บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 25 : PALI ROMAN Sutta Pitaka Vol 17 : Sutta. Khu. khuddakapāṭho-dhammapadagāthā-udānaṃ-itivuttakaṃ-suttanipāto
Suttanipate pancamo parayanavaggo vatthukatha [424] |424.1404| Kosalanam pura ramma aggama dakkhinapatham acinnam patthayano brahmano mantaparagu. |424.1405| So assakassa visaye mulakassa samasane vasi godhavarikule unchena ca phalena ca. |424.1406| Tasseva upanissaya gamo ca vipulo ahu tato jatena ayena mahayannamakappayi |424.1407| mahayannam yajitvana puna pavisi assamam. Tasmim patipavitthamhi anno aganchi brahmano |424.1408| ugghattapado tasito pankadanto rajassiro so ca nam upasankamma satani panca yacati. |424.1409| Tamenam bavari disva asanena nimantayi sukhanca kusalam pucchi idam vacanamabravi |424.1410| yam kho mamam deyyadhammam sabbam visajjitammaya anujanahi me brahme natthi panca satani me. |424.1411| Sace me yacamanassa bhavam nanupadassati sattame divase tuyham muddha phalatu sattadha. |424.1412| Abhisankharitva kuhako bheravam so akittayi tassa tam vacanam sutva bavari dukkhito ahu |424.1413| ussussati anaharo sokasallasamappito athopi evamcittassa 1- jhane na ramati mano. |424.1414| Utrasatam dukkhitam disva devata atthakamini bavarim upasankamma idam vacanamabravi |424.1415| na so muddham pajanati kuhako so dhanatthiko muddhani muddhadhipate ca 2- nanam tassa na vijjati. |424.1416| Bhoti carahi janati tamme akkhahi pucchita muddham muddhadhipatanca tam sunoma vaco tava. |424.1417| Ahampetam 3- na janami nanamettha 4- na vijjati muddham muddhadhipato ca jinanam heta 5- dassanam. |424.1418| Atha ko carahi janati asmim pathavimandale muddham muddhadhipatanca tam me akkhahi devate. |424.1419| Pura kapilavatthumha nikkhanto lokanayako apacco okkakarajassa sakyaputto pabhankaro. |424.1420| So hi brahmana sambuddho sabbadhammana paragu sabbabhinnabalappatto sabbadhammesu cakkhuma sabbakammakkhayam patto vimutto upadhikkhaye 6- |424.1421| buddho so bhagava loke dhammam desesi cakkhuma @Footnote: 1 Po. cintentassa . 2 Po. muddham muddhadhipate va . 3 Po. ahametam. @4 Po. Yu. nanampettha . 5 Po. hettha . 6 Yu. upadhisankhaye. Tam tvam gantvana pucchassu so te tam byakarissati. |424.1422| Sambuddhoti vaco sutva udaggo bavari ahu sokassa tanuko asi pitinca vipulam labhi. |424.1423| So bavari attamano udaggo tam devatam pucchati vedajato katamamhi 1- game nigamamhi va pana katamamhi va janapade lokanatho yattha gantva namassemu sambuddham dipaduttamam. |424.1424| Savatthiyam kosalamandire jino pahutapanno varabhurimedhaso so sakyaputto vidhuro anasavo muddhadhipatassa vidu narasabho. |424.1425| Tato amantayi sisse brahmane mantaparage 2- etha manava akkhissam sunotha vacanam mama |424.1426| yasseso dullabho loke patubhavo abhinhaso svajja lokamhi uppanno sambuddho iti vissuto khippam gantvana savatthim passavho dipaduttamam. |424.1427| Katham carahi janemu disva buddhoti brahmana ajanatam no pabruhi yatha janemu tam mayam. @Footnote: 1 Po. kathamhi . 2 Po. mantaparagu. |424.1428| Agatani hi mantesu mahapurisalakkhana dvattimsa ca byakkhyata 1- samatta anupubbaso. |424.1429| Yassete honti gattesu mahapurisalakkhana duveva tassa 2- gatiyo tatiya hi na vijjati |424.1430| sace agaram avasati 3- vijeyya pathavim imam adandena asatthena dhammena manusasati |424.1431| sace ca so pabbajati agara anagariyam vivatacchado sambuddho araha bhavati anuttaro. |424.1432| Jatigottanca lakkhanam mante sisse punapare muddham muddhadhipatanca manasa yeva pucchatha. |424.1433| Anavaranadassavi yadi buddho bhavissati manasa pucchite panhe vacaya visajjessati. |424.1434| Bavarissa vaco sutva sissa solasa brahmana ajito tissametteyyo punnako atha mettagu |424.1435| dhotako upasivo ca nando ca atha hemako todeyyakappa dubhayo jatukanni ca pandito |424.1436| bhadravudho udayo ca posalo capi brahmano mogharaja ca medhavi pingiyo ca mahaisi |424.1437| paccekaganino sabbe sabbalokassa vissuta jhayi jhanarata dhira pubbavasanavasita @Footnote: 1 Po. byakhata. Yu. vyakhyata. 2 Po. dveyevassa. @3 Yu. ajjhavasati. |424.1438| Bavarim abhivadetva katva ca nam padakkhinam jatajinadhara sabbe pakkamum uttaramukha |424.1439| mulakassa 1- patitthanam puram 2- mahissatim tada ujjenim capi gonaddham vedisam vanasavhayam |424.1440| kosambim vapi saketam savatthinca puruttamam setabyam kapilavatthum kusinaranca mandiram |424.1441| pavanca bhoganagaram vesalim magadham puram pasanakam cetiyanca ramaniyam manoramam |424.1442| tasitova udakam 3- sitam mahalabhamva vanijo chayam ghammabhitatto ca turita pabbatamaruhum. |424.1443| Bhagava ca tamhi samaye bhikkhusanghapurakkhato bhikkhunam dhammam deseti sihova nadati vane. |424.1444| Ajito addasa sambuddham vitaramsimva bhanumam candam yatha pannarase paripurim upagatam. |424.1445| Athassa gatte disvana paripuram 4- viyanjanam ekamantam thito hattho manopanhe apucchatha |424.1446| adissa jammanam bruhi gottam bruhi salakkhanam mantesu paramim bruhi kati vaceti brahmano. |424.1447| Visam vassasatam ayu so ca gottena bavari tinissa 5- lakkhana gatte tinnam vedanaparagu @Footnote: 1 Yu. alakassa. 2 Yu. purimam .... 3 Po. Yu. tasitovudakam. 4 Yu. puripuranca. @5 Yu. tinassa. |424.1448| Lakkhane iti hase ca sanighandusaketubhe panca satani vaceti saddhamme paramim gato. |424.1449| Lakkhananam pavicayam bavarissa naruttama tanhacchida 1- pakasehi ma no kankhayitam ahu. |424.1450| Mukham jivhaya chadeti unnassa bhamukantare kosohitam vatthaguyham evam janahi manava. |424.1451| Puccham hi kanci 2- asunanto sutva panhe byakate vicinteti jano sabbo vedajato katanjali |424.1452| ko nu devo va brahma va indo vapi sujampati manasa pucchite panhe kametam patibhasati. |424.1453| Muddham muddhadhipatanca bavari paripucchati tam byakarohi bhagava kankham vinaya no ise. |424.1454| Avijja muddhati vijanahi 3- vijja muddhadhipatani saddhasatisamadhihi chandaviriyena samyuta. |424.1455| Tato vedena mahata santhambhetvana manavo ekamsam ajinam katva padesu sirasa pati |424.1456| bavari brahmano bhoto saha sissehi marisa udaggacitto sumano pade vandati cakkhuma. |424.1457| Sukhito bavari hotu saha sissehi brahmano tvam vapi 4- sukhito hohi ciram jivahi manava. @Footnote: 1 Po. tam puccham. Ma. kankhacchida. 2 Po. Ma. Yu. pucchanhi kinci. @3 Ma. Yu. janati. 4 Ma. Yu. tvancapi. |424.1458| Bavarissa ca tuyham va sabbesam sabbasamsayam katavakasa pucchavho yankinci manasicchatha |424.1459| sambuddhena katokaso nisiditvana panjali ajito pathamam panham tattha pucchi 1- tathagatanti. Vatthugatha nitthita. -------------- Suttanipate pancamassa parayanavaggassa pathama ajitapanha [425] |425.1460| 1 Kenassu nivuto loko (iccayasma ajito) kenassu nappakasati kissabhilepanam brusi kimsu tassa mahabbhayam. |425.1461| Avijjaya nivuto loko (ajitati bhagava) veviccha (pamada) nappakasati jappabhilepanam brumi dukkhamassa mahabbhayam. |425.1462| Savanti sabbadhi sota (iccayasma ajito) sotanam kim nivaranam sotanam samvaram bruhi kena sota pithiyyare 2-. |425.1463| Yani sotani lokasmim (ajitati bhagava) sati tesam nivaranam sotanam samvaram brumi pannayete pithiyyare 3-. |425.1464| Panna ceva sati ca 4- (iccayasma ajito) namarupanca marisa @Footnote: 1 Ma. Yu. .. puccha . ito param sabbattha idisameva . 2-3 Ma. pidhiyyare. @4 Ma. satiyanca. Etamme puttho pabrumi katthetam uparujjhati. |425.1465| Yametam panham apucchi ajita tam vadami te yattha namanca rupanca asesam uparujjhati vinnanassa nirodhena etthetam uparujjhati. |425.1466| Ye ca sankhatadhammase ye ca sekha puthu idha tesam me nipako iriyam puttho pabruhi marisa. |425.1467| Kamesu nabhigijjheyya manasanavilo siya kusalo sabbadhammanam sato bhikkhu paribbajeti. Ajitamanavakapanha pathama. ------------ Suttanipate pancamassa parayanavaggassa dutiya tissametteyyapanha [426] |426.1468| 2 Kodha santusito loke (iccayasma tissametteyyo 1-) kassa no santi injita ko ubhantamabhinnaya majjhe manta na limpati kam brusi mahapurisoti ko idha sibbanimaccaga 2-. |426.1469| Kamesu brahmacariyava (metteyyati bhagava) vitatanho sada sato @Footnote: 1 Yu. tisso metteyyo. 2 Ma. sibbinimaccaga. Sankhaya nibbuto bhikkhu tassa no santi injita |426.1470| so ubhantamabhinnaya majjhe manta na limpati tam brumi mahapurisoti so idha sibbanimaccagati. Tissametteyyamanavakapanha dutiya. ----------- Suttanipate pancamassa parayanavaggassa tatiya punnakapanha [427] |427.1471| 3 Anejam muladassavim (iccayasma punnako) atthi panhena agamam kim nissita isayo manuja khattiya brahmana devatanam yannamakappimsu 1- puthudha 2- loke pucchami tam bhagava bruhi me tam. |427.1472| Ye kecime isayo manuja (punnakati bhagava) khattiya brahmana devatanam yannamakappimsu 1- puthudha 2- loke asimsamana punnaka itthatam 3- jaram 4- sita yannamakappayimsu. |427.1473| Ye kecime isayo manuja (iccayasma punnako) khattiya brahmana devatanam @Footnote: 1 Po. Yu. sabbattha yannamakappayimsu . 2 Yu. pudu idha . 3 Ma. itthattam. @Yu. itthabhavam. 4 Po. oram. Kannamakappimsu puthudha loke kaccissu te bhagava (yannapathe) appamatta ataru jatinca jaranca marisa pucchami tam bhagava bruhi me tam. |427.1474| Asimsanti 1- thomayanti (abhijappanti) juhanti (punnakati bhagava) kamabhijappanti paticca labham te yajayoga bhavaragaratta natarimsu jatijaranti brumi. |427.1475| Te ce 2- natarimsu yajayoga (iccayasma punnako) yannehi jatinca jaranca marisa atha ko carahi devamanussaloke atari jatinca jaranca marisa pucchami tam bhagava bruhi me tam. |427.1476| Sankhaya lokasmim parovarani 3- (punnakati bhagava) yassinjitam natthi kuhinci loke santo vidhumo anigho niraso atari so jatijaranca brumiti. Punnakamanavakapanha tatiya. ------------- @Footnote: 1 Po. Ma. asisanti . 2 Po. te ve natarimsu . 3 Ma. paroparani. Suttanipate pancamassa parayanavaggassa catutthi mettagupanha [428] |428.1477| 4 Pucchami tam bhagava bruhi me tam (iccayasma mettagu) mannami tam vedagum bhavitattam kuto nu dukkha samupagatame 1- ye keci lokasmim anekarupa. |428.1478| Dukkhassa ve 2- mam pabhavam apucchasi (mettaguti bhagava) tante pavakkhami yatha pajanam upadhinidana pabhavanti dukkha ye keci lokasmim anekarupa |428.1479| yo ve avidva 3- upadhim karoti punappunam dukkhamupeti mando tasma pajanam 4- upadhim na kayira dukkhassa jatippabhavanupassi. |428.1480| Yantam apucchimha akittayi 5- no annam 6- pucchama 7- tadingha bruhi katham nu dhira vitaranti ogham jatijaram 8- sokapariddavanca tamme muni sadhu viyakarohi tatha hi te vidito esa dhammo. @Footnote: 1 Ma. Yu. samudagana ime. 2 Po. ce. 3 Po. aviddha. 4 Yu. tasma @hi janam. 5 Ma. Yu. akittayi. 6 Ma. Yu. annam tam. 7 Yu. pucchami. @8 Ma. jatim jaram. |428.1481| Kittayissami te dhammam (mettaguti bhagava) ditthe dhamme anitiham yam viditva sato caram tare loke visattikam. |428.1482| Tancaham abhinandami mahesi dhammamuttamam yam viditva sato caram tare loke visattikam. |428.1483| Yankinci sampajanasi (mettaguti bhagava) uddham adho tiriyancapi majjhe etesu nandinca nivesananca panujja vinnanam bhave na titthe |428.1484| evamvihari sato appamatto bhikkhu caram hitva mamayitani jatijaram sokapariddavanca idheva vidva pajaheyya dukkham. |428.1485| Etabhinandami vaco mahesino sukittitam gotama nupadhikam addha hi bhagava pahasi dukkham tatha hi te vidito esa dhammo. |428.1486| Te capi nuna pajaheyyu dukkham ye tvam muni atthitam ovadeyya tam tam namassami samecca naga appeva mam (bhagava) atthitam ovadeyya. |428.1487| Yam brahmanam vedagum abhijannam 1- akincanam kamabhave asattam addha hi so oghamimam atari tinno ca param akhilo akankho |428.1488| vidva ca so 2- vedagu naro idha bhavabhave sangamimam visajja so vitatanho anigho niraso atari so jatijaranti brumiti. Mettagumanavakapanha catutthi. ---------- Suttanipate pancamassa parayanavaggassa pancami dhotakapanha [429] |429.1489| 5 Pucchami tam bhagava bruhimetam (iccayasma dhotako) vacabhikankhami mahesi tuyham tava sutvana nigghosam sikkhe nibbanamattano. |429.1490| Tena hatappam karohi (dhotakati bhagava) idhevanipakosato ito sutvana nigghosam sikkhe nibbanamattano. |429.1491| Passamaham devamanussaloke akincanam brahmanam iriyamanam tam tam namassami samantacakkhu @Footnote: 1 Ma. vedagumabhijanna. Yu. vedagum abhijanna. 2 Po. vidva va so. Ma. @vidvava yo. Pamunca mam sakka kathankathahi. |429.1492| Naham samissami 1- pamocanaya kathankathim dhotaka kanci loke dhammanca settham ajanamano 2- evam tvam oghamimam taresi. |429.1493| Anusasa brahme karunayamano vivekadhammam yamaham vijannam yathaham akaso ca 3- abyapajjamano idheva santo asito careyyam. |429.1494| Kittayissami te santim (dhotakati bhagava) ditthe dhamme anitiham yam viditva sato caram tare loke visattikam. |429.1495| Tancaham abhinandami mahesi santimuttamam yam viditva sato caram tare loke visattikam. |429.1496| Yankinci sampajanasi (dhotakati bhagava) uddham adho tiriyancapi majjhe evam 4- viditva sangoti loke bhavabhavaya makasi tanhanti. Dhotakamanavakapanha pancami. ------------- @Footnote: 1 Ma. sahissami. Yu. gamissami. 2 Ma. abhijanamano. 3 Po. Ma. va. @4 Ma. Yu. etam. Suttanipate pancamassa parayanavaggassa chatthi upasivapanha [430] |430.1497| 6 Eko aham sakka mahantamogham (iccayasma upasivo) anissito no visahami taritum arammanam bruhi samantacakkhu yam nissito oghamimam tareyya. |430.1498| Akincannam pekkhama no satima (upasivati bhagava) natthiti nissaya tarassu ogham kame pahaya virato kathahi tanhakkhayam rattamahabhipassa. |430.1499| Sabbesu kamesu yo vitarago (iccayasma upasivo) akincannam nissito hitvamannam 1- sannavimokkhe parame vimutto 2- titthe nu so tattha ananuvayi 3-. |430.1500| Sabbesu kamesu yo vitarago (upasivati bhagava) akincannam nissito hitvamannam 1- sannavimokkhe parame vimutto 2- tittheyya so tattha ananuvayi 3- |430.1501| titthe ce so tattha ananuvayi 4- @Footnote: 1 Po. Ma. hitvamannam. 2 Po. paramedhimutto. 3 Ma. Yu. ananuyayi. Pugampi vassanam samantacakkhu tattheva so siti siya vimutto bhavetha 1- vinnanam tathavidhassa. |430.1502| Acci yatha vatavegena khittam 2- (upasivati bhagava) attham paleti na upeti sankham evam muni namakaya vimutto attham paleti na upeti sankham. |430.1503| Atthangato so uda va so natthi 3- udahu ve sassatiya arogo tamme muni sadhu viyakarohi tatha hi te vidito esa dhammo. |430.1504| Atthangatassa na pamanamatthi (upasivati bhagava) yena nam vajju 4- tam tassa natthi sabbesu dhammesu samuhatesu samuhata vadapathapi sabbeti. Upasivamanavakapanha chatthi. --------- Suttanipate pancamassa parayanavaggassa sattama nandapanha. [431] |431.1505| 7 Santi loke munayo (iccayasma nando) jana vadanti tayidam katham su @Footnote: 1 Po. Ma. cavetha. 2 Po. Ma. khitta. Yu. khitto. 3 Po. so na pahanamatthi. @4 Po. vajja tantassa ... Ma. vajjum. Nanupapannam muni no 1- vadanti udahu ve jivitenupapannam. |431.1506| Na ditthiya na sutiya na nanena (na silabbatena) munidha nanda kusala vadanti visenikatva anigha nirasa vadanti 2- ye te munayoti brumi. |431.1507| Ye kecime samanabrahmana se (iccayasma nando) ditthe 3- sutenapi vadanti suddhim silabbatenapi vadanti suddhim anekarupena vadanti suddhim. Kaccissu te (bhagava) tattha yatha caranta ataru jatinca jaranca marisa pucchami tam bhagava bruhi me tam. |431.1508| Ye kecime samanabrahmana se (nandati bhagava) ditthe 3- sutenapi vadanti suddhim silabbatenapi vadanti suddhim anekarupena vadanti suddhim kincapi te tattha yatha caranti 4- natarimsu jatijaranti brumi. @Footnote: 1 Ma. Yu. no munim vadanti. 2 Ma. Yu. caranti. 3 Ma. ditthassu tenapi. @4 Po. vadanti. |431.1509| Ye kecime samanabrahmana se (iccayasma nando) ditthe sutenapi vadanti suddhim silabbatenapi vadanti suddhim anekarupena vadanti suddhim te ce 1- muni brusi anoghatinne atha ko carahi devamanussaloke atari jatinca jaranca marisa pucchami tam bhagava bruhi me tam. |431.1510| Naham sabbe samanabrahmana se (nandati bhagava) jatijaraya nivutati brumi yesidha dittham va sutam mutam va silabbatam vapi pahaya sabbam anekarupampi pahaya sabbam tanham parinnaya anasava ye 2- te ve nara oghatinnati brumi. |431.1511| Etabhinandami vaco mahesino sukittitam gotama nupadhikam yesidha dittham va sutam mutam va silabbatam vapi pahaya sabbam @Footnote: 1 Po. ve. Yu. sace . 2 Po. Ma. Yu. se. Anekarupampi pahaya sabbam tanham parinnaya anasava ye ahampi te oghatinnati brumiti. Nandamanavakapanha sattama. ------------ Suttanipate pancamassa parayanavaggassa atthama hemakapanha [432] |432.1512| 8 Yeme pubbe viyakamsu (iccayasma hemako) (huram gotamasasana) iccasi iti bhavissati sabbantam itihitiham sabbantam takkavaddhanam (naham tattha abhiramim) |432.1513| tvanca me dhammamakkhahi tanhanigghatanam muni yam viditva sato caram tare loke visattikam. |432.1514| Idha ditthasutamutam 1- (vinnatesu) piyarupesu hemaka chandaragavinodanam nibbanapadamaccutam |432.1515| etadannaya ye sata ditthadhammabhinibbuta upasanta ca te sata 2- tinna loke visattikanti. Hemakamanavakapanha atthama. --------- @Footnote: 1 Po. dittham sutam mutam. Ma. Yu. ditthasutamutavinnatesu. 2 Ma. Yu. sada. Suttanipate pancamassa parayanavaggassa navama todeyyapanha [433] |433.1516| 9 Yasmim kama na vasanti (iccayasma todeyyo) tanha yassa na vijjati kathankatha ca yo tinno vimokkho tassa kidiso. |433.1517| Yasmim kama na vasanti (todeyyati bhagava) tanha yassa na vijjati kathankatha ca yo tinno vimokkho tassa naparo. |433.1518| Nirasaso 1- so uda asasano pannanavaso uda pannakappi munim aham sakka yatha 2- vijannam tamme viyacikkha samantacakkhu. |433.1519| Nirasaso 3- so na ca [4]- asasano pannanavaso na ca pannakappi evampi todeyya munim vijana akincanam kamabhave asattanti. Todeyyamanavakapanha navama. --------- @Footnote: 1-3 Po. Yu. nirasayo. 2 Po. katham. 4 Yu. so. Suttanipate pancamassa parayanavaggassa dasama kappapanha [434] |434.1520| 10 Majjhe sarasmim titthatam (iccayasma kappo) oghe jate mahabbhaye jaramaccuparetanam dipam pabruhi marisa tvanca me dipamakkhahi yathayidam naparam siya. |434.1521| Majjhe sarasmim titthatam (kappati bhagava) oghe jate mahabbhaye jaramaccuparetanam dipam pabrumi kappa te. |434.1522| Akincanam anadanam etam dipam anaparam nibbanam iti nam brumi jaramaccuparikkhayam. |434.1523| Etadannaya ye sata ditthadhammabhinibbuta na te maravasanuga na te marassa patthaguti 1-. Kappamanavakapanha dasama. ----------- Suttanipate pancamassa parayanavaggassa ekadasama jatukannipanha [435] |435.1524| 11 Sutvanaham vira akamakamim (iccayasma jatukanni) oghatigam putthumakamamagamam santipadam bruhi sahajanetta 2- @Footnote: 1 Ma. Yu. paddhaguti . 2 Ma. sahajanetta. Yathataccham bhagava bruhi me tam |435.1525| bhagava hi kame abhibhuyya iriyati (adiccova pathavim teji tejasa) parittapannassa me bhuripanna acikkha dhammam yamaham vijannam jatijaraya idha vippahanam. |435.1526| Kamesu vinaya gedham (jatukanniti bhagava) nekkhammam datthu khemato uggahitam nirattam va ma te vijjittha kincanam |435.1527| yam pubbe tam visosehi paccha te mahu kincanam majjhe ce no gahessasi upasanto carissasi |435.1528| sabbaso namarupasmim vitagedhassa brahmana asavassa na vijjanti yehi maccuvasam vajeti. Jatukannimanavakapanha ekadasama. ------------- Suttanipate pancamassa parayanavaggassa dvadasama bhadravudhapanha [436] |436.1529| 12 Okanjaham tanhacchidam anejam (iccayasma bhadravudho) nandinjaham oghatinnam vimuttam kappanjaham abhiyace sumedham Sutvana nagassa apanamissanti 1- ito |436.1530| nanajana janapadehi sangata tava vira vakyam abhikankhamana tesam tuvam sadhu viyakarohi tatha hi te vidito esa dhammo. |436.1531| Adanatanham vinayetha sabbam (bhadravudhati bhagava) uddham adho tiriyancapi majjhe yam yanhi lokasmim upadiyanti teneva maro anveti jantum |436.1532| tasma pajanam na upadiyetha bhikkhu sato kincanam sabbaloke adanasatte iti pekkhamano pajam imam maccudheyyam visattanti. Bhadravudhamanavakapanha dvadasama. ------------ Suttanipate pancamassa parayanavaggassa terasama udayapanha [437] |437.1533| 13 Jhayim virajamasinam (iccayasma udayo) katakiccam anasavam paragum sabbadhammanam atthi panhena agamam annam vimokkham pabruhi avijjaya pabhedanam. @Footnote: 1 Po. apakamissanti. |437.1534| Pahanam kamachandanam (udayati bhagava) domanassana cubhayam thinassa ca panudanam 1- kukkuccanam nivaranam |437.1535| upekkhasatisamsuddham dhammatakkapurejavam annam vimokkham 2- pabrumi avijjaya pabhedanam. |437.1536| Kimsu sannojano loko kimsu tassa vicarana kissassa vippahanena nibbanam iti vuccati. |437.1537| Nandisannojano loko vitakkassa vicarana tanhaya vippahanena nibbanam iti vuccati. |437.1538| Kathamsatassa carato vinnanam uparujjhati bhavantam putthumagamma tam sujhoma vaco tava. |437.1539| Ajjhattanca bahiddha ca vedanam nabhinandato evamsatassa carato vinnanam uparujjhatiti. Udayamanavakapanha terasama. ----------- Suttanipate pancamassa parayanavaggassa cuddasama posalapanha [438] |438.1540| 14 Yo atitam adisati (iccayasma posalo) anejo chinnasamsayo paragu 3- sabbadhammanam atthi panhena agamam @Footnote: 1 Po. Ma. panudanam. 2 Po. Ma. Yu. annavimokkham. 3 Ma. paragum. |438.1541| Vibhutarupasannissa sabbakayappahayino ajjhattanca bahiddha ca natthi kinciti passato nanam sakkanupucchami katham neyyo tathavidho. |438.1542| Vinnanatthitiyo sabba (posalati bhagava) abhijanam tathagato titthantamenam janati vimuttam tapparayanam |438.1543| akincannasambhavam 1- nandisannojanam iti evamevam 2- abhinnaya tato tattha vipassati evam 3- nanam katham 4- tassa brahmanassa vusimatoti. Posalamanavakapanha cuddasama. ------------- Suttanipate pancamassa parayanavaggassa pannarasama mogharajapanha [439] |439.1544| 15 Dvaham sakka 5- apucchissam (iccayasma mogharaja) na me byakasi cakkhuma 6- yavatatiyanca devisi byakarotiti me sutam |439.1545| ayam loko paro loko brahmaloko sadevako ditthinte nabhijanami gotamassa yasassino @Footnote: 1 Ma. akinnasambhavam natva. Yu. --- natva . 2 Po. Ma. evametam. @3 Ma. etam . 4 Po. tatha . 5 Ma. Yu. sakkam . 6 Po. cakkhuma. |439.1546| Evam abhikkantadassavim atthi panhena agamam katham lokam avekkhantam maccuraja na passati. |439.1547| Sunnato lokam avekkhassu mogharaja sada sato attanuditthim uhacca evam maccutaro siya evam lokam avekkhantam maccuraja na passatiti. Mogharajamanavakapanha pannarasama. ------------- Suttanipate pancamassa parayanavaggassa solasama pingiyapanha [440] |440.1548| 16 Jinnohamasmi abalo vivanno 1- (iccayasma pingiyo) netta na suddha savanam na phasu mahampanassam 2- momuho antaraya 3- acikkha dhammam yamaham vijannam jatijaraya idha vippahanam. |440.1549| Disvana rupesu vihannamane (pingiyati bhagava) ruppanti rupesu jana pamatta tasma tuvam pingiya appamatto jahassu rupam apunabbhavaya. |440.1550| Disa catasso vidisa catasso @Footnote: 1 Ma. Yu. vitavanno. 2 Po. mahannassa. Ma. Yu. mahamnassam. @3 Po. Ma. antarava. Uddham adho dasa disa imayo na tuyham adittham asutamutam va 1- atho avinnatam kincimatthi 2- loke acikkha dhammam yamaham vijannam jatijaraya idha vippahanam. |440.1551| Tanhadhipanne manuje pekkhamano (pingiyati bhagava) santapajate jarasaparete tasma tuvam pingiya appamatto jahassu tanham apunabbhavayati. Pingiyamanavakapanha solasama. ------------The Pali Tipitaka in Roman Character Volume 25 page 524-550. http://84000.org/tipitaka/pitaka_item/roman_item_s.php?book=25&item=424&items=17&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=25&item=424&items=17&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=25&item=424&items=17&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=25&item=424&items=17&modeTY=2 Study Atthakatha :- http://84000.org/tipitaka/attha/attha.php?b=25&i=424 The Pali Atthakatha in Thai :- http://84000.org/tipitaka/atthapali/read_th.php?B=29&A=9468 The Pali Atthakatha in Roman :- http://84000.org/tipitaka/atthapali/read_rm.php?B=29&A=9468 Contents of The Tipitaka Volume 25 http://84000.org/tipitaka/read/?index_25
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]