Tatiyam dhammadinnatheriyapadanam (23)
[163] |163.95| Padumuttaro nama jino sabbadhammana paragu
ito satasahassamhi kappe uppajji nayako.
|163.96| Tadaham hamsavatiya kule annatare ahu
parakammam 1- kari asim nipaka silasamvuta.
|163.97| Padumuttarassa buddhassa sujato aggasavako
vihara abhinikkhamma pindapataya gacchati.
|163.98| Ghatam gahetva gacchanti tada udakaharika
tam disva adadim puvam 2- pasanna sehi panibhi.
|163.99| Patiggahetva tattheva nisinno paribhunji so
tato netvana tam geham adasim tassa bhojanam.
|163.100| Tato me ayyako tuttho akasi 3- sunisam sakam
sassuya saha gantvana sambuddham abhivadayim.
|163.101| Tada so dhammakathikam bhikkhunim parikittayam
thapesi etadaggamhi tam sutva mudita aham.
|163.102| Nimantayitva sugatam sasangham lokanayakam
mahadanam daditvana tam thanam abhipatthayim.
@Footnote: 1 Ma. Yu. parakammakari. 2 Yu. supam. 3 Ma. Yu. akari.
|163.103| Tato mam sugato aha ghananinnadasussuro 1-
mamupatthananirata 2- sasanghaparivesika.
|163.104| Saddhammassavane yutta gunavaddhitamanasa
bhadde bhavassu mudita lacchasetam 3- panidhiphalam.
|163.105| Satasahasse ito kappe okkakakulasambhavo
gotamo nama namena sattha loke bhavissati.
|163.106| Tassa dhammesu dayada orasa dhammanimmita
dhammadinnati namena hessati satthusavika.
|163.107| Tam sutva mudita hutva yavajivam mahamunim
mettacitta paricarim paccayehi vinayakam.
|163.108| Tena kammena sukatena cetanapanidhihi ca
jahitva manusam deham tavatimsam aganchaham.
|163.109| Imamhi bhaddake kappe brahmabandhu mahayaso
kassapo nama namena uppajji vadatam varo.
|163.110| Upatthako mahesissa tada asi narissaro
kasiraja kiki nama baranasipuruttame.
|163.111| Chattha tassa 4- aham dhita sudhamma iti vissuta
dhammam sutva jinaggassa pabbajjam samarocayim.
|163.112| Anujani na no tato agareva tada mayam
visam vassasahassani vicarimha atandita.
Tatiyam bhanavaram.
@Footnote: 1 Ma. Yu. ... sussaro. 2 Ma. Yu. mamupatthananirate sasanghaparivesike.
@mamupatthanayutte sasanghaparimanase. 3 Ma. Yu. lacchase. 4 Ma. Yu. tassasaham.
|163.113| Komaribrahmacariyam rajakanna sukhetthita
buddhopatthananirata mudita satta dhitaro.
|163.114| Samani samanagutta ca bhikkhuni bhikkhudasika
dhamma ceva sudhamma ca sattami sanghadasika.
|163.115| Khema uppalavanna ca patacara ca kundala
gotami ca aham ceva visakha hoti sattami.
|163.116| Tehi kammehi sukatehi cetanapanidhihi ca
jahitva manusam deham tavatimsam aganchaham.
|163.117| Pacchime ca bhave dani giribbajapuruttame
jata setthikule phite sabbakamasamiddhane.
|163.118| Yada rupagunupeta pathame yobbane thita
tada parakulam gantva vasim sukhasamappita.
|163.119| Upetva lokasaranam sunitva dhammadesanam
anagamiphalam patto samiko me subuddhima.
|163.120| Tada 1- tam anujanetva pabbajim anagariyam
na cireneva kalena arahattam apapunim.
|163.121| Tada upasako so mam upagantva apucchatha
gambhire nipune panhe te sabbe byakarim aham.
|163.122| Jino tasmim gune tuttho etadagge thapesi mam
bhikkhunim dhammakathikam nannam passami edisam.
@Footnote: 1 Ma. Yu. tadaham.
|163.123| Dhammadinna yatha dhira evam dharetha bhikkhavo
evaham pandita nama 1- nayakenanukampita.
|163.124| Paricinno maya sattha katam buddhassa sasanam
ohito garuko bharo bhavanetti samuhata.
|163.125| Yassatthaya pabbajita agarasma anagariyam
so me attho anuppatto sabbasamyojanakkhayo.
|163.126| Iddhisu ca vasi homi dibbaya sotadhatuya
paracittani janami buddhasasanakarika 2-.
|163.127| Pubbenivasam janami dibbacakkhum visodhitam
khepetva asave sabbe visuddhasim sunimmala.
|163.128| Kilesa jhapita mayham bhava sabbe samuhata
nagiva bandhanam chetva viharami anasava.
|163.129| Svagatam vata me asi buddhasetthassa santike
tisso vijja anuppatta katam buddhassa sasanam.
|163.130| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam dhammadinna bhikkhuni ima gathayo abhasitthati.
Dhammadinnatheriya apadanam samattam.
@Footnote: 1 Ma. Yu. homi. 2 Ma. Yu. satthusasana ....
The Pali Tipitaka in Roman Character Volume 33 page 335-338.
http://84000.org/tipitaka/pitaka_item/roman_item_s.php?book=33&item=163&items=1&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=33&item=163&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=163&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=163&items=1&modeTY=2
Study Atthakatha :-
http://84000.org/tipitaka/attha/attha.php?b=33&i=163
Contents of The Tipitaka Volume 33
http://84000.org/tipitaka/read/?index_33
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
