[632] Uddittha kho ayasmanto terasa sanghadisesa dhamma
nava pathamapattika cattaro yavatatiyaka yesam bhikkhu annataram va
annataram va apajjitva yavatiham janam paticchadeti tavatiham tena
@Footnote: 1-2 idam pathadvayam Yu. Ma. potthakesu na dissati.
Bhikkhuna akama parivatthabbam . parivutthaparivasena bhikkhuna uttarim
charattam bhikkhumanattaya patipajjitabbam . cinnamanatto bhikkhu
yattha siya visatigano bhikkhusangho tattha so bhikkhu abbhetabbo .
Ekenapi ce uno visatigano bhikkhusangho tam bhikkhum abbheyya
so ca bhikkhu anabbhito te ca bhikkhu garayha . ayam tattha
samici . tatthayasmante pucchami kaccittha parisuddha dutiyampi
pucchami kaccittha parisuddha tatiyampi pucchami kaccittha parisuddha
parisuddhetthayasmanto tasma tunhi. Evametam dharayamiti.
Terasakam nitthitam.
----------
Tassuddanam
visatthi kayasamsaggo 1- dutthullam 2- attakamanca
sancarittam kuti ceva viharo ca amulakam
kinci lesanca 3- bhedo ca tasseva anuvattaka
dubbacam kuladusanca sanghadisesa terasati 4-.
--------------
@Footnote: 1 Yu. kayasamsaggam. 2 Yu. dutthullo. 3 Yu. desanca.
@4 marammaramannapotthakesu tassuddanam na hoti.
Aniyatakandam
ime kho panayasmanto dve aniyata dhamma uddesam agacchanti.
Pathamaniyato
[633] Tena samayena buddho bhagava savatthiyam viharati jetavane
anathapindikassa arame . tena kho pana samayena ayasma udayi
savatthiyam kulupako hoti bahukani kulani upasankamati . tena kho
pana samayena ayasmato udayissa upatthakakulassa kumarika
annatarassa kulassa kumarakassa dinna hoti . athakho ayasma
udayi pubbanhasamayam nivasetva pattacivaramadaya yena tam kulam
tenupasankami upasankamitva manusse pucchi kaham itthannamati . te
evamahamsu dinna bhante amukassa kulassa kumarakassati . tampi kho
kulam ayasmato udayissa upatthakam hoti . athakho ayasma udayi
yena tam kulam tenupasankami upasankamitva manusse pucchi kaham
itthannamati . esayya ovarake nisinnati . athakho ayasma
udayi yena sa kumarika tenupasankami upasankamitva tassa
kumarikaya saddhim eko ekaya raho paticchanne asane alankammaniye
nisajjam kappesi kalayuttam samullapanto kalayuttam dhammam bhananto.
[634] Tena kho pana samayena visakha migaramata bahuputta
hoti bahunatta arogaputta aroganatta abhimangalasammata .
Manussa yannesu chanesu ussavesu visakham migaramataram pathamam
bhojenti . athakho visakha migaramata nimantita tam kulam agamasi.
Addasa kho visakha migaramata ayasmantam udayim tassa
kumarikaya saddhim ekam ekaya raho paticchanne asane alankammaniye
nisinnam disvana ayasmantam udayim etadavoca idam bhante nacchannam
nappatirupam yam ayyo matugamena saddhim eko ekaya raho paticchanne
asane alankammaniye nisajjam kappeti kincapi bhante ayyo
anatthiko tena dhammena apica dussaddhapaya appasanna manussati .
Evampi kho ayasma udayi visakhaya migaramatuya vuccamano
nadiyi . athakho visakha migaramata nikkhamitva bhikkhunam etamattham
arocesi . ye te bhikkhu appiccha santuttha .pe. Te ujjhayanti
khiyanti vipacenti katham hi nama ayasma udayi matugamena
saddhim eko ekaya raho paticchanne asane alankammaniye
nisajjam kappessatiti . athakho te bhikkhu bhagavato etamattham
arocesum .pe. saccam kira tvam udayi matugamena saddhim eko
ekaya raho paticchanne asane alankammaniye nisajjam kappesiti .
Saccam bhagavati . vigarahi buddho bhagava ananucchavikam moghapurisa
ananulomikam .pe. katham hi nama tvam moghapurisa matugamena saddhim
eko ekaya raho paticchanne asane alankammaniye nisajjam kappessasi
netam moghapurisa appasannanam va pasadaya .pe. evanca pana
Bhikkhave imam sikkhapadam uddiseyyatha
{634.1} yo pana bhikkhu matugamena saddhim eko ekaya raho
paticchanne asane alankammaniye nisajjam kappeyya tamenam
saddheyyavacasa upasika disva tinnam dhammanam annatarena
vadeyya parajikena va sanghadisesena va pacittiyena va nisajjam
bhikkhu patijanamano tinnam dhammanam annatarena karetabbo
parajikena va sanghadisesena va pacittiyena va yena va sa
saddheyyavacasa upasika vadeyya tena so bhikkhu karetabbo . Ayam
dhammo aniyatoti.
[635] Yo panati yo yadiso .pe. bhikkhuti .pe. ayam
imasmim atthe adhippeto bhikkhuti . matugamo nama manussitthi
na yakkhi na peti na tiracchanagata antamaso tadahujatapi darika
pageva mahantatari 1- . saddhinti ekato. Eko ekayati bhikkhu ceva
hoti matugamo ca . raho nama cakkhussa raho sotassa raho .
Cakkhussa raho nama na sakka hoti akkhim va nikhaniyamane bhamukam
va ukkhipiyamane sisam va ukkhipiyamane passitum . sotassa raho
nama na sakka hoti pakatikatha sotum . paticchannam nama asanam
kuddena va kavatena va kilanjena va sanipakarena va
rukkhena va thambhena va kotthaliya va yena kenaci paticchannam
hoti . alankammaniyeti sakka hoti methunam dhammam patisevitum .
@Footnote: 1 Yu. Ma. Ra. mahattari.
Nisajjam kappeyyati matugame nisinne bhikkhu upanisinno va hoti
upanipanno va bhikkhu nisinne matugamo upanisinno va hoti
upanipanno va ubho va nisinna honti ubho va nipanna.
[636] Saddheyyavacasa nama agataphala abhisametavini
vinnatasasana . upasika nama buddham saranam gata dhammam saranam gata
sangham saranam gata. Disvati passitva.
[637] Tinnam dhammanam annatarena vadeyya parajikena va
sanghadisesena va pacittiyena va nisajjam bhikkhu patijanamano
tinnam dhammanam annatarena karetabbo parajikena va sanghadisesena
va pacittiyena va yena va sa saddheyyavacasa upasika vadeyya
tena so bhikkhu karetabbo.
[638] Sa ce evam vadeyya ayyo maya dittho nisinno
matugamassa methunam dhammam patisevantoti so ce 1- tam patijanati
apattiya karetabbo . sa ce evam vadeyya ayyo maya dittho
nisinno matugamassa methunam dhammam patisevantoti so ce evam
vadeyya saccaham nisinno no ca kho methunam dhammam patisevinti
nisajjaya karetabbo . sa ce evam vadeyya ayyo maya dittho
nisinno matugamassa methunam dhammam patisevantoti so ce evam
vadeyya naham nisinno apica kho nipannoti nipajjaya karetabbo .
@Footnote: 1 Yu. Ma. ca.
Sa ce evam vadeyya ayyo maya dittho nisinno matugamassa
methunam dhammam patisevantoti so ce evam vadeyya naham
nisinno apica kho thitoti na karetabbo.
[639] Sa ce evam vadeyya ayyo maya dittho nipanno
matugamassa methunam dhammam patisevantoti so ce tam patijanati
apattiya karetabbo . sa ce evam vadeyya ayyo maya dittho
nipanno matugamassa methunam dhammam patisevantoti so ce evam
vadeyya saccaham nipanno no ca kho methunam dhammam patisevinti
nipajjaya karetabbo . sa ce evam vadeyya ayyo maya dittho
nipanno matugamassa methunam dhammam patisevantoti so ce evam
vadeyya naham nipanno apica kho nisinnoti nisajjaya karetabbo .
Sa ce evam vadeyya ayyo maya dittho nipanno matugamassa
methunam dhammam patisevantoti so ce evam vadeyya naham nipanno
apica kho thitoti na karetabbo.
[640] Sa ce evam vadeyya ayyo maya dittho nisinno
matugamena saddhim kayasamsaggam samapajjantoti so ce tam patijanati
apattiya karetabbo . sa ce evam vadeyya ayyo maya dittho
nisinno matugamena saddhim kayasamsaggam samapajjantoti so ce evam
vadeyya saccaham nisinno no ca kho kayasamsaggam samapajjinti
nisajjaya karetabbo .pe. naham nisinno apica kho nipannoti
Nipajjaya karetabbo .pe. naham nisinno apica kho thitoti
na karetabbo.
[641] Sa ce evam vadeyya ayyo maya dittho nipanno
matugamena saddhim kayasamsaggam samapajjantoti so ce tam patijanati
apattiya karetabbo . sa ce evam vadeyya ayyo maya dittho
nipanno matugamena saddhim kayasamsaggam samapajjantoti so ce evam
vadeyya saccaham nipanno no ca kho kayasamsaggam samapajjinti
nipajjaya karetabbo .pe. naham nipanno apica kho nisinnoti
nisajjaya karetabbo .pe. naham nipanno apica kho thitoti
na karetabbo.
[642] Sa ce evam vadeyya ayyo maya dittho matugamena
saddhim eko ekaya raho paticchanne asane alankammaniye nisinnoti
so ce tam patijanati nisajjaya karetabbo .pe. naham nisinno
apica kho nipannoti nipajjaya karetabbo .pe. naham nisinno
apica kho thitoti na karetabbo.
[643] Sa ce evam vadeyya ayyo maya dittho matugamena
saddhim eko ekaya raho paticchanne asane alankammaniye nipannoti
so ce tam patijanati nipajjaya karetabbo .pe. naham nipanno
apica kho nisinnoti nisajjaya karetabbo .pe. naham nipanno
apica kho thitoti na karetabbo.
[644] Aniyatoti na niyato parajikam va sanghadiseso va
pacittiyam va.
[645] Gamanam patijanati nisajjam patijanati apattim patijanati
apattiya karetabbo . gamanam patijanati nisajjam nappatijanati
apattim patijanati apattiya karetabbo . gamanam patijanati
nisajjam patijanati apattim nappatijanati nisajjaya karetabbo .
Gamanam patijanati nisajjam nappatijanati apattim nappatijanati na
karetabbo . gamanam nappatijanati nisajjam patijanati apattim
patijanati apattiya karetabbo . gamanam nappatijanati nisajjam
nappatijanati apattim patijanati apattiya karetabbo . gamanam
nappatijanati nisajjam patijanati apattim nappatijanati nisajjaya
karetabbo . gamanam nappatijanati nisajjam nappatijanati apattim
nappatijanati na karetabbo.
Pathamo aniyato nitthito.
--------------
Dutiyaniyato
[646] Tena samayena buddho bhagava savatthiyam viharati jetavane
anathapindikassa arame . tena kho pana samayena ayasma
udayi bhagavata patikkhittam matugamena saddhim eko ekaya raho
paticchanne asane alankammaniye nisajjam kappetunti tassayeva
kumarikaya saddhim eko ekaya raho nisajjam kappesi kalayuttam
samullapanto kalayuttam dhammam bhananto . dutiyampi kho visakha
migaramata nimantita tam kulam agamasi . addasa kho visakha
migaramata ayasmantam udayim tassayeva kumarikaya saddhim ekam 1-
ekaya raho nisinnam disvana ayasmantam udayim etadavoca idam
bhante nacchannam nappatirupam yam ayyo matugamena saddhim eko
ekaya raho nisajjam kappeti kincapi bhante ayyo anatthiko
tena dhammena apica dussaddhapaya appasanna manussati . evampi
kho ayasma udayi visakhaya migaramatuya vuccamano nadiyi .
Athakho visakha migaramata nikkhamitva bhikkhunam etamattham arocesi.
Ye te bhikkhu appiccha .pe. te ujjhayanti khiyanti vipacenti
katham hi nama ayasma udayi matugamena saddhim eko ekaya
raho nisajjam kappessatiti . athakho te bhikkhu bhagavato etamattham
@Footnote: 1 Yu. Ma. eko.
Arocesum .pe. saccam kira tvam udayi matugamena saddhim eko
ekaya raho nisajjam kappesiti . saccam bhagavati . vigarahi buddho
bhagava .pe. katham hi nama tvam moghapurisa matugamena saddhim
eko ekaya raho nisajjam kappessasi netam moghapurisa appasannanam
va pasadaya .pe. Evanca pana bhikkhave imam sikkhapadam uddiseyyatha
{646.1} na heva kho pana paticchannam asanam hoti nalankammaniyam
alanca kho hoti matugamam dutthullahi vacahi obhasitum . yo
pana bhikkhu tatharupe asane matugamena saddhim eko ekaya raho
nisajjam kappeyya tamenam saddheyyavacasa upasika disva dvinnam
dhammanam annatarena vadeyya sanghadisesena va pacittiyena va
nisajjam bhikkhu patijanamano dvinnam dhammanam annatarena karetabbo
sanghadisesena va pacittiyena va yena va sa saddheyyavacasa
upasika vadeyya tena so bhikkhu karetabbo . ayampi dhammo
aniyatoti.
[647] Na heva kho pana paticchannam asanam hotiti appaticchannam
hoti kuddena va kavatena va kilanjena va sanipakarena va
rukkhena va thambhena va kotthaliya va yena kenaci appaticchannam
hoti . nalankammaniyanti na sakka hoti methunam dhammam patisevitum .
Alanca kho hoti matugamam dutthullahi vacahi obhasitunti sakka
hoti matugamam dutthullahi vacahi obhasitum.
The Pali Tipitaka in Roman Character Volume 1 page 429-439.
https://84000.org/tipitaka/read/roman_item.php?book=1&item=632&items=16
Classified by [Item Number] :-
http://84000.org/tipitaka/read/roman_item.php?book=1&item=632&items=16&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=1&item=630&items=16
Compare with The Royal Version of Thai Tipitaka :-
https://84000.org/tipitaka/read/byitem.php?book=1&item=630&items=16
Study Atthakatha :-
https://84000.org/tipitaka/attha/attha.php?b=1&i=630
Contents of The Tipitaka Volume 1
https://84000.org/tipitaka/read/?index_1
https://84000.org/tipitaka/english/?index_1
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
