TIPITAKA Volume 21 : PALI ROMAN
Sutta Pitaka Vol 13 : Sutta. Aṅ. (2): catukkanipāto

     [123]  Cattarome  bhikkhave  puggala  santo samvijjamana lokasmim
@Footnote: 1 Ma. Yu. pavisati.
---------------------------------------------------------------------------------------------
page169.
Katame   cattaro   idha  bhikkhave  ekacco  puggalo  vivicceva  kamehi
vivicca   akusalehi   dhammehi   savitakkam   savicaram  vivekajam  pitisukham  pathamam
jhanam   upasampajja   viharati   so   tadassadeti  tam  nikameti  tena  ca
vittim   apajjati   tattha   thito   tadadhimutto   tabbahulavihari   aparihino
kalam    kurumano    brahmakayikanam    devanam    sahabyatam    upapajjati
brahmakayikanam    bhikkhave    devanam    kappo    ayuppamanam    tattha
puthujjano   yavatayukam   thatva  yavatakam  tesam  devanam  ayuppamanam  tam
sabbam   khepetva   nirayampi   gacchati   tiracchanayonimpi  gacchati  pittivisayampi
gacchati   bhagavato  pana  savako  tattha  yavatayukam  thatva  yavatakam  tesam
devanam  ayuppamanam  tam  sabbam  khepetva  tasmimyeva  bhave  parinibbayati
ayam   kho  bhikkhave  viseso  ayam  adhippayaso  idam  nanakaranam  sutavato
ariyasavakassa   assutavata   puthujjanena   yadidam   gatiya  1-  upapattiya
sati.
     {123.1}  Puna  caparam  bhikkhave  idhekacco  puggalo vitakkavicaranam
vupasama   ajjhattam   sampasadanam   cetaso  ekodibhavam  avitakkam  avicaram
samadhijam   pitisukham   dutiyam  jhanam  upasampajja  viharati  so  tadassadeti  tam
nikameti  tena  ca  vittim  apajjati  tattha  thito tadadhimutto tabbahulavihari
aparihino   kalam   kurumano   abhassaranam   devanam  sahabyatam  upapajjati
abhassaranam  bhikkhave  devanam  dve  kappa  ayuppamanam  tattha puthujjano
yavatayukam  thatva  yavatakam  tesam  devanam ayuppamanam tam sabbam khepetva
nirayampi   gacchati   tiracchanayonimpi   gacchati   pittivisayampi   gacchati  bhagavato
@Footnote: 1 Po. cutiya upapattiyati. ito param idisameva.
---------------------------------------------------------------------------------------------
page170.
Pana   savako   tattha   yavatayukam   thatva   yavatakam   tesam   devanam
ayuppamanam    tam   sabbam   khepetva   tasmimyeva   bhave   parinibbayati
ayam   kho  bhikkhave  viseso  ayam  adhippayaso  idam  nanakaranam  sutavato
ariyasavakassa assutavata puthujjanena yadidam gatiya upapattiya sati.
     {123.2}  Puna  caparam  bhikkhave idhekacco puggalo pitiya ca viraga
upekkhako  ca  viharati  sato  ca  sampajano  sukhanca  kayena patisamvedeti
yantam   ariya   acikkhanti   upekkhako  satima  sukhavihariti  tatiyam  jhanam
upasampajja  viharati  so  tadassadeti  tam  nikameti tena ca vittim apajjati
tattha   thito   tadadhimutto   tabbahulavihari   aparihino   kalam   kurumano
subhakinhanam   devanam   sahabyatam   upapajjati  subhakinhanam  bhikkhave  devanam
cattaro   kappa   ayuppamanam   tattha   puthujjano   yavatayukam  thatva
yavatakam  tesam  devanam  ayuppamanam  tam  sabbam  khepetva  nirayampi gacchati
tiracchanayonimpi   gacchati   pittivisayampi   gacchati   bhagavato   pana   savako
tattha   yavatayukam   thatva   yavatakam   tesam   devanam  ayuppamanam  tam
sabbam  khepetva  tasmimyeva  bhave  parinibbayati  ayam  kho bhikkhave viseso
ayam   adhippayaso   idam   nanakaranam  sutavato  ariyasavakassa  assutavata
puthujjanena yadidam gatiya upapattiya sati.
     {123.3}   Puna   caparam  bhikkhave  idhekacco  puggalo  sukhassa  ca
pahana    dukkhassa    ca    pahana    pubbeva    somanassadomanassanam
atthangama     adukkhamasukham     upekkhasatiparisuddhim     catuttham     jhanam
upasampajja    viharati    so   tadassadeti   tam   nikameti   tena   ca
---------------------------------------------------------------------------------------------
page171.
Vittim   apajjati   tattha   thito   tadadhimutto   tabbahulavihari   aparihino
kalam   kurumano   vehapphalanam  devanam  sahabyatam  upapajjati  vehapphalanam
bhikkhave   devanam   panca   kappasatani   ayuppamanam   tattha   puthujjano
yavatayukam   thatva   yavatakam   tesam   devanam   ayuppamanam  tam  sabbam
khepetva   nirayampi   gacchati   tiracchanayonimpi  gacchati  pittivisayampi  gacchati
bhagavato  pana  savako  tattha  yavatayukam  thatva  yavatakam  tesam  devanam
ayuppamanam   tam   sabbam   khepetva  tasmimyeva  bhave  parinibbayati  ayam
kho   bhikkhave   viseso   ayam   adhippayaso   idam  nanakaranam  sutavato
ariyasavakassa   assutavata  puthujjanena  yadidam  gatiya  upapattiya  sati .
Ime kho bhikkhave cattaro puggala santo samvijjamana lokasminti.


             The Pali Tipitaka in Roman Character Volume 21 page 168-171.
http://84000.org/tipitaka/read/roman_item_s.php?book=21&item=123&items=1&pagebreak=1&modeTY=2
             Classified by [Item Number] :-
http://84000.org/tipitaka/read/roman_item_s.php?book=21&item=123&items=1&pagebreak=1&modeTY=2&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=21&item=123&items=1&pagebreak=1&modeTY=2
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=21&item=123&items=1&pagebreak=1&modeTY=2
             Study Atthakatha :-
http://84000.org/tipitaka/attha/attha.php?b=21&i=123
             The Pali Atthakatha in Thai :-
http://84000.org/tipitaka/atthapali/read_th.php?B=15&A=8627
             The Pali Atthakatha in Roman :-
http://84000.org/tipitaka/atthapali/read_rm.php?B=15&A=8627
             Contents of The Tipitaka Volume 21
http://84000.org/tipitaka/read/?index_21