บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 9 : PALI ROMAN Sutta Pitaka Vol 1 : Sutta. Tī. Sī
Mahasihanadasuttam atthamam [260] Evamme sutam . ekam samayam bhagava ujunnayam viharati kannakathale migadaye . athakho acelo kassapo yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam atthasi . ekamantam thito kho acelo kassapo bhagavantam etadavoca sutametam bho gotama samano gotamo sabbantapam garahati sabbantapassim lukhajivim ekamsena upakkosati upavadatiti ye te bho gotama evamahamsu samano gotamo sabbantapam garahati sabbantapassim lukhajivim ekamsena upakkosati upavadatiti kacci te bhoto gotamassa vuttavadino na ca bhavantam gotamam abhutena abbhacikkhanti dhammassa ca anudhammam byakaronti na ca koci sahadhammiko vadanuvado garayham thanam agacchati anabbhakkhatukama hi mayam bhavantam gotamanti. {260.1} Ye te kassapa evamahamsu samano gotamo sabbantapam garahati sabbantapassim lukhajivim ekamsena upakkosati upavadatiti na me te vuttavadino abbhacikkhanti na ca mam te asata abhutena. Idhaham kassapa ekaccam tapassim lukhajivim passami dibbena cakkhuna visuddhena atikkantamanusakena kayassa bheda param marana apayam duggatim vinipatam nirayam upapannam idha panaham kassapa ekaccam tapassim lukhajivim passami dibbena cakkhuna Visuddhena atikkantamanusakena kayassa bheda param marana sugatim saggam lokam upapannam. {260.2} Idha panaham kassapa ekaccam tapassim appadukkhaviharim passami dibbena cakkhuna visuddhena atikkantamanusakena kayassa bheda param marana apayam duggatim vinipatam nirayam upapannam. Idha panaham kassapa ekaccam tapassim appadukkhaviharim passami dibbena cakkhuna visuddhena atikkantamanusakena kayassa bheda param marana sugatim saggam lokam upapannam . soham kassapa imesam tapassinam evam agatinca gatinca cutinca upapattinca yathabhutam pajanami soham kim sabbantapam garahissami sabbantapassim lukhajivim ekamsena upakkosissami upavadissami.The Pali Tipitaka in Roman Character Volume 9 page 205-206. http://84000.org/tipitaka/read/roman_item_s.php?book=9&item=260&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=9&item=260&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=9&item=260&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=9&item=260&items=1&modeTY=2 Study Atthakatha :- http://84000.org/tipitaka/attha/attha.php?b=9&i=260 The Pali Atthakatha in Thai :- http://84000.org/tipitaka/atthapali/read_th.php?B=4&A=7552 The Pali Atthakatha in Roman :- http://84000.org/tipitaka/atthapali/read_rm.php?B=4&A=7552 Contents of The Tipitaka Volume 9 http://84000.org/tipitaka/read/?index_9
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]