พระไตรปิฎกเล่มที่ ๖ ภาษาบาลี อักษรไทย
 พระวินัยปิฎกเล่มที่ ๖ วินย. จุลฺลวคฺโค (๑)

     [๓๐๓]   ตีหิ    ภิกฺขเว    องฺเคหิ    สมนฺนาคตสฺส   ภิกฺขุโน
อากงฺขมาโน   สงฺโฆ  ปาปิกาย  ทิฏฺิยา  อปฺปฏินิสฺสคฺเค  อุกฺเขปนียกมฺมํ
กเรยฺย   ภณฺฑนการโก   โหติ   กลหการโก  วิวาทการโก  ภสฺสการโก
สงฺเฆ    อธิกรณการโก    พาโล    โหติ    อพฺยตฺโต   อาปตฺติพหุโล
อนปทาโน     คิหิสํสฏฺโ     วิหรติ     อนนุโลมิเกหิ     คิหิสํสคฺเคหิ
อิเมหิ   โข   ภิกฺขเว   ตีหงฺเคหิ  สมนฺนาคตสฺส  ภิกฺขุโน  อากงฺขมาโน
สงฺโฆ ปาปิกาย ทิฏฺิยา อปฺปฏินิสฺสคฺเค อุกฺเขปนียกมฺมํ กเรยฺย ฯ
     [๓๐๔]   อปเรหิปิ   ภิกฺขเว   ตีหงฺเคหิ   สมนฺนาคตสฺส  ภิกฺขุโน
อากงฺขมาโน      สงฺโฆ     ปาปิกาย     ทิฏฺิยา     อปฺปฏินิสฺสคฺเค
อุกฺเขปนียกมฺมํ    กเรยฺย    อธิสีเล   สีลวิปนฺโน   โหติ   อชฺฌาจาเร
อาจารวิปนฺโน    โหติ    อติทิฏฺิยา    ทิฏฺิวิปนฺโน    โหติ    อิเมหิ
โข   ภิกฺขเว   ตีหงฺเคหิ   สมนฺนาคตสฺส  ภิกฺขุโน  อากงฺขมาโน  สงฺโฆ
ปาปิกาย ทิฏฺิยา อปฺปฏินิสฺสคฺเค อุกฺเขปนียกมฺมํ กเรยฺย ฯ
     [๓๐๕]   อปเรหิปิ   ภิกฺขเว   ตีหงฺเคหิ   สมนฺนาคตสฺส  ภิกฺขุโน
อากงฺขมาโน      สงฺโฆ     ปาปิกาย     ทิฏฺิยา     อปฺปฏินิสฺสคฺเค
อุกฺเขปนียกมฺมํ     กเรยฺย     พุทฺธสฺส    อวณฺณํ    ภาสติ    ธมฺมสฺส
อวณฺณํ    ภาสติ    สงฺฆสฺส   อวณฺณํ   ภาสติ   อิเมหิ   โข   ภิกฺขเว
ตีหงฺเคหิ    สมนฺนาคตสฺส   ภิกฺขุโน   อากงฺขมาโน   สงฺโฆ   ปาปิกาย
ทิฏฺิยา อปฺปฏินิสฺสคฺเค อุกฺเขปนียกมฺมํ กเรยฺย ฯ
     [๓๐๖]   ติณฺณํ   ภิกฺขเว  ภิกฺขูนํ  อากงฺขมาโน  สงฺโฆ  ปาปิกาย
ทิฏฺิยา   อปฺปฏินิสฺสคฺเค   อุกฺเขปนียกมฺมํ  กเรยฺย  เอโก  ภณฺฑนการโก
โหติ      กลหการโก      วิวาทการโก      ภสฺสการโก     สงฺเฆ
อธิกรณการโก    เอโก    พาโล    โหติ    อพฺยตฺโต   อาปตฺติพหุโล
อนปทาโน    เอโก   คิหิสํสฏฺโ   วิหรติ   อนนุโลมิเกหิ   คิหิสํสคฺเคหิ
อิเมสํ   โข   ภิกฺขเว   ติณฺณํ   ภิกฺขูนํ  อากงฺขมาโน  สงฺโฆ  ปาปิกาย
ทิฏฺิยา อปฺปฏินิสฺสคฺเค อุกฺเขปนียกมฺมํ กเรยฺย ฯ
     [๓๐๗]   อปเรสมฺปิ  ภิกฺขเว  ติณฺณํ  ภิกฺขูนํ  อากงฺขมาโน  สงฺโฆ
ปาปิกาย   ทิฏฺิยา   อปฺปฏินิสฺสคฺเค   อุกฺเขปนียกมฺมํ   กเรยฺย   เอโก
อธิสีเล    สีลวิปนฺโน    โหติ    เอโก   อชฺฌาจาเร   อาจารวิปนฺโน
โหติ   เอโก   อติทิฏฺิยา   ทิฏฺิวิปนฺโน   โหติ   อิเมสํ  โข  ภิกฺขเว
ติณฺณํ   ภิกฺขูนํ   อากงฺขมาโน  สงฺโฆ  ปาปิกาย  ทิฏฺิยา  อปฺปฏินิสฺสคฺเค
อุกฺเขปนียกมฺมํ กเรยฺย ฯ
     [๓๐๘]   อปเรสมฺปิ  ภิกฺขเว  ติณฺณํ  ภิกฺขูนํ  อากงฺขมาโน  สงฺโฆ
ปาปิกาย   ทิฏฺิยา   อปฺปฏินิสฺสคฺเค   อุกฺเขปนียกมฺมํ   กเรยฺย   เอโก
พุทฺธสฺส     อวณฺณํ    ภาสติ    เอโก    ธมฺมสฺส    อวณฺณํ    ภาสติ
เอโก    สงฺฆสฺส    อวณฺณํ    ภาสติ   อิเมสํ   โข   ภิกฺขเว   ติณฺณํ
ภิกฺขูนํ    อากงฺขมาโน    สงฺโฆ   ปาปิกาย   ทิฏฺิยา   อปฺปฏินิสฺสคฺเค
อุกฺเขปนียกมฺมํ กเรยฺย ฯ
     ปาปิกาย       ทิฏฺิยา      อปฺปฏินิสฺสคฺเค      อุกฺเขปนียกมฺเม
อากงฺขมานจฺฉกฺกํ นิฏฺิตํ ฯ
     [๓๐๙]   ปาปิกาย   ทิฏฺิยา  อปฺปฏินิสฺสคฺเค  อุกฺเขปนียกมฺมกเตน
ภิกฺขเว   ภิกฺขุนา   สมฺมา   วตฺติตพฺพํ   ฯ   ตตฺรายํ  สมฺมาวตฺตนา  น
อุปสมฺปาเทตพฺพํ   น  นิสฺสโย  ทาตพฺโพ  น  สามเณโร  อุปฏฺาเปตพฺโพ
น         ภิกฺขุโนวาทกสมฺมติ         สาทิตพฺพา         สมฺมเตนปิ
ภิกฺขุนิโย    น   โอวทิตพฺพา   ยาย   อาปตฺติยา   สงฺเฆน   ปาปิกาย
ทิฏฺิยา   อปฺปฏินิสฺสคฺเค   อุกฺเขปนียกมฺมํ   กตํ   โหติ   สา   อาปตฺติ
น   อาปชฺชิตพฺพา   อญฺา   วา   ตาทิสิกา   ตโต   วา  ปาปิฏฺตรา
กมฺมํ    น    ครหิตพฺพํ    กมฺมิกา   น   ครหิตพฺพา   น   ปกตตฺตสฺส
ภิกฺขุโน    อุโปสโถ    เปตพฺโพ    น    ปวารณา   เปตพฺพา   น
สวจนียํ    กาตพฺพํ    น    อนุวาโท    ปฏฺเปตพฺโพ   น   โอกาโส
กาเรตพฺโพ   น   โจเทตพฺโพ   น   สาเรตพฺโพ   น   ภิกฺขู   ภิกฺขูหิ
สมฺปโยเชตพฺพนฺติ ฯ
     ปาปิกาย      ทิฏฺิยา      อปฺปฏินิสฺสคฺเค      อุกฺเขปนียกมฺเม
อฏฺารสวตฺตํ ๑- นิฏฺิตํ ฯ
     [๓๑๐]   อถโข   สงฺโฆ   อริฏฺสฺส   ภิกฺขุโน   คนฺธพาธิปุพฺพสฺส
ปาปิกาย   ทิฏฺิยา   อปฺปฏินิสฺสคฺเค   อุกฺเขปนียกมฺมํ   อกาสิ  อสมฺโภคํ
สงฺเฆน    ฯ    โส    สงฺเฆน   ปาปิกาย   ทิฏฺิยา   อปฺปฏินิสฺสคฺเค
อุกฺเขปนียกมฺมกโต   วิพฺภมิ   ฯ  เย  เต  ภิกฺขู  อปฺปิจฺฉา  ฯเปฯ  เต
อุชฺฌายนฺติ    ขียนฺติ    วิปาเจนฺติ   กถํ   หิ   นาม   อริฏฺโ   ภิกฺขุ
คนฺธพาธิปุพฺโพ      สงฺเฆน     ปาปิกาย    ทิฏฺิยา    อปฺปฏินิสฺสคฺเค
อุกฺเขปนียกมฺมกโต    วิพฺภมิสฺสตีติ   ฯ   อถโข   เต   ภิกฺขู   ภควโต
เอตมตฺถํ อาโรเจสุํ ฯ
     [๓๑๑]   อถโข   ภควา   เอตสฺมึ   นิทาเน   เอตสฺมึ  ปกรเณ
ภิกฺขุสงฺฆํ    สนฺนิปาตาเปตฺวา   ภิกฺขู   ปฏิปุจฺฉิ   สจฺจํ   กิร   ภิกฺขเว
@เชิงอรรถ: ๑ ม. เตจตฺตาลีสวตฺตํ ฯ
อริฏฺโ     ภิกฺขุ    คนฺธพาธิปุพฺโพ    สงฺเฆน    ปาปิกาย    ทิฏฺิยา
อปฺปฏินิสฺสคฺเค  อุกฺเขปนียกมฺมกโต  วิพฺภมตีติ  ๑-  ฯ  สจฺจํ  ภควาติ  ฯ
วิครหิ   พุทฺโธ  ภควา  ฯเปฯ  กถํ  หิ  นาม  โส  ภิกฺขเว  โมฆปุริโส
สงฺเฆน    ปาปิกาย    ทิฏฺิยา    อปฺปฏินิสฺสคฺเค    อุกฺเขปนียกมฺมกโต
วิพฺภมิสฺสติ    เนตํ    ภิกฺขเว   อปฺปสนฺนานํ   วา   ปสาทาย   ฯเปฯ
วิครหิตฺวา  ธมฺมึ  กถํ  กตฺวา  ภิกฺขู  อามนฺเตสิ  เตนหิ  ภิกฺขเว  สงฺโฆ
ปาปิกาย ทิฏฺิยา อปฺปฏินิสฺสคฺเค อุกฺเขปนียกมฺมํ ปฏิปฺปสฺสมฺเภตุ ฯ
     [๓๑๒]   ปญฺจหิ  ภิกฺขเว  องฺเคหิ  สมนฺนาคตสฺส  ภิกฺขุโน ปาปิกาย
ทิฏฺิยา     อปฺปฏินิสฺสคฺเค    อุกฺเขปนียกมฺมํ    น    ปฏิปฺปสฺสมฺเภตพฺพํ
อุปสมฺปาเทติ   นิสฺสยํ   เทติ  สามเณรํ  อุปฏฺาเปติ  ภิกฺขุโนวาทกสมฺมตึ
สาทิยติ        สมฺมโตปิ       ภิกฺขุนิโย       โอวทติ       อิเมหิ
โข   ภิกฺขเว   ปญฺจหงฺเคหิ   สมนฺนาคตสฺส  ภิกฺขุโน  ปาปิกาย  ทิฏฺิยา
อปฺปฏินิสฺสคฺเค อุกฺเขปนียกมฺมํ น ปฏิปฺปสฺสมฺเภตพฺพํ ฯ
     [๓๑๓]   อปเรหิปิ   ภิกฺขเว  ปญฺจหงฺเคหิ  สมนฺนาคตสฺส  ภิกฺขุโน
ปาปิกาย      ทิฏฺิยา      อปฺปฏินิสฺสคฺเค      อุกฺเขปนียกมฺมํ     น
ปฏิปฺปสฺสมฺเภตพฺพํ    ยาย    อาปตฺติยา   สงฺเฆน   ปาปิกาย   ทิฏฺิยา
อปฺปฏินิสฺสคฺเค   อุกฺเขปนียกมฺมํ   กตํ   โหติ   ตํ   อาปตฺตึ   อาปชฺชติ
อญฺ    วา    ตาทิสิกํ    ตโต    วา    ปาปิฏฺตรํ   กมฺมํ   ครหติ
กมฺมิเก   ครหติ   อิเมหิ   โข   ภิกฺขเว   ปญฺจหงฺเคหิ   สมนฺนาคตสฺส
ภิกฺขุโน    ปาปิกาย    ทิฏฺิยา    อปฺปฏินิสฺสคฺเค   อุกฺเขปนียกมฺมํ   น
@เชิงอรรถ: ๑ ม. วิพฺภมีติ ฯ
ปฏิปฺปสฺสมฺเภตพฺพํ ฯ
     [๓๑๔]   อฏฺหิ  ภิกฺขเว  องฺเคหิ  สมนฺนาคตสฺส  ภิกฺขุโน ปาปิกาย
ทิฏฺิยา     อปฺปฏินิสฺสคฺเค    อุกฺเขปนียกมฺมํ    น    ปฏิปฺปสฺสมฺเภตพฺพํ
ปกตตฺตสฺส    ภิกฺขุโน    อุโปสถํ   เปติ   ปวารณํ   เปติ   สวจนียํ
กโรติ    อนุวาทํ    ปฏฺเปติ   โอกาสํ   กาเรติ   โจเทติ   สาเรติ
ภิกฺขู    ภิกฺขูหิ    สมฺปโยเชติ    อิเมหิ   โข   ภิกฺขเว   อฏฺหงฺเคหิ
สมนฺนาคตสฺส     ภิกฺขุโน     ปาปิกาย     ทิฏฺิยา     อปฺปฏินิสฺสคฺเค
อุกฺเขปนียกมฺมํ น ปฏิปฺปสฺสมฺเภตพฺพํ ฯ
     ปาปิกาย      ทิฏฺิยา      อปฺปฏินิสฺสคฺเค      อุกฺเขปนียกมฺเม
นปฏิปฺปสฺสมฺเภตพฺพอฏฺารสกํ ๑- นิฏฺิตํ ฯ
     [๓๑๕]   ปญฺจหิ  ภิกฺขเว  องฺเคหิ  สมนฺนาคตสฺส  ภิกฺขุโน ปาปิกาย
ทิฏฺิยา     อปฺปฏินิสฺสคฺเค    อุกฺเขปนียกมฺมํ    ปฏิปฺปสฺสมฺเภตพฺพํ    น
อุปสมฺปาเทติ    น   นิสฺสยํ   เทติ   น   สามเณรํ   อุปฏฺาเปติ   น
ภิกฺขุโนวาทกสมฺมตึ    สาทิยติ    สมฺมโตปิ    ภิกฺขุนิโย    น   โอวทติ
อิเมหิ   โข   ภิกฺขเว   ปญฺจหงฺเคหิ   สมนฺนาคตสฺส  ภิกฺขุโน  ปาปิกาย
ทิฏฺิยา อปฺปฏินิสฺสคฺเค อุกฺเขปนียกมฺมํ ปฏิปฺปสฺสมฺเภตพฺพํ ฯ
     [๓๑๖]   อปเรหิปิ   ภิกฺขเว  ปญฺจหงฺเคหิ  สมนฺนาคตสฺส  ภิกฺขุโน
ปาปิกาย   ทิฏฺิยา   อปฺปฏินิสฺสคฺเค   อุกฺเขปนียกมฺมํ   ปฏิปฺปสฺสมฺเภตพฺพํ
ยาย    อาปตฺติยา    สงฺเฆน    ปาปิกาย    ทิฏฺิยา   อปฺปฏินิสฺสคฺเค
อุกฺเขปนียกมฺมํ   กตํ   โหติ   ตํ   อาปตฺตึ   น   อาปชฺชติ  อญฺ  วา
@เชิงอรรถ: ๑ ม. ...เตจตฺตาลีสกํ ฯ
ตาทิสิกํ    ตโต    วา    ปาปิฏฺตรํ    กมฺมํ   น   ครหติ   กมฺมิเก
น    ครหติ    อิเมหิ    โข    ภิกฺขเว   ปญฺจหงฺเคหิ   สมนฺนาคตสฺส
ภิกฺขุโน     ปาปิกาย     ทิฏฺิยา     อปฺปฏินิสฺสคฺเค    อุกฺเขปนียกมฺมํ
ปฏิปฺปสฺสมฺเภตพฺพํ ฯ
     [๓๑๗]   อฏฺหิ  ภิกฺขเว  องฺเคหิ  สมนฺนาคตสฺส  ภิกฺขุโน ปาปิกาย
ทิฏฺิยา     อปฺปฏินิสฺสคฺเค    อุกฺเขปนียกมฺมํ    ปฏิปฺปสฺสมฺเภตพฺพํ    น
ปกตตฺตสฺส    ภิกฺขุโน    อุโปสถํ   เปติ   น   ปวารณํ   เปติ   น
สวจนียํ    กโรติ    น   อนุวาทํ   ปฏฺเปติ   น   โอกาสํ   กาเรติ
น   โจเทติ   น   สาเรติ   น   ภิกฺขู   ภิกฺขูหิ   สมฺปโยเชติ  อิเมหิ
โข   ภิกฺขเว   อฏฺหงฺเคหิ   สมนฺนาคตสฺส  ภิกฺขุโน  ปาปิกาย  ทิฏฺิยา
อปฺปฏินิสฺสคฺเค อุกฺเขปนียกมฺมํ ปฏิปฺปสฺสมฺเภตพฺพํ ฯ
     ปาปิกาย      ทิฏฺิยา      อปฺปฏินิสฺสคฺเค      อุกฺเขปนียกมฺเม
ปฏิปฺปสฺสมฺเภตพฺพอฏฺารสกํ ๑- นิฏฺิตํ ฯ
     [๓๑๘]   เอวญฺจ  ปน  ภิกฺขเว  ปฏิปฺปสฺสมฺเภตพฺพํ  เตน  ภิกฺขเว
ปาปิกาย    ทิฏฺิยา    อปฺปฏินิสฺสคฺเค    อุกฺเขปนียกมฺมกเตน   ภิกฺขุนา
สงฺฆํ   อุปสงฺกมิตฺวา   เอกํสํ   อุตฺตราสงฺคํ   กริตฺวา   วุฑฺฒานํ  ภิกฺขูนํ
ปาเท   วนฺทิตฺวา   อุกฺกุฏิกํ   นิสีทิตฺวา   อญฺชลึ  ปคฺคเหตฺวา  เอวมสฺส
วจนีโย   อหํ   ภนฺเต   สงฺเฆน   ปาปิกาย   ทิฏฺิยา   อปฺปฏินิสฺสคฺเค
อุกฺเขปนียกมฺมกโต    สมฺมา    วตฺตามิ    โลมํ    ปาเตมิ   เนตฺถารํ
วตฺตามิ     ปาปิกาย    ทิฏฺิยา    อปฺปฏินิสฺสคฺเค    อุกฺเขปนียกมฺมสฺส
@เชิงอรรถ: ๑ ม. ...เตจตฺตาลีสกํ ฯ
ปฏิปฺปสฺสทฺธึ    ยาจามีติ    ฯ    ทุติยมฺปิ    ยาจิตพฺพา   ฯ   ตติยมฺปิ
ยาจิตพฺพา ฯ พฺยตฺเตน ภิกฺขุนา ปฏิพเลน สงฺโฆ าเปตพฺโพ
     {๓๑๘.๑}   สุณาตุ  เม  ภนฺเต สงฺโฆ อยํ อิตฺถนฺนาโม ภิกฺขุ สงฺเฆน
ปาปิกาย     ทิฏฺิยา    อปฺปฏินิสฺสคฺเค    อุกฺเขปนียกมฺมกโต    สมฺมา
วตฺตติ    โลมํ    ปาเตติ    เนตฺถารํ    วตฺตติ   ปาปิกาย   ทิฏฺิยา
อปฺปฏินิสฺสคฺเค     อุกฺเขปนียกมฺมสฺส     ปฏิปฺปสฺสทฺธึ     ยาจติ     ฯ
ยทิ   สงฺฆสฺส   ปตฺตกลฺลํ   สงฺโฆ   อิตฺถนฺนามสฺส   ภิกฺขุโน   ปาปิกาย
ทิฏฺิยา     อปฺปฏินิสฺสคฺเค     อุกฺเขปนียกมฺมํ    ปฏิปฺปสฺสมฺเภยฺย    ฯ
เอสา ตฺติ ฯ
     {๓๑๘.๒}   สุณาตุ  เม  ภนฺเต สงฺโฆ อยํ อิตฺถนฺนาโม ภิกฺขุ สงฺเฆน
ปาปิกาย     ทิฏฺิยา    อปฺปฏินิสฺสคฺเค    อุกฺเขปนียกมฺมกโต    สมฺมา
วตฺตติ    โลมํ    ปาเตติ    เนตฺถารํ    วตฺตติ   ปาปิกาย   ทิฏฺิยา
อปฺปฏินิสฺสคฺเค    อุกฺเขปนียกมฺมสฺส   ปฏิปฺปสฺสทฺธึ   ยาจติ   ฯ   สงฺโฆ
อิตฺถนฺนามสฺส     ภิกฺขุโน     ปาปิกาย     ทิฏฺิยา     อปฺปฏินิสฺสคฺเค
อุกฺเขปนียกมฺมํ   ปฏิปฺปสฺสมฺเภติ   ฯ   ยสฺสายสฺมโต  ขมติ  อิตฺถนฺนามสฺส
ภิกฺขุโน     ปาปิกาย    ทิฏฺิยา    อปฺปฏินิสฺสคฺเค    อุกฺเขปนียกมฺมสฺส
ปฏิปฺปสฺสทฺธิ โส ตุณฺหสฺส ยสฺส นกฺขมติ โส ภาเสยฺย ฯ
     {๓๑๘.๓}   ทุติยมฺปิ    เอตมตฺถํ    วทามิ    ฯเปฯ   ตติยมฺปิ
เอตมตฺถํ   วทามิ   ฯ   สุณาตุ   เม  ภนฺเต  สงฺโฆ  อยํ  อิตฺถนฺนาโม
ภิกฺขุ   สงฺเฆน   ปาปิกาย   ทิฏฺิยา  อปฺปฏินิสฺสคฺเค  อุกฺเขปนียกมฺมกโต
สมฺมา   วตฺตติ   โลมํ   ปาเตติ   เนตฺถารํ  วตฺตติ  ปาปิกาย  ทิฏฺิยา
อปฺปฏินิสฺสคฺเค    อุกฺเขปนียกมฺมสฺส   ปฏิปฺปสฺสทฺธึ   ยาจติ   ฯ   สงฺโฆ
อิตฺถนฺนามสฺส     ภิกฺขุโน     ปาปิกาย     ทิฏฺิยา     อปฺปฏินิสฺสคฺเค
อุกฺเขปนียกมฺมํ   ปฏิปฺปสฺสมฺเภติ   ฯ   ยสฺสายสฺมโต  ขมติ  อิตฺถนฺนามสฺส
ภิกฺขุโน     ปาปิกาย    ทิฏฺิยา    อปฺปฏินิสฺสคฺเค    อุกฺเขปนียกมฺมสฺส
ปฏิปฺปสฺสทฺธิ โส ตุณฺหสฺส ยสฺส นกฺขมติ โส ภาเสยฺย ฯ
     {๓๑๘.๔}   ปฏิปฺปสฺสทฺธํ   ๑-   สงฺเฆน   อิตฺถนฺนามสฺส  ภิกฺขุโน
ปาปิกาย    ทิฏฺิยา   อปฺปฏินิสฺสคฺเค   อุกฺเขปนียกมฺมํ   ขมติ   สงฺฆสฺส
ตสฺมา       ตุณฺหี       ฯ       เอวเมตํ      ธารยามีติ      ฯ
ปาปิกาย ทิฏฺิยา อปฺปฏินิสฺสคฺเค อุกฺเขปนียกมฺมํ สตฺตมํ นิฏฺิตํ ฯ
                             กมฺมกฺขนฺธกํ นิฏฺิตํ ปมํ ฯ
                              อิมมฺหิ ขนฺธเก วตฺถู สตฺต ฯ
                                   ------------------

             เนื้อความพระไตรปิฎกฉบับภาษาบาลี อักษรไทย เล่มที่ ๖ หน้าที่ ๑๑๕-๑๒๓.
https://84000.org/tipitaka/read/pali_read.php?B=6&A=2363&w=&modeTY=1
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=6&A=2363&modeTY=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=6&item=303&items=16
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=6&siri=14
             สารบัญพระไตรปิฎกเล่มที่ ๖
https://84000.org/tipitaka/read/?index_6
https://84000.org/tipitaka/english/?index_6