บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
พระไตรปิฎกเล่มที่ ๒๗ ภาษาบาลี อักษรไทย พระสุตตันตปิฎกเล่มที่ ๑๙ สุตฺต. ขุ. ชาตกํ (๑): เอก-จตฺตาลีสนิปาตชาตกํ
๑๐ กุมฺมาสปิณฺฑชาตกํ ๓- [๑๑๐๗] น กิรตฺถิ อโนมทสฺสีสุ ปาริจริยา พุทฺเธสุ อปฺปกา ๔- @เชิงอรรถ: ๑ ม. โก มเมตํ ... ฯ ๒ ม. สุปฺปมาเณสุ ฯ ๓ ม. กุมฺมาสปิณฺฑิ ... ฯ @๔ ม. อปฺปิกา ฯ--------------------------------------------------------------------------------------------- หน้าที่ ๒๓๔.
สุกฺขาย อโลณิกาย จ ปสฺส ผลํ กุมฺมาสปิณฺฑิยา ฯ หตฺถี ควาสฺสา จิเม พหู ธนธญฺา ปวี จ เกวลา นาริโย จิมา อจฺฉรูปมา ปสฺส ผลํ กุมฺมาสปิณฺฑิยา ฯ [๑๑๐๘] อภิกฺขณํ ราชกุญฺชร คาถา ภาสสิ โกสลาธิป ปุจฺฉามิ ตํ รฏฺวฑฺฒน พาฬฺหํ ปีติมโน ปภาสสิ ฯ [๑๑๐๙] อิมสฺมึเยว นคเร กุเล อญฺตเร อหุํ ปรกมฺมกโร อาสึ ภตโก สีลสํวุโต ฯ กมฺมาย นิกฺขมนฺตาหํ ๑- จตุโร สมณทฺทสํ อาจารสีลสมฺปนฺเน สีติภูเต อนาสเว ฯ เตสุ จิตฺตํ ปสาเทตฺวา นิสีเทตฺวา ปณฺณสนฺถเต อทํ พุทฺธาน กุมฺมาสํ ปสนฺโน เสหิ ปาณิภิ ฯ ตสฺส กมฺมสฺส กุสลสฺส อิทํ เม เอทิสํ ผลํ อนุโภมิ อิทํ รชฺชํ ผีตํ ธรณิมุตฺตมํ ฯ [๑๑๑๐] ททํ ภุญฺช จ มา จ ปมาโท จกฺกํ วตฺตย โกสลาธิป @เชิงอรรถ: ๑ ม. นิกฺขมนฺโตหํ ฯ--------------------------------------------------------------------------------------------- หน้าที่ ๒๓๕.
มา ราช อธมฺมิโก อหุ ธมฺมํ ปาลย โกสลาธิป ฯ [๑๑๑๑] โสหํ ตเทว ปุนปฺปุนํ วฏุมํ อาจริสฺสามิ โสภเน อริยาจริตํ สุโกสเล อรหนฺโต เม มนาปาว ปสฺสิตุํ ฯ [๑๑๑๒] เทวี วิย อจฺฉรูปมา มชฺเฌ นาริคณสฺส โสภสิ กึ กมฺมมกาสิ ภทฺทกํ เกนาสิ วณฺณวตี สุโกสเล ฯ [๑๑๑๓] อมฺพฏฺกุลสฺส ขตฺติย ทาสฺยาหํ ปรเปสิยา อหุํ สญฺตา จ ธมฺมชีวินี สีลวตี จ อปาปทสฺสนา ฯ อุทฺธฏภตฺตํ อหํ ตทา จรมานสฺส อทาสิ ภิกฺขุโน จิตฺตา สุมนา สยํ อหํ ตสฺส กมฺมสฺส ผลํ มเมทิสนฺติ ฯ กุมฺมาสปิณฺฑชาตกํ ทสมํ ฯ ---------
เนื้อความพระไตรปิฎกฉบับภาษาบาลี อักษรไทย เล่มที่ ๒๗ หน้าที่ ๒๓๓-๒๓๕. https://84000.org/tipitaka/read/pali_read.php?B=27&A=4757&w=&modeTY=1&pagebreak=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=27&A=4757&modeTY=1&pagebreak=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=27&item=1107&items=7 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=27&siri=415 ศึกษาอรรถกถาชาดกนี้ได้ที่ :- https://84000.org/tipitaka/attha/attha.php?b=27&i=1107 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=39&A=4759 The Pali Atthakatha in Roman :- https://84000.org/tipitaka/atthapali/read_rm.php?B=39&A=4759 สารบัญพระไตรปิฎกเล่มที่ ๒๗ https://84000.org/tipitaka/read/?index_27 https://84000.org/tipitaka/english/?index_27
|
บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]