[1081] Uposatho kimatthaya pavarana kissa karana
parivaso kimatthaya mulaya patikassana kissa karana
manattam kimatthaya abbhanam kissa karana.
Uposatho samaggatthaya visuddhatthaya pavarana
parivaso manattatthaya mulaya patikassana niggahatthaya
manattam abbhanatthaya visuddhatthaya abbhanam.
Chanda dosa bhaya moha there ca paribhasati
kayassa bheda duppanno khato upahatindriyo
nirayam gacchati dummedho na ca sikkhaya garavo.
Na camisampi 2- nissaya na ca nissaya puggalam
ubho ete vivajjetva yatha dhammo tatha kare.
Kodhano upanahi ca cando ca paribhasako
anapattiya apattiti ropeti
tadiso codako jhapeti attanam.
Upakannakam jappeti 3- vimham pekkhati
@Footnote: 1 Yu. patipajjitabbanti . 2 Yu. na ca amisam . 3 Si. Ma. Yu. jappati.
Vitiharati kummaggam patisevati
anapattiya apattiti ropeti
tadiso codako jhapeti attanam
akalena codeti abhutena
pharusena anatthasanhitena
dosantaro codeti no mettacitto
anapattiya apattiti ropeti
tadiso codako jhapeti attanam.
Dhammadhammam na janati
dhammadhammassa akovido
anapattiya apattiti ropeti
tadiso codako jhapeti attanam.
Vinayavinayam na janati
vinayavinayassa akovido
anapattiya apattiti ropeti
tadiso codako jhapeti attanam.
Bhasitabhasitam na janati
bhasitabhasitassa akovido
anapattiya apattiti ropeti
tadiso codako jhapeti attanam.
Acinnanacinnam na janati
acinnanacinnassa akovido
anapattiya apattiti ropeti
tadiso codako jhapeti attanam.
Pannattapannattam na janati
pannattapannattassa akovido
anapattiya apattiti ropeti
tadiso codako jhapeti attanam.
Apattanapattim na janati
apattanapattiya akovido
anapattiya apattiti ropeti
tadiso codako jhapeti attanam.
Lahukagarukam na janati
lahukagarukassa akovido
anapattiya apattiti ropeti
tadiso codako jhapeti attanam.
Savasesanavasesam na janati
savasesanavasesassa akovido
anapattiya apattiti ropeti
tadiso codako jhapeti attanam.
Dutthulladutthullam na janati
dutthulladutthullassa akovido
anapattiya apattiti ropeti
tadiso codako jhapeti attanam.
Pubbaparam na janati
pubbaparassa akovido
anapattiya apattiti ropeti
tadiso codako jhapeti attanam.
Anusandhivacanapatham na janati
anusandhivacanapathassa akovido
anapattiya apattiti ropeti
tadiso codako jhapeti attananti.
Codanakandam nitthitam.
Tassuddanam
[1082] Codana anuvijjanca 1- adi mulenuposatho
gati codanakandamhi sasanam patitthapayanti.
----------
@Footnote: 1 Ma. Yu. anuvijja ca.
Culasangamam
[1083] Sangamavacarena bhikkhuna sangham upasankamantena nicacittena
sangho upasankamitabbo rajoharanasamena cittena asanakusalena
bhavitabbam nisajjakusalena there bhikkhu anupakhajjantena nave bhikkhu
asanena appatibahantena yathapatirupe asane nisiditabbam ananakathikena
bhavitabbam atiracchanakathikena samam va dhammo bhasitabbo
paro va ajjhesitabbo ariyo va tunhibhavo natimannitabbo.
{1083.1} Sanghena anumatena puggalena anuvijjakena anuvijjitukamena
na upajjhayo pucchitabbo na acariyo pucchitabbo na saddhivihariko
pucchitabbo na antevasiko pucchitabbo na samanupajjhayako
pucchitabbo na samanacariyako pucchitabbo na jati pucchitabba
na namam pucchitabbam na gottam pucchitabbam na agamo pucchitabbo
na kulappadeso pucchitabbo na jatibhumi pucchitabba. [1]- Kimkarana.
Atrassa pemam va doso va peme va sati dose va
sati 2- chandapi gaccheyya dosapi gaccheyya mohapi gaccheyya
bhayapi gaccheyya.
{1083.2} Sanghena anumatena puggalena anuvijjakena
anuvijjitukamena sanghagarukena bhavitabbam no puggalagarukena
saddhammagarukena bhavitabbam no amisagarukena atthavasikena bhavitabbam
no parisakappiyena kalena anuvijjitabbam no akalena bhutena
@Footnote: 1 Ma. Yu. tam . 2 Ma. Yu. ayam patho natthi.
Anuvijjitabbam no abhutena sanhena anuvijjitabbam no pharusena
atthasanhitena anuvijjitabbam no anatthasanhitena mettacittena
anuvijjitabbam no dosantarena na upakannakajappina bhavitabbam
na jimham pekkhitabbam na akkhi nikkhanitabbam na bhamukam ukkhipitabbam
na sisam ukkhipitabbam na hatthavikaro katabbo na hatthamudda
dassetabba
{1083.3} asanakusalena bhavitabbam nisajjakusalena [1]- yugamattam
pekkhantena attham anuvidhiyantena sake asane nisiditabbam na ca
asana vutthatabbam na vitihatabbam na kummaggo sevitabbo
na vacavikkhepakam 2- bhanitabbam aturitena bhavitabbam asahasikena [1]-
acandikatena bhavitabbam vacanakkhamena mettacittena bhavitabbam hitanukampina
karunikena bhavitabbam hitaparisakkina asamphappalapina bhavitabbam
pariyantabhanina averavasikena bhavitabbam anasuruttena atta pariggahetabbo
paro pariggahetabbo codako pariggahetabbo cuditako pariggahetabbo
adhammacodako pariggahetabbo adhammacuditako pariggahetabbo dhammacodako
pariggahetabbo dhammacuditako pariggahetabbo vuttam ahapentena avuttam
appakasentena otinnani padabyanjanani sadhukam uggahetva 3-
paro patipucchitva yathapatinnaya karetabbo vepo pahasetabbo 4-
@Footnote: 1 Yu. bhavitabbam . 2 Ma. Yu. bahavikkhepakam . 3 Ma. pariggahetva . 4 Si. Ma. Yu.
@mando hasetabbo. vepo pahasetabboti mando momuho pagganhitabboti atthakatha.
Bhiru assasetabbo cando nisedhetabbo asuci vibhavetabbo
uju maddavena na chandagati 1- gantabba na dosagati gantabba
na mohagati gantabba na bhayagati gantabba majjhattena
bhavitabbam dhammesu ca puggalesu ca . evanca pana anuvijjako
anuvijjamano satthu ceva sasanakaro hoti vinnunam 2- sabrahmacarinam
piyo ca hoti manapo ca garu ca bhavaniyo ca.
[1084] Suttam samsandanatthaya opammam nidassanatthaya attho
vinnapanatthaya patipuccha thapanatthaya okasakammam codanatthaya
codana saranatthaya sarana savacaniyatthaya savacaniyam palibodhatthaya
palibodho vinicchayatthaya vinicchayo santiranatthaya santirana 3-
thanathanagamanatthaya thanathanagamanam dummankunam puggalanam niggahatthaya
pesalanam bhikkhunam sampaggahatthaya sangho sampariggahasampaticchanatthaya
sanghena anumata puggala paccekatthayino avisamvadakatthayino .
Vinayo samvaratthaya samvaro avippatisaratthaya avippatisaro pamujjatthaya
pamujjam pitatthaya piti passaddhatthaya passaddhi sukhatthaya sukham samadhatthaya
samadhi yathabhutananadassanatthaya yathabhutananadassanam nibbidatthaya
nibbida viragatthaya virago vimuttatthaya vimutti vimuttinanadassanatthaya
vimuttinanadassanam anupadaparinibbanatthaya . etadattha katha
etadattha mantana etadattha upanisa etadattham sotavadhanam
@Footnote: 1 Ma. na chandagatim gantabbam .pe. na bhayagatim gantabbam . 2 Ma. Yu. vinnunanca.
@3 Ma. Yu. santiranam.
Yadidam anupada cittassa vimokkhoti.
The Pali Tipitaka in Roman Character Volume 8 page 400-407.
https://84000.org/tipitaka/read/roman_item.php?book=8&item=1081&items=4&mode=bracket
Classified by content :-
https://84000.org/tipitaka/read/roman_item.php?book=8&item=1081&items=4
Compare with The Pali Tipitaka in Thai Character :-
https://84000.org/tipitaka/read/pali_item.php?book=8&item=1081&items=4&mode=bracket
Compare with The Royal Version of Thai Tipitaka :-
https://84000.org/tipitaka/read/byitem.php?book=8&item=1081&items=4&mode=bracket
Study Atthakatha :-
https://84000.org/tipitaka/attha/attha.php?b=8&i=1081
Contents of The Tipitaka Volume 8
https://84000.org/tipitaka/read/?index_8
https://84000.org/tipitaka/english/?index_8
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
