagatassa bhikkhuno akankhamano sangho niyassakammam kareyya. [72] Tinnam bhikkhave bhikkhunam akankhamano sangho niyassakammam kareyya eko bhandanakarako hoti kalahakarako vivadakarako bhassakarako sanghe adhikaranakarako eko balo hoti abyatto apattibahulo anapadano eko gihisamsattho viharati ananulomikehi gihisamsaggehi imesam kho bhikkhave tinnam bhikkhunam akankhamano sangho niyassakammam kareyya. [73] Aparesampi bhikkhave tinnam bhikkhunam akankhamano sangho niyassakammam kareyya eko adhisile silavipanno hoti eko ajjhacare acaravipanno hoti eko atiditthiya ditthivipanno hoti imesam kho bhikkhave tinnam bhikkhunam akankhamano sangho niyassakammam kareyya. [74] Aparesampi bhikkhave tinnam bhikkhunam akankhamano sangho niyassakammam kareyya eko buddhassa avannam bhasati eko dhammassa avannam bhasati eko sanghassa avannam bhasati imesam kho bhikkhave tinnam bhikkhunam akankhamano sangho niyassakammam kareyya. Akankhamanacchakkam nitthitam.

--------------------------------------------------------------------------------------------- page29.

[75] Niyassakammakatena bhikkhave bhikkhuna samma vattitabbam . Tatrayam sammavattana na upasampadetabbam na nissayo databbo na samanero upatthapetabbo na bhikkhunovadakasammati saditabba sammatenapi bhikkhuniyo na ovaditabba yaya apattiya sanghena niyassakammam katam hoti sa apatti na apajjitabba anna va tadisika tato va papitthatara kammam na garahitabbam kammika na garahitabba na pakatattassa bhikkhuno uposatho thapetabbo na pavarana thapetabba na savacaniyam katabbam na anuvado patthapetabbo na okaso karetabbo na codetabbo na saretabbo na bhikkhu ^1- bhikkhuhi sampayojetabbanti. Niyassakamme attharasavattam nitthitam. [76] Athakho sangho seyyasakassa bhikkhuno niyassakammam akasi nissaya te vatthabbanti . so sanghena niyassakammakato kalyanamitte sevamano bhajamano payirupasamano uddisapento paripucchanto bahussuto ahosi ^2- agatagamo dhammadharo vinayadharo matikadharo pandito viyatto medhavi lajji kukkuccako sikkhakamo so ^3- samma vattati lomam pateti nettharam vattati bhikkhu upasankamitva evam vadati aham avuso sanghena niyassakammakato samma vattami lomam patemi nettharam vattami katham nu kho maya patipajjitabbanti. Bhikkhu ^4- bhagavato etamattham arocesum. @Footnote: ^1-4 Ma. Yu. bhikkhuti patho na dissati . ² Ma. Yu. hoti. @³ Ma. Yu. ayam patho na dissati.

--------------------------------------------------------------------------------------------- page30.

[77] Tenahi bhikkhave sangho seyyasakassa bhikkhuno niyassakammam patippassambhetu . pancahi bhikkhave angehi samannagatassa bhikkhuno niyassakammam na patippassambhetabbam upasampadeti nissayam deti samaneram upatthapeti bhikkhunovadakasammatim sadiyati sammatopi bhikkhuniyo ovadati imehi kho bhikkhave pancahangehi samannagatassa bhikkhuno niyassakammam na patippassambhetabbam. [78] Aparehipi bhikkhave pancahangehi samannagatassa bhikkhuno niyassakammam na patippassambhetabbam yaya apattiya sanghena niyassakammam katam hoti tam apattim apajjati annam va tadisikam tato va papitthataram kammam garahati kammike garahati imehi kho bhikkhave pancahangehi samannagatassa bhikkhuno niyassakammam na patippassambhetabbam. [79] Atthahi bhikkhave angehi samannagatassa bhikkhuno niyassakammam na patippassambhetabbam pakatattassa bhikkhuno uposatham thapeti pavaranam thapeti savacaniyam karoti anuvadam patthapeti okasam kareti codeti sareti bhikkhu bhikkhuhi sampayojeti imehi kho bhikkhave atthahangehi samannagatassa bhikkhuno niyassakammam na patippassambhetabbam. Napatippassambhetabbaattharasakam nitthitam. [80] Pancahi bhikkhave angehi samannagatassa bhikkhuno niyassakammam

--------------------------------------------------------------------------------------------- page31.

Patippassambhetabbam na upasampadeti .pe. [81] Aparehipi bhikkhave pancahangehi samannagatassa bhikkhuno niyassakammam patippassambhetabbam yaya apattiya sanghena niyassakammam katam hoti tam apattim napajjati annam va tadisikam tato va papitthataram kammam na garahati kammike na garahati imehi kho bhikkhave pancahangehi samannagatassa bhikkhuno niyassakammam patippassambhetabbam. [82] Atthahi bhikkhave angehi samannagatassa bhikkhuno niyassakammam patippassambhetabbam na pakatattassa bhikkhuno uposatham thapeti na pavaranam thapeti na savacaniyam karoti na anuvadam patthapeti na okasam kareti na codeti na sareti na bhikkhu bhikkhuhi sampayojeti imehi kho bhikkhave atthahangehi samannagatassa bhikkhuno niyassakammam patippassambhetabbam. Patippassambhetabbaattharasakam nitthitam. [83] Evanca pana bhikkhave patippassambhetabbam . tena bhikkhave seyyasakena bhikkhuna sangham upasankamitva ekamsam uttarasangam karitva vuddhanam bhikkhunam pade vanditva ukkutikam nisiditva anjalim paggahetva evamassa vacaniyo aham bhante sanghena niyassakammakato samma vattami lomam patemi nettharam vattami niyassakammassa patippassaddhim yacamiti . dutiyampi yacitabba . tatiyampi

--------------------------------------------------------------------------------------------- page32.

Yacitabba. Byattena bhikkhuna patibalena sangho napetabbo. {83.1} Sunatu me bhante sangho ayam seyyasako bhikkhu sanghena niyassakammakato samma vattati lomam pateti nettharam vattati niyassakammassa patippassaddhim yacati . yadi sanghassa pattakallam sangho seyyasakassa bhikkhuno niyassakammam patippassambheyya. Esa natti. {83.2} Sunatu me bhante sangho ayam seyyasako bhikkhu sanghena niyassakammakato samma vattati lomam pateti nettharam vattati niyassakammassa patippassaddhim yacati . sangho seyyasakassa bhikkhuno niyassakammam patippassambheti . yassayasmato khamati seyyasakassa bhikkhuno niyassakammassa patippassaddhi so tunhassa yassa nakkhamati so bhaseyya. {83.3} Dutiyampi etamattham vadami . sunatu me bhante sangho ayam seyyasako bhikkhu sanghena niyassakammakato samma vattati lomam pateti nettharam vattati niyassakammassa patippassaddhim yacati . sangho seyyasakassa bhikkhuno niyassakammam patippassambheti . Yassayasmato khamati seyyasakassa bhikkhuno niyassakammassa patippassaddhi so tunhassa yassa nakkhamati so bhaseyya. {83.4} Tatiyampi etamattham vadami . sunatu me bhante sangho ayam seyyasako bhikkhu sanghena niyassakammakato samma vattati lomam pateti nettharam vattati niyassakammassa patippassaddhim yacati . Sangho seyyasakassa bhikkhuno niyassakammam patippassambheti .

--------------------------------------------------------------------------------------------- page33.

Yassayasmato khamati seyyasakassa bhikkhuno niyassakammassa patippassaddhi so tunhassa yassa nakkhamati so bhaseyya. {83.5} Patippassaddham sanghena seyyasakassa bhikkhuno niyassakammam khamati sanghassa tasma tunhi. Evametam dharayamiti. Niyassakammam dutiyam nitthitam.

The Pali Tipitaka in Roman Character Volume 6 page 27-33. http://84000.org/tipitaka/pali/roman_item_s.php?book=6&item=69&items=15&pagebreak=1&modeTY=2 Classified by [Item Number] :- http://84000.org/tipitaka/pali/roman_item_s.php?book=6&item=69&items=15&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=6&item=69&items=15&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=6&item=69&items=15&pagebreak=1&modeTY=2 Study Atthakatha :- http://84000.org/tipitaka/attha/attha.php?b=6&i=69 Contents of The Tipitaka Volume 6 http://84000.org/tipitaka/read/?index_6