PaliRoman Vol.1

[48] Makkati vajjiputta ca gihi naggo ca titthiya darikuppalavanna ca byanjanehipare duve mata dhita bhagini ca jaya ca mudulambina dve vana lepacittanca darudhitalikaya ca sundarena saha panca panca sivathikatthika nagi yakkhi ca peti ca pandakopahato chupe bhaddiye araham sutto savatthiyam caturopare vesaliya tayo malla supino bharukacchako supabba saddha bhikkhuni sikkhamana samaneri ca vesiya pandako gihi annamannam vuddhapabbajito migoti. [49] Tena kho pana samayena annataro bhikkhu makkatiya methunam dhammam patisevi . tassa kukkuccam ahosi bhagavata sikkhapadam pannattam kacci nu kho aham parajikam apattim apannoti . bhagavato etamattham arocesi. Apattim tvam bhikkhu apanno parajikanti.

--------------------------------------------------------------------------------------------- page63.

[50] Tena kho pana samayena sambahula vesalika vajjiputtaka bhikkhu sikkham appaccakkhaya dubbalyam anavikatva methunam dhammam patisevimsu . tesam kukkuccam ahosi bhagavata sikkhapadam pannattam kacci nu kho mayam parajikam apattim apannati . bhagavato etamattham arocesum. Apattim tumhe bhikkhave apanna parajikanti. [51] Tena kho pana samayena annataro bhikkhu evam me anapatti bhavissatiti gihilingena methunam dhammam patisevi . tassa kukkuccam ahosi .pe. Apattim tvam bhikkhu apanno parajikanti. [52] Tena kho pana samayena annataro bhikkhu evam me anapatti bhavissatiti naggo hutva methunam dhammam patisevi . tassa kukkuccam ahosi .pe. Apattim tvam bhikkhu apanno parajikanti. [53] Tena kho pana samayena annataro bhikkhu evam me anapatti bhavissatiti kusaciram nivasetva .pe. vakaciram nivasetva phalakaciram nivasetva kesakambalam nivasetva valakambalam nivasetva ulukapakkham nivasetva ajinakkhipam nivasetva methunam dhammam patisevi . Tassa kukkuccam ahosi .pe. apattim tvam bhikkhu apanno parajikanti. [54] Tena kho pana samayena annataro pindacariko bhikkhu pithake nipannam darikam passitva saratto anguttham angajatam pavesesi . sa kalamakasi . tassa kukkuccam ahosi .pe.

--------------------------------------------------------------------------------------------- page64.

Anapatti bhikkhu parajikassa apatti sanghadisesassati. [55] Tena kho pana samayena annataro manavako uppalavannaya bhikkhuniya patibaddhacitto hoti . athakho so manavako uppalavannaya bhikkhuniya gamam pindaya pavitthaya kutikam pavisitva nilino acchi . Uppalavanna bhikkhuni pacchabhattam pindapatapatikkanta pade pakkhaletva kutikam pavisitva mancake nisidi . athakho so manavako uppalavannam bhikkhunim uggahetva dusesi . uppalavanna bhikkhuni bhikkhuninam etamattham arocesi . bhikkhuniyo bhikkhunam etamattham arocesum. Bhikkhu bhagavato etamattham arocesum. Anapatti bhikkhave asadiyantiyati. [56] Tena kho pana samayena annatarassa bhikkhuno itthilingam patubhutam hoti . bhagavato etamattham arocesum . anujanami bhikkhave tamyeva upajjham tameva upasampadam tani vassani bhikkhunihi sankamitum ya apattiyo bhikkhunam bhikkhunihi sadharana ta apattiyo bhikkhuninam santike vutthatum ya apattiyo bhikkhunam bhikkhunihi asadharana tahi apattihi anapattiti . tena kho pana samayena annatarissa bhikkhuniya purisalingam patubhutam hoti . bhagavato etamattham arocesum. Anujanami bhikkhave tamyeva upajjham tameva upasampadam tani vassani bhikkhuhi sankamitum ya apattiyo bhikkhuninam bhikkhuhi sadharana ta apattiyo bhikkhunam santike vutthatum ya apattiyo bhikkhuninam bhikkhuhi

--------------------------------------------------------------------------------------------- page65.

Asadharana tahi apattihi anapattiti. [57] Tena kho pana samayena annataro bhikkhu evam me anapatti bhavissatiti matuya methunam dhammam patisevi .pe. dhituya methunam dhammam patisevi .pe. bhaginiya methunam dhammam patisevi . tassa kukkuccam ahosi .pe. bhagavato etamattham arocesi . apattim tvam bhikkhu apanno parajikanti . tena kho pana samayena annataro bhikkhu puranadutiyikaya methunam dhammam patisevi . tassa kukkuccam ahosi .pe. Apattim tvam bhikkhu apanno parajikanti. [58] Tena kho pana samayena annataro bhikkhu mudupitthiko hoti. So anabhiratiya pilito attano angajatam mukhena aggahesi . tassa kukkuccam ahosi .pe. apattim tvam bhikkhu apanno parajikanti . Tena kho pana samayena annataro bhikkhu lambi hoti . So anabhiratiya pilito attano angajatam attano vaccamaggam pavesesi . tassa kukkuccam ahosi .pe. Apattim tvam bhikkhu apanno parajikanti. [59] Tena kho pana samayena annataro bhikkhu matasariram passi. Tasmim ca sarire angajatasamanta vano hoti . so evam me anapatti bhavissatiti angajate angajatam pavesetva vanena nihari . Tassa kukkuccam ahosi .pe. apattim tvam bhikkhu apanno parajikanti . tena kho pana samayena annataro bhikkhu matasariram passi . tasmim ca sarire angajatasamanta vano hoti . so

--------------------------------------------------------------------------------------------- page66.

Evam me anapatti bhavissatiti vane angajatam pavesetva angajatena nihari . tassa kukkuccam ahosi .pe. apattim tvam bhikkhu apanno parajikanti. [60] Tena kho pana samayena annataro bhikkhu saratto lepacittassa nimittam angajatena chupi . tassa kukkuccam ahosi .pe. Anapatti bhikkhu parajikassa apatti dukkatassati . tena kho pana samayena annataro bhikkhu saratto darudhitalikaya nimittam angajatena chupi . Tassa kukkuccam ahosi .pe. Anapatti bhikkhu parajikassa apatti dukkatassati. [61] Tena kho pana samayena sundaro nama bhikkhu rajagaha pabbajito rathikaya gacchati . annatara itthi tam passitva etadavoca ^1- muhuttam bhante agamehi vandissamiti . sa vandanti antaravasakam ukkhipitva mukhena angajatam aggahesi . tassa kukkuccam ahosi .pe. Sadiyi tvam bhikkhuti. Naham bhagava sadiyinti. Anapatti bhikkhu asadiyantassati. [62] Tena kho pana samayena annatara itthi bhikkhum passitva etadavoca ehi bhante methunam dhammam patisevati . alam bhagini netam kappatiti . ehi bhante aham vayamissami tvam ma vayami evante anapatti bhavissatiti . so bhikkhu tatha akasi . tassa @Footnote: ¹ tam passitva etadavocati yuropiyamarammapotthakesu na dissati.

--------------------------------------------------------------------------------------------- page67.

Kukkuccam ahosi .pe. Apattim tvam bhikkhu apanno parajikanti. {62.1} Tena kho pana samayena annatara itthi bhikkhum passitva etadavoca ehi bhante methunam dhammam patisevati . alam bhagini netam kappatiti. Ehi bhante tvam vayamahi aham na vayamissami evante anapatti bhavissatiti . so bhikkhu tatha akasi . tassa kukkuccam ahosi .pe. Apattim tvam bhikkhu apanno parajikanti. {62.2} Tena kho pana samayena annatara itthi bhikkhum passitva etadavoca ehi bhante methunam dhammam patisevati . alam bhagini netam kappatiti . ehi bhante abbhantaram ghattetva bahi mocehi .pe. Bahi ghattetva abbhantaram mocehi evante anapatti bhavissatiti . So bhikkhu tatha akasi . tassa kukkuccam ahosi .pe. apattim tvam bhikkhu apanno parajikanti. [63] Tena kho pana samayena annataro bhikkhu sivathikam gantva akkhayitam ^1- sariram passitva tasmim methunam dhammam patisevi . tassa kukkuccam ahosi .pe. apattim tvam bhikkhu apanno parajikanti . Tena kho pana samayena annataro bhikkhu sivathikam gantva yebhuyyena akkhayitam sariram passitva tasmim methunam dhammam patisevi . tassa kukkuccam ahosi .pe. apattim tvam bhikkhu apanno parajikanti . Tena kho pana samayena annataro bhikkhu sivathikam gantva yebhuyyena @Footnote: ¹ Yu. Ma. akkhayitam.

--------------------------------------------------------------------------------------------- page68.

Khayitam ^1- sariram passitva tasmim methunam dhammam patisevi . tassa kukkuccam ahosi .pe. anapatti bhikkhu parajikassa apatti thullaccayassati . tena kho pana samayena annataro bhikkhu sivathikam gantva chinnasisam passitva vivattakate ^2- mukhe chupantam angajatam pavesesi . tassa kukkuccam ahosi .pe. apattim tvam bhikkhu apanno parajikanti . tena kho pana samayena annataro bhikkhu sivathikam gantva chinnasisam passitva vivattakate mukhe acchupantam angajatam pavesesi . tassa kukkuccam ahosi .pe. anapatti bhikkhu parajikassa apatti dukkatassati . tena kho pana samayena annataro bhikkhu annatarissa itthiya patibaddhacitto hoti . Sa kalakata ^3- susane chaddita ^4- . atthikani vippakinnani honti . athakho so bhikkhu sivathikam gantva atthikani sankaddhitva nimitte angajatam patipadesi . tassa kukkuccam ahosi .pe. Anapatti bhikkhu parajikassa apatti dukkatassati. [64] Tena kho pana samayena annataro bhikkhu nagiya methunam dhammam patisevi . tassa kukkuccam ahosi .pe. apattim tvam bhikkhu apanno parajikanti . tena kho pana samayena annataro bhikkhu yakkhiniya methunam dhammam patisevi .pe. petiya methunam dhammam @Footnote: ¹ Yu. Ma. khayitam. ² Yu. Ma. vattakate. ³ Yu. Ma. Ra. kalankata. @⁴ Yu. Ma. chadditani.

--------------------------------------------------------------------------------------------- page69.

Patisevi .pe. pandakassa methunam dhammam patisevi . tassa kukkuccam ahosi .pe. Apattim tvam bhikkhu apanno parajikanti. [65] Tena kho pana samayena annataro bhikkhu upahatindriyo hoti . so naham vediyami sukham va dukkham va anapatti ^1- me bhavissatiti methunam dhammam patisevi .pe. bhagavato etamattham arocesum . vedayi va so bhikkhave moghapuriso na va vedayi apatti parajikassati. [66] Tena kho pana samayena annataro bhikkhu itthiya methunam dhammam patisevissamiti chupitamatte vippatisari ahosi . tassa kukkuccam ahosi .pe. anapatti bhikkhu parajikassa apatti dukkatassati. [67] Tena kho pana samayena annataro bhikkhu bhaddiye ^2- jatiyavane divaviharagato nipanno hoti . tassa angamangani vatupatthaddhani honti . annatara itthi passitva angajate abhinisiditva yavadattham katva pakkami . bhikkhu kilinnam passitva bhagavato etamattham arocesi ^3- . pancahi bhikkhave akarehi angajatam kammaniyam ^4- hoti ragena vaccena passavena vatena uccalingapanaka- datthena imehi kho bhikkhave pancahakarehi angajatam kammaniyam @Footnote: ¹ Yu. Ma. evam anapatti. ² Ma. bhaddiyanagare. ³ ayamattho @yuropiyamarammapotthakesu bahuvacanavasena kato. ⁴ Yu. kammaniyam.

--------------------------------------------------------------------------------------------- page70.

Hoti atthanametam bhikkhave anavakaso yam tassa bhikkhuno ragena angajatam kammaniyam assa araham so bhikkhave bhikkhu anapatti bhikkhave tassa bhikkhunoti. [68] Tena kho pana samayena annataro bhikkhu savatthiyam andhavane divaviharagato nipanno hoti . annatara gopalika passitva angajate abhinisidi . so bhikkhu pavesanam sadiyi pavittham sadiyi thitam sadiyi uddharanam sadiyi . tassa kukkuccam ahosi .pe. apattim tvam bhikkhu apanno parajikanti . tena kho pana samayena annataro bhikkhu savatthiyam andhavane divaviharagato nipanno hoti . annatara ajapalika passitva .pe. annatara katthaharika passitva .pe. Annatara gomayaharika passitva angajate abhinisidi . so bhikkhu pavesanam sadiyi pavittham sadiyi thitam sadiyi uddharanam sadiyi . tassa kukkuccam ahosi .pe. Apattim tvam bhikkhu apanno parajikanti. [69] Tena kho pana samayena annataro bhikkhu vesaliyam mahavane divaviharagato nipanno hoti . annatara itthi passitva angajate abhinisiditva yavadattham katva samanta hasamana thita hoti . so bhikkhu patibujjhitva tam itthim etadavoca tuyhidam kammanti . ama mayhidam ^1- kammanti . tassa kukkuccam ahosi .pe. janasi ^2- tvam bhikkhuti . naham bhagava janamiti . anapatti bhikkhu ajanantassati. @Footnote: ¹ Yu. Ma. mayham. ² Yu. Ma. sadiyi.

--------------------------------------------------------------------------------------------- page71.

Tena kho pana samayena annataro bhikkhu vesaliyam mahavane divaviharagato rukkham apassaya nipanno hoti . annatara itthi passitva angajate abhinisidi . so bhikkhu sahasa vutthasi. Tassa kukkuccam ahosi .pe. Sadiyi tvam bhikkhuti . naham bhagava sadiyinti. Anapatti bhikkhu asadiyantassati. Tena kho pana samayena annataro bhikkhu vesaliyam mahavane divaviharagato rukkham apassaya nipanno hoti . annatara itthi passitva angajate abhinisidi . so bhikkhu akkamitva pavattesi. Tassa kukkuccam ahosi .pe. Sadiyi tvam bhikkhuti . naham bhagava sadiyinti . anapatti bhikkhu asadiyantassati. [70] Tena kho pana samayena annataro bhikkhu vesaliyam mahavane kutagarasalayam divaviharagato dvaram vivaritva nipanno hoti . Tassa angamangani vatupatthaddhani honti . tena kho pana samayena sambahula itthiyo gandhanca malanca adaya aramam agamamsu viharapekkhikayo . athakho ta itthiyo tam bhikkhum passitva angajate abhinisiditva yavadattham katva purisusabho vatayanti vatva gandhanca malanca aropetva pakkamimsu . bhikkhu kilinnam passitva bhagavato etamattham arocesi ^1- . pancahi bhikkhave akarehi angajatam kammaniyam hoti ragena vaccena passavena vatena uccalingapanakadatthena @Footnote: ¹ idhapi thane tesu vuttapotthakesu bahuvacanavasena payogo kato.

--------------------------------------------------------------------------------------------- page72.

Imehi kho bhikkhave pancahakarehi angajatam kammaniyam hoti atthanametam bhikkhave anavakaso yam tassa bhikkhuno ragena angajatam kammaniyam assa araham so bhikkhave bhikkhu anapatti bhikkhave tassa bhikkhuno anujanami bhikkhave diva patisalliyantena dvaram samvaritva patisalliyitunti. [71] Tena kho pana samayena annataro bharukacchako bhikkhu supinantena puranadutiyikaya methunam dhammam patisevitva assamano aham vibbhamissamiti bharukaccham gacchanto antaramagge ayasmantam upalim passitva etamattham arocesi . ayasma upali evamaha anapatti avuso supinantenati. [72] Tena kho pana samayena rajagahe supabba nama upasika muduppasanna ^1- hoti . sa evamditthika hoti ya methunam dhammam deti sa aggadanam detiti . sa bhikkhum passitva etadavoca ehi bhante methunam dhammam patisevati . alam bhagini netam kappatiti . Ehi bhante uruntarikaya ^2- ghattehi evante anapatti bhavissatiti . So bhikkhu tatha akasi . tassa kukkuccam ahosi .pe. anapatti bhikkhu parajikassa apatti sanghadisesassati. {72.1} Tena kho pana samayena rajagahe sapabba nama upasika muduppasanna hoti . sa evamditthika hoti ya methunam dhammam deti sa aggadanam detiti . sa @Footnote: ¹ yebhuyyena buddhappasannati dissati. ² Yu. Ma. urantarikaya.

--------------------------------------------------------------------------------------------- page73.

Bhikkhum passitva etadavoca ehi bhante methunam dhammam patisevati . Alam bhagini netam kappatiti . ehi bhante nabhiyam ^1- ghattehi .pe. ehi bhante udaravattiyam ^2- ghattehi .pe. ehi bhante upakacchake ghattehi .pe. ehi bhante givayam ^3- ghattehi .pe. Ehi bhante kannacchidde ghattehi .pe. ehi bhante kesavattiyam ^4- ghattehi .pe. ehi bhante angulantarikaya ghattehi .pe. ehi bhante hatthena upakkamitva mocessami evante anapatti bhavissatiti . so bhikkhu tatha akasi . tassa kukkuccam ahosi .pe. Anapatti bhikkhu parajikassa apatti sanghadisesassati. [73] Tena kho pana samayena savatthiyam saddha nama upasika muduppasanna hoti . sa evamditthika hoti ya methunam dhammam deti sa aggadanam detiti . sa bhikkhum passitva etadavoca ehi bhante methunam dhammam patisevati . alam bhagini netam kappatiti . Ehi bhante uruntarikaya ghattehi evante anapatti bhavissatiti . So bhikkhu tatha akasi . tassa kukkuccam ahosi .pe. anapatti bhikkhu parajikassa apatti sanghadisesassati. [74] Tena kho pana samayena savatthiyam saddha nama upasika @Footnote: ¹ Yu. Ma. nabhiya. ² Yu. Ma. udaravattiya. ³ Yu. Ma. givaya. @⁴ Yu. Ma. kesavattiya.

--------------------------------------------------------------------------------------------- page74.

Muduppasanna hoti . sa evamditthika hoti ya methunam dhammam deti sa aggadanam detiti . sa bhikkhum passitva etadavoca ehi bhante methunam dhammam patisevati . alam bhagini netam kappatiti . Ehi bhante nabhiyam ghattehi .pe. ehi bhante udaravattiyam ghattehi .pe. ehi bhante upakacchake ghattehi .pe. Ehi bhante givayam ghattehi .pe. ehi bhante kannacchidde ghattehi .pe. ehi bhante kesavattiyam ghattehi .pe. ehi bhante angulantarikaya ghattehi .pe. ehi bhante hatthena upakkamitva mocessami evante anapatti bhavissatiti . so bhikkhu tatha akasi . tassa kukkuccam ahosi .pe. anapatti bhikkhu parajikassa apatti sanghadisesassati ^1-. [75] Tena kho pana samayena vesaliyam licchavikumaraka bhikkhum gahetva bhikkhuniya vippatipadesum . ubho sadiyimsu ubho nasetabba . ubho na sadiyimsu ubhinnam anapatti . tena kho pana samayena vesaliyam licchavikumaraka bhikkhum gahetva sikkhamanaya vippatipadesum .pe. Samaneriya vippatipadesum . ubho sadiyimsu ubho nasetabba . Ubho na sadiyimsu ubhinnam anapatti. [76] Tena kho pana samayena vesaliyam licchavikumaraka bhikkhum gahetva vesiya vippatipadesum .pe. pandake vippatipadesum @Footnote: ¹ yatha purimesu vatthusu visadisata dissati tatha imesupi vatthusu.

--------------------------------------------------------------------------------------------- page75.

.pe. Gihiniya vippatipadesum . bhikkhu sadiyi bhikkhu nasetabbo . Bhikkhu na sadiyi bhikkhussa anapatti . tena kho pana samayena vesaliyam licchavikumaraka bhikkhum gahetva annamannam vippatipadesum . ubho sadiyimsu ubho nasetabba. Ubho na sadiyimsu ubhinnam anapatti. [77] Tena kho pana samayena annataro vuddhapabbajito bhikkhu puranadutiyikaya dassanam agamasi . sa ehi bhante vibbhamati aggahesi . so bhikkhu patikkamanto uttano paripati . sa ubbhujitva angajate abhinisidi . tassa kukkuccam ahosi . bhagavato etamattham arocesi . sadiyi tvam bhikkhuti . Naham bhagava sadiyinti. Anapatti bhikkhu asadiyantassati. [78] Tena kho pana samayena annataro bhikkhu aranne viharati. Migapotako tassa passavatthanam agantva passavam pivanto mukhena angajatam aggahesi . so bhikkhu sadiyi . tassa kukkuccam ahosi. Bhagavato etamattham arocesi . apattim tvam bhikkhu apanno parajikanti. Pathamaparajikam nitthitam. ------------

The Pali Tipitaka in Roman Character Volume 1 page 62-75. https://84000.org/tipitaka/read/roman_read.php?B=1&A=1192&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=1&A=1192&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=1&item=48&items=31 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=1&siri=13 Study Atthakatha :- https://84000.org/tipitaka/attha/attha.php?b=1&i=48 The Pali Atthakatha in Thai :- https://84000.org/tipitaka/atthapali/read_th.php?B=1&A=6863 The Pali Atthakatha in Roman :- https://84000.org/tipitaka/atthapali/read_rm.php?B=1&A=6863 Contents of The Tipitaka Volume 1 https://84000.org/tipitaka/read/?index_1 https://84000.org/tipitaka/english/?index_1