paliTIPITAKA Volume 6 - Vinaya Pitaka 6

[669] Tattha katama ^1- apatti apattadhikaranam . pancapi apattikkhandha apattadhikaranam sattapi apattikkhandha apattadhikaranam ayam apatti apattadhikaranam . tattha katama ^2- apatti no adhikaranam . sotapatti samapatti ayam apatti no @Footnote: ^1-2 Ma. Yu. katamam.

--------------------------------------------------------------------------------------------- page348.

Adhikaranam . tattha katamam adhikaranam no apatti . kiccadhikaranam vivadadhikaranam anuvadadhikaranam idam adhikaranam no apatti . Tattha katamam adhikarananceva apatti ca . apattadhikaranam adhikarananceva apatti ca. [670] Kiccam kiccadhikaranam kiccam no adhikaranam adhikaranam no kiccam adhikarananceva kiccanca . siya kiccam kiccadhikaranam siya kiccam no adhikaranam siya adhikaranam no kiccam siya adhikarananceva kiccanca. [671] Tattha katamam kiccam kiccadhikaranam . ya sanghassa kiccayata karaniyata apalokanakammam nattikammam nattidutiyakammam natticatutthakammam idam kiccam kiccadhikaranam . tattha katamam kiccam no adhikaranam . acariyakiccam upajjhayakiccam samanupajjhayakiccam samanacariyakiccam idam kiccam no adhikaranam . tattha katamam adhikaranam no kiccam . vivadadhikaranam anuvadadhikaranam apattadhikaranam idam adhikaranam no kiccam . tattha katamam adhikarananceva kiccanca . Kiccadhikaranam adhikarananceva kiccanca. [672] Vivadadhikaranam katihi samathehi sammati . vivadadhikaranam dvihi samathehi sammati sammukhavinayena ^1- ca yebhuyyasikaya ca. Siya vivadadhikaranam ekam samatham anagamma yebhuyyasikam ekena samathena sammeyya sammukhavinayenati . siyatissa vacaniyam . yathakatham viya @Footnote: ¹ Yu. sammukhavinayena ca.

--------------------------------------------------------------------------------------------- page349.

Idha pana bhikkhave bhikkhu ^1- vivadanti dhammoti va adhammoti va vinayoti va avinayoti va bhasitam lapitam tathagatenati va abhasitam alapitam tathagatenati va acinnam tathagatenati va anacinnam tathagatenati va pannattam tathagatenati va appannattam tathagatenati va apattiti va anapattiti va lahuka apattiti va garuka apattiti va savasesa apattiti va anavasesa apattiti va dutthulla apattiti va adutthulla apattiti va {672.1} te ce bhikkhave bhikkhu sakkonti tam adhikaranam vupasametum idam vuccati bhikkhave adhikaranam vupasantam . kena vupasantam . sammukhavinayena . kinca tattha sammukhavinayasmim . Sanghasammukhata dhammasammukhata vinayasammukhata puggalasammukhata. {672.2} Ka ca tattha sanghasammukhata . yavatika bhikkhu kammappatta te agata honti chandarahanam chando ahato hoti sammukhibhuta na patikkosanti ayam tattha sanghasammukhata . Ka ca tattha dhammasammukhata vinayasammukhata . yena dhammena yena vinayena yena satthusasanena tam adhikaranam vupasammati ayam tattha dhammasammukhata vinayasammukhata . ka ca tattha puggalasammukhata . yo ca vivadati yena ca vivadati ubho atthapaccatthika ^2- sammukhibhuta honti ayam tattha puggalasammukhata . evam vupasantam ce bhikkhave adhikaranam @Footnote: ¹ Ma. Yu. pana bhikkhaveti pathadvayam na dissati . ² Yu. attapaccatthika.

--------------------------------------------------------------------------------------------- page350.

Karako ukkoteti ukkotanakam pacittiyam . chandadayako khiyati khiyanakam pacittiyam. [673] Te ce bhikkhave bhikkhu na sakkonti tam adhikaranam tasmim avase vupasametum tehi bhikkhave bhikkhuhi yasmim avase bahutara ^1- bhikkhu so avaso gantabbo . te ce bhikkhave bhikkhu tam avasam gacchanta antaramagge sakkonti tam adhikaranam vupasametum idam vuccati bhikkhave adhikaranam vupasantam . kena vupasantam sammukhavinayena . kinca tattha sammukhavinayasmim . sanghasammukhata dhammasammukhata vinayasammukhata puggalasammukhata . ka ca tattha sanghasammukhata . yavatika bhikkhu kammappatta te agata honti chandarahanam chando ahato hoti sammukhibhuta na patikkosanti ayam tattha sanghasammukhata. {673.1} Ka ca tattha dhammasammukhata vinayasammukhata . yena dhammena yena vinayena yena satthusasanena tam adhikaranam vupasammati ayam tattha dhammasammukhata vinayasammukhata . ka ca tattha puggalasammukhata . Yo ca vivadati yena ca vivadati ubho atthapaccatthita sammukhibhuta honti ayam tattha puggalasammukhata . evam vupasantam ce bhikkhave adhikaranam karako ukkoteti ukkotanakam pacittiyam . chandadayako khiyati khiyanakam pacittiyam. @Footnote: ¹ Ma. sambahula.

--------------------------------------------------------------------------------------------- page351.

[674] Te ce bhikkhave bhikkhu tam avasam gacchanta ^3- antaramagge na sakkonti tam adhikaranam vupasametum tehi bhikkhave bhikkhuhi tam avasam gantva avasika bhikkhu evamassu vacaniya idam kho avuso adhikaranam evamjatam evamsamuppannam sadhayasmanto ^2- imam adhikaranam vupasamentu dhammena vinayena satthusasanena yathayidam ^3- adhikaranam suvupasantam assati. {674.1} Sace bhikkhave avasika bhikkhu vuddhatara honti agantuka bhikkhu navakatara tehi bhikkhave avasikehi bhikkhuhi agantuka bhikkhu evamassu vacaniya ingha tumhe ayasmanto muhuttam ekamantam hotha yava mayam mantemati. {674.2} Sace pana bhikkhave avasika bhikkhu navakatara honti agantuka bhikkhu vuddhatara tehi bhikkhave avasikehi bhikkhuhi agantuka bhikkhu evamassu vacaniya tenahi tumhe ayasmanto muhuttam idheva tava ^4- hotha yava mayam mantemati. Sace ^5- bhikkhave avasikanam bhikkhunam mantayamananam evam hoti na mayam sakkoma imam adhikaranam vupasametum dhammena vinayena satthusasanenati na tam adhikaranam avasikehi bhikkhuhi ^6- paticchitabbam ^7- . sace pana bhikkhave avasikanam bhikkhunam mantayamananam evam hoti sakkoma mayam imam ^8- adhikaranam vupasametum dhammena vinayena satthusasanenati tehi bhikkhave @Footnote: ¹ Ma. agacchanta . ² Ma. Yu. sadhayasmanta . ³ Ma. Yu. yathayidam . ⁴ Yu. @tavasaddo na dissati . ⁵ Ma. sace pana . ⁶ Yu. avasikehi bhikkhuhiti padadvayam @na dissati . ⁷ Ma. sampaticchitabbam . ⁸ Ma. idam. ito param idisameva.

--------------------------------------------------------------------------------------------- page352.

Avasikehi bhikkhuhi agantuka bhikkhu evamassu vacaniya sace tumhe ayasmanto amhakam imam adhikaranam yathajatam yathasamuppannam arocessatha yatha ca mayam imam adhikaranam vupasamessama dhammena vinayena satthusasanena tatha suvupasantam ^2- bhavissati evam mayam imam adhikaranam paticchissama ^3- . no ce tumhe ayasmanto amhakam imam adhikaranam yathajatam yathasamuppannam arocessatha yatha ca mayam imam adhikaranam vupasamessama dhammena vinayena satthusasanena tatha na suvupasantam bhavissati na mayam imam adhikaranam paticchissamati . Evam supariggahitam kho bhikkhave katva avasikehi bhikkhuhi tam adhikaranam paticchitabbam ^4-. {674.3} Tehi bhikkhave agantukehi bhikkhuhi avasika bhikkhu evamassu vacaniya yathajatam yathasamuppannam kho ^4- mayam imam adhikaranam ayasmantanam arocessama sace ayasmanto ^5- sakkonti ettakena va ettakena va ^6- antarena imam adhikaranam vupasametum dhammena vinayena satthusasanena tatha suvupasantam bhavissati evam mayam imam adhikaranam ayasmantanam niyyadessama no ce ayasmanto sakkonti ettakena va ettakena va antarena imam adhikaranam vupasametum dhammena vinayena satthusasanena tatha na suvupasantam bhavissati na mayam imam adhikaranam ayasmantanam niyyadessama @Footnote: ¹ Yu. vupasantam . ² Ma. sampaticchissama . ³ Ma. sampaticchitabbam . ⁴ Ma. Yu. @khosaddo natthi . ⁵ Ma. Yu. ayasmanta . ⁶ Yu. ameditavacanam natthi.

--------------------------------------------------------------------------------------------- page353.

Mayameva imassa adhikaranassa samino bhavissamati . evam supariggahitam kho bhikkhave katva agantukehi bhikkhuhi tam adhikaranam avasikanam bhikkhunam niyyadetabbam. {674.4} Te ce bhikkhave bhikkhu sakkonti tam adhikaranam vupasametum idam vuccati bhikkhave adhikaranam suvupasantam . kena vupasantam . Sammukhavinayena . kinca tattha sammukhavinayasmim . sanghasammukhata dhammasammukhata vinayasammukhata puggalasammukhata .pe. evam vupasantam ce bhikkhave adhikaranam karako ukkoteti ukkotanakam pacittiyam. Chandadayako khiyati khiyanakam pacittiyam. [675] Tehi ce bhikkhave bhikkhuhi tasmim adhikarane vinicchiyamane anantani ^1- ceva bhassani jayanti na cetassa ^2- bhasitassa attho vinnayati anujanami bhikkhave evarupam adhikaranam ubbahikaya vupasametum . dasahangehi samannagato bhikkhu ubbahikaya sammannitabbo silava hoti patimokkhasamvarasamvuto viharati acaragocarasampanno ^3- anumattesu vajjesu bhayadassavi samadaya sikkhati sikkhapadesu bahussuto hoti sutadharo sutasanniccayo ye te dhamma adikalyana majjhekalyana pariyosanakalyana sattham sabyanjanam ^4- kevalaparipunnam parisuddham brahmacariyam abhivadanti tatharupassa ^5- dhamma bahussuta honti dhata ^6- vacasa paricita manasanupekkhita @Footnote: ¹ Yu. anaggani . ² Ma. Yu. na cekassa . ³ Yu. acarasampanno . ⁴ Yu. sattha @sabyanjana . ⁵ Ma. Yu. tatharupassa . ⁶ Ma. dhata.

--------------------------------------------------------------------------------------------- page354.

Ditthiya suppatividdha ubhayani kho panassa patimokkhani vittharena svagatani honti suvibhattani suppavattini suvinicchitani suttaso ^1- anubyanjanaso vinaye kho pana thito ^2- hoti asamhiro patibalo hoti ubho atthapaccatthike sannapetum nijjhapetum pekkhetum passitum ^3- pasadetum adhikaranasamuppadam vupasametum kusalo ^4- hoti adhikaranam janati adhikaranasamudayam janati adhikarananirodham janati adhikarananirodhagaminipatipadam janati anujanami bhikkhave imehi dasahangehi samannagatam bhikkhum ubbahikaya sammannitum. [676] Evanca pana bhikkhave sammannitabbo . pathamam bhikkhu yacitabbo yacitva byattena bhikkhuna patibalena sangho napetabbo {676.1} sunatu me bhante sangho amhakam imasmim adhikarane vinicchiyamane anantani ceva bhassani jayanti na cetassa bhasitassa attho vinnayati . yadi sanghassa pattakallam sangho itthannamanca itthannamanca bhikkhum sammanneyya ubbahikaya imam adhikaranam vupasametum. Esa natti. {676.2} Sunatu me bhante sangho amhakam imasmim adhikarane vinicchiyamane anantani ceva bhassani jayanti na cetassa bhasitassa attho vinnayati . sangho itthannamanca itthannamanca bhikkhum sammannati ubbahikaya imam @Footnote: ¹ Yu. suttato . ² Ma. Yu. cheko . ³ dassetum. @⁴ Ma. Yu. adhikaranasamuppadavupasamanakusalo.

--------------------------------------------------------------------------------------------- page355.

Adhikaranam vupasametum . yassayasmato khamati itthannamassa ca itthannamassa ca bhikkhuno sammati ubbahikaya imam adhikaranam vupasametum so tunhassa yassa nakkhamati so bhaseyya. {676.3} Sammato sanghena itthannamo ca itthannamo ca bhikkhu ubbahikaya imam adhikaranam vupasametum khamati sanghassa tasma tunhi . Evametam dharayamiti. [677] Te ce bhikkhave bhikkhu sakkonti tam adhikaranam ubbahikaya vupasametum idam vuccati bhikkhave adhikaranam vupasantam . kena vupasantam . sammukhavinayena . kinca tattha sammukhavinayasmim . Dhammasammukhata vinayasammukhata puggalasammukhata .pe. evam vupasantam ce bhikkhave adhikaranam karako ukkoteti ukkotanakam pacittiyam. [678] Tehi ce bhikkhave bhikkhuhi tasmim adhikarane vinicchiyamane tatrassa ^1- bhikkhu dhammakathiko tassa neva suttam agatam hoti no suttavibhango so attham asallakkhento byanjanacchayaya attham patibahati byattena bhikkhuna patibalena te bhikkhu napetabba {678.1} sunantu me ayasmanta ayam itthannamo bhikkhu dhammakathiko imassa neva suttam agatam hoti ^2- no suttavibhango so attham asallakkhento byanjanacchayaya attham patibahati . Yadayasmantanam pattakallam itthannamam bhikkhum vutthapetva avasesa @Footnote: ¹ Ma. tatrassa . ² Yu. hotiti na pannayati.

--------------------------------------------------------------------------------------------- page356.

Imam adhikaranam vupasameyyamati . te ce bhikkhave bhikkhu tam bhikkhum vutthapetva sakkonti tam adhikaranam vupasametum idam vuccati bhikkhave adhikaranam vupasantam . kena vupasantam . sammukhavinayena . Kinca tattha sammukhavinayasmim . dhammasammukhata vinayasammukhata puggalasammukhata .pe. evam vupasantam ce bhikkhave adhikaranam karako ukkoteti ukkotanakam pacittiyam. [679] Tehi ce bhikkhave bhikkhuhi tasmim adhikarane vinicchiyamane tatrassa bhikkhu dhammakathiko tassa suttam hi kho agatam hoti no suttavibhango so attham asallakkhento byanjanacchayaya attham patibahati byattena bhikkhuna patibalena te bhikkhu napetabba {679.1} sunantu me ayasmanta ayam itthannamo bhikkhu dhammakathiko imassa suttam hi kho agatam hoti no suttavibhango so attham asallakkhento byanjanacchayaya attham patibahati . Yadayasmantanam pattakallam itthannamam bhikkhum vutthapetva avasesa imam adhikaranam vupasameyyamati . te ce bhikkhave bhikkhu tam bhikkhum vutthapetva sakkonti tam adhikaranam vupasametum idam vuccati bhikkhave adhikaranam vupasantam . kena vupasantam . sammukhavinayena . Kinca tattha sammukhavinayasmim . dhammasammukhata vinayasammukhata puggalasammukhata .pe. evam vupasantam ce bhikkhave adhikaranam karako ukkoteti ukkotanakam pacittiyam. [680] Te ce bhikkhave bhikkhu na sakkonti tam adhikaranam

--------------------------------------------------------------------------------------------- page357.

Ubbahikaya vupasametum tehi bhikkhave bhikkhuhi tam adhikaranam sanghassa niyyadetabbam na mayam bhante sakkoma imam adhikaranam ubbahikaya vupasametum sangho va imam adhikaranam vupasametuti . anujanami bhikkhave evarupam adhikaranam yebhuyyasikaya vupasametum . pancahangehi samannagato bhikkhu salakagahapako sammannitabbo yo na chandagatim gaccheyya na dosagatim gaccheyya na mohagatim gaccheyya na bhayagatim gaccheyya gahitagahitanca janeyya .pe. Sammato sanghena itthannamo bhikkhu salakagahapako khamati sanghassa tasma tunhi. Evametam dharayamiti. {680.1} Tena salakagahapakena bhikkhuna salaka gahapetabba ^1-. Yatha bahutara bhikkhu dhammavadino vadenti tatha tam adhikaranam vupasametabbam idam vuccati bhikkhave adhikaranam vupasantam . kena vupasantam . Sammukhavinayena ca yebhuyyasikaya ca . kinca tattha sammukhavinayasmim . Sanghasammukhata dhammasammukhata vinayasammukhata puggalasammukhata . Ka ca tattha sanghasammukhata . yavatika bhikkhu kammappatta te agata honti chandarahanam chando ahato hoti sammukhibhuta na patikkosanti ayam tattha sanghasammukhata . ka ca tattha dhammasammukhata vinayasammukhata . yena dhammena yena vinayena yena satthusasanena tam adhikaranam vupasammati ayam tattha dhammasammukhata @Footnote: ¹ Ma. Yu. gahetabba.

--------------------------------------------------------------------------------------------- page358.

Vinayasammukhata . ka ca tattha puggalasammukhata . yo ca vivadati yena ca vivadati ubho atthapaccatthika sammukhibhuta honti ayam tattha puggalasammukhata . ka ca tattha yebhuyyasikaya . ya yebhuyyasikaya kammassa kiriya karanam upagamanam ajjhupagamanam adhivasana appatikkosana ayam tattha yebhuyyasikaya . evam vupasantam ce bhikkhave adhikaranam karako ukkoteti ukkotanakam pacittiyam . Chandadayako khiyati khiyanakam pacittiyanti. [681] Tena kho pana samayena savatthiya evamjatam evamsamuppannam adhikaranam hoti . athakho te bhikkhu asantuttha savatthiya sanghassa adhikaranavupasamanena assosum kho amukasmim kira avase sambahula thera viharanti bahussuta agatagama dhammadhara vinayadhara matikadhara pandita viyatta medhavino lajjino kukkuccaka sikkhakama te ce thera imam adhikaranam vupasameyyum dhammena vinayena satthusasanena evamidam adhikaranam suvupasantam assati. {681.1} Athakho te bhikkhu tam avasam gantva te there etadavocum idam bhante adhikaranam evamjatam evamsamuppannam sadhu bhante thera imam adhikaranam vupasamentu dhammena vinayena satthusasanena yathayidam adhikaranam suvupasantam assati . athakho te thera yatha savatthiya sanghena adhikaranam vupasamitam yathasuvupasantam ^1- tatha tam adhikaranam @Footnote: ¹ Ma. Yu. tathavupasantanti.

--------------------------------------------------------------------------------------------- page359.

Vupasamesum . athakho te bhikkhu asantuttha savatthiya sanghassa adhikaranavupasamanena asantuttha sambahulanam theranam adhikaranavupasamanena assosum kho amukasmim kira avase tayo thera viharanti .pe. Dve thera viharanti .pe. eko thero viharati bahussuto agatagamo dhammadharo vinayadharo matikadharo pandito viyatto medhavi lajji kukkuccako sikkhakamo so ce thero imam adhikaranam vupasameyya dhammena vinayena satthusasanena evamidam adhikaranam suvupasantam assati. {681.2} Athakho te bhikkhu tam avasam gantva tam theram etadavocum idam bhante adhikaranam evamjatam evamsamuppannam sadhu bhante thero imam adhikaranam vupasametu dhammena vinayena satthusasanena yathayidam adhikaranam suvupasantam assati . athakho so thero yatha savatthiya sanghena adhikaranam vupasamitam yatha sambahulehi therehi adhikaranam vupasamitam yatha tihi therehi adhikaranam vupasamitam yatha dvihi therehi adhikaranam vupasamitam yathasuvupasantam yatha tam adhikaranam vupasamesi. {681.3} Athakho te bhikkhu asantuttha savatthiya sanghassa adhikaranavupasamanena asantuttha sambahulanam theranam adhikaranavupasamanena asantuttha tinnam theranam adhikaranavupasamanena asantuttha dvinnam theranam adhikaranavupasamanena asantuttha ekassa therassa adhikaranavupasamanena yena bhagava tenupasankamimsu upasankamitva bhagavato etamattham

--------------------------------------------------------------------------------------------- page360.

Arocesum . nihatametam bhikkhave adhikaranam santam vupasantam suvupasantam ^1-. Anujanami bhikkhave tesam bhikkhunam sannattiya tayo salakagahe gulhakam sakannajappakam vivatakam . kathanca bhikkhave gulhako salakagaho hoti . tena salakagahapakena bhikkhuna salakayo vannavannayo katva ekeko ^2- bhikkhu upasankamitva evamassa vacaniyo ayam evamvadissa salaka ayam evamvadissa salaka yam icchasi tam ganhahiti . gahite vattabbo ma ca kassaci dassehiti . sace janati adhammavadi bahutarati duggahoti paccukkaddhitabbam . sace janati dhammavadi bahutarati suggahoti savetabbam . evam kho bhikkhave gulhako salakagaho hoti . Kathanca bhikkhave sakannajappako salakagaho hoti. {681.4} Tena salakagahapakena bhikkhuna ekamekassa bhikkhuno upakannake arocetabbam ayam evamvadissa salaka ayam evamvadissa salaka yam icchasi tam ganhahiti . gahite vattabbo ma ca kassaci arocehiti . sace janati adhammavadi bahutarati duggahoti paccukkaddhitabbam . sace janati dhammavadi bahutarati suggahoti savetabbam . evam kho bhikkhave sakannajappako salakagaho hoti . kathanca bhikkhave vivatako salakagaho hoti . sace janati dhammavadi bahutarati vissattheneva vivatena salakagahena @Footnote: ¹ Ma. Yu. suvupasantanti . ² Ma. Yu. ekameko.

--------------------------------------------------------------------------------------------- page361.

Gahetabba ^1- evam kho bhikkhave vivatako salakagaho hoti ime kho bhikkhave tayo salakagahati. [682] Anuvadadhikaranam katihi samathehi sammati . anuvadadhikaranam catuhi samathehi sammati sammukhavinayena ca sativinayena ca amulhavinayena ca tassapapiyasikaya ca. [683] Siya anuvadadhikaranam dve samathe anagamma amulhavinayanca tassapapiyasikanca dvihi samathehi sammeyya sammukhavinayena ca sativinayena cati . siyatissa vacaniyam . yatha katham viya . Idha pana bhikkhave ^2- bhikkhu bhikkhum amulikaya silavipattiya anuddhamsenti. Tassa kho tam bhikkhave bhikkhuno sativepullappattassa sativinayo databbo . evanca pana bhikkhave databbo . tena bhikkhave bhikkhuna sangham upasankamitva ekamsam uttarasangam karitva .pe. Evamassa vacaniyo mam bhante bhikkhu amulikaya silavipattiya anuddhamsenti soham bhante sativepullappatto sangham sativinayam yacamiti. Dutiyampi yacitabbo tatiyampi yacitabbo. [684] Byattena bhikkhuna patibalena sangho napetabbo {684.1} sunatu me bhante sangho bhikkhu itthannamam bhikkhum amulikaya silavipattiya anuddhamsenti . so sativepullappatto sangham sativinayam yacati . yadi sanghassa pattakallam sangho itthannamassa bhikkhuno @Footnote: ¹ Ma. Yu. visattheneva vivatena gahetabbo . ² Ma. Yu. bhikkhaveti natthi.

--------------------------------------------------------------------------------------------- page362.

Sativepullappattassa sativinayam dadeyya. Esa natti. {684.2} Sunatu me bhante sangho bhikkhu itthannamam bhikkhum amulikaya silavipattiya anuddhamsenti . so sativepullappatto sangham sativinayam yacati. Sangho itthannamassa bhikkhuno sativepullappattassa sativinayam deti . Yassayasmato khamati itthannamassa bhikkhuno sativepullappattassa sativinayassa danam so tunhassa yassa nakkhamati so bhaseyya. {684.3} Dutiyampi etamattham vadami .pe. tatiyampi etamattham vadami .pe. dinno sanghena itthannamassa bhikkhuno sativepullappattassa sativinayo khamati sanghassa tasma tunhi. Evametam dharayamiti. {684.4} Idam vuccati bhikkhave adhikaranam vupasantam. Kena vupasantam. Sammukhavinayena ca sativinayena ca . kinca tattha sammukhavinayasmim . Sanghasammukhata dhammasammukhata vinayasammukhata puggalasammukhata .pe. Ka ca tattha puggalasammukhata . yo ca anuvadati yanca anuvadati ubho sammukhibhuta honti ayam tattha puggalasammukhata . kinca tattha sativinayasmim . ya sativinayassa kammassa kiriya karanam upagamanam ajjhupagamanam adhivasana appatikkosana idam tattha sativinayasmim . Evam vupasantam ce bhikkhave adhikaranam karako ukkoteti ukkotanakam pacittiyam. Chandadayako khiyati khiyanakam pacittiyam. [685] Siya anuvadadhikaranam dve samathe anagamma sativinayanca tassapapiyasikanca dvihi samathehi sammeyya sammukhavinayena ca

--------------------------------------------------------------------------------------------- page363.

Amulhavinayena cati . siyatissa vacaniyam . yatha katham viya . Idha pana bhikkhave bhikkhu ummattako hoti cittavipariyasakato tena ummattakena cittavipariyasakatena bahum assamanakam ajjhacinnam hoti bhasitaparikkantam . tam bhikkhu ummattakena cittavipariyasakatena ajjhacinnena apattiya codenti saratayasma evarupim apattim apajjitati . so evam vadeti aham kho avuso ummattako ahosim cittavipariyasakato tena me ummattakena cittavipariyasakatena bahum assamanakam ajjhacinnam bhasitaparikkantam nahantam sarami mulhena me etam katanti . evampi nam vuccamana codenteva saratayasma evarupim apattim apajjitati . tassa kho bhikkhave bhikkhuno amulhassa amulhavinayo databbo. {685.1} Evanca pana bhikkhave databbo . tena bhikkhave bhikkhuna sangham upasankamitva ekamsam uttarasangam karitva .pe. Evamassa vacaniyo aham bhante ummattako ahosim cittavipariyasakato tena me ummattakena cittavipariyasakatena bahum assamanakam ajjhacinnam bhasitaparikkantam mam bhikkhu ummattakena cittavipariyasakatena ajjhacinnena apattiya codenti saratayasma evarupim apattim apajjitati tyaham evam vadami aham kho avuso ummattako ahosim cittavipariyasakato tena me ummattakena cittavipariyasakatena bahum assamanakam ajjhacinnam bhasitaparikkantam nahantam sarami mulhena me etam

--------------------------------------------------------------------------------------------- page364.

Katanti . evampi mam vuccamana codenteva saratayasma evarupim apattim apajjitati . soham bhante amulho sangham amulhavinayam yacamiti. Dutiyampi yacitabbo tatiyampi yacitabbo. [686] Byattena bhikkhuna patibalena sangho napetabbo {686.1} sunatu me bhante sangho ayam itthannamo bhikkhu ummattako ahosi cittavipariyasakato tena ummattakena cittavipariyasakatena bahum assamanakam ajjhacinnam bhasitaparikkantam . Tam bhikkhu ummattakena cittavipariyasakatena ajjhacinnena apattiya codenti saratayasma evarupim apattim apajjitati . so evam vadeti aham kho avuso ummattako ahosim cittavipariyasakato tena me ummattakena cittavipariyasakatena bahum assamanakam ajjhacinnam bhasitaparikkantam nahantam sarami mulhena me etam katanti . Evampi nam vuccamana codenteva saratayasma evarupim apattim apajjitati . so amulho sangham amulhavinayam yacati . yadi sanghassa pattakallam sangho itthannamassa bhikkhuno amulhassa amulhavinayam dadeyya. Esa natti. {686.2} Sunatu me bhante sangho ayam itthannamo bhikkhu ummattako ahosi cittavipariyasakato tena ummattakena cittavipariyasakatena bahum assamanakam ajjhacinnam bhasitaparikkantam . Tam bhikkhu ummattakena cittavipariyasakatena ajjhacinnena apattiya codenti saratayasma evarupim apattim

--------------------------------------------------------------------------------------------- page365.

Apajjitati . so evam vadeti aham kho avuso ummattako ahosim cittavipariyasakato tena me ummattakena cittavipariyasakatena bahum assamanakam ajjhacinnam bhasitaparikkantam nahantam sarami mulhena me etam katanti . evampi nam vuccamana codenteva saratayasma evarupim apattim apajjitati . so amulho sangham amulhavinayam yacati . sangho itthannamassa bhikkhuno amulhassa amulhavinayam deti . yassayasmato khamati itthannamassa bhikkhuno amulhassa amulhavinayassa danam so tunhassa yassa nakkhamati so bhaseyya. {686.3} Dutiyampi etamattham vadami .pe. tatiyampi etamattham vadami .pe. dinno sanghena itthannamassa bhikkhuno amulhassa amulhavinayo khamati sanghassa tasma tunhi. Evametam dharayamiti. {686.4} Idam vuccati bhikkhave adhikaranam vupasantam . kena vupasantam . sammukhavinayena ca amulhavinayena ca . kinca tattha sammukhavinayasmim . sanghasammukhata dhammasammukhata vinayasammukhata puggalasammukhata .pe. kinca tattha amulhavinayasmim . ya amulhavinayassa kammassa kiriya karanam upagamanam ajjhupagamanam adhivasana appatikkosana idam tattha amulhavinayasmim . evam vupasantam ce bhikkhave adhikaranam karako ukkoteti ukkotanakam pacittiyam . chandadayako khiyati khiyanakam pacittiyam. [687] Siya anuvadadhikaranam dve samathe anagamma sativinayanca

--------------------------------------------------------------------------------------------- page366.

Amulhavinayanca dvihi samathehi sammeyya sammukhavinayena ca tassapapiyasikaya cati . siyatissa vacaniyam . yatha katham viya . Idha pana bhikkhave bhikkhu bhikkhum sanghamajjhe garukaya apattiya codeti saratayasma evarupim garukam apattim apajjita parajikam va parajikasamantam vati . so evam vadeti na kho aham avuso sarami evarupim garukam apattim apajjita parajikam va parajikasamantam vati . tamenam so nivethentam ^1- ativetheti inghayasma sadhukameva janahi yadi sarasi evarupim garukam apattim apajjita parajikam va parajikasamantam vati. {687.1} So evam vadeti na kho aham avuso sarami evarupim garukam apattim apajjita parajikam va parajikasamantam va sarami ca kho aham avuso evarupim appamattakampi apattim apajjitati . tamenam so nivethentam ativetheti inghayasma sadhukameva janahi yadi sarasi evarupim garukam apattim apajjita parajikam va parajikasamantam vati . so evam vadeti imam hi namaham avuso appamattakampi ^2- apattim apajjita ^3- aputtho patijanissami kim panaham evarupim garukam apattim apajjita parajikam va parajikasamantam va puttho na patijanissamiti . So evam vadeti imam hi nama tvam avuso appamattakampi apattim apajjita aputtho na patijanissasi kim pana tvam @Footnote: ¹ Ma. Yu. nibbethentam . ² Ma. Yu. appamattakam . ³ Ma. Yu. apajjitva.

--------------------------------------------------------------------------------------------- page367.

Evarupim garukam apattim apajjita parajikam va parajikasamantam va aputtho patijanissasi inghayasma sadhukameva janahi yadi sarasi evarupim garukam apattim apajjita parajikam va parajikasamantam vati . so evam vadeti ^1- sarami kho aham avuso evarupim garukam apattim apajjita parajikam va parajikasamantam va dava me etam vuttam rava me etam vuttam nahantam sarami evarupim garukam apattim apajjita parajikam va parajikasamantam vati . Tassa khvetam ^2- bhikkhave bhikkhuno tassapapiyasikakammam katabbam. [688] Evanca pana bhikkhave katabbam . byattena bhikkhuna patibalena sangho napetabbo {688.1} sunatu me bhante sangho ayam itthannamo bhikkhu sanghamajjhe garukaya apattiya anuyunjiyamano avajanitva patijanati patijanitva avajanati annena annam paticarati sampajanamusa bhasati . yadi sanghassa pattakallam sangho itthannamassa bhikkhuno tassapapiyasikakammam kareyya . Esa natti. {688.2} Sunatu me bhante sangho ayam itthannamo bhikkhu sanghamajjhe garukaya apattiya anuyunjiyamano avajanitva patijanati patijanitva avajanati annena annam paticarati sampajanamusa bhasati . sangho itthannamassa bhikkhuno tassapapiyasikakammam @Footnote: ¹ Ma. vadesi . ² Ma. kho tam. Yu. kho.

--------------------------------------------------------------------------------------------- page368.

Karoti . yassayasmato khamati itthannamassa bhikkhuno tassapapiyasikakammassa karanam so tunhassa yassa nakkhamati so bhaseyya. {688.3} Dutiyampi etamattham vadami .pe. tatiyampi etamattham vadami .pe. katam sanghena itthannamassa bhikkhuno tassapapiyasikakammam khamati sanghassa tasma tunhi. Evametam dharayamiti {688.4} idam vuccati bhikkhave adhikaranam vupasantam. Kena vupasantam. Sammukhavinayena ca tassapapiyasikaya ca . kinca tattha sammukhavinayasmim. Sanghasammukhata dhammasammukhata vinayasammukhata puggalasammukhata .pe. Ka ca tattha tassapapiyasikaya . ya tassapapiyasikaya kammassa kiriya karanam upagamanam ajjhupagamanam adhivasana appatikkosana ayam tattha tassapapiyasikaya . evam vupasantam ce bhikkhave adhikaranam karako ukkoteti ukkotanakam pacittiyam. Chandadayako khiyati khiyanakam pacittiyam. [689] Apattadhikaranam katihi samathehi sammati . apattadhikaranam tihi samathehi sammati sammukhavinayena ca patinnatakaranena ca tinavattharakena ca. [690] Siya apattadhikaranam ekam samatham anagamma tinavattharakam dvihi samathehi sammeyya sammukhavinayena ca patinnatakaranena cati . Siyatissa vacaniyam . yatha katham viya . idha pana bhikkhave bhikkhu lahukam apattim apanno hoti . tena bhikkhave bhikkhuna ekam bhikkhum upasankamitva ekam uttarasangam karitva ukkutikam ^1- nisiditva @Footnote: ¹ Ma. karitva vuddhanam bhikkhunam pade vanditva ukkutikam.

--------------------------------------------------------------------------------------------- page369.

Anjalim paggahetva evamassa vacaniyo aham avuso itthannamam apattim apanno tam patidesemiti . tena vattabbo passasiti . Ama passamiti. Ayatim samvareyyasiti. {690.1} Idam vuccati bhikkhave adhikaranam vupasantam. Kena vupasantam. Sammukhavinayena ca patinnatakaranena ca . kinca tattha sammukhavinayasmim. Dhammasammukhata vinayasammukhata puggalasammukhata .pe. ka ca tattha puggalasammukhata . yo ca deseti yassa ca deseti ubho sammukhibhuta honti ayam tattha puggalasammukhata . kinca tattha patinnatakaranasmim . Ya patinnatakaranassa kammassa kiriya karanam upagamanam ajjhupagamanam adhivasana appatikkosana idam tattha patinnatakaranasmim . evam vupasantam ce bhikkhave adhikaranam patiggahako ukkoteti ukkotanakam pacittiyam. {690.2} Evance tam labhetha iccetam kusalam no ce labhetha tena bhikkhave bhikkhuna sambahule bhikkhu upasankamitva ekamsam uttarasangam karitva vuddhanam bhikkhunam pade vanditva ukkutikam nisiditva anjalim paggahetva evamassu vacaniya aham bhante itthannamam apattim apanno tam patidesemiti . byattena bhikkhuna patibalena te bhikkhu napetabba {690.3} sunantu me ayasmanta ayam itthannamo bhikkhu apattim sarati vivarati uttanikaroti deseti . Yadayasmantanam pattakallam aham itthannamassa bhikkhuno apattim patigganheyyanti . tena vattabbo passasiti .

--------------------------------------------------------------------------------------------- page370.

Ama passamiti . ayatim samvareyyasiti . idam vuccati bhikkhave adhikaranam vupasantam . kena vupasantam . sammukhavinayena ca patinnatakaranena ca . kinca tattha sammukhavinayasmim . dhammasammukhata vinayasammukhata puggalasammukhata .pe. ka ca tattha puggalasammukhata . Yo ca deseti yassa ca deseti ubho sammukhibhuta honti ayam tattha puggalasammukhata . kinca tattha patinnatakaranasmim . ya patinnatakaranassa kammassa kiriya karanam upagamanam ajjhupagamanam adhivasana appatikkosana idam tattha patinnatakaranasmim . Evam vupasantam ce bhikkhave adhikaranam patiggahako ukkoteti ukkotanakam pacittiyam. {690.4} Evance tam labhetha iccetam kusalam no ce labhetha tena bhikkhave bhikkhuna sangham upasankamitva ekamsam uttarasangam karitva vuddhanam bhikkhunam pade vanditva ukkutikam nisiditva anjalim paggahetva evamassa vacaniyo aham bhante itthannamam apattim apanno tam patidesemiti . byattena bhikkhuna patibalena sangho napetabbo {690.5} sunatu me bhante sangho ayam itthannamo bhikkhu apattim sarati vivarati uttanikaroti deseti . yadi sanghassa pattakallam aham itthannamassa bhikkhuno apattim patigganheyyanti . tena vattabbo passasiti. Ama passamiti. Ayatim samvareyyasiti. {690.6} Idam vuccati bhikkhave adhikaranam vupasantam. Kena vupasantam. Sammukhavinayena ca patinnatakaranena

--------------------------------------------------------------------------------------------- page371.

Ca . kinca tattha sammukhavinayasmim . sanghasammukhata dhammasammukhata vinayasammukhata puggalasammukhata .pe. evam vupasantam ce bhikkhave adhikaranam patiggahako ukkoteti ukkotanakam pacittiyam . Chandadayako khiyati khiyanakam pacittiyam. [691] Siya apattadhikaranam ekam samatham anagamma patinnatakaranam dvihi samathehi sammeyya sammukhavinayena ca tinavattharakena cati . siyatissa vacaniyam . yatha katham viya . idha pana bhikkhave bhikkhunam bhandanajatanam kalahajatanam vivadapannanam viharatam bahum assamanakam ajjhacinnam hoti bhasitaparikkantam . tatra ce bhikkhave ^1- bhikkhunam evam hoti amhakam kho bhandanajatanam kalahajatanam vivadapannanam viharatam bahum assamanakam ajjhacinnam bhasitaparikkantam sace mayam imahi apattihi annamannam karessama siyapi tam adhikaranam kakkhalataya valataya bhedaya samvatteyyati . anujanami bhikkhave evarupam adhikaranam tinavattharakena vupasametum. {691.1} Evanca pana bhikkhave vupasametabbam. Sabbeheva ekajjham sannipatitabbam sannipatitva byattena bhikkhuna patibalena sangho napetabbo {691.2} sunatu me bhante sangho amhakam bhandanajatanam kalahajatanam vivadapannanam viharatam bahum assamanakam ajjhacinnam bhasitaparikkantam . sace mayam imahi apattihi annamannam karessama siyapi tam adhikaranam kakkhalataya valataya bhedaya @Footnote: ¹ Ma. bhikkhaveti natthi.

--------------------------------------------------------------------------------------------- page372.

Samvatteyya . yadi sanghassa pattakallam sangho imam adhikaranam tinavattharakena vupasameyya thapetva thullavajjam thapetva gihipatisamyuttanti. Ekatopakkhikanam bhikkhunam byattena bhikkhuna patibalena sako pakkho napetabbo {691.3} sunantu me ayasmanta amhakam bhandanajatanam kalahajatanam vivadapannanam viharatam bahum assamanakam ajjhacinnam bhasitaparikkantam . sace mayam imahi apattihi annamannam karessama siyapi tam adhikaranam kakkhalataya valataya bhedaya samvatteyya . yadayasmantanam pattakallam aham ya ceva ayasmantanam apatti ya ca attano apatti ayasmantananceva atthaya attano ca atthaya sanghamajjhe tinavattharakena deseyyam thapetva thullavajjam thapetva gihipatisamyuttanti. [692] Athaparesam ekatopakkhikanam bhikkhunam byattena bhikkhuna patibalena sako pakkho napetabbo {692.1} sunantu me ayasmanta amhakam bhandanajatanam kalahajatanam vivadapannanam viharatam bahum assamanakam ajjhacinnam bhasitaparikkantam . sace mayam imahi apattihi annamannam karessama siyapi tam adhikaranam kakkhalataya valataya bhedaya samvatteyya . Yadayasmantanam pattakallam aham ya ceva ayasmantanam apatti ya ca attano apatti ayasmantananceva atthaya attano ca atthaya sanghamajjhe tinavattharakena deseyyam thapetva thullavajjam thapetva gihipatisamyuttanti.

--------------------------------------------------------------------------------------------- page373.

[693] ^[1]- Ekatopakkhikanam bhikkhunam byattena bhikkhuna patibalena sangho napetabbo {693.1} sunatu me bhante sangho amhakam bhandanajatanam kalahajatanam vivadapannanam viharatam bahum assamanakam ajjhacinnam bhasitaparikkantam . sace mayam imahi apattihi annamannam karessama siyapi tam adhikaranam kakkhalataya valataya bhedaya samvatteyya . yadi sanghassa pattakallam aham ya ceva imesam ayasmantanam apatti ya ca attano apatti imesanceva ayasmantanam atthaya attano ca atthaya sanghamajjhe tinavattharakena deseyyam thapetva thullavajjam thapetva gihipatisamyuttam. Esa natti. {693.2} Sunatu me bhante sangho amhakam bhandanajatanam kalahajatanam vivadapannanam viharatam bahum assamanakam ajjhacinnam bhasitaparikkantam . sace mayam imahi apattihi annamannam karessama siyapi tam adhikaranam kakkhalataya valataya bhedaya samvatteyya . aham ya ceva imesam ayasmantanam apatti ya ca attano apatti imesanceva ayasmantanam atthaya attano ca atthaya sanghamajjhe tinavattharakena desemi thapetva thullavajjam thapetva gihipatisamyuttam . yassayasmato khamati amhakam imasam apattinam sanghamajjhe tinavattharakena desana thapetva thullavajjam thapetva gihipatisamyuttam so tunhassa yassa nakkhamati so bhaseyya. {693.3} Desita amhakam ima apattiyo sanghamajjhe @Footnote: ¹ Ma. athaparesam.

--------------------------------------------------------------------------------------------- page374.

Tinavattharakena thapetva thullavajjam thapetva gihipatisamyuttam khamati sanghassa tasma tunhi . evametam dharayamiti . athaparesam .pe. Evametam dharayamiti. {693.4} Idam vuccati bhikkhave adhikaranam vupasantam. Kena vupasantam. Sammukhavinayena ca tinavattharakena ca . kinca tattha sammukhavinayasmim. Sanghasammukhata dhammasammukhata vinayasammukhata puggalasammukhata . ka ca tattha sanghasammukhata . yavatika bhikkhu kammappatta te agata honti chandarahanam chando ahato hoti sammukhibhuta na patikkosanti ayam tattha sanghasammukhata . ka ca tattha dhammasammukhata vinayasammukhata. Yena dhammena yena vinayena yena satthusasanena tam adhikaranam vupasammati ayam tattha dhammasammukhata vinayasammukhata. Ka ca tattha puggalasammukhata. {693.5} Yo ca deseti yassa ca deseti ubho sammukhibhuta honti ayam tattha puggalasammukhata . kinca tattha tinavattharakasmim . Ya tinavattharakassa kammassa kiriya karanam upagamanam ajjhupagamanam adhivasana appatikkosana idam tattha tinavattharakasmim . evam vupasantam ce bhikkhave adhikaranam patiggahako ukkoteti ukkotanakam pacittiyam. Chandadayako khiyati khiyanakam pacittiyam. [694] Kiccadhikaranam katihi samathehi sammati . kiccadhikaranam ekena samathena sammati sammukhavinayenati. Samathakkhandhakam nitthitam catuttham ^1-. ------------ @Footnote: ¹ Ma. samathakkhandhako nitthito catuttho.

The Pali Tipitaka in Roman Character Volume 6 page 347-374. https://84000.org/tipitaka/read/roman_item.php?book=6&item=669&items=26&pagebreak=1&modeTY=2&mode=bracket Classified by content :- https://84000.org/tipitaka/read/roman_item.php?book=6&item=669&items=26&pagebreak=1&modeTY=2 Compare with The Pali Tipitaka in Thai Character :- https://84000.org/tipitaka/read/pali_item.php?book=6&item=669&items=26&pagebreak=1&modeTY=2&mode=bracket Compare with The Royal Version of Thai Tipitaka :- https://84000.org/tipitaka/read/byitem.php?book=6&item=669&items=26&pagebreak=1&modeTY=2&mode=bracket Study Atthakatha :- https://84000.org/tipitaka/attha/attha.php?b=6&i=669 Contents of The Tipitaka Volume 6 https://84000.org/tipitaka/read/?index_6 https://84000.org/tipitaka/english/?index_6