[203] Sitam unham patihanti tato balamigani ca
sirimsape ca makase sisire capi vutthiyo
Tato vatatapo ghoro sanjato patihannati.
Lenatthanca sukhatthanca jhayitunca vipassitum
viharadanam sanghassa aggam buddhehi 1- vannitam.
Tasma hi pandito poso sampassam atthamattano
vihare karaye ramme vasayettha bahussute
tesam annanca pananca vatthasenasanani ca
dadeyya ujubhutesu vippasannena cetasa.
Te tassa dhammam desenti sabbadukkha panudanam
yam so dhammam idhannaya parinibbati anasavoti.
Athakho bhagava rajagahakam setthim imahi gathahi anumoditva
utthayasana pakkami.
[204] Assosum kho manussa bhagavata kira vihara anunnatati.
Te 2- sakkaccam vihare karapenti . te vihara akavataka
honti . ahivicchikapi satapadiyopi pavisanti . bhagavato etamattham
arocesum . anujanami bhikkhave kavatanti . bhitticchiddam karitva
valliyapi rajjuyapi kavatam bandhanti . undurehipi upacikahipi
khajjanti . khayitabandhanani 3- kavatani patanti . bhagavato etamattham
arocesum . anujanami bhikkhave pitthasanghatam udukkhalikam
@Footnote: 1 Ma. Yu. buddhena. 2 Ma. Yu. tesaddo na dissati. 3 Ma. khayitabandhanani.
Uttarapasakanti . kavata na phusiyanti 1- .pe. anujanami bhikkhave
avinchanacchiddam avinchanarajjunti . kavata na thakiyanti .pe.
Anujanami bhikkhave aggalavattim kapisisakam sucikam ghatikanti.
[205] Tena kho pana samayena bhikkhu na sakkonti kavatam
apapuritum . bhagavato etamattham arocesum . anujanami bhikkhave
talacchiddam tini talani lohatalam katthatalam visanatalanti .
Yepi 2- te ugghatetva pavisanti . vihara agutta honti .
Bhagavato etamattham arocesum. Anujanami bhikkhave yantakam sucikanti.
[206] Tena kho pana samayena vihara tinacchadana honti
sitakale sita unhakale unha . bhagavato etamattham arocesum.
Anujanami bhikkhave ogumbetva ullittavalittam katunti.
[207] Tena kho pana samayena vihara avatapanaka honti
acakkhussa duggandha . bhagavato etamattham arocesum . anujanami
bhikkhave tini vatapanani vedikavatapanam jalavatapanam
salakavatapananti . vatapanantarikaya kalakapi 3- vagguliyopi
pavisanti . bhagavato etamattham arocesum . anujanami bhikkhave
vatapanacakkalikanti . cakkalikantarikaya 4- kalakapi 3- vagguliyopi
pavisanti .pe. Anujanami bhikkhave vatapanakavatam vatapanabhisikanti.
[208] Tena kho pana samayena bhikkhu chamayam sayanti .
@Footnote: 1 Yu. phassiyanti. 2 Ma. yehi. 3 Ma. kalakapi. 4 Ma. Yu. cakkalikantarikayapi.
Gattanipi civaranipi pamsukitani honti . bhagavato etamattham
arocesum . anujanami bhikkhave tinasantharikanti . tinasantharika 1-
undurehipi upacikahipi khajjati .pe. anujanami bhikkhave midhinti .
Midhiya gattani dukkhani 2- honti .pe. anujanami bhikkhave
vidalamancakanti 3-.
The Pali Tipitaka in Roman Character Volume 7 page 87-90.
https://84000.org/tipitaka/read/roman_item.php?book=7&item=203&items=6
Classified by [Item Number] :-
http://84000.org/tipitaka/read/roman_item.php?book=7&item=203&items=6&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=7&item=203&items=6
Compare with The Royal Version of Thai Tipitaka :-
https://84000.org/tipitaka/read/byitem.php?book=7&item=203&items=6
Study Atthakatha :-
https://84000.org/tipitaka/attha/attha.php?b=7&i=203
Contents of The Tipitaka Volume 7
https://84000.org/tipitaka/read/?index_7
https://84000.org/tipitaka/english/?index_7
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
