paliTIPITAKA Volume 7 - Vinaya Pitaka 7

[634] Ekamidam avuso samayam bhagava savatthiyam viharati jetavane anathapindikassa arame . tatra kho avuso bhagava bhikkhu amantesi cattarome bhikkhave candimasuriyanam upakkilesa yehi upakkilesehi upakkilittha candimasuriya na tapanti na bhasanti na virocanti . katame cattaro . abbham bhikkhave candimasuriyanam upakkileso yena upakkilesena upakkilittha candimasuriya na tapanti na bhasanti na virocanti mahika bhikkhave candimasuriyanam upakkileso yena upakkilesena upakkilittha candimasuriya na tapanti na bhasanti na virocanti dhumarajo bhikkhave candimasuriyanam upakkileso yena upakkilesena upakkilittha candimasuriya na tapanti na bhasanti virocanti rahu bhikkhave asurindo candimasuriyanam upakkileso yena upakkilesena upakkilittha candimasuriya na tapanti na bhasanti na virocanti ime kho bhikkhave cattaro candimasuriyanam upakkilesa yehi upakkilesehi upakkilittha candimasuriya na tapanti na bhasanti na virocanti evameva kho bhikkhave cattarome

--------------------------------------------------------------------------------------------- page399.

Samanabrahmananam upakkilesa yehi upakkilesehi upakkilittha eke samanabrahmana na tapanti na bhasanti na virocanti . Katame cattaro . santi bhikkhave eke samanabrahmana suram pivanti merayam pivanti suramerayapana appativirata ayam bhikkhave pathamo samanabrahmananam upakkileso yena upakkilesena upakkilittha eke samanabrahmana na tapanti na bhasanti na virocanti puna caparam bhikkhave eke samanabrahmana methunam dhammam patisevanti methunadhamma appativirata ayam bhikkhave dutiyo samanabrahmananam upakkileso yena upakkilesena upakkilittha eke samanabrahmana na tapanti na bhasanti na virocanti puna caparam bhikkhave eke samanabrahmana jataruparajatam sadiyanti jataruparajatappatiggahana appativirata ayam bhikkhave tatiyo samanabrahmananam upakkileso yena upakkilesena upakkilittha eke samanabrahmana na tapanti na bhasanti na virocanti puna caparam bhikkhave eke samanabrahmana micchajivena jivitam kappenti micchajiva appativirata ayam bhikkhave catuttho samanabrahmananam upakkileso yena upakkilesena upakkilittha eke samanabrahmana na tapanti na bhasanti na virocanti ime kho bhikkhave cattaro samanabrahmananam upakkilesa yehi upakkilesehi upakkilittha eke samanabrahmana na tapanti na

--------------------------------------------------------------------------------------------- page400.

Bhasanti na virocantiti ^1- . idamavocavuso bhagava idam vatvana sugato athaparam etadavoca sattha [635] Ragadosapariklittha ^2- eke samanabrahmana avijjanivuta posa piyarupabhinandino suram pivanti merayam patisevanti methunam rajatam jatarupanca sadiyanti aviddasu micchajivena jivanti eke samanabrahmana ete upakkilesa vutta buddhenadiccabandhuna yehi upakkilesehi upakkilittha eke samanabrahmana na tapanti na bhasanti ^3- asuddha saraja miga ^4- andhakarena onaddha tanhadasa sanettika vaddhenti katasim ghoram adiyanti punabbhavanti. [636] Evamvadi kiraham ayasmante upasake saddhe pasanne akkosami paribhasami appasadam karomi yoham adhammam adhammoti vadami dhammam dhammoti vadami avinayam avinayoti vadami vinayam vinayoti vadami. [637] Ekamidam avuso samayam bhagava rajagahe viharati veluvane kalandakanivape . tena kho pana ^5- samayena rajantepure rajaparisayam @Footnote: ¹ Ma. Yu. itisaddo natthi. ² Yu. ragadosaparikkilittha. ³ ito param na @virocanti te sadatipi patho vijjati. ⁴ Ma. Yu. maga. ⁵ Yu. panavuso.

--------------------------------------------------------------------------------------------- page401.

Sannisinnanam sannipatitanam ayamantara katha udapadi kappati samananam sakyaputtiyanam jataruparajatam sadiyanti samana sakyaputtiya jataruparajatam patigganhanti samana sakyaputtiya jataruparajatanti . tena kho panavuso samayena maniculako gamani tassam parisayam nisinnako ^1- hoti . athakho avuso maniculako gamani tam parisam etadavoca ma ayya ^2- evam avacuttha na kappati samananam sakyaputtiyanam jataruparajatam na sadiyanti samana sakyaputtiya jataruparajatam nappatigganhanti samana sakyaputtiya jataruparajatam nikkhittamanisuvanna samana sakyaputtiya apetajataruparajatati . asakkhi kho avuso maniculako gamani tam parisam sannapetum. {637.1} Athakho avuso maniculako gamani tam parisam sannapetva yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho avuso maniculako gamani bhagavantam etadavoca idha bhante rajantepure rajaparisayam sannisinnanam sannipatitanam ayamantara katha udapadi kappati samananam sakyaputtiyanam jataruparajatam sadiyanti samana sakyaputtiya jataruparajatam patigganhanti samana sakyaputtiya jataruparajatanti evam vutte aham bhante tam parisam etadavocam ma ayya ^2- evam avacuttha na kappati samananam sakyaputtiyanam jataruparajatam na sadiyanti samana sakyaputtiya @Footnote: ¹ Ma. Yu. nisinno. ² Yu. ayyo.

--------------------------------------------------------------------------------------------- page402.

Jataruparajatam nappatigganhanti samana sakyaputtiya jataruparajatam nikkhittamanisuvanna samana sakyaputtiya apetajataruparajatati asakkhim kho aham bhante tam parisam sannapetum kaccaham bhante evam byakaramano vuttavadi ceva bhagavato homi na ca bhagavantam abhutena abbhacikkhami dhammassa canudhammam ^1- byakaromi na ca koci sahadhammiko vadanuvado garayham thanam agacchatiti. {637.2} Taggha tvam gamani evam byakaramano vuttavadi ceva me hosi ^2- na ca mam abhutena abbhacikkhasi dhammassa canudhammam byakarosi na ca koci sahadhammiko vadanuvado garayham thanam agacchati na hi gamani kappati samananam sakyaputtiyanam jataruparajatam na sadiyanti samana sakyaputtiya jataruparajatam nappatigganhanti samana sakyaputtiya jataruparajatam nikkhittamanisuvanna samana sakyaputtiya apetajataruparajata yassa kho gamani jataruparajatam kappati pancapi kamaguna tassa kappanti ^3- yassa panca kamaguna kappanti ekamsenetam ^4- gamani dhareyyasi assamanadhammo asakyaputtiyadhammoti apicaham gamani evam vadami tinam tinatthikena pariyesitabbam darum ^5- darutthikena pariyesitabbam sakatam sakatatthikena pariyesitabbam puriso purisatthikena pariyesitabbo na tvevaham gamani kenaci pariyayena jataruparajatam saditabbam @Footnote: ¹ Yu. va anudhammam. ² Ma. me ahosi. Yu. meti natthi. ³ Ma. Yu. pancapi @tassa kamaguna kappanti. ⁴ Yu. ekamsena. ⁵ Ma. daru.

--------------------------------------------------------------------------------------------- page403.

Pariyesitabbanti vadamiti evamvadi kiraham ayasmante upasake saddhe pasanne akkosami paribhasami appasadam karomi yoham adhammam adhammoti vadami dhammam dhammoti vadami avinayam avinayoti vadami vinayam vinayoti vadami. [638] Ekamidam avuso samayam bhagava tattheva ^1- rajagahe ayasmantam upanandam sakyaputtam arabbha jataruparajatam patikkhipi sikkhapadanca pannapesi . evamvadi kiraham ayasmante upasake saddhe pasanne akkosami paribhasami appasadam karomi yoham adhammam adhammoti vadami dhammam dhammoti vadami avinayam avinayoti vadami vinayam vinayoti vadamiti. Evam vutte vesalika upasaka ayasmantam yasam kakandakaputtam etadavocum eko va bhante ayyo yaso kakandakaputto samano sakyaputtiyo sabbe vime assamana asakyaputtiya vasatu bhante ayyo yaso kakandakaputto vesaliyam mayam ayyassa yasassa kakandakaputtassa ussukkam karissama civarapindapatasenasana- gilanapaccayabhesajjaparikkharananti . athakho ayasma yaso kakandakaputto vesalike upasake sannapetva anudutena bhikkhuna saddhim aramam agamasi. [639] Athakho vesalika vajjiputtaka bhikkhu anudutam bhikkhum pucchimsu khamapita avuso yasena kakandakaputtena vesalika @Footnote: ¹ Ma. ayam patho natthi.

--------------------------------------------------------------------------------------------- page404.

Upasakati . upasakehi ^1- papikam no avuso katam eko va yaso kakandakaputto samano sakyaputtiyo kato sabbe va mayam assamana asakyaputtiya katati . athakho vesalika vajjiputtaka bhikkhu ayam avuso yaso kakandakaputto amhehi asammato gihinam pakasesi handassa mayam ukkhepaniyakammam karomati . Te tassa ukkhepaniyakammam kattukama sannipatimsu . athakho ayasma yaso kakandakaputto vehasam abbhuggantva kosambiyam paccutthasi . athakho ayasma yaso kakandakaputto patheyyakananca avantidakkhinapathakananca bhikkhunam santike dutam pahesi agacchantu ayasmanta imam adhikaranam adiyissama yava ^2- pure adhammo dippati dhammo patibahiyati avinayo dippati vinayo patibahiyati pure adhammavadino balavanto honti dhammavadino dubbala honti avinayavadino balavanto honti vinayavadino dubbala hontiti. [640] Tena kho pana samayena ayasma sambhuto sanavasi ahogange pabbate pativasati . athakho ayasma yaso kakandakaputto yena ahogango pabbato yenayasma sambhuto sanavasi tenupasankami upasankamitva ayasmantam sambhutam @Footnote: ¹ Yu. ayam patho natthi. ² Ma. Yu. yavasaddo natthi.

--------------------------------------------------------------------------------------------- page405.

Sanavasim abhivadetva ekamantam nisidi . ekamantam nisinno kho ayasma yaso kakandakaputto ayasmantam sambhutam sanavasim etadavoca ime bhante vesalika vajjiputtaka bhikkhu vesaliyam dasa vatthuni dipenti kappati singilonakappo kappati dvangulakappo kappati gamantarakappo kappati avasakappo kappati anumatikappo kappati acinnakappo kappati amathitakappo kappati jalogim patum kappati adasakam nisidanam kappati jataruparajatanti handa mayam bhante imam adhikaranam adiyama ^1- pure adhammo dippati dhammo patibahiyati avinayo dippati vinayo patibahiyati pure adhammavadino balavanto honti dhammavadino dubbala honti avinayavadino balavanto honti vinayavadino dubbala hontiti. {640.1} Evamavusoti kho ayasma sambhuto sanavasi ayasmato yasassa kakandakaputtassa paccassosi . athakho satthimatta patheyyaka bhikkhu sabbe arannaka ^2- sabbe pindapatika sabbe pamsukulika sabbe tecivarika sabbe va arahanto ahogange pabbate sannipatimsu . asitimatta ^3- avantidakkhinapathaka bhikkhu appekacce arannaka appekacce pindapatika appekacce pamsukulika appekacce tecivarika sabbe va arahanto ahogange pabbate sannipatimsu. @Footnote: ¹ Ma. Yu. adiyissama. ² Ma. arannika. ³ Ma. Yu. athasitimatta.

--------------------------------------------------------------------------------------------- page406.

[641] Athakho theranam bhikkhunam mantayamananam etadahosi idam kho adhikaranam kakkhalanca valanca katham nu kho mayam pakkham labheyyama yena mayam imasmim adhikarane balavantatara assamati . Tena kho pana samayena ayasma revato soreyye pativasati bahussuto agatagamo dhammadharo vinayadharo matikadharo pandito viyatto medhavi lajji kukkuccako sikkhakamo . athakho theranam bhikkhunam etadahosi ayam kho ayasma revato soreyye pativasati bahussuto agatagamo dhammadharo vinayadharo matikadharo pandito viyatto medhavi lajji kukkuccako sikkhakamo sace mayam ayasmantam revatam pakkham labhissama ^1- evam mayam imasmim adhikarane balavantatara assamati. {641.1} Assosi kho ayasma revato dibbaya sotadhatuya visuddhaya atikkantamanusikaya theranam bhikkhunam mantayamananam sutvanassa etadahosi idam kho adhikaranam kakkhalanca valanca na kho me tam patirupam yoham evarupe adhikarane osakkeyyam idani ca pana te bhikkhu agacchissanti soham tehi akinno na phasum viharissami ^2- yannunaham patikacceva gaccheyyanti . athakho ayasma revato soreyya sankassam agamasi . athakho thera bhikkhu soreyyam gantva pucchimsu kaham ayasma revatoti . te evamahamsu esayasma revato @Footnote: ¹ Yu. labheyyama. ² Ma. phasu gamissami. Yu. gamissami.

--------------------------------------------------------------------------------------------- page407.

Sankassam gatoti . athakho ayasma revato sankassa kannakujjam agamasi . athakho thera bhikkhu sankassam gantva pucchimsu kaham ayasma revatoti . te evamahamsu esayasma revato kannakujjam gatoti . athakho ayasma revato kannakujja udumbaram agamasi . athakho thera bhikkhu kannakujjam gantva pucchimsu kaham ayasma revatoti . te evamahamsu esayasma revato udumbaram gatoti . athakho ayasma revato udumbara aggalapuram agamasi . athakho thera bhikkhu udumbaram gantva pucchimsu kaham ayasma revatoti . te evamahamsu esayasma revato aggalapuram gatoti . athakho ayasma revato aggalapura sahajatim agamasi . athakho thera bhikkhu aggalapuram gantva pucchimsu kaham ayasma revatoti . te evamahamsu esayasma revato sahajatim gatoti . athakho thera bhikkhu ayasmantam revatam sahajatiya ^1- sambhavesum. [642] Athakho ayasma sambhuto sanavasi ayasmantam yasam kakandakaputtam etadavoca ayam avuso ayasma revato bahussuto agatagamo dhammadharo vinayadharo matikadharo pandito viyatto medhavi lajji kukkuccako sikkhakamo sace mayam ayasmantam revatam panham pucchissama patibalo ayasma revato ekeneva panhena sakalampi rattim vitinametum idani ca panayasma @Footnote: ¹ Ma. sahajatiyam.

--------------------------------------------------------------------------------------------- page408.

Revato antevasim ^1- sarabhanakam bhikkhum ajjhesissati so tvam tassa bhikkhuno sarabhannapariyosane ayasmantam revatam upasankamitva imani dasa vatthuni puccheyyasiti . evam bhanteti kho ayasma yaso kakandakaputto ayasmato sambhutassa sanavasissa paccassosi . athakho ayasma revato antevasim sarabhanakam bhikkhum ajjhesi . athakho ayasma yaso kakandakaputto tassa bhikkhuno sarabhannapariyosane yenayasma revato tenupasankami upasankamitva ayasmantam revatam abhivadetva ekamantam nisidi. {642.1} Ekamantam nisinno kho ayasma yaso kakandakaputto ayasmantam revatam etadavoca kappati bhante singilonakappoti ko so avuso singilonakappoti . kappati bhante singina lonam pariharitum yattha alonikam ^2- bhavissati tattha paribhunjissamiti . Navuso kappatiti . kappati bhante dvangulakappoti . ko so avuso dvangulakappoti . kappati bhante dvangulaya chayaya vitivattaya vikale bhojanam bhunjitunti . navuso kappatiti . Kappati bhante gamantarakappoti . ko so avuso gamantarakappoti. Kappati bhante idani gamantaram gamissamiti bhuttavina pavaritena anatirittam bhojanam bhunjitunti . navuso kappatiti . Kappati bhante avasakappoti . ko so avuso avasakappoti . Kappati bhante sambahula avasa samanasima nanuposatham katunti . @Footnote: ¹ Ma. Yu. antevasikam. ² Ma. Yu. alonakam.

--------------------------------------------------------------------------------------------- page409.

Navuso kappatiti . kappati bhante anumatikappoti . ko so avuso anumatikappoti . kappati bhante vaggena sanghena kammam katum agate bhikkhu anumanessamati ^1- . navuso kappatiti . Kappati bhante acinnakappoti . ko so avuso acinnakappoti . Kappati bhante idam me upajjhayena ajjhacinnam idam me acariyena ajjhacinnanti ^2- ajjhacaritunti . acinnakappo kho avuso ekacco kappati ekacco na kappatiti . kappati bhante amathitakappoti . ko so avuso amathitakappoti . kappati bhante yam tam khiram khirabhavam vijahitam asampattam dadhibhavam ^3- bhuttavina pavaritena anatirittam patunti . navuso kappatiti . kappati bhante jalogim ^4- patunti . ka sa ^5- avuso jalogiti . Kappati bhante ya sa sura asuta ^6- asampatta majjabhavam sa patunti . navuso kappatiti . kappati bhante adasakam nisidananti . Navuso kappatiti . kappati bhante jataruparajatanti . navuso kappatiti . ime bhante vesalika vajjiputtaka bhikkhu vesaliyam imani dasa vatthuni dipenti handa mayam bhante imam adhikaranam adiyama ^7- pure adhammo dippati dhammo patibahiyati @Footnote: ¹ Yu. anujanessamati. ² Ma. Yu. Ra. acinnam tam. ³ Ma. dadhibhavam tam. @⁴ Yu. jalogi. ⁵ Yu. ko so. ⁶ Yu. asurata. ⁷ Ma. Yu. adiyissama.

--------------------------------------------------------------------------------------------- page410.

Avinayo dippati vinayo patibahiyati pure adhammavadino balavanto honti dhammavadino dubbala honti avinayavadino balavanto honti vinayavadino dubbala hontiti . evamavusoti kho ayasma revato ayasmato yasassa kakandakaputtassa paccassosi. Pathamabhanavaram [643] Assosum kho vesalika vajjiputtaka bhikkhu yaso kira kakandakaputto imam ^1- adhikaranam adiyitukamo pakkham pariyesati labhati ca kira pakkhanti . athakho vesalikanam vajjiputtakanam bhikkhunam etadahosi idam kho adhikaranam kakkhalanca valanca kam nu kho mayam pakkham labheyyama yena mayam imasmim adhikarane balavantatara assamati . athakho vesalikanam vajjiputtakanam bhikkhunam etadahosi ayam kho ayasma revato bahussuto agatagamo dhammadharo vinayadharo matikadharo pandito viyatto medhavi lajji kukkuccako sikkhakamo sace mayam ayasmantam revatam pakkham labheyyama evam mayam imasmim adhikarane balavantatara assamati . athakho vesalika vajjiputtaka bhikkhu pahutam samanakam parikkharam patiyadesum pattampi civarampi nisidanampi sucigharampi kayabandhanampi parissavanampi dhamakarakampi . athakho vesalika vajjiputtaka bhikkhu tam samanakam parikkharam adaya navaya sahajatim ujjavimsu navaya paccorohitva annatarasmim @Footnote: ¹ Ma. idam.

--------------------------------------------------------------------------------------------- page411.

Rukkhamule bhattavissaggam karonti. [644] Athakho ayasmato salhassa rahogatassa patisallinassa evam cetaso parivitakko udapadi ke nu kho dhammavadino pacinaka va bhikkhu patheyyaka vati . athakho ayasmato salhassa dhammanca vinayanca ^[1]- paccavekkhantassa etadahosi adhammavadino pacinaka bhikkhu dhammavadino patheyyaka bhikkhuti . athakho annatara suddhavasakayika devata ayasmato salhassa cetasa cetoparivitakkamannaya seyyathapi nama balava puriso samminjitam va baham pasareyya pasaritam va baham samminjeyya evameva suddhavasesu devesu antarahita ayasmato salhassa sammukhe paturahosi . athakho sa devata ayasmantam salham etadavoca sadhu sadhu ^2- bhante salha adhammavadino pacinaka bhikkhu dhammavadino patheyyaka bhikkhu tenahi bhante salha yatha dhammo tatha titthahiti . pubbecaham ^3- devate etarahi ca yatha dhammo tatha thito apicaham na tava ditthim avikaromi appevanama ^4- mam imasmim adhikarane sammanneyyati. [645] Athakho vesalika vajjiputtaka bhikkhu tam samanakam parikkharam adaya yenayasma revato tenupasankamimsu upasankamitva ayasmantam revatam etadavocum patigganhatu bhante thero @Footnote: ¹ Ma. cetasa. ² Ma. Yu. sadhuti saddo ekoyeva dissati. ³ Ma. pubbepi caham. @⁴ Yu. appeva.

--------------------------------------------------------------------------------------------- page412.

Samanakam parikkharam pattampi civarampi nisidanampi sucigharampi kayabandhanampi parissavanampi dhamakarakampiti . alam avuso paripunnam me ticivaranti na icchi patiggahetum . tena kho pana samayena uttaro nama bhikkhu visativasso ayasmato revatassa upatthako hoti . Athakho vesalika vajjiputtaka bhikkhu yenayasma uttaro tenupasankamimsu upasankamitva ayasmantam uttaram etadavocum patigganhatu ayasma uttaro samanakam parikkharam pattampi civarampi nisidanampi sucigharampi kayabandhanampi parissavanampi dhamakarakampiti . alam avuso paripunnam me ticivaranti na icchi patiggahetum. {645.1} Manussa kho avuso uttara bhagavato samanakam parikkharam upanamenti sace bhagava patigganhati teneva te ^1- attamana honti no ce bhagava patigganhati ayasmato ca ^2- anandassa upanamenti patigganhatu bhante thero samanakam parikkharam yatha bhagavata patiggahito evameva so ^3- bhavissatiti patigganhatayasma uttaro samanakam parikkharam yatha therena patiggahito evameva so bhavissatiti . athakho ayasma uttaro vesalikehi vajjiputtakehi bhikkhuhi nippiliyamano ekam civaram aggahesi vadeyyatha avuso yena atthoti ^4- . ettakam ayasma uttaro @Footnote: ¹ Ma. tesaddo natthi. ² Ma. Yu. casaddo natthi. ³ Yu. evameso. @⁴ Yu. vadeyyathavuso yenatthoti.

--------------------------------------------------------------------------------------------- page413.

Theram vadetu ettakam ^1- bhante thero sanghamajjhe vadetu puratthimesu janapadesu buddha bhagavanto uppajjanti dhammavadino pacinaka bhikkhu adhammavadino patheyyaka bhikkhuti . evamavusoti kho ayasma uttaro vesalikanam vajjiputtakanam bhikkhunam patissutva yenayasma revato tenupasankami upasankamitva ayasmantam revatam etadavoca ettakam bhante thero sanghamajjhe vadetu puratthimesu janapadesu buddha bhagavanto uppajjanti dhammavadino pacinaka bhikkhu adhammavadino patheyyaka bhikkhuti . adhamme mam tvam bhikkhu niyojesiti thero ayasmantam uttaram panamesi . Athakho vesalika vajjiputtaka bhikkhu ayasmantam uttaram etadavocum kim avuso uttara thero ahati . papikam no avuso katam adhamme mam tvam bhikkhu niyojesiti thero mam panamesiti . nanu tvam avuso uttara ^2- vuddho visativassositi . amavuso apica ^3- mayam garunissayam ganhamati. [646] Athakho sangho tam adhikaranam vinicchinitukamo sannipati . Athakho ayasma revato sangham napesi sunatu me avuso sangho sace mayam imam adhikaranam idha vupasamessama ^4- siyapi muladayaka ^5- bhikkhu punakkammaya ukkoteyyum . yadi sanghassa pattakallam yatthevimam adhikaranam samuppannam sangho tatthevimam @Footnote: ¹ Ma. ettakanca. ² Ma. Yu. uttarati natthi. ³ Yu. api nu ca. @⁴ Yu. vupasameyyama. ⁵ muladayakatipi patho.

--------------------------------------------------------------------------------------------- page414.

Adhikaranam vupasameyyati . athakho thera bhikkhu vesalim agamamsu tam adhikaranam vinicchinitukama . tena kho pana samayena sabbakami nama pathabya sanghatthero visavassasatiko upasampadaya ayasmato anandassa saddhivihariko vesaliyam pativasati . athakho ayasma revato ayasmantam sambhutam sanavasim etadavoca aham avuso yasmim vihare sabbakami thero viharati tam viharam upagacchami so tvam kalasseva ayasmantam sabbakamim upasankamitva imani dasa vatthuni puccheyyasiti . evam bhanteti kho ayasma sambhuto sanavasi ayasmato revatassa paccassosi . athakho ayasma revato yasmim vihare sabbakami thero viharati tam viharam upaganchi . gabbhe ayasmato sabbakamissa senasanam pannattam hoti . gabbhapamukhe ayasmato revatassa . athakho ayasma revato ayam thero mahallako na nipajjatiti na seyyam kappeti . ayasma sabbakami ayam bhikkhu agantuko kilanto na nipajjatiti na seyyam kappesi. [647] Athakho ayasma sabbakami rattiya paccusasamayam paccutthaya ^1- ayasmantam revatam etadavoca katamena tvam bhummi viharena etarahi bahulam viharasiti . mettaviharena kho aham bhante etarahi bahulam viharamiti . kullakaviharena kira tvam bhummi etarahi bahulam @Footnote: ¹ Yu. ayam patho natthi.

--------------------------------------------------------------------------------------------- page415.

Viharasi kullakaviharo heso ^1- bhummi yadidam mettati . pubbepi me bhante gihibhutassa acinna metta tenaham etarahipi mettaviharena bahulam viharami apica maya cirappattam arahattam thero pana bhante katamena viharena etarahi bahulam viharatiti . Sunnataviharena kho aham bhummi etarahi bahulam viharamiti . Mahapurisaviharena kira bhante thero etarahi bahulam viharati mahapurisaviharo eso bhante yadidam sunnatati . pubbepi me bhummi gihibhutassa acinna sunnata tenaham etarahipi sunnataviharena bahulam viharami apica maya cirappattam arahattanti. [648] Ayancarahi theranam bhikkhunam antara katha vippakata . Athayasma sambhuto sanavasi ^2- anuppatto hoti . athakho ayasma sambhuto sanavasi yenayasma sabbakami tenupasankami upasankamitva ayasmantam sabbakamim abhivadetva ekamantam nisidi . Ekamantam nisinno kho ayasma sambhuto sanavasi ayasmantam sabbakamim etadavoca ime bhante vesalika vajjiputtaka bhikkhu vesaliyam dasa vatthuni dipenti kappati singilonakappo kappati dvangulakappo kappati gamantarakappo kappati avasakappo kappati anumatikappo kappati acinnakappo kappati @Footnote: ¹ Ma. Yu. eso. ² Ma. Yu. ito param tasminti patho dissati.

--------------------------------------------------------------------------------------------- page416.

Amathitakappo kappati jalogim patum kappati adasakam nisidanam kappati jataruparajatanti therena bhante upajjhayassa mule bahu dhammo ca vinayo ca pariyatto therassa bhante dhammanca vinayanca paccavekkhantassa katham hoti ke nu kho dhammavadino pacinaka va bhikkhu patheyyaka vati . tayapi kho avuso upajjhayassa mule bahu dhammo ca vinayo ca pariyatto tuyham pana avuso dhammanca vinayanca paccavekkhantassa katham hoti ke nu kho dhammavadino pacinaka va bhikkhu patheyyaka vati . mayham kho bhante dhammanca vinayanca paccavekkhantassa evam hoti adhammavadino pacinaka bhikkhu dhammavadino patheyyaka bhikkhuti apicaham na tava ditthim avikaromi appevanama mam imasmim adhikarane sammanneyyati . mayhampi kho avuso dhammanca vinayanca paccavekkhantassa evam hoti adhammavadino pacinaka bhikkhu dhammavadino patheyyaka bhikkhuti apicaham na tava ditthim avikaromi appevanama mam imasmim adhikarane sammanneyyati. [649] Athakho sangho tam adhikaranam vinicchinitukamo sannipati . Tasmim kho pana adhikarane vinicchiyamane anantani ^1- ceva bhassani jayanti na cekassa bhasitassa attho vinnayati . athakho ayasma revato sangham napesi sunatu me bhante sangho @Footnote: ¹ Ma. Yu. anaggani.

--------------------------------------------------------------------------------------------- page417.

Amhakam imasmim adhikarane vinicchiyamane anantani ceva bhassani jayanti na cekassa bhasitassa attho vinnayati . yadi sanghassa pattakallam sangho imam adhikaranam ubbahikaya vupasameyya . Sangho cattaro pacinake bhikkhu cattaro patheyyake bhikkhu uccini pacinakanam bhikkhunam ayasmantanca sabbakamim ayasmantanca salham ayasmantanca ujjasobhitam ayasmantanca vasabhagamikam patheyyakanam bhikkhunam ayasmantanca revatam ayasmantanca sambhutam sanavasim ayasmantanca yasam kakandakaputtam ayasmantanca sumananti ^1-. Athakho ayasma revato sangham napesi {649.1} sunatu me bhante sangho amhakam imasmim adhikarane vinicchiyamane anantani ceva bhassani jayanti na cekassa bhasitassa attho vinnayati . yadi sanghassa pattakallam sangho cattaro pacinake bhikkhu cattaro patheyyake bhikkhu sammanneyya ubbahikaya imam adhikaranam vupasametum. Esa natti. {649.2} Sunatu me bhante sangho amhakam imasmim adhikarane vinicchiyamane anantani ceva bhassani jayanti na cekassa bhasitassa attho vinnayati . sangho cattaro pacinake bhikkhu cattaro patheyyake bhikkhu sammannati ubbahikaya imam adhikaranam vupasametum . yassayasmato khamati catunnam pacinakanam ^[2]- catunnam patheyyakanam bhikkhunam sammati ubbahikaya imam adhikaranam @Footnote: ¹ Yu. itisaddo natthi. ² Ma. Yu. bhikkhunam.

--------------------------------------------------------------------------------------------- page418.

Vupasametum so tunhassa yassa nakkhamati so bhaseyya. {649.3} Sammata sanghena cattaro pacinaka bhikkhu cattaro patheyyaka bhikkhu ubbahikaya imam adhikaranam vupasametum . khamati sanghassa tasma tunhi. Evametam dharayamiti. [650] Tena kho pana samayena ajito nama bhikkhu dasavasso sanghassa patimokkhuddesako hoti . athakho sangho ayasmantampi ajitam sammannati theranam bhikkhunam asanapannapakam . athakho theranam bhikkhunam etadahosi kattha nu kho mayam imam adhikaranam vupasameyyamati. Athakho theranam bhikkhunam etadahosi ayam kho valikaramo ramaniyo appasaddo appanigghoso yannuna mayam valikarame imam adhikaranam vupasameyyamati . athakho thera bhikkhu valikaramam agamamsu tam adhikaranam vinicchinitukama. [651] Athakho ayasma revato sangham napesi sunatu me bhante sangho yadi sanghassa pattakallam aham ayasmantam sabbakamim vinayam puccheyyanti . ayasma sabbakami sangham napesi sunatu me avuso sangho yadi sanghassa pattakallam aham revatena vinayam puttho vissajjeyyanti. [652] Athakho ayasma revato ayasmantam sabbakamim etadavoca kappati bhante singilonakappoti . ko so avuso singilonakappoti. Kappati bhante singina lonam pariharitum yattha alonikam ^1- @Footnote: ¹ Ma. Yu. alonakam.

--------------------------------------------------------------------------------------------- page419.

Bhavissati tattha paribhunjissamiti . navuso kappatiti . kattha patikkhittanti . savatthiya suttavibhangeti . kim apajjatiti . Sannidhikarakabhojane pacittiyanti . sunatu me bhante sangho idam pathamam vatthum ^1- sanghena vinicchitam . itipidam vatthum uddhammam ubbinayam apagatasatthusasanam. Idam pathamam salakam nikkhipami. [653] Kappati bhante dvangulakappoti . ko so avuso dvangulakappoti . kappati bhante dvangulaya chayaya vitivattaya vikale bhojanam bhunjitunti . navuso kappatiti . kattha patikkhittanti. Rajagahe suttavibhangeti . kim apajjatiti. Vikalabhojane pacittiyanti. Sunatu me bhante sangho idam dutiyam vatthum sanghena vinicchitam. Itipidam vatthum uddhammam ubbinayam apagatasatthusasanam . idam dutiyam salakam nikkhipami. [654] Kappati bhante gamantarakappoti . ko so avuso gamantarakappoti . kappati bhante idani gamantaram gamissamiti bhuttavina pavaritena anatirittam bhojanam bhunjitunti . navuso kappatiti . kattha patikkhittanti . savatthiya suttavibhangeti . Kim apajjatiti . anatirittabhojane pacittiyanti . sunatu me bhante sangho idam tatiyam vatthum sanghena vinicchitam . itipidam vatthum uddhammam ubbinayam apagatasatthusasanam . idam tatiyam salakam nikkhipami. @Footnote: ¹ Ma. vatthu.

--------------------------------------------------------------------------------------------- page420.

[655] Kappati bhante avasakappoti . ko so avuso avasakappoti . kappati bhante sambahula avasa samanasima nanuposatham ^1- katunti . navuso kappatiti . kattha patikkhittanti. Rajagahe uposathasamyutteti . kim apajjatiti . vinayatisare dukkatanti . sunatu me bhante sangho idam catuttham vatthum sanghena vinicchitam . itipidam vatthum uddhammam ubbinayam apagatasatthusasanam . Idam catuttham salakam nikkhipami. [656] Kappati bhante anumatikappoti . ko so avuso anumatikappoti . kappeti bhante vaggena sanghena kammam katum agate bhikkhu anumanessamati ^2- . navuso kappatiti . kattha patikkhittanti . campeyyake vinayavatthusminti . kim apajjatiti . Vinayatisare dukkatanti . sunatu me bhante sangho idam pancamam vatthum sanghena vinicchitam . itipidam vatthum uddhammam ubbinayam apagatasatthusasanam. Idam pancamam salakam nikkhipami. [657] Kappati bhante acinnakappoti . ko so avuso acinnakappoti . kappati bhante idam me upajjhayena ajjhacinnam idam me acariyena ajjhacinnanti ajjhacaritunti . Acinnakappo kho avuso ekacco kappati ekacco na kappatiti . sunatu me bhante sangho idam chattham vatthum sanghena @Footnote: ¹ Ma. nanuposatham. ² Ma. anumatim anessama.

--------------------------------------------------------------------------------------------- page421.

Vinicchitam . itipidam vatthum uddhammam ubbinayam apagatasatthusasanam . Idam chattham salakam nikkhipami. [658] Kappati bhante amathitakappoti . ko so avuso amathitakappoti . kappati bhante yam tam khiram khirabhavam vijahitam asampattam dadhibhavam bhuttavina pavaritena anatirittam patunti . Navuso kappatiti . kattha patikkhittanti . savatthiya suttavibhangeti. Kim apajjatiti . anatirittabhojane pacittiyanti . sunatu me bhante sangho idam sattamam vatthum sanghena vinicchitam . itipidam vatthum uddhammam ubbinayam apagatasatthusasanam . idam sattamam salakam nikkhipami. [659] Kappati bhante jalogim patunti . ka sa avuso jalogiti . kappati bhante ya sa sura asuta ^1- asampatta majjabhavam sa patunti . navuso kappatiti . kattha patikkhittanti . Kosambiya suttavibhangeti . kim apajjatiti . suramerayapane pacittiyanti . sunatu me bhante sangho idam atthamam vatthum sanghena vinicchitam . itipidam vatthum uddhammam ubbinayam apagatasatthusasanam . Idam atthamam salakam nikkhipami. [660] Kappati bhante adasakam nisidananti . navuso kappatiti. Kattha patikkhittanti . savatthiya suttavibhangeti . kim apajjatiti . Chedanake pacittiyanti . sunatu me bhante sangho idam navamam @Footnote: ¹ Ma. asuta.

--------------------------------------------------------------------------------------------- page422.

Vatthum sanghena vinicchitam . itipidam vatthum uddhammam ubbinayam apagatasatthusasanam. Idam navamam salakam nikkhipami. [661] Kappati bhante jataruparajatanti . navuso kappatiti . Kattha patikkhittanti . rajagahe suttavibhangeti . kim apajjatiti . Jataruparajatappatiggahane pacittiyanti . sunatu me bhante sangho idam dasamam vatthum sanghena vinicchitam . itipidam vatthum uddhammam ubbinayam apagatasatthusasanam. Idam dasamam salakam nikkhipami. [662] Sunatu me bhante sangho imani dasa vatthuni sanghena vinicchitani . itipimani dasa vatthuni uddhammani ubbinayani apagatasatthusasananiti. [663] Nihatametam avuso adhikaranam santam vupasantam suvupasantam apica mam tvam avuso sanghamajjhepi imani dasa vatthuni puccheyyasi tesam bhikkhunam sannattiyati . athakho ayasma revato ayasmantam sabbakamim sanghamajjhepi imani dasa vatthuni pucchi . puttho puttho ayasma sabbakami vissajjesi. Imaya kho pana vinayasangitiya satta bhikkhusatani anunani anadhikani ahesum. Tasmayam vinayasangiti sattasatikati vuccatiti. Sattasatikakkhandhakam nitthitam dvadasamam. Imamhi khandhake vatthu pancavisati. ------------

--------------------------------------------------------------------------------------------- page423.

Tassuddanam [664] Dasa vatthuni puretva kammam dutena pavisi cattaro puna rupanca kosambi ca patheyyako maggo soreyyam sankassam kannakujjam udumbaram sahajati ^1- ca majjhesi assosi kam nu kho mayam pattanavaya ujjavi ^2- duratopi ^3- udamassa darunam ^4- sangho ca vesali ^5- metta sangho ubbahikati. Cullavaggo samatto . ----------- @Footnote: ¹ Yu. sahamjati. ² Yu. sa ujji. ³ Ma. rahosi upanamayam. Yu. durahopi. @⁴ Ma. garu.. Yu. darukam. 5 Ma. vesalim.

The Pali Tipitaka in Roman Character Volume 7 page 398-423. https://84000.org/tipitaka/read/roman_item.php?book=7&item=634&items=31&pagebreak=1&modeTY=2&mode=bracket Classified by content :- https://84000.org/tipitaka/read/roman_item.php?book=7&item=634&items=31&pagebreak=1&modeTY=2 Compare with The Pali Tipitaka in Thai Character :- https://84000.org/tipitaka/read/pali_item.php?book=7&item=634&items=31&pagebreak=1&modeTY=2&mode=bracket Compare with The Royal Version of Thai Tipitaka :- https://84000.org/tipitaka/read/byitem.php?book=7&item=634&items=31&pagebreak=1&modeTY=2&mode=bracket Study Atthakatha :- https://84000.org/tipitaka/attha/attha.php?b=7&i=634 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7