|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
| ThaiVersion PaliThai PaliRoman |
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
|
|
Dvadasamasikkhapadam [727] Tena samayena buddho bhagava savatthiyam viharati jetavane anathapindikassa arame . tena kho pana samayena savatthiyam annatarassa pugassa sanghassa sacivarabhattam patiyattam hoti bhojetva civarena acchadessamati . athakho chabbaggiya bhikkhu yena so pugo tenupasankamimsu upasankamitva tam pugam etadavocum dethavuso imani civarani imesam bhikkhunanti . na mayam bhante dassama amhakam sanghassa anuvassam sacivarabhikkha pannattati . bahu avuso sanghassa dayaka bahu sanghassa bhatta ime tumhe nissaya tumhe sampassanta idha viharanti tumhe ce imesam na dassatha atha kocarahi imesam dassati dethavuso imani civarani imesam bhikkhunanti. {727.1} Athakho so pugo chabbaggiyehi bhikkhuhi nippiliyamano yathapatiyattam civaram chabbaggiyanam bhikkhunam datva sangham bhattena parivisi. Ye te bhikkhu jananti sanghassa sacivarabhattam patiyattam na ca jananti chabbaggiyanam bhikkhunam dinnanti te evamahamsu onojetha avuso sanghassa civaranti . natthi bhante yathapatiyattam civaram ayya chabbaggiya ayyanam chabbaggiyanam parinamentiti . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu janam sanghikam labham parinatam puggalassa--------------------------------------------------------------------------------------------- page479.
Parinamessantiti .pe. saccam kira tumhe bhikkhave janam sanghikam labham parinatam puggalassa parinamethati . saccam bhagavati . vigarahi buddho bhagava katham hi nama tumhe moghapurisa janam sanghikam labham parinatam puggalassa parinamessatha netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {727.2} yo pana bhikkhu janam sanghikam labham parinatam puggalassa parinameyya pacittiyanti. [728] Yo panati yo yadiso .pe. bhikkhuti .pe. ayam imasmim atthe adhippeto bhikkhuti . janati nama samam va janati anne va tassa arocenti so va aroceti . Sanghikam nama sanghassa dinnam hoti pariccattam . labho nama civarapindapatasenasanagilanapaccayabhesajjaparikkhara antamaso cunnapindopi dantakatthampi dasikasuttampi . parinatam nama dassama karissamati vaca bhinna hoti . puggalassa parinameti apatti pacittiyassa. [729] Parinate parinatasanni puggalassa parinameti apatti pacittiyassa . parinate vematiko puggalassa parinameti apatti dukkatassa . parinate aparinatasanni puggalassa parinameti anapatti . sanghassa parinatam annassa sanghassa va cetiyassa va parinameti apatti dukkatassa . cetiyassa parinatam annassa--------------------------------------------------------------------------------------------- page480.
Cetiyassa va sanghassa va puggalassa va parinameti apatti dukkatassa . puggalassa parinatam annassa puggalassa va sanghassa va cetiyassa va parinameti apatti dukkatassa . aparinate parinatasanni apatti dukkatassa . aparinate vematiko apatti dukkatassa. Aparinate aparinatasanni anapatti. [730] Anapatti kattha demati pucchiyamano yattha tumhakam deyyadhammo paribhogam va labheyya patisankharam va labheyya ciratthitiko va assa yattha va pana tumhakam cittam pasidati tattha dethati bhanati ummattakassa adikammikassati. Dvadasamasikkhapadam nitthitam. Sahadhammikavaggo atthamo. --------- Tassuddanam sahadhammavivannanca mohapanappaharakam 1- talasatti amulanca sancicca ca upassuti patibahanacchandanca dabbanca parinamananti. ------- @Footnote: 1 Ma. mohapanam paharakam.The Pali Tipitaka in Roman Character Volume 2 page 478-480. https://84000.org/tipitaka/read/roman_item.php?book=2&item=727&items=4&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=2&item=727&items=4&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=2&item=727&items=4&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=727&items=4&pagebreak=1&modeTY=2 Study Atthakatha :- https://84000.org/tipitaka/attha/attha.php?b=2&i=727 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]