paliTIPITAKA Volume 4 - Vinaya Pitaka 4

[108] Tena kho pana samayena annataro ^[1]- inayiko palayitva bhikkhusu pabbajito hoti . dhaniya passitva evamahamsu ayam so amhakam inayiko handa nam nemati . ekacce evamahamsu mayya evam avacuttha anunnatam ranna magadhena seniyena bimbisarena ye samanesu sakyaputtiyesu pabbajanti na te labbha kinci katum svakkhato dhammo carantu brahmacariyam samma dukkhassa antakiriyayati. Manussa ujjhayanti khiyanti vipacenti abhayuvara ime samana sakyaputtiya nayime labbha kinci katum katham hi nama inayikam pabbajessantiti . bhagavato etamattham arocesum . na bhikkhave inayiko pabbajetabbo yo pabbajeyya apatti dukkatassati. [109] Tena kho pana samayena annataro daso palayitva @Footnote: ¹ Ma. Yu. puriso.

--------------------------------------------------------------------------------------------- page156.

Bhikkhusu pabbajito hoti . ayyika ^1- passitva evamahamsu ayam so amhakam daso handa nam nemati . ekacce evamahamsu mayya evam avacuttha anunnatam ranna magadhena seniyena bimbisarena ye samanesu sakyaputtiyesu pabbajanti na te labbha kinci katum svakkhato dhammo carantu brahmacariyam samma dukkhassa antakiriyayati . manussa ujjhayanti khiyanti vipacenti abhayuvara ime samana sakyaputtiya nayime labbha kinci katum katham hi nama dasam pabbajessantiti . bhagavato etamattham arocesum . na bhikkhave daso pabbajetabbo yo pabbajeyya apatti dukkatassati. [110] Tena kho pana samayena annataro kammarabhandu matapituhi saddhim bhanditva aramam gantva bhikkhusu pabbajito hoti . athakho tassa kammarabhandussa matapitaro tam kammarabhandum vicinanta aramam gantva bhikkhu pucchimsu api bhante evarupam darakam passeyyathati . bhikkhu ajanantayeva ahamsu na janamati apassantayeva ahamsu na passamati . athakho tassa kammarabhandussa matapitaro tam kammarabhandum vicinanta bhikkhusu pabbajitam disva ujjhayanti khiyanti vipacenti alajjino ime samana sakyaputtiya dussila musavadino janantayeva ahamsu na janamati passantayeva ahamsu na passamati ayam darako @Footnote: ¹ Ma. ayyaka.

--------------------------------------------------------------------------------------------- page157.

Bhikkhusu pabbajitoti . assosum kho bhikkhu tassa kammarabhandussa matapitunam ujjhayantanam khiyantanam vipacentanam . athakho te bhikkhu bhagavato etamattham arocesum . anujanami bhikkhave sangham apaloketum bhandukammayati. [111] Tena kho pana samayena rajagahe sattarasavaggiya daraka sahayaka honti upali darako tesam pamokkho hoti . athakho upalissa matapitunam etadahosi kena nu kho upayena upali amhakam accayena sukhanca jiveyya na ca kilameyyati . athakho upalissa matapitunam etadahosi sace kho upali lekham sikkheyya evam kho upali amhakam accayena sukhanca jiveyya na ca kilameyyati. Athakho upalissa matapitunam etadahosi sace kho upali lekham sikkhissati anguliyo dukkha bhavissanti sace kho upali gananam sikkheyya evam kho upali amhakam accayena sukhanca jiveyya na ca kilameyyati. {111.1} Athakho upalissa matapitunam etadahosi sace kho upali gananam sikkhissati urassa dukkho bhavissati sace kho upali rupam sikkheyya evam kho upali amhakam accayena sukhanca jiveyya na ca kilameyyati . athakho upalissa matapitunam etadahosi sace kho upali rupam sikkhissati akkhini dukkhani bhavissanti ime kho samana sakyaputtiya sukhasila sukhasamacara subhojanani bhunjitva nivatesu sayanesu

--------------------------------------------------------------------------------------------- page158.

Sayanti sace kho upali samanesu sakyaputtiyesu pabbajeyya evam kho upali amhakam accayena sukhanca jiveyya na ca kilameyyati. {111.2} Assosi kho upali darako matapitunam imam kathasallapam . athakho upali darako yena te daraka tenupasankami upasankamitva te darake etadavoca etha mayam ayya ^1- samanesu sakyaputtiyesu pabbajissamati . sace kho tvam ayya ^2- pabbajissasi evam mayampi pabbajissamati . athakho te daraka ekamekassa matapitaro upasankamitva etadavocum anujanatha mam agarasma anagariyam pabbajjayati. {111.3} Athakho tesam darakanam matapitaro sabbepime daraka samanacchanda kalyanadhippayati anujanimsu . te bhikkhu upasankamitva pabbajjam yacimsu . te bhikkhu pabbajesum upasampadesum . te rattiya paccusasamayam paccutthaya rodanti yagum detha bhattam detha khadaniyam dethati . bhikkhu evamahamsu agametha avuso yava ^[3]- vibhayati sace yagu bhavissati pivissatha sace bhattam bhavissati bhunjissatha sace khadaniyam bhavissati khadissatha no ce bhavissati yagu va bhattam va khadaniyam va pindaya caritva bhunjissathati . evampi kho te bhikkhu bhikkhuhi vuccamana rodanteva ^4- yagum detha bhattam detha khadaniyam dethati senasanam uhadantipi ummihantipi . assosi kho bhagava rattiya @Footnote: ^1-2 sabbattha ayyoti dissati . ³ Ma. ratti . ⁴ Ma. rodantiyeva.

--------------------------------------------------------------------------------------------- page159.

Paccusasamayam paccutthaya darakasaddam sutvana ayasmantam anandam amantesi kinnu kho so ananda darakasaddoti . athakho ayasma anando bhagavato etamattham arocesi . saccam kira bhikkhave bhikkhu janam unavisativassam puggalam upasampadentiti . saccam bhagavati . Vigarahi buddho bhagava katham hi nama te bhikkhave moghapurisa janam unavisativassam puggalam upasampadessanti unavisativasso bhikkhave puggalo akkhamo hoti sitassa unhassa jighacchaya pipasaya damsamakasavatatapasirimsapasamphassanam duruttanam duragatanam vacanapathanam uppannanam saririkanam vedananam dukkhanam tibbanam kharanam katukanam asatanam amanapanam panaharanam anadhivasakajatiko hoti visativasso ca kho bhikkhave puggalo khamo hoti sitassa unhassa jighacchaya pipasaya damsamakasavatatapasirimsapasamphassanam duruttanam duragatanam vacanapathanam uppannanam saririkanam vedananam dukkhanam tibbanam kharanam katukanam asatanam amanapanam panaharanam adhivasakajatiko hoti netam bhikkhave appasannanam va pasadaya pasannanam va bhiyyobhavaya .pe. vigarahitva dhammim katham katva bhikkhu amantesi na bhikkhave janam unavisativasso puggalo upasampadetabbo yo upasampadeyya yathadhammo karetabboti.

The Pali Tipitaka in Roman Character Volume 4 page 155-159. https://84000.org/tipitaka/read/roman_item.php?book=4&item=108&items=4&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=4&item=108&items=4&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=4&item=108&items=4&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=4&item=108&items=4&pagebreak=1&modeTY=2 Study Atthakatha :- https://84000.org/tipitaka/attha/attha.php?b=4&i=108 Contents of The Tipitaka Volume 4 https://84000.org/tipitaka/read/?index_4 https://84000.org/tipitaka/english/?index_4