พระไตรปิฎกเล่มที่ ๓๔ ภาษาบาลี อักษรไทย
พระอภิธรรมปิฎกเล่มที่ ๑ อภิ. ธมฺมสงฺคณิ

                                           รูปกณฺฑํ
     [๕๐๑]   กตเม ธมฺมา อพฺยากตา กุสลากุสลานํ ธมฺมานํ วิปากา
     กามาวจรา  รูปาวจรา  อรูปาวจรา  อปริยาปนฺนา  เวทนากฺขนฺโธ
สญฺญากฺขนฺโธ   สงฺขารกฺขนฺโธ   วิญฺญาณกฺขนฺโธ   เย  จ  ธมฺมา  กิริยา
เนว  กุสลา  นากุสลา  น  จ  กมฺมวิปากา สพฺพํ จ รูปํ อสงฺขตา จ ธาตุ
อิเม ธมฺมา อพฺยากตา ฯ
     [๕๐๒]   ตตฺถ  กตมํ  สพฺพํ  รูปํ  จตฺตาโร  จ  มหาภูตา จตุนฺนํ จ
มหาภูตานํ อุปาทาย รูปํ อิทํ วุจฺจติ สพฺพํ รูปํ ฯ
     [๕๐๓]   สพฺพํ   รูปํ   นเหตุ   อเหตุกํ  เหตุวิปฺปยุตฺตํ  สปฺปจฺจยํ
สงฺขตํ   รูปํ   โลกิยํ   สาสวํ   สญฺโญชนิยํ   คนฺถนิยํ  โอฆนิยํ  โยคนิยํ
นีวรณิยํ    ปรามฏฺฐํ    อุปาทานิยํ   สงฺกิเลสิกํ   อพฺยากตํ   อนารมฺมณํ
อเจตสิกํ   จิตฺตวิปฺปยุตฺตํ   เนววิปากนวิปากธมฺมธมฺมํ  อสงฺกิลิฏฺฐสงฺกิเลสิกํ
นสวิตกฺกสวิจารํ     นอวิตกฺกวิจารมตฺตํ     อวิตกฺกอวิจารํ    นปีติสหคตํ
นสุขสหคตํ        นอุเปกฺขาสหคตํ       เนวทสฺสเนนนภาวนายปหาตพฺพํ
เนวทสฺสเนนนภาวนายปหาตพฺพเหตุกํ เนวอาจยคามินอปจยคามิ
เนวเสกฺขนาเสกฺขํ    ปริตฺตํ    กามาวจรํ    นรูปาวจรํ    นอรูปาวจรํ
ปริยาปนฺนํ      โนอปริยาปนฺนํ      อนิยตํ     อนิยฺยานิกํ     อุปฺปนฺนํ
ฉหิ    วิญฺญาเณหิ    วิญฺเญยฺยํ   อนิจฺจํ   ชราภิภูตํ   เอวํ   เอกวิเธน
รูปสงฺคโห ฯ
                                             เอกกํ ฯ
     [๕๐๔]   ทุวิเธน  รูปสงฺคโห  อตฺถิ รูปํ อุปาทา อตฺถิ รูปํ โนอุปาทา
อตฺถิ  รูปํ  อุปาทินฺนํ  อตฺถิ  รูปํ  อนุปาทินฺนํ อตฺถิ รูปํ อุปาทินฺนุปาทานิยํ
อตฺถิ  รูปํ  อนุปาทินฺนุปาทานิยํ  อตฺถิ  รูปํ  สนิทสฺสนํ  อตฺถิ  รูปํ อนิทสฺสนํ
อตฺถิ  รูปํ  สปฺปฏิฆํ  อตฺถิ  รูปํ  อปฺปฏิฆํ  อตฺถิ  รูปํ อินฺทฺริยํ อตฺถิ รูปํ
นอินฺทฺริยํ  อตฺถิ  รูปํ  มหาภูตํ  อตฺถิ  รูปํ  นมหาภูตํ  อตฺถิ  รูปํ วิญฺญตฺติ
อตฺถิ  รูปํ  นวิญฺญตฺติ  อตฺถิ  รูปํ  จิตฺตสมุฏฺฐานํ อตฺถิ รูปํ นจิตฺตสมุฏฺฐานํ
อตฺถิ   รูปํ  จิตฺตสหภุ  อตฺถิ  รูปํ  นจิตฺตสหภุ  อตฺถิ  รูปํ  จิตฺตานุปริวตฺติ
อตฺถิ  รูปํ  นจิตฺตานุปริวตฺติ  อตฺถิ  รูปํ  อชฺฌตฺติกํ อตฺถิ รูปํ พาหิรํ อตฺถิ
รูปํ โอฬาริกํ อตฺถิ รูปํ สุขุมํ อตฺถิ รูปํ ทูเร อตฺถิ รูปํ สนฺติเก ฯ
     {๕๐๔.๑}   อตฺถิ  รูปํ  จกฺขุสมฺผสฺสสฺส วตฺถุ อตฺถิ รูปํ จกฺขุสมฺผสฺสสฺส
นวตฺถุ   อตฺถิ   รูปํ  จกฺขุสมฺผสฺสชาย  เวทนาย  ฯเปฯ  สญฺญาย  ฯเปฯ
เจตนาย   ฯเปฯ   จกฺขุวิญฺญาณสฺส   วตฺถุ   อตฺถิ   รูปํ  จกฺขุวิญฺญาณสฺส
นวตฺถุ   อตฺถิ   รูปํ   โสตสมฺผสฺสสฺส   ฯเปฯ   ฆานสมฺผสฺสสฺส   ฯเปฯ
ชิวฺหาสมฺผสฺสสฺส  ฯเปฯ  กายสมฺผสฺสสฺส  วตฺถุ  อตฺถิ  รูปํ  กายสมฺผสฺสสฺส
นวตฺถุ   อตฺถิ   รูปํ  กายสมฺผสฺสชาย  เวทนาย  ฯเปฯ  สญฺญาย  ฯเปฯ
เจตนาย   ฯเปฯ   กายวิญฺญาณสฺส   วตฺถุ   อตฺถิ   รูปํ  กายวิญฺญาณสฺส
นวตฺถุ  ฯ  อตฺถิ  รูปํ  จกฺขุสมฺผสฺสสฺส  อารมฺมณํ  อตฺถิ รูปํ จกฺขุสมฺผสฺสสฺส
นอารมฺมณํ   อตฺถิ  รูปํ  จกฺขุสมฺผสฺสชาย  เวทนาย  *-  ฯเปฯ  สญฺญาย
ฯเปฯ    เจตนาย    ฯเปฯ   จกฺขุวิญฺญาณสฺส   อารมฺมณํ   อตฺถิ   รูปํ
จกฺขุวิญฺญาณสฺส     นอารมฺมณํ    ฯ     อตฺถิ    รูปํ    โสตสมฺผสฺสสฺส
@เชิงอรรถ: * มีการแก้ไขคำ จกฺขุสมฺผสฺสชายเวทนาย เป็น จกฺขุสมฺผสฺสชาย เวทนาย
ฯเปฯ   ฆานสมฺผสฺสสฺส   ฯเปฯ  ชิวฺหาสมฺผสฺสสฺส  ฯเปฯ  กายสมฺผสฺสสฺส
อารมฺมณํ     อตฺถิ     รูปํ     กายสมฺผสฺสสฺส     นอารมฺมณํ    อตฺถิ
รูปํ   กายสมฺผสฺสชาย   เวทนาย   ฯเปฯ   สญฺญาย   ฯเปฯ  เจตนาย
ฯเปฯ กายวิญฺญาณสฺส อารมฺมณํ อตฺถิ รูปํ กายวิญฺญาณสฺส นอารมฺมณํ ฯ
     {๕๐๔.๒}   อตฺถิ  รูปํ  จกฺขายตนํ  อตฺถิ  รูปํ นจกฺขายตนํ อตฺถิ รูปํ
โสตายตนํ   อตฺถิ   รูปํ   นโสตายตนํ   อตฺถิ   รูปํ  ฆานายตนํ  ฯเปฯ
ชิวฺหายตนํ   ฯเปฯ   กายายตนํ   อตฺถิ   รูปํ   นกายายตนํ  อตฺถิ  รูปํ
รูปายตนํ  อตฺถิ  รูปํ  นรูปายตนํ  อตฺถิ  รูปํ  สทฺทายตนํ ฯเปฯ คนฺธายตนํ
ฯเปฯ รสายตนํ ฯเปฯ โผฏฺฐพฺพายตนํ อตฺถิ รูปํ นโผฏฺฐพฺพายตนํ ฯ
     {๕๐๔.๓}   อตฺถิ  รูปํ  จกฺขุธาตุ  อตฺถิ  รูปํ  นจกฺขุธาตุ  อตฺถิ รูปํ
โสตธาตุ   ฯเปฯ  ฆานธาตุ  ฯเปฯ  ชิวฺหาธาตุ  ฯเปฯ  กายธาตุ  อตฺถิ
รูปํ   นกายธาตุ   อตฺถิ  รูปํ  รูปธาตุ  อตฺถิ  รูปํ  นรูปธาตุ  อตฺถิ  รูปํ
สทฺทธาตุ   ฯเปฯ   คนฺธธาตุ   ฯเปฯ   รสธาตุ   ฯเปฯ  โผฏฺฐพฺพธาตุ
อตฺถิ รูปํ นโผฏฺฐพฺพธาตุ ฯ
     {๕๐๔.๔}   อตฺถิ   รูปํ   จกฺขุนฺทฺริยํ   อตฺถิ   รูปํ   นจกฺขุนฺทฺริยํ
อตฺถิ    รูปํ    โสตินฺทฺริยํ    ฯเปฯ   ฆานินฺทฺริยํ   ฯเปฯ   ชิวฺหินฺทฺริยํ
ฯเปฯ   กายินฺทฺริยํ   อตฺถิ   รูปํ   นกายินฺทฺริยํ  อตฺถิ  รูปํ  อิตฺถินฺทฺริยํ
อตฺถิ    รูปํ    นอิตฺถินฺทฺริยํ   อตฺถิ   รูปํ   ปุริสินฺทฺริยํ   อตฺถิ   รูปํ
นปุริสินฺทฺริยํ อตฺถิ รูปํ ชีวิตินฺทฺริยํ อตฺถิ รูปํ นชีวิตินฺทฺริยํ ฯ
     {๕๐๔.๕}   อตฺถิ   รูปํ   กายวิญฺญตฺติ   อตฺถิ  รูปํ  นกายวิญฺญตฺติ
อตฺถิ    รูปํ    วจีวิญฺญตฺติ    อตฺถิ    รูปํ   นวจีวิญฺญตฺติ   อตฺถิ   รูปํ
อากาสธาตุ        อตฺถิ        รูปํ       นอากาสธาตุ       อตฺถิ
รูปํ  อาโปธาตุ  อตฺถิ  รูปํ  นอาโปธาตุ  อตฺถิ  รูปํ  รูปสฺส  ลหุตา อตฺถิ
รูปํ  รูปสฺส  นลหุตา  อตฺถิ  รูปํ  รูปสฺส  มุทุตา  อตฺถิ รูปํ รูปสฺส นมุทุตา
อตฺถิ   รูปํ   รูปสฺส   กมฺมญฺญตา  อตฺถิ  รูปํ  รูปสฺส  นกมฺมญฺญตา  อตฺถิ
รูปํ  รูปสฺส  อุปจโย  อตฺถิ  รูปํ  รูปสฺส  นอุปจโย อตฺถิ รูปํ รูปสฺส สนฺตติ
อตฺถิ  รูปํ  รูปสฺส  นสนฺตติ อตฺถิ รูปํ รูปสฺส ชรตา อตฺถิ รูปํ รูปสฺส นชรตา
อตฺถิ  รูปํ  รูปสฺส อนิจฺจตา อตฺถิ รูปํ รูปสฺส นอนิจฺจตา อตฺถิ รูปํ กพฬึกาโร
อาหาโร อตฺถิ รูปํ น กพฬึกาโร อาหาโร เอวํ ทุวิเธน รูปสงฺคโห ฯ
                                               ทุกํ ฯ
     [๕๐๕]   ติวิเธน  รูปสงฺคโห ยนฺตํ รูปํ อชฺฌตฺติกํ ตํ อุปาทา ยนฺตํ รูปํ
พาหิรํ  ตํ  อตฺถิ  อุปาทา  อตฺถิ โนอุปาทา ยนฺตํ รูปํ อชฺฌตฺติกํ ตํ อุปาทินฺนํ
ยนฺตํ  รูปํ  พาหิรํ ตํ อตฺถิ อุปาทินฺนํ อตฺถิ อนุปาทินฺนํ ยนฺตํ รูปํ อชฺฌตฺติกํ
ตํ  อุปาทินฺนุปาทานิยํ  ยนฺตํ  รูปํ  พาหิรํ  ตํ  อตฺถิ อุปาทินฺนุปาทานิยํ อตฺถิ
อนุปาทินฺนุปาทานิยํ  ยนฺตํ  รูปํ  อชฺฌตฺติกํ  ตํ  อนิทสฺสนํ  ยนฺตํ  รูปํ พาหิรํ
ตํ อตฺถิ สนิทสฺสนํ อตฺถิ อนิทสฺสนํ ยนฺตํ รูปํ อชฺฌตฺติกํ ตํ สปฺปฏิฆํ ยนฺตํ รูปํ
พาหิรํ  ตํ  อตฺถิ  สปฺปฏิฆํ  อตฺถิ อปฺปฏิฆํ ยนฺตํ รูปํ อชฺฌตฺติกํ ตํ อินฺทฺริยํ
ยนฺตํ  รูปํ  พาหิรํ ตํ อตฺถิ อินฺทฺริยํ อตฺถิ นอินฺทฺริยํ ยนฺตํ รูปํ อชฺฌตฺติกํ
ตํนมหาภูตํ  ยนฺตํ  รูปํ  พาหิรํ  ตํ  อตฺถิ  มหาภูตํ  อตฺถิ  นมหาภูตํ  ยนฺตํ
รูปํ  อชฺฌตฺติกํ  ตํ  นวิญฺญตฺติ  ยนฺตํ  รูปํ  พาหิรํ  ตํ อตฺถิ วิญฺญตฺติ อตฺถิ
นวญฺญตฺติ  ยนฺตํ  รูปํ  อชฺฌตฺติกํ  ตํ  นจิตฺตสมุฏฺฐานํ  ยนฺตํ  รูปํ  พาหิรํ ตํ
อตฺถิ  จิตฺตสมุฏฺฐานํ อตฺถิ นจิตฺตสมุฏฺฐานํ ยนฺตํ รูปํ อชฺฌตฺติกํ ตํ นจิตฺตสหภุ
ยนฺตํ   รูปํ   พาหิรํ   ตํ  อตฺถิ  จิตฺตสหภุ  อตฺถิ  นจิตฺตสหภุ  ยนฺตํ  รูปํ
อชฺฌตฺติกํ  ตํ  นจิตฺตานุปริวตฺติ  ยนฺตํ  รูปํ พาหิรํ ตํ อตฺถิ จิตฺตานุปริวตฺติ
อตฺถิ  นจิตฺตานุปริวตฺติ  ยนฺตํ  รูปํ  อชฺฌตฺติกํ ตํ โอฬาริกํ ยนฺตํ รูปํ พาหิรํ
ตํ  อตฺถิ  โอฬาริกํ  อตฺถิ  สุขุมํ  ยนฺตํ  รูปํ  อชฺฌตฺติกํ  ตํ  สนฺติเก ยนฺตํ
รูปํ พาหิรํ ตํ อตฺถิ ทูเร อตฺถิ สนฺติเก ฯ
     {๕๐๕.๑}   ยนฺตํ  รูปํ  พาหิรํ  ตํ  จกฺขุสมฺผสฺสสฺส  นวตฺถุ ยนฺตํ รูปํ
อชฺฌตฺติกํ   ตํ  อตฺถิ  จกฺขุสมฺผสฺสสฺส  วตฺถุ  อตฺถิ  จกฺขุสมฺผสฺสสฺส  นวตฺถุ
ยนฺตํ  รูปํ  พาหิรํ  ตํ อตฺถิ จกฺขุสมฺผสฺสชาย เวทนาย ฯเปฯ สญฺญาย ฯเปฯ
เจตนาย  ฯเปฯ  จกฺขุวิญฺญาณสฺส  นวตฺถุ  ยนฺตํ  รูปํ  อชฺฌตฺติกํ  ตํ  อตฺถิ
จกฺขุวิญฺญาณสฺส   วตฺถุ   อตฺถิ  จกฺขุวิญฺญาณสฺส  นวตฺถุ  ยนฺตํ  รูปํ  พาหิรํ
ตํ  โสตสมฺผสฺสสฺส  ฯเปฯ  ฆานสมฺผสฺสสฺส  ฯเปฯ  ชิวฺหาสมฺผสฺสสฺส ฯเปฯ
กายสมฺผสฺสสฺส   นวตฺถุ   ยนฺตํ  รูปํ  อชฺฌตฺติกํ  ตํ  อตฺถิ  กายสมฺผสฺสสฺส
วตฺถุ  อตฺถิ  กายสมฺผสฺสสฺส  นวตฺถุ  ยนฺตํ  รูปํ  พาหิรํ ตํ กายสมฺผสฺสชาย
เวทนาย   ฯเปฯ   สญฺญาย   ฯเปฯ   เจตนาย  ฯเปฯ  กายวิญฺญาณสฺส
นวตฺถุ     ยนฺตํ     รูปํ     อชฺฌตฺติกํ    ตํอตฺถิกายวิญฺญาณสฺส    วตฺถุ
อตฺถิกายวิญฺญาณสฺส นวตฺถุ ฯ
     {๕๐๕.๒}   ยนฺตํ  รูปํอชฺฌตฺติกํ  ตํ  จกฺขุสมฺผสฺสสฺส  นอารมฺมณํ ยนฺตํ
รูปํพาหิรํ   ตํ   อตฺถิ   จกฺขุสมฺผสฺสสฺส   อารมฺมณํ  อตฺถิ  จกฺขุสมฺผสฺสสฺส
นอารมฺมณํ  ยนฺตํ  รูปํ อชฺฌตฺติกํ ตํ จกฺขุสมฺผสฺสชาย เวทนาย ฯเปฯ สญฺญาย
ฯเปฯ  เจตนาย  ฯเปฯ  จกฺขุวิญฺญาณสฺส  นอารมฺมณํ  ยนฺตํ  รูปํ พาหิรํ ตํ
อตฺถิ    จกฺขุวิญฺญาณสฺส   อารมฺมณํ   อตฺถิ   จกฺขุวิญฺญาณสฺส   นอารมฺมณํ
ยนฺตํ   รูปํ  อชฺฌตฺติกํ  ตํ  โสตสมฺผสฺสสฺส  ฯเปฯ  ฆานสมฺผสฺสสฺส  ฯเปฯ
ชิวฺหาสมฺผสฺสสฺส   ฯเปฯ   กายสมฺผสฺสสฺส  นอารมฺมณํ  ยนฺตํ  รูปํ  พาหิรํ
ตํ   อตฺถิ   กายสมฺผสฺสสฺส   อารมฺมณํ  อตฺถิ  กายสมฺผสฺสสฺส  นอารมฺมณํ
ยนฺตํ   รูปํ   อชฺฌตฺติกํ   ตํ  กายสมฺผสฺสชาย  เวทนาย  ฯเปฯ  สญฺญาย
ฯเปฯ    เจตนาย   ฯเปฯ   กายวิญฺญาณสฺส   นอารมฺมณํ   ยนฺตํ   รูปํ
พาหิรํ   ตํ   อตฺถิ   กายวิญฺญาณสฺส   อารมฺมณํ   อตฺถิ   กายวิญฺญาณสฺส
นอารมฺมณํ ฯ
     {๕๐๕.๓}   ยนฺตํ  รูปํ  พาหิรํ  ตํ นจกฺขายตนํ ยนฺตํ รูปํ อชฺฌตฺติกํ ตํ
อตฺถิ  จกฺขายตนํ  อตฺถิ  นจกฺขายตนํ  ยนฺตํ  รูปํ  พาหิรํ  ตํ  นโสตายตนํ
ฯเปฯ    นฆานายตนํ    ฯเปฯ    นชิวฺหายตนํ    ฯเปฯ   นกายายตนํ
ยนฺตํ  รูปํ  อชฺฌตฺติกํ  ตํ  อตฺถิ  กายายตนํ  อตฺถิ  นกายายตนํ  ยนฺตํ รูปํ
อชฺฌตฺติกํ  ตํ  นรูปายตนํ ยนฺตํ รูปํ พาหิรํ ตํ อตฺถิ รูปายตนํ อตฺถิ นรูปายตนํ
ยนฺตํ   รูปํ   อชฺฌตฺติกํ   ตํ   นสทฺทายตนํ   ฯเปฯ  นคนฺธายตนํ  ฯเปฯ
นรสายตนํ  ฯเปฯ  นโผฏฺฐพฺพายตนํ ยนฺตํ รูปํ พาหิรํ ตํ อตฺถิ โผฏฺฐพฺพายตนํ
อตฺถิ นโผฏฺฐพฺพายตนํ ฯ
     {๕๐๕.๔}   ยนฺตํ  รูปํ  พาหิรํ  ตํ  นจกฺขุธาตุ  ยนฺตํ  รูปํ อชฺฌตฺติกํ
ตํ  อตฺถิ  จกฺขุธาตุ  อตฺถิ  นจกฺขุธาตุ  ยนฺตํ  รูปํ  พาหิรํ  ตํ  นโสตธาตุ
ฯเปฯ   นฆานธาตุ   ฯเปฯ  นชิวฺหาธาตุ  ฯเปฯ  นกายธาตุ  ยนฺตํ  รูปํ
อชฺฌตฺติกํ   ตํ   อตฺถิ  กายธาตุ  อตฺถิ  นกายธาตุ  ยนฺตํ  รูปํ  อชฺฌตฺติกํ
ตํ   นรูปธาตุ   ยนฺตํ   รูปํ  พาหิรํ  ตํ  อตฺถิ  รูปธาตุ  อตฺถิ  นรูปธาตุ
ยนฺตํ   รูปํ   อชฺฌตฺติกํ   ตํ   นสทฺทธาตุ   ฯเปฯ   นคนฺธธาตุ   ฯเปฯ
นรสธาตุ  ฯเปฯ  นโผฏฺฐพฺพธาตุ  ยนฺตํ  รูปํ  พาหิรํ ตํ อตฺถิ โผฏฺฐพฺพธาตุ
อตฺถิ นโผฏฺฐพฺพธาตุ ฯ
     {๕๐๕.๕}   ยนฺตํ  รูปํ  พาหิรํ  ตํ  นจกฺขุนฺทฺริยํ  ยนฺตํ รูปํ อชฺฌตฺติกํ
ตํ   อตฺถิ   จกฺขุนฺทฺริยํ   อตฺถิ   นจกฺขุนฺทฺริยํ   ยนฺตํ   รูปํ   พาหิรํ  ตํ
นโสตินฺทฺริยํ    ฯเปฯ    นฆานินฺทฺริยํ    ฯเปฯ    นชิวฺหินฺทฺริยํ   ฯเปฯ
นกายินฺทฺริยํ  ยนฺตํ  รูปํ อชฺฌตฺติกํ ตํ อตฺถิ กายินฺทฺริยํ อตฺถิ นกายินฺทฺริยํ
ยนฺตํ   รูปํ   อชฺฌตฺติกํ   ตํ  นอิตฺถินฺทฺริยํ  ยนฺตํ  รูปํ  พาหิรํ  ตํ  อตฺถิ
อิตฺถินฺทฺริยํ  อตฺถิ  นอิตฺถินฺทฺริยํ ยนฺตํ รูปํ อชฺฌตฺติกํ ตํ นปุริสินฺทฺริยํ
ยนฺตํ  รูปํ  พาหิรํ  ตํ  อตฺถิ  ปุริสินฺทฺริยํ อตฺถิ นปุริสินฺทฺริยํ ยนฺตํ รูปํ
อชฺฌตฺติกํ  ตํ  นชีวิตินฺทฺริยํ ยนฺตํ รูปํ พาหิรํ ตํ อตฺถิ ชีวิตินฺทฺริยํ อตฺถิ
นชีวิตินฺทฺริยํ ฯ
     {๕๐๕.๖}   ยนฺตํ  รูปํ  อชฺฌตฺติกํ  ตํ  นกายวิญฺญตฺติ ยนฺตํ รูปํ พาหิรํ
ตํ   อตฺถิ   กายวิญฺญตฺติ   อตฺถิ  นกายวิญฺญตฺติ  ยนฺตํ  รูปํ  อชฺฌตฺติกํ  ตํ
นวจีวิญฺญตฺติ  ยนฺตํ  รูปํ  พาหิรํ  ตํ  อตฺถิ  วจีวิญฺญตฺติ อตฺถิ นวจีวิญฺญตฺติ
ยนฺตํ   รูปํ   อชฺฌตฺติกํ   ตํ  นอากาสธาตุ  ยนฺตํ  รูปํ  พาหิรํ  ตํ  อตฺถิ
อากาสธาตุ   อตฺถิ  นอากาสธาตุ  ยนฺตํ  รูปํ  อชฺฌตฺติกํ  ตํ  นอาโปธาตุ
ยนฺตํ   รูปํ  พาหิรํ  ตํ  อตฺถิ  อาโปธาตุ  อตฺถิ  นอาโปธาตุ  ยนฺตํ  รูปํ
อชฺฌตฺติกํ  ตํ  รูปสฺส  นลหุตา  ยนฺตํ  รูปํ  พาหิรํ  ตํ  อตฺถิ รูปสฺส ลหุตา
อตฺถิ   รูปสฺส  นลหุตา  ยนฺตํ  รูปํ  อชฺฌตฺติกํ  ตํ  รูปสฺส  นมุทุตา  ยนฺตํ
รูปํ  พาหิรํ  ตํ  อตฺถิ  รูปสฺส  มุทุตา  อตฺถิ  รูปสฺส  นมุทุตา  ยนฺตํ  รูปํ
อชฺฌตฺติกํ   ตํ  รูปสฺส  นกมฺมญฺญตา  ยนฺตํ  รูปํ  พาหิรํ  ตํ  อตฺถิ  รูปสฺส
กมฺมญฺญตา   อตฺถิ   รูปสฺส   นกมฺมญฺญตา   ยนฺตํ   รูปํ   อชฺฌตฺติกํ   ตํ
รูปสฺส   นอุปจโย   ยนฺตํ   รูปํ   พาหิรํ   ตํ   อตฺถิ   รูปสฺส  อุปจโย
อตฺถิ  รูปสฺส  นอุปจโย  ยนฺตํ  รูปํ  อชฺฌตฺติกํ  ตํ  รูปสฺส  นสนฺตติ  ยนฺตํ
รูปํ  พาหิรํ  ตํ  อตฺถิ  รูปสฺส  สนฺตติ  อตฺถิ  รูปสฺส  นสนฺตติ  ยนฺตํ  รูปํ
อชฺฌตฺติกํ  ตํ  รูปสฺส  นชรตา  ยนฺตํ รูปํ พาหิรํ ตํ อตฺถิ รูปสฺส ชรตา อตฺถิ
รูปสฺส  นชรตา  ยนฺตํ  รูปํ  อชฺฌตฺติกํ  ตํ  รูปสฺส  นอนิจฺจตา  ยนฺตํ  รูปํ
พาหิรํ  ตํ  อตฺถิ  รูปสฺส  อนิจฺจตา  อตฺถิ  รูปสฺส  นอนิจฺจตา  ยนฺตํ  รูปํ
อชฺฌตฺติกํ  ตํ  น  กพฬึกาโร  อาหาโร ยนฺตํ รูปํ พาหิรํ ตํ อตฺถิ กพฬึกาโร
อาหาโร อตฺถิ น กพฬึกาโร อาหาโร เอวํ ติวิเธน รูปสงฺคโห ฯ
                                              ติกํ ฯ
     [๕๐๖]   จตุพฺพิเธน  รูปสงฺคโห  ยนฺตํ รูปํ อุปาทา ตํ อตฺถิ อุปาทินฺนํ
อตฺถิ   อนุปาทินฺนํ   ยนฺตํ   รูปํ   อนุปาทา   ตํ  อตฺถิ  อุปาทินฺนํ  อตฺถิ
อนุปาทินฺนํ   ยนฺตํ   รูปํ   อุปาทา   ตํ   อตฺถิ  อุปาทินฺนุปาทานิยํ  อตฺถิ
อนุปาทินฺนุปาทานิยํ  ยนฺตํ  รูปํ  อนุปาทา  ตํ  อตฺถิ อุปาทินฺนุปาทานิยํ อตฺถิ
อนุปาทินฺนุปาทานิยํ  ยนฺตํ  รูปํ  อุปาทา  ตํ  อตฺถิ  สปฺปฏิฆํ  อตฺถิ อปฺปฏิฆํ
ยนฺตํ  รูปํ  อนุปาทา  ตํ  อตฺถิ  สปฺปฏิฆํ  อตฺถิ  อปฺปฏิฆํ ยนฺตํ รูปํ อุปาทา
ตํ  อตฺถิ  โอฬาริกํ  อตฺถิ  สุขุมํ ยนฺตํ รูปํ อนุปาทา ตํ อตฺถิ โอฬาริกํ อตฺถิ
สุขุมํ  ยนฺตํ  รูปํ  อุปาทา  ตํ  อตฺถิ ทูเร อตฺถิ สนฺติเก ยนฺตํ รูปํ อนุปาทา
ตํ อตฺถิ ทูเร อตฺถิ สนฺติเก ฯ
     {๕๐๖.๑}   ยนฺตํ  รูปํ  อุปาทินฺนํ  ตํ  อตฺถิ สนิทสฺสนํ อตฺถิ อนิทสฺสนํ
ยนฺตํ   รูปํ  อนุปาทินฺนํ  ตํ  อตฺถิ  สนิทสฺสนํ  อตฺถิ  อนิทสฺสนํ  ยนฺตํ  รูปํ
อุปาทินฺนํ   ตํ   อตฺถิ   สปฺปฏิฆํ   อตฺถิ  อปฺปฏิฆํ  ยนฺตํ  รูปํ  อนุปาทินฺนํ
ตํ  อตฺถิ  สปฺปฏิฆํ  อตฺถิ  อปฺปฏิฆํ  ยนฺตํ  รูปํ  อุปาทินฺนํ  ตํ อตฺถิ มหาภูตํ
อตฺถิ  นมหาภูตํ  ยนฺตํ  รูปํ  อนุปาทินฺนํ  ตํ  อตฺถิ  มหาภูตํ อตฺถิ นมหาภูตํ
ยนฺตํ  รูปํ อุปาทินฺนํ ตํ อตฺถิ โอฬาริกํ อตฺถิ สุขุมํ ยนฺตํ รูปํ อนุปาทินฺนํ ตํ
อตฺถิ  โอฬาริกํ  อตฺถิ  สุขุมํ  ยนฺตํ  รูปํ  อุปาทินฺนํ  ตํ  อตฺถิ  ทูเร อตฺถิ
สนฺติเก ยนฺตํ รูปํ อนุปาทินฺนํ ตํ อตฺถิ ทูเร อตฺถิ สนฺติเก ฯ
     {๕๐๖.๒}   ยนฺตํ  รูปํ  อุปาทินฺนุปาทานิยํ  ตํ  อตฺถิ  สนิทสฺสนํ อตฺถิ
อนิทสฺสนํ   ยนฺตํ   รูปํ   อนุปาทินฺนุปาทานิยํ   ตํ  อตฺถิ  สนิทสฺสนํ  อตฺถิ
อนิทสฺสนํ   ยนฺตํ   รูปํ   อุปาทินฺนุปาทานิยํ   ตํ   อตฺถิ   สปฺปฏิฆํ  อตฺถิ
อปฺปฏิฆํ   ยนฺตํ   รูปํ   อนุปาทินฺนุปาทานิยํ   ตํ   อตฺถิ   สปฺปฏิฆํ  อตฺถิ
อปฺปฏิฆํ   ยนฺตํ   รูปํ   อุปาทินฺนุปาทานิยํ   ตํ   อตฺถิ   มหาภูตํ   อตฺถิ
นมหาภูตํ   ยนฺตํ   รูปํ   อนุปาทินฺนุปาทานิยํ   ตํ   อตฺถิ  มหาภูตํ  อตฺถิ
นมหาภูตํ  ยนฺตํ  รูปํ  อุปาทินฺนุปาทานิยํ  ตํ  อตฺถิ  โอฬาริกํ  อตฺถิ  สุขุมํ
ยนฺตํ  รูปํ  อนุปาทินฺนุปาทานิยํ  ตํ  อตฺถิ  โอฬาริกํ  อตฺถิ  สุขุมํ ยนฺตํ รูปํ
อุปาทินฺนุปาทานิยํ  ตํ  อตฺถิ ทูเร อตฺถิ สนฺติเก ยนฺตํ รูปํ อนุปาทินฺนุปาทานิยํ
ตํ อตฺถิ ทูเร อตฺถิ สนฺติเก ฯ
     {๕๐๖.๓}   ยนฺตํ  รูปํ  สปฺปฏิฆํ  ตํ  อตฺถิ  อินฺทฺริยํ  อตฺถิ นอินฺทฺริยํ
ยนฺตํ  รูปํ  อปฺปฏิฆํ ตํ อตฺถิ อินฺทฺริยํ อตฺถิ นอินฺทฺริยํ ยนฺตํ รูปํ สปฺปฏิฆํ
ตํ  อตฺถิ  มหาภูตํ  อตฺถิ  นมหาภูตํ  ยนฺตํ  รูปํ  อปฺปฏิฆํ  ตํ อตฺถิ มหาภูตํ
อตฺถิ นมหาภูตํ ฯ
     {๕๐๖.๔}   ยนฺตํ  รูปํ  อินฺทฺริยํ  ตํ  อตฺถิ โอฬาริกํ อตฺถิ สุขุมํ ยนฺตํ
รูปํ  นอินฺทฺริยํ ตํ อตฺถิ โอฬาริกํ อตฺถิ สุขุมํ ยนฺตํ รูปํ อินฺทฺริยํ ตํ อตฺถิ
ทูเร อตฺถิ สนฺติเก ยนฺตํ รูปํ นอินฺทฺริยํ ตํ อตฺถิ ทูเร อตฺถิ สนฺติเก ฯ
     {๕๐๖.๕}   ยนฺตํ  รูปํ มหาภูตํ ตํ อตฺถิ โอฬาริกํ อตฺถิ สุขุมํ ยนฺตํ รูปํ
นมหาภูตํ  ตํ  อตฺถิ  โอฬาริกํ  อตฺถิ  สุขุมํ ยนฺตํ รูปํ มหาภูตํ ตํ อตฺถิ ทูเร
อตฺถิ  สนฺติเก  ยนฺตํ  รูปํ  นมหาภูตํ  ตํ  อตฺถิ ทูเร อตฺถิ สนฺติเก ฯ ทิฏฺฐํ
สุตํ มุตํ วิญฺญาตํ รูปํ เอวํ จตุพฺพิเธน รูปสงฺคโห ฯ
                                            จตุกฺกํ ฯ
     [๕๐๗]   ปญฺจวิเธน  รูปสงฺคโห  ปฐวีธาตุ  อาโปธาตุ  เตโชธาตุ
วาโยธาตุ ยญฺจ รูปํ  อุปาทา เอวํ ปญฺจวิเธน รูปสงฺคโห ฯ
                                            ปญฺจกํ ฯ
     [๕๐๘]   ฉพฺพิเธน   รูปสงฺคโห  จกฺขุวิญฺเญยฺยํ  รูปํ  โสตวิญฺเญยฺยํ
รูปํ  ฆานวิญฺเญยฺยํ รูปํ ชิวฺหาวิญฺเญยฺยํ รูปํ กายวิญฺเญยฺยํ รูปํ มโนวิญฺเญยฺยํ
รูปํ เอวํ ฉพฺพิเธน รูปสงฺคโห ฯ
                                             ฉกฺกํ ฯ
     [๕๐๙]   สตฺตวิเธน  รูปสงฺคโห  จกฺขุวิญฺเญยฺยํ  รูปํ  โสตวิญฺเญยฺยํ
รูปํ    ฆานวิญฺเญยฺยํ   รูปํ   ชิวฺหาวิญฺเญยฺยํ   รูปํ   กายวิญฺเญยฺยํ   รูปํ
มโนธาตุวิญฺเญยฺยํ   รูปํ   มโนวิญฺญาณธาตุวิญฺเญยฺยํ  รูปํ  เอวํ  สตฺตวิเธน
รูปสงฺคโห ฯ
                                           สตฺตกํ ฯ
     [๕๑๐]   อฏฺฐวิเธน  รูปสงฺคโห  จกฺขุวิญฺเญยฺยํ  รูปํ  โสตวิญฺเญยฺยํ
รูปํ   ฆานวิญฺเญยฺยํ   รูปํ  ชิวฺหาวิญฺเญยฺยํ  รูปํ  กายวิญฺเญยฺยํ  รูปํ  อตฺถิ
สุขสมฺผสฺสํ   อตฺถิ   ทุกฺขสมฺผสฺสํ   มโนธาตุวิญฺเญยฺยํ   รูปํ  มโนวิญฺญาณ-
ธาตุวิญฺเญยฺยํ รูปํ เอวํ อฏฺฐวิเธน รูปสงฺคโห ฯ
                                              อฏฺฐกํ ฯ
     [๕๑๑]   นววิเธน  รูปสงฺคโห  จกฺขุนฺทฺริยํ  โสตินฺทฺริยํ  ฆานินฺทฺริยํ
ชิวฺหินฺทฺริยํ         กายินฺทฺริยํ        อิตฺถินฺทฺริยํ        ปุริสินฺทฺริยํ
ชีวิตินฺทฺริยํ ยญฺจ รูปํ นอินฺทฺริยํ เอวํ นววิเธน รูปสงฺคโห ฯ
                                             นวกํ ฯ
     [๕๑๒]   ทสวิเธน  รูปสงฺคโห  จกฺขุนฺทฺริยํ  โสตินฺทฺริยํ  ฆานินฺทฺริยํ
ชิวฺหินฺทฺริยํ         กายินฺทฺริยํ        อิตฺถินฺทฺริยํ        ปุริสินฺทฺริยํ
ชีวิตินฺทฺริยํ  นอินฺทฺริยํ  รูปํ  อตฺถิ  สปฺปฏิฆํ  อตฺถิอปฺปฏิฆํ  เอวํ ทสวิเธน
รูปสงฺคโห ฯ
                                             ทสกํ ฯ
     [๕๑๓]   เอกาทสวิเธน  รูปสงฺคโห จกฺขายตนํ โสตายตนํ ฆานายตนํ
ชิวฺหายตนํ   กายายตนํ   รูปายตนํ   สทฺทายตนํ   คนฺธายตนํ   รสายตนํ
โผฏฺฐพฺพายตนํ   ยญฺจ   รูปํ   อนิทสฺสนํ   อปฺปฏิฆํ   ธมฺมายตนปริยาปนฺนํ
เอวํ เอกาทสวิเธน รูปสงฺคโห ฯ
                                          เอกาทสกํ ฯ
                                            มาติกา ฯ
     [๕๑๔]   สพฺพํ   รูปํ   นเหตุเมว  อเหตุกเมว  เหตุวิปฺปยุตฺตเมว
สปฺปจฺจยเมว  สงฺขตเมว  รูปเมว  โลกิยเมว  สาสวเมว  สญฺโญชนิยเมว
คนฺถนิยเมว    โอฆนิยเมว    โยคนิยเมว   นีวรณิยเมว   ปรามฏฺฐเมว
อุปาทานิยเมว  สงฺกิเลสิกเมว  อพฺยากตเมว  อนารมฺมณเมว อเจตสิกเมว
จิตฺตวิปฺปยุตฺตเมว   เนววิปากนวิปากธมฺมธมฺมเมว  อสงฺกิลิฏฺฐสงฺกิเลสิกเมว
นสวิตกฺกสวิจารเมว      นอวิตกฺกวิจารมตฺตเมว      อวิตกฺกอวิจารเมว
นปีติสหคตเมว           นสุขสหคตเมว          นอุเปกฺขาสหคตเมว
เนวทสฺสเนนนภาวนายปหาตพฺพเมว เนวทสฺสเนนนภาวนายปหาตพฺพเหตุกเมว
เนวอาจยคามินอปจยคามิเมว เนวเสกฺขนาเสกฺขเมว
ปริตฺตเมว  กามาวจรเมว  นรูปาวจรเมว  นอรูปาวจรเมว ปริยาปนฺนเมว
โนอปริยาปนฺนเมว       อนิยตเมว       อนิยฺยานิกเมว      อุปฺปนฺนํ
ฉหิ    วิญฺญาเณหิ    วิญฺเญยฺยเมว    อนิจฺจเมว   ชราภิภูตเมว   เอวํ
เอกวิเธน รูปสงฺคโห ฯ
                                        เอกกนิทฺเทโส ฯ
     [๕๑๕]   กตมนฺตํ  รูปํ  อุปาทา  จกฺขายตนํ  โสตายตนํ  ฆานายตนํ
ชิวฺหายตนํ   กายายตนํ   รูปายตนํ   สทฺทายตนํ   คนฺธายตนํ   รสายตนํ
อิตฺถินฺทฺริยํ    ปุริสินฺทฺริยํ   ชีวิตินฺทฺริยํ   กายวิญฺญตฺติ   วจีวิญฺญตฺติ
อากาสธาตุ    รูปสฺส    ลหุตา   รูปสฺส   มุทุตา   รูปสฺส   กมฺมญฺญตา
รูปสฺส   อุปจโย   รูปสฺส   สนฺตติ   รูปสฺส   ชรตา   รูปสฺส  อนิจฺจตา
กพฬึกาโร อาหาโร ฯ
     [๕๑๖]   กตมนฺตํ   รูปํ  จกฺขายตนํ  ยํ  จกฺขุํ  จตุนฺนํ  มหาภูตานํ
อุปาทาย   ปสาโท   อตฺตภาวปริยาปนฺโน   อนิทสฺสโน   สปฺปฏิโฆ  เยน
จกฺขุนา    อนิทสฺสเนน   สปฺปฏิเฆน   รูปํ   สนิทสฺสนํ   สปฺปฏิฆํ   ปสฺสิ
วา   ปสฺสติ  วา  ปสฺสิสฺสติ  วา  ปสฺเส  วา  จกฺขุํเปตํ  จกฺขายตนํเปตํ
จกฺขุธาตุเปสา      จกฺขุนฺทฺริยํเปตํ      โลโกเปโส      ทฺวาราเปสา
สมุทฺโทเปโส   ปณฺฑรํเปตํ   เขตฺตํเปตํ   วตฺถุํเปตํ  เนตฺตํเปตํ  นยนํเปตํ
โอริมนฺตีรํเปตํ สุญฺโญ คาโมเปโส อิทนฺตํ รูปํ จกฺขายตนํ ฯ
     {๕๑๖.๑}   กตมนฺตํ  รูปํ  จกฺขายตนํ  ยํ  จกฺขุํ  จตุนฺนํ  มหาภูตานํ
อุปาทาย   ปสาโท   อตฺตภาวปริยาปนฺโน   อนิทสฺสโน   สปฺปฏิโฆ  ยมฺหิ
จกฺขุมฺหิ   อนิทสฺสนมฺหิ   สปฺปฏิฆมฺหิ   รูปํ   สนิทสฺสนํ   สปฺปฏิฆํ  ปฏิหญฺญิ
วา   ปฏิหญฺญติ   วา   ปฏิหญฺญิสฺสติ   วา   ปฏิหญฺเญ   วา   จกฺขุํเปตํ
จกฺขายตนํเปตํ  จกฺขุธาตุเปสา  จกฺขุนฺทฺริยํเปตํ  โลโกเปโส  ทฺวาราเปสา
สมุทฺโทเปโส   ปณฺฑรํเปตํ   เขตฺตํเปตํ   วตฺถุํเปตํ  เนตฺตํเปตํ  นยนํเปตํ
โอริมนฺตีรํเปตํ สุญฺโญ คาโมเปโส อิทนฺตํ รูปํ จกฺขายตนํ ฯ
     {๕๑๖.๒}   กตมนฺตํ  รูปํ  จกฺขายตนํ  ยํ  จกฺขุํ  จตุนฺนํ  มหาภูตานํ
อุปาทาย    ปสาโท   อตฺตภาวปริยาปนฺโน   อนิทสฺสโน   สปฺปฏิโฆ   ยํ
จกฺขุํ   อนิทสฺสนํ   สปฺปฏิฆํ   รูปมฺหิ   สนิทสฺสนมฺหิ   สปฺปฏิฆมฺหิ  ปฏิหญฺญิ
วา   ปฏิหญฺญติ   วา   ปฏิหญฺญิสฺสติ   วา   ปฏิหญฺเญ   วา   จกฺขุํเปตํ
จกฺขายตนํเปตํ  จกฺขุธาตุเปสา  จกฺขุนฺทฺริยํเปตํ  โลโกเปโส  ทฺวาราเปสา
สมุทฺโทเปโส   ปณฺฑรํเปตํ   เขตฺตํเปตํ   วตฺถุํเปตํ  เนตฺตํเปตํ  นยนํเปตํ
โอริมนฺตีรํเปตํ สุญฺโญ คาโมเปโส อิทนฺตํ รูปํ จกฺขายตนํ ฯ
     {๕๑๖.๓}   กตมนฺตํ  รูปํ  จกฺขายตนํ  ยํ  จกฺขุํ  จตุนฺนํ  มหาภูตานํ
อุปาทาย    ปสาโท   อตฺตภาวปริยาปนฺโน   อนิทสฺสโน   สปฺปฏิโฆ   ยํ
จกฺขุํ  นิสฺสาย  รูปํ  อารพฺภ  จกฺขุสมฺผสฺโส  อุปฺปชฺชิ  วา  อุปฺปชฺชติ  วา
อุปฺปชฺชิสฺสติ  วา  อุปฺปชฺเช  วา  ฯเปฯ  ยํ  จกฺขุํ  นิสฺสาย  รูปํ อารพฺภ
จกฺขุสมฺผสฺสชา    เวทนา   ฯเปฯ   สญฺญา   ฯเปฯ   เจตนา   ฯเปฯ
จกฺขุวิญฺญาณํ   อุปฺปชฺชิ   วา  อุปฺปชฺชติ  วา  อุปฺปชฺชิสฺสติ  วา  อุปฺปชฺเช
วา  ฯเปฯ  ยํ  จกฺขุํ  นิสฺสาย  รูปารมฺมโณ  จกฺขุสมฺผสฺโส  อุปฺปชฺชิ  วา
อุปฺปชฺชติ  วา  อุปฺปชฺชิสฺสติ  วา  อุปฺปชฺเช  วา  ฯเปฯ  ยํ จกฺขุํ นิสฺสาย
รูปารมฺมณา   จกฺขุสมฺผสฺสชา   เวทนา   ฯเปฯ  สญฺญา  ฯเปฯ  เจตนา
ฯเปฯ   จกฺขุวิญฺญาณํ   อุปฺปชฺชิ   วา   อุปฺปชฺชติ  วา  อุปฺปชฺชิสฺสติ  วา
อุปฺปชฺเช   วา  จกฺขุํเปตํ  จกฺขายตนํเปตํ  จกฺขุธาตุเปสา  จกฺขุนฺทฺริยํเปตํ
โลโกเปโส  ทฺวาราเปสา  สมุทฺโทเปโส  ปณฺฑรํเปตํ  เขตฺตํเปตํ วตฺถุํเปตํ
เนตฺตํเปตํ   นยนํเปตํ   โอริมนฺตีรํเปตํ  สุญฺโญ  คาโมเปโส  อิทนฺตํ  รูปํ
จกฺขายตนํ ฯ
     [๕๑๗]   กตมนฺตํ   รูปํ  โสตายตนํ  ยํ  โสตํ  จตุนฺนํ  มหาภูตานํ
อุปาทาย   ปสาโท   อตฺตภาวปริยาปนฺโน   อนิทสฺสโน   สปฺปฏิโฆ  เยน
โสเตน    อนิทสฺสเนน   สปฺปฏิเฆน   สทฺทํ   อนิทสฺสนํ   สปฺปฏิฆํ   สุณิ
วา   สุณาติ   วา   สุณิสฺสติ  วา  สุเณ  วา  โสตํเปตํ  โสตายตนํเปตํ
โสตธาตุเปสา   โสตินฺทฺริยํเปตํ  โลโกเปโส  ทฺวาราเปสา  สมุทฺโทเปโส
ปณฺฑรํเปตํ   เขตฺตํเปตํ   วตฺถุํเปตํ   โอริมนฺตีรํเปตํ  สุญฺโญ  คาโมเปโส
อิทนฺตํ รูปํ โสตายตนํ ฯ
     {๕๑๗.๑}   กตมนฺตํ  รูปํ  โสตายตนํ  ยํ  โสตํ  จตุนฺนํ  มหาภูตานํ
อุปาทาย     ปสาโท    อตฺตภาวปริยาปนฺโน    อนิทสฺสโน    สปฺปฏิโฆ
ยมฺหิ     โสตมฺหิ    อนิทสฺสนมฺหิ    สปฺปฏิฆมฺหิ    สทฺโท    อนิทสฺสโน
สปฺปฏิโฆ    ปฏิหญฺญิ    วา    ปฏิหญฺญติ    วา    ปฏิหญฺญิสฺสติ    วา
ปฏิหญฺเญ   วา  โสตํเปตํ  โสตายตนํเปตํ  โสตธาตุเปสา  โสตินฺทฺริยํเปตํ
โลโกเปโส    ทฺวาราเปสา    สมุทฺโทเปโส    ปณฺฑรํเปตํ   เขตฺตํเปตํ
วตฺถุํเปตํ โอริมนฺตีรํเปตํ สุญฺโญ คาโมเปโส อิทนฺตํ รูปํ โสตายตนํ ฯ
     {๕๑๗.๒}   กตมนฺตํ  รูปํ  โสตายตนํ  ยํ  โสตํ  จตุนฺนํ  มหาภูตานํ
อุปาทาย   ปสาโท  อตฺตภาวปริยาปนฺโน  อนิทสฺสโน  สปฺปฏิโฆ  ยํ  โสตํ
อนิทสฺสนํ    สปฺปฏิฆํ    สทฺทมฺหิ    อนิทสฺสนมฺหิ    สปฺปฏิฆมฺหิ   ปฏิหญฺญิ
วา   ปฏิหญฺญติ   วา   ปฏิหญฺญิสฺสติ   วา   ปฏิหญฺเญ   วา   โสตํเปตํ
โสตายตนํเปตํ  โสตธาตุเปสา  โสตินฺทฺริยํเปตํ  โลโกเปโส  ทฺวาราเปสา
สมุทฺโทเปโส   ปณฺฑรํเปตํ   เขตฺตํเปตํ  วตฺถุํเปตํ  โอริมนฺตีรํเปตํ  สุญฺโญ
คาโมเปโส อิทนฺตํ รูปํ โสตายตนํ ฯ
     {๕๑๗.๓}   กตมนฺตํ  รูปํ  โสตายตนํ  ยํ  โสตํ  จตุนฺนํ  มหาภูตานํ
อุปาทาย    ปสาโท   อตฺตภาวปริยาปนฺโน   อนิทสฺสโน   สปฺปฏิโฆ   ยํ
โสตํ   นิสฺสาย   สทฺทํ   อารพฺภ  โสตสมฺผสฺโส  อุปฺปชฺชิ  วา  อุปฺปชฺชติ
วา  อุปฺปชฺชิสฺสติ  วา  อุปฺปชฺเช  วา ฯเปฯ ยํ โสตํ นิสฺสาย สทฺทํ อารพฺภ
โสตสมฺผสฺสชา  เวทนา  ฯเปฯ  สญฺญา  ฯเปฯ เจตนา ฯเปฯ โสตวิญฺญาณํ
อุปฺปชฺชิ  วา  อุปฺปชฺชติ  วา  อุปฺปชฺชิสฺสติ วา อุปฺปชฺเช วา ฯเปฯ ยํ โสตํ
นิสฺสาย   สทฺทารมฺมโณ   โสตสมฺผสฺโส   อุปฺปชฺชิ   วา   อุปฺปชฺชติ  วา
อุปฺปชฺชิสฺสติ  วา  อุปฺปชฺเช  วา  ฯเปฯ  ยํ  โสตํ  นิสฺสาย สทฺทารมฺมณา
โสตสมฺผสฺสชา    เวทนา   ฯเปฯ   สญฺญา   ฯเปฯ   เจตนา   ฯเปฯ
โสตวิญฺญาณํ   อุปฺปชฺชิ   วา  อุปฺปชฺชติ  วา  อุปฺปชฺชิสฺสติ  วา  อุปฺปชฺเช
วา     โสตํเปตํ    โสตายตนํเปตํ    โสตธาตุเปสา    โสตินฺทฺริยํเปตํ
โลโกเปโส  ทฺวาราเปสา  สมุทฺโทเปโส  ปณฺฑรํเปตํ  เขตฺตํเปตํ วตฺถุํเปตํ
โอริมนฺตีรํเปตํ สุญฺโญ คาโมเปโส อิทนฺตํ รูปํ โสตายตนํ ฯ
     [๕๑๘]   กตมนฺตํ   รูปํ  ฆานายตนํ  ยํ  ฆานํ  จตุนฺนํ  มหาภูตานํ
อุปาทาย   ปสาโท   อตฺตภาวปริยาปนฺโน   อนิทสฺสโน   สปฺปฏิโฆ  เยน
ฆาเนน   อนิทสฺสเนน   สปฺปฏิเฆน   คนฺธํ   อนิทสฺสนํ   สปฺปฏิฆํ   ฆายิ
วา   ฆายติ  วา  ฆายิสฺสติ  วา  ฆาเย  วา  ฆานํเปตํ  ฆานายตนํเปตํ
ฆานธาตุเปสา   ฆานินฺทฺริยํเปตํ  โลโกเปโส  ทฺวาราเปสา  สมุทฺโทเปโส
ปณฺฑรํเปตํ   เขตฺตํเปตํ   วตฺถุํเปตํ   โอริมนฺตีรํเปตํ  สุญฺโญ  คาโมเปโส
อิทนฺตํ รูปํ ฆานายตนํ ฯ
     {๕๑๘.๑}   กตมนฺตํ  รูปํ  ฆานายตนํ  ยํ  ฆานํ  จตุนฺนํ  มหาภูตานํ
อุปาทาย   ปสาโท   อตฺตภาวปริยาปนฺโน   อนิทสฺสโน   สปฺปฏิโฆ  ยมฺหิ
ฆานมฺหิ    อนิทสฺสนมฺหิ    สปฺปฏิฆมฺหิ    คนฺโธ   อนิทสฺสโน   สปฺปฏิโฆ
ปฏิหญฺญิ    วา   ปฏิหญฺญติ   วา   ปฏิหญฺญิสฺสติ   วา   ปฏิหญฺเญ   วา
ฆานํเปตํ       ฆานายตนํเปตํ      ฆานธาตุเปสา      ฆานินฺทฺริยํเปตํ
โลโกเปโส    ทฺวาราเปสา    สมุทฺโทเปโส    ปณฺฑรํเปตํ   เขตฺตํเปตํ
วตฺถุํเปตํ โอริมนฺตีรํเปตํ สุญฺโญ คาโมเปโส อิทนฺตํ รูปํ ฆานายตนํ ฯ
     {๕๑๘.๒}   กตมนฺตํ  รูปํ  ฆานายตนํ  ยํ  ฆานํ  จตุนฺนํ  มหาภูตานํ
อุปาทาย   ปสาโท  อตฺตภาวปริยาปนฺโน  อนิทสฺสโน  สปฺปฏิโฆ  ยํ  ฆานํ
อนิทสฺสนํ    สปฺปฏิฆํ    คนฺธมฺหิ    อนิทสฺสนมฺหิ    สปฺปฏิฆมฺหิ   ปฏิหญฺญิ
วา   ปฏิหญฺญติ   วา   ปฏิหญฺญิสฺสติ   วา   ปฏิหญฺเญ   วา   ฆานํเปตํ
ฆานายตนํเปตํ  ฆานธาตุเปสา  ฆานินฺทฺริยํเปตํ  โลโกเปโส  ทฺวาราเปสา
สมุทฺโทเปโส   ปณฺฑรํเปตํ   เขตฺตํเปตํ  วตฺถุํเปตํ  โอริมนฺตีรํเปตํ  สุญฺโญ
คาโมเปโส อิทนฺตํ รูปํ ฆานายตนํ ฯ
     {๕๑๘.๓}   กตมนฺตํ  รูปํ  ฆานายตนํ  ยํ  ฆานํ  จตุนฺนํ  มหาภูตานํ
อุปาทาย    ปสาโท   อตฺตภาวปริยาปนฺโน   อนิทสฺสโน   สปฺปฏิโฆ   ยํ
ฆานํ   นิสฺสาย   คนฺธํ   อารพฺภ  ฆานสมฺผสฺโส  อุปฺปชฺชิ  วา  อุปฺปชฺชติ
วา  อุปฺปชฺชิสฺสติ  วา  อุปฺปชฺเช  วา ฯเปฯ ยํ ฆานํ นิสฺสาย คนฺธํ อารพฺภ
ฆานสมฺผสฺสชา  เวทนา  ฯเปฯ  สญฺญา  ฯเปฯ เจตนา ฯเปฯ ฆานวิญฺญาณํ
อุปฺปชฺชิ  วา  อุปฺปชฺชติ  วา  อุปฺปชฺชิสฺสติ  วา  อุปฺปชฺเช  วา  ฯเปฯ ยํ
ฆานํ   นิสฺสาย   คนฺธารมฺมโณ   ฆานสมฺผสฺโส   อุปฺปชฺชิ  วา  อุปฺปชฺชติ
วา  อุปฺปชฺชิสฺสติ  วา  อุปฺปชฺเช  วา ฯเปฯ ยํ ฆานํ นิสฺสาย คนฺธารมฺมณา
ฆานสมฺผสฺสชา    เวทนา   ฯเปฯ   สญฺญา   ฯเปฯ   เจตนา   ฯเปฯ
ฆานวิญฺญาณํ    อุปฺปชฺชิ    วา    อุปฺปชฺชติ    วา   อุปฺปชฺชิสฺสติ   วา
อุปฺปชฺเช   วา  ฆานํเปตํ  ฆานายตนํเปตํ  ฆานธาตุเปสา  ฆานินฺทฺริยํเปตํ
โลโกเปโส  ทฺวาราเปสา  สมุทฺโทเปโส  ปณฺฑรํเปตํ  เขตฺตํเปตํ วตฺถุํเปตํ
โอริมนฺตีรํเปตํ สุญฺโญ คาโมเปโส อิทนฺตํ รูปํ ฆานายตนํ ฯ
     [๕๑๙]   กตมนฺตํ  รูปํ  ชิวฺหายตนํ  ยา  ชิวฺหา  จตุนฺนํ  มหาภูตานํ
อุปาทาย   ปสาโท   อตฺตภาวปริยาปนฺโน   อนิทสฺสโน   สปฺปฏิโฆ  ยาย
ชิวฺหาย   อนิทสฺสนาย   สปฺปฏิฆาย   รสํ  อนิทสฺสนํ  สปฺปฏิฆํ  สายิ  วา
สายติ   วา   สายิสฺสติ   วา  สาเย  วา  ชิวฺหาเปสา  ชิวฺหายตนํเปตํ
ชิวฺหาธาตุเปสา  ชิวฺหินฺทฺริยํเปตํ  โลโกเปโส  ทฺวาราเปสา  สมุทฺโทเปโส
ปณฺฑรํเปตํ      เขตฺตํเปตํ     วตฺถุํเปตํ     โอริมนฺตีรํเปตํ     สุญฺโญ
คาโมเปโส อิทนฺตํ รูปํ ชิวฺหายตนํ ฯ
     {๕๑๙.๑}   กตมนฺตํ  รูปํ  ชิวฺหายตนํ  ยา  ชิวฺหา จตุนฺนํ มหาภูตานํ
อุปาทาย   ปสาโท   อตฺตภาวปริยาปนฺโน   อนิทสฺสโน   สปฺปฏิโฆ  ยาย
ชิวฺหาย   อนิทสฺสนาย   สปฺปฏิฆาย  รโส  อนิทสฺสโน  สปฺปฏิโฆ  ปฏิหญฺญิ
วา   ปฏิหญฺญติ   วา   ปฏิหญฺญิสฺสติ   วา   ปฏิหญฺเญ  วา  ชิวฺหาเปสา
ชิวฺหายตนํเปตํ  ชิวฺหาธาตุเปสา  ชิวฺหินฺทฺริยํเปตํ  โลโกเปโส ทฺวาราเปสา
สมุทฺโทเปโส   ปณฺฑรํเปตํ   เขตฺตํเปตํ  วตฺถุํเปตํ  โอริมนฺตีรํเปตํ  สุญฺโญ
คาโมเปโส อิทนฺตํ รูปํ ชิวฺหายตนํ ฯ
     {๕๑๙.๒}   กตมนฺตํ   รูปํ   ชิวฺหายตนํ   ยา   ชิวฺหา   จตุนฺนํ
มหาภูตานํ    อุปาทาย    ปสาโท    อตฺตภาวปริยาปนฺโน    อนิทสฺสโน
สปฺปฏิโฆ   ยา   ชิวฺหา   อนิทสฺสนา   สปฺปฏิฆา   รสมฺหิ   อนิทสฺสนมฺหิ
สปฺปฏิฆมฺหิ    ปฏิหญฺญิ    วา    ปฏิหญฺญติ    วา    ปฏิหญฺญิสฺสติ   วา
ปฏิหญฺเญ  วา  ชิวฺหาเปสา  ชิวฺหายตนํเปตํ ชิวฺหาธาตุเปสา ชิวฺหินฺทฺริยํเปตํ
โลโกเปโส    ทฺวาราเปสา    สมุทฺโทเปโส    ปณฺฑรํเปตํ   เขตฺตํเปตํ
วตฺถุํเปตํ โอริมนฺตีรํเปตํ สุญฺโญ คาโมเปโส อิทนฺตํ รูปํ ชิวฺหายตนํ ฯ
     {๕๑๙.๓}   กตมนฺตํ  รูปํ  ชิวฺหายตนํ  ยา  ชิวฺหา จตุนฺนํ มหาภูตานํ
อุปาทาย    ปสาโท   อตฺตภาวปริยาปนฺโน   อนิทสฺสโน   สปฺปฏิโฆ   ยํ
ชิวฺหํ  นิสฺสาย  รสํ  อารพฺภ  ชิวฺหาสมฺผสฺโส  อุปฺปชฺชิ  วา  อุปฺปชฺชติ วา
อุปฺปชฺชิสฺสติ  วา  อุปฺปชฺเช  วา  ฯเปฯ  ยํ  ชิวฺหํ  นิสฺสาย  รสํ อารพฺภ
ชิวฺหาสมฺผสฺสชา   เวทนา   ฯเปฯ   สญฺญา   ฯเปฯ   เจตนา   ฯเปฯ
ชิวฺหาวิญฺญาณํ    อุปฺปชฺชิ    วา    อุปฺปชฺชติ   วา   อุปฺปชฺชิสฺสติ   วา
อุปฺปชฺเช   วา   ฯเปฯ  ยํ  ชิวฺหํ  นิสฺสาย  รสารมฺมโณ  ชิวฺหาสมฺผสฺโส
อุปฺปชฺชิ    วา   อุปฺปชฺชติ   วา   อุปฺปชฺชิสฺสติ   วา   อุปฺปชฺเช   วา
ยํ   ชิวฺหํ   นิสฺสาย   รสารมฺมณา   ชิวฺหาสมฺผสฺสชา   เวทนา   ฯเปฯ
สญฺญา    ฯเปฯ    เจตนา    ฯเปฯ    ชิวฺหาวิญฺญาณํ   อุปฺปชฺชิ   วา
อุปฺปชฺชติ    วา    อุปฺปชฺชิสฺสติ    วา   อุปฺปชฺเช   วา   ชิวฺหาเปสา
ชิวฺหายตนํเปตํ  ชิวฺหาธาตุเปสา  ชิวฺหินฺทฺริยํเปตํ  โลโกเปโส ทฺวาราเปสา
สมุทฺโทเปโส    ปณฺฑรํเปตํ    เขตฺตํเปตํ    วตฺถุํเปตํ    โอริมนฺตีรํเปตํ
สุญฺโญ คาโมเปโส อิทนฺตํ รูปํ ชิวฺหายตนํ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๓๔ หน้าที่ ๑๘๔-๒๐๒.
https://84000.org/tipitaka/read/pali_item.php?book=34&item=501&items=19
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=34&item=501&items=19&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=34&item=501&items=19
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=34&item=501&items=19
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=34&i=501
             สารบัญพระไตรปิฎกเล่มที่ ๓๔
https://84000.org/tipitaka/read/?index_34
https://84000.org/tipitaka/english/?index_34