paliTIPITAKA Volume 1 - Vinaya Pitaka 1

page128.

Tatiyaparajikakandam [176] Tena samayena buddho bhagava vesaliyam viharati mahavane kutagarasalayam . tena kho pana samayena bhagava bhikkhunam anekapariyayena asubhakatham katheti asubhaya vannam bhasati asubhabhavanaya vannam bhasati adissa adissa asubhasamapattiya vannam bhasati . athakho bhagava bhikkhu amantesi icchamaham bhikkhave addhamasam patisalliyitum namhi kenaci upasankamitabbo annatra ekena pindapataniharakenati . Evam bhanteti kho te bhikkhu bhagavato patissunitva nassudha koci bhagavantam upasankamati annatra ekena pindapataniharakena. {176.1} Bhikkhu bhagava kho anekapariyayena asubhakatham katheti asubhaya vannam bhasati asubhabhavanaya vannam bhasati adissa adissa asubhasamapattiya vannam bhasatiti te ^1- anekakaravokaram asubhabhavananuyogamanuyutta viharanti . te sakena kayena attiyanti harayanti jigucchanti seyyathapi nama itthi va puriso va daharo yuva mandanakajatiko sisam nahato ahikunapena va kukkurakunapena va manussakunapena va kanthe alaggena ^2- attiyeyya harayeyya jiguccheyya evameva te bhikkhu sakena kayena attiyanta harayanta jigucchanta attanapi attanam jivita voropenti annamannampi jivita voropenti @Footnote: ¹ atirekapathena bhavitabbam ² Yu. Ma. asattena. Ra. asatthena.

--------------------------------------------------------------------------------------------- page129.

Migalandikampi samanakuttakam upasankamitva evam vadenti ^1- sadhu no avuso jivita voropehi idam te pattacivaram bhavissatiti . athakho migalandiko samanakuttako pattacivarehi bhato sambahule bhikkhu jivita voropetva lohitakam ^2- asim adaya yena vaggumuda nadi tenupasankami. {176.2} Athakho migalandikassa samanakuttakassa lohitakam tam ^3- asim dhovantassa ahudeva kukkuccam ahu vippatisaro alabha vata me na vata me labha dulladdham vata me na vata me suladdham bahum vata maya apunnam pasutam yoham bhikkhu silavante kalyanadhamme jivita voropesinti . athakho annatara marakayika devata abhijjamane udake agantva migalandikam samanakuttakam etadavoca sadhu sadhu sappurisa labha te sappurisa suladdham te sappurisa bahum taya sappurisa punnam pasutam yam tvam atinne taresiti . Athakho migalandiko samanakuttako labha kira me suladdham kira me bahum kira maya punnam pasutam atinne kiraham taremiti tinham ^4- asim adaya viharena viharam parivenena parivenam upasankamitva evam vadeti ko atinno kam taremiti . tattha ye te bhikkhu avitaraga tesam tasmim samaye hotiyeva bhayam hoti chambhitattam hoti lomahamso . ye pana te bhikkhu vitaraga tesam tasmim samaye na @Footnote: ¹ Yu. Ma. vadanti. ² Yu. Ma. lohitagatam. ² tesu potthakesu @natthi ayam patho. ⁴ Yu. Ma. Ra. tikkham.

--------------------------------------------------------------------------------------------- page130.

Hoti bhayam na hoti chambhitattam na hoti lomahamso . athakho migalandiko samanakuttako ekampi bhikkhum ekaheneva jivita voropesi dvepi bhikkhu ekahena jivita voropesi tayopi bhikkhu ekahena jivita voropesi cattaropi bhikkhu ekahena jivita voropesi pancapi bhikkhu ekahena jivita voropesi .pe. dasapi bhikkhu ekahena jivita voropesi visampi ^1- bhikkhu ekahena jivita voropesi timsampi bhikkhu ekahena jivita voropesi cattalisampi ^2- bhikkhu ekahena jivita voropesi pannasampi bhikkhu ekahena jivita voropesi satthimpi bhikkhu ekahena jivita voropesi. [177] Athakho bhagava tassa addhamasassa accayena patisallana vutthito ayasmantam anandam amantesi kinnu kho ananda tanubhuto viya bhikkhusanghoti . tatha hi pana bhante bhagava bhikkhunam anekapariyayena asubhakatham katheti asubhaya vannam bhasati asubhabhavanaya vannam bhasati adissa adissa asubhasamapattiya vannam bhasati te ca bhante bhikkhu bhagava kho anekapariyayena asubhakatham katheti asubhaya vannam bhasati asubhabhavanaya vannam bhasati adissa adissa asubhasamapattiya vannam bhasatiti anekakaravokaram asubha- bhavananuyogamanuyutta viharanti te sakena kayena attiyanti harayanti jigucchanti seyyathapi nama itthi va puriso va daharo yuva @Footnote: ¹ Yu. visatim. Ma. Ra. visatipi. ² Yu. cattarisampi.

--------------------------------------------------------------------------------------------- page131.

Mandanakajatiko sisam nahato ahikunapena va kukkurakunapena va manussakunapena va kanthe alaggena attiyeyya harayeyya jiguccheyya evameva te bhikkhu sakena kayena attiyanta harayanta jigucchanta attanapi attanam jivita voropenti annamannampi jivita voropenti migalandikampi samanakuttakam upasankamitva evam vadenti sadhu no avuso jivita voropehi idam te pattacivaram bhavissatiti athakho bhante migalandiko samanakuttako pattacivarehi bhato ekampi bhikkhum ekahena jivita voropesi .pe. satthimpi bhikkhu ekahena jivita voropesi sadhu bhante bhagava annam pariyayam acikkhatu yathayam bhikkhusangho annaya santhaheyyati . tenahananda yavatika bhikkhu vesalim upanissaya viharanti te sabbe upatthanasalayam sannipatehiti . evam bhanteti kho ayasma anando bhagavato patissunitva yavatika bhikkhu vesalim upanissaya viharanti te sabbe upatthanasalayam sannipatetva yena bhagava tenupasankami upasankamitva bhagavantam etadavoca sannipatito bhante bhikkhusangho yassidani bhante bhagava kalam mannatiti. [178] Athakho bhagava yena upatthanasala tenupasankami upasankamitva pannatte asane nisidi . nisajja kho bhagava bhikkhu amantesi ayampi kho bhikkhave anapanassatisamadhi bhavito bahulikato santo ceva panito ca asecanako ca sukho ca viharo

--------------------------------------------------------------------------------------------- page132.

Uppannuppanne ca papake akusale dhamme thanaso antaradhapeti vupasameti seyyathapi bhikkhave gimhanam pacchime mase uhatam rajojallam tamenam mahaakalamegho thanaso antaradhapeti vupasameti evameva kho bhikkhave anapanassatisamadhi bhavito bahulikato santo ceva panito ca asecanako ca sukho ca viharo uppannuppanne ca papake akusale dhamme thanaso antaradhapeti vupasameti katham bhavito ca bhikkhave anapanassatisamadhi katham bahulikato santo ceva panito ca asecanako ca sukho ca viharo uppannuppanne ca papake akusale dhamme thanaso antaradhapeti vupasameti {178.1} idha bhikkhave bhikkhu arannagato va rukkhamulagato va sunnagaragato va nisidati pallankam abhujitva ujum kayam panidhaya parimukham satim upatthapetva so sato va assasati sato passasati {178.2} digham va assasanto digham assasamiti pajanati digham va passasanto digham passasamiti pajanati rassam va assasanto rassam assasamiti pajanati rassam va passasanto rassam passasamiti pajanati {178.3} sabbakayapatisamvedi assasissamiti sikkhati sabbakaya- patisamvedi passasissamiti sikkhati passambhayam kayasankharam assasissamiti sikkhati passambhayam kayasankharam passasissamiti sikkhati pitipatisamvedi assasissamiti sikkhati pitipatisamvedi passasissamiti sikkhati sukhapatisamvedi assasissamiti sikkhati sukhapatisamvedi passasissamiti sikkhati cittasankharapatisamvedi

--------------------------------------------------------------------------------------------- page133.

Assasissamiti sikkhati cittasankharapatisamvedi passasissamiti sikkhati passambhayam cittasankharam assasissamiti sikkhati passambhayam cittasankharam passasissamiti sikkhati cittapatisamvedi assasissamiti sikkhati cittapatisamvedi passasissamiti sikkhati {178.4} abhippamodayam cittam assasissamiti sikkhati abhippamodayam cittam passasissamiti sikkhati samadaham cittam assasissamiti sikkhati samadaham cittam passasissamiti sikkhati vimocayam cittam assasissamiti sikkhati vimocayam cittam passasissamiti sikkhati {178.5} aniccanupassi assasissamiti sikkhati aniccanupassi passasissamiti sikkhati viraganupassi assasissamiti sikkhati viraganupassi passasissamiti sikkhati nirodhanupassi assasissamiti sikkhati nirodhanupassi passasissamiti sikkhati patinissagganupassi assasissamiti sikkhati patinissagganupassi passasissamiti sikkhati {178.6} evam bhavito kho bhikkhave anapanassatisamadhi evam bahulikato santo ceva panito ca asecanako ca sukho ca viharo uppannuppanne ca papake akusale dhamme thanaso antaradhapeti vupasametiti. [179] Athakho bhagava etasmim nidane etasmim pakarane bhikkhusangham sannipatapetva bhikkhu patipucchi saccam kira bhikkhave bhikkhu attanapi attanam jivita voropenti annamannampi jivita voropenti migalandikampi samanakuttakam upasankamitva evam vadenti sadhu no

--------------------------------------------------------------------------------------------- page134.

Avuso jivita voropehi idam te pattacivaram bhavissatiti . saccam bhagavati . vigarahi buddho bhagava ananucchavikam bhikkhave tesam bhikkhunam ananulomikam appatirupam assamanakam akappiyam akaraniyam katham hi nama te bhikkhave bhikkhu attanapi attanam jivita voropessanti annamannampi jivita voropessanti migalandikampi samanakuttakam upasankamitva evam vakkhanti sadhu no avuso jivita voropehi idam te pattacivaram bhavissatiti netam bhikkhave appasannanam va pasadaya .pe. Evanca pana bhikkhave imam sikkhapadam uddiseyyatha {179.1} yo pana bhikkhu sancicca manussaviggaham jivita voropeyya satthaharakam vassa pariyeseyya ayampi parajiko hoti asamvasoti. {179.2} Evancidam bhagavata bhikkhunam sikkhapadam pannattam hoti. [180] Tena kho pana samayena annataro upasako gilano hoti . tassa pajapati abhirupa hoti dassaniya pasadika . Chabbaggiya bhikkhu tassa itthiya patibaddhacitta honti . athakho chabbaggiyanam bhikkhunam etadahosi sace kho so avuso upasako jivissati na mayam tam itthim labhissama handa mayam avuso tassa upasakassa maranavannam samvannemati . athakho chabbaggiya bhikkhu yena so upasako tenupasankamimsu upasankamitva tam upasakam etadavocum tvam khosi upasaka katakalyano katakusalo katabhiruttano akatapapo akataluddho akatakibbiso katam taya kalyanam akatam

--------------------------------------------------------------------------------------------- page135.

Taya papam kim tuyhimina papakena dujjivitena matante jivita seyyo ito tvam kalakato kayassa bheda param marana sugatim saggam lokam upapajjissasi tattha dibbehi pancahi kamagunehi samappito samangibhuto paricaressasiti. {180.1} Athakho so upasako saccam kho ayya ahamsu ahanhi katakalyano katakusalo katabhiruttano akatapapo akataluddho akatakibbiso katam maya kalyanam akatam maya papam kim mayhimina papakena dujjivitena matam me jivita seyyo ito aham kalakato kayassa bheda param marana sugatim saggam lokam upapajjissami tattha dibbehi pancahi kamagunehi samappito samangibhuto paricaressamiti . So asappayani ceva bhojanani bhunji asappayani ca khadaniyani khadi asappayani ca sayaniyani sayi asappayani ca panani pivi. Tassa asappayani ceva bhojanani bhunjato asappayani ca khadaniyani khadato asappayani ca sayaniyani sayato asappayani ca panani pivato kharo abadho uppajji . so teneva abadhena kalamakasi. Tassa pajapati ujjhayati khiyati vipaceti alajjino ime samana sakyaputtiya dussila musavadino ime hi nama dhammacarino samacarino brahmacarino saccavadino silavanto kalyanadhamma patijanissanti natthi imesam samannam natthi imesam brahmannam nattham imesam samannam nattham imesam brahmannam kuto imesam

--------------------------------------------------------------------------------------------- page136.

Samannam kuto imesam brahmannam apagata ime samanna apagata ime brahmanna ime me samikassa maranavannam samvannesum imehi me samiko maritoti . annepi manussa ujjhayanti khiyanti vipacenti alajjino ime samana sakyaputtiya dussila musavadino ime hi nama dhammacarino samacarino brahmacarino saccavadino silavanto kalyanadhamma patijanissanti natthi imesam samannam natthi imesam brahmannam nattham imesam samannam nattham imesam brahmannam kuto imesam samannam kuto imesam brahmannam apagata ime samanna apagata ime brahmanna ime upasakassa maranavannam samvannesum imehi upasako maritoti . assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha .pe. Te ujjhayanti khiyanti vipacenti katham hi nama chabbaggiya bhikkhu upasakassa maranavannam samvannessantiti. {180.2} Athakho te bhikkhu bhagavato etamattham arocesum .pe. Saccam kira tumhe bhikkhave upasakassa maranavannam samvannethati . saccam bhagavati. Vigarahi buddho bhagava ananucchavikam moghapurisa ananulomikam appatirupam assamanakam akappiyam akaraniyam katham hi nama tumhe moghapurisa upasakassa maranavannam samvannessatha netam moghapurisa appasannanam va pasadaya .pe. evanca pana bhikkhave imam sikkhapadam

--------------------------------------------------------------------------------------------- page137.

Uddiseyyatha {180.3} yo pana bhikkhu sancicca manussaviggaham jivita voropeyya satthaharakam vassa pariyeseyya maranavannam va samvanneyya maranaya va samadapeyya ambho purisa kim tuyhimina papakena dujjivitena matante jivita seyyoti iticittamano cittasankappo anekapariyayena maranavannam va samvanneyya maranaya va samadapeyya ayampi parajiko hoti asamvasoti.

The Pali Tipitaka in Roman Character Volume 1 page 128-137. http://84000.org/tipitaka/read/roman_item_s.php?book=1&item=176&items=5&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=1&item=176&items=5&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=1&item=176&items=5&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=1&item=176&items=5&pagebreak=1&modeTY=2 Study Atthakatha :- http://84000.org/tipitaka/attha/attha.php?b=1&i=176 The Pali Atthakatha in Thai :- http://84000.org/tipitaka/atthapali/read_th.php?B=1&A=10112 The Pali Atthakatha in Roman :- http://84000.org/tipitaka/atthapali/read_rm.php?B=1&A=10112 Contents of The Tipitaka Volume 1 http://84000.org/tipitaka/read/?index_1