|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 12 : PALI ROMAN Sutta Pitaka Vol 4 : Sutta. Ma. Mū.
Sallekhasuttam [100] Evamme sutam ekam samayam bhagava savatthiyam viharati jetavane anathapindikassa arame . atha kho ayasma mahacundo sayanhasamayam patisallana vutthito yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma mahacundo bhagavantam etadavoca ya ima bhante anekavihita ditthiyo loke uppajjanti attavadapatisamyutta va lokavadapatisamyutta va adimeva nu kho bhante bhikkhuno manasikaroto evametasam ditthinam pahanam hoti evametasam ditthinam patinissaggo hotiti. [101] Ya ima cunda anekavihita ditthiyo loke uppajjanti attavadapatisamyutta va lokavadapatisamyutta va yattha ceta ditthiyo uppajjanti yattha 1- ca anusenti yattha ca samudacaranti tam netam mama nesohamasmi na meso attati evametam yathabhutam sammappannaya passato evametasam ditthinam pahanam hoti evametasam ditthinam patinissaggo hoti. [102] Thanam kho panetam cunda vijjati yam idhekacco bhikkhu @Footnote: 1 Si. yattha ceta anusenti yattha ceta samudacaranti.--------------------------------------------------------------------------------------------- page73.
Vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja vihareyya tassa evamassa sallekhena viharamiti na kho panete cunda ariyassa vinaye sallekha vuccanti ditthadhammasukhavihara ete ariyassa vinaye vuccanti. {102.1} Thanam kho panetam cunda vijjati yam idhekacco bhikkhu vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja vihareyya tassa evamassa sallekhena viharamiti na kho panete cunda ariyassa vinaye sallekha vuccanti ditthadhammasukhavihara ete ariyassa vinaye vuccanti. {102.2} Thanam kho panetam cunda vijjati yam idhekacco bhikkhu pitiya ca viraga upekkhako ca vihareyya sato ca sampajano sukhanca kayena patisamvedeyya yantam ariya acikkhanti upekkhako satima sukhavihariti tatiyam jhanam upasampajja vihareyya tassa evamassa sallekhena viharamiti na kho panete cunda ariyassa vinaye sallekha vuccanti ditthadhammasukhavihara ete ariyassa vinaye vuccanti. {102.3} Thanam kho panetam cunda vijjati yam idhekacco bhikkhu sukhassa ca pahana dukkhassa ca pahana pubbeva somanassadomanassanam atthangama adukkhamasukham upekkhasatiparisuddhim catuttham jhanam upasampajja vihareyya tassa evamassa sallekhena viharamiti na kho panete cunda ariyassa vinaye--------------------------------------------------------------------------------------------- page74.
Sallekha vuccanti ditthadhammasukhavihara ete ariyassa vinaye vuccanti. [103] Thanam kho panetam cunda vijjati ayam idhekacco bhikkhu sabbaso rupasannanam samatikkama patighasannanam atthangama nanattasannanam amanasikara ananto akasoti akasanancayatanam upasampajja vihareyya tassa evamassa sallekhena viharamiti na kho panete cunda ariyassa vinaye sallekha vuccanti santa ete vihara ariyassa vinaye vuccanti. {103.1} Thanam kho panetam cunda vijjati yam idhekacco bhikkhu sabbaso akasanancayatanam samatikkamma anantam vinnananti vinnanancayatanam upasampajja vihareyya tassa evamassa sallekhena viharamiti na kho panete cunda ariyassa vinaye sallekha vuccanti santa ete vihara ariyassa vinaye vuccanti. {103.2} Thanam kho panetam cunda vijjati yam idhekacco bhikkhu sabbaso vinnanancayatanam samatikkamma natthi kinciti akincannayatanam upasampajja vihareyya tassa evamassa sallekhena viharamiti na kho panete cunda ariyassa vinaye sallekha vuccanti santa ete vihara ariyassa vinaye vuccanti. {103.3} Thanam kho panetam cunda vijjati yam idhekacco bhikkhu sabbaso akincannayatanam samatikkamma nevasannanasannayatanam upasampajja vihareyya tassa evamassa sallekhena viharamiti na kho panete cunda ariyassa vinaye--------------------------------------------------------------------------------------------- page75.
Sallekha vuccanti santa ete vihara ariyassa vinaye vuccanti. [104] Idha kho pana vo cunda sallekho karaniyo . pare vihimsaka bhavissanti mayamettha avihimsaka bhavissamati sallekho karaniyo . pare panatipati bhavissanti mayamettha panatipata pativirata bhavissamati sallekho karaniyo . pare adinnadayi bhavissanti mayamettha adinnadana pativirata bhavissamati sallekho karaniyo . pare abrahmacari bhavissanti mayamettha brahmacari bhavissamati sallekho karaniyo. {104.1} Pare musavadi bhavissanti mayamettha musavada pativirata bhavissamati sallekho karaniyo . Pare pisunavaca 1- bhavissanti mayamettha pisunaya vacaya pativirata bhavissamati sallekho karaniyo . pare pharusavaca 2- bhavissanti mayamettha pharusaya vacaya pativirata bhavissamati sallekho karaniyo . pare samphappalapi bhavissanti mayamettha samphappalapa pativirata bhavissamati sallekho karaniyo. {104.2} Pare abhijjhalu bhavissanti mayamettha anabhijjhalu bhavissamati sallekho karaniyo . pare byapannacitta bhavissanti mayamettha abyapannacitta bhavissamati sallekho karaniyo . pare micchaditthika 3- bhavissanti mayamettha sammaditthika 4- bhavissamati sallekho karaniyo . pare @Footnote: 1 Si. Yu. pisuna vaca. 2 pharusa vaca. 3 Si. Yu. micchaditthi. @4 Si. Yu. sammaditthi.--------------------------------------------------------------------------------------------- page76.
Micchasankappa bhavissanti mayamettha sammasankappa bhavissamati sallekho karaniyo . pare micchavaca bhavissanti mayamettha sammavaca bhavissamati sallekho karaniyo . pare micchakammanta bhavissanti mayamettha sammakammanta bhavissamati sallekho karaniyo . pare micchaajiva bhavissanti mayamettha sammaajiva bhavissamati sallekho karaniyo . pare micchavayama bhavissanti mayamettha sammavayama bhavissamati sallekho karaniyo. {104.3} Pare micchasati bhavissanti mayamettha sammasati bhavissamati sallekho karaniyo . pare micchasamadhi bhavissanti mayamettha sammasamadhi bhavissamati sallekho karaniyo . pare micchanani bhavissanti mayamettha sammanani bhavissamati sallekho karaniyo . pare micchavimutti bhavissanti mayamettha sammavimutti bhavissamati sallekho karaniyo. {104.4} Pare thinamiddhapariyutthita bhavissanti mayamettha vigatathinamiddha bhavissamati sallekho karaniyo . pare uddhata bhavissanti mayamettha anuddhata bhavissamati sallekho karaniyo . Pare vecikicchi bhavissanti mayamettha tinnavicikiccha bhavissamati sallekho karaniyo . pare kodhana bhavissanti mayamettha akkodhana bhavissamati sallekho karaniyo . pare upanahi bhavissanti mayamettha anupanahi bhavissamati sallekho karaniyo . pare makkhi bhavissanti mayamettha amakkhi bhavissamati sallekho karaniyo .--------------------------------------------------------------------------------------------- page77.
Pare palasi bhavissanti mayamettha apalasi bhavissamati sallekho karaniyo . pare issuki bhavissanti mayamettha anissuki bhavissamati sallekho karaniyo . pare macchari bhavissanti mayamettha amacchari bhavissamati sallekho karaniyo . pare satha bhavissanti mayamettha asatha bhavissamati sallekho karaniyo . pare mayavi bhavissanti mayamettha amayavi bhavissamati sallekho karaniyo . pare thaddha bhavissanti mayamettha athaddha bhavissamati sallekho karaniyo . Pare atimani bhavissanti mayamettha anatimani bhavissamati sallekho karaniyo. {104.5} Pare dubbaca bhavissanti mayamettha suvaca bhavissamati sallekho karaniyo . pare papamitta bhavissanti mayamettha kalyanamitta bhavissamati sallekho karaniyo . pare pamatta bhavissanti mayamettha appamatta bhavissamati sallekho karaniyo . Pare asaddha bhavissanti mayamettha saddha bhavissamati sallekho karaniyo . pare ahirika bhavissanti mayamettha hirimana bhavissamati sallekho karaniyo . pare anottappi 1- bhavissanti mayamettha ottappi bhavissamati sallekho karaniyo . pare appasuta bhavissanti mayamettha bahussuta bhavissamati sallekho karaniyo . pare kusita bhavissanti mayamettha araddhaviriya bhavissamati sallekho karaniyo . pare mutthassati bhavissanti mayamettha upatthitasati @Footnote: 1 Si. anuttapi. Ma. Yu. anottapi.--------------------------------------------------------------------------------------------- page78.
Bhavissamati sallekho karaniyo . pare duppanna bhavissanti mayamettha pannasampanna bhavissamati sallekho karaniyo . Pare sanditthiparamasiadhanagahiduppatinissaggi bhavissanti mayamettha asanditthiparamasianadhanagahisupatinissaggi bhavissamati sallekho karaniyo. [105] Cittuppadampi kho aham cunda kusalesu dhammesu bahukaram vadami ko pana vado kayena vacaya anuvidhiyanasu . tasmatiha cunda pare vihimsaka bhavissanti mayamettha avihimsaka bhavissamati cittam uppadetabbam . pare panatipati bhavissanti mayamettha panatipata pativirata bhavissamati cittam uppadetabbam .pe. Pare sanditthiparamasiadhanagahiduppatinissaggi bhavissanti mayamettha asanditthiparamasianadhanagahisupatinissaggi bhavissamati cittam uppadetabbam. [106] Seyyathapi cunda visamo maggo tassassa 1- anno samo maggo parikkamanaya seyyathapi pana cunda visamam tittham tassassa annam samam tittham parikkamanaya evameva kho cunda vihimsakassa purisapuggalassa avihimsa hoti parikkamanaya . panatipatissa purisapuggalassa panatipata veramani hoti parikkamanaya . Adinnadayissa purisapuggalassa adinnadana veramani hoti parikkamanaya . abrahmacarissa purisapuggalassa brahmacariyam hoti @Footnote: 1 Ma. assa tassa.--------------------------------------------------------------------------------------------- page79.
Parikkamanaya . musavadissa purisapuggalassa musavada veramani hoti parikkamanaya . pisunavacassa 1- purisapuggalassa pisunaya vacaya veramani hoti parikkamanaya . pharusavacassa 2- purisapuggalassa pharusaya vacaya veramani hoti parikkamanaya . samphappalapissa purisapuggalassa samphappalapa veramani hoti parikkamanaya . Abhijjhalussa purisapuggalassa anabhijjha hoti parikkamanaya . Byapannacittassa purisapuggalassa abyapado hoti parikkamanaya. {106.1} Micchaditthikassa purisapuggalassa sammaditthi hoti parikkamanaya . micchasankappassa purisapuggalassa sammasankappo hoti parikkamanaya . micchavacassa purisapuggalassa sammavaca hoti parikkamanaya . micchakammantassa purisapuggalassa sammakammanto hoti parikkamanaya . micchaajivassa purisapuggalassa sammaajivo hoti parikkamanaya . micchavayamassa purisapuggalassa sammavayamo hoti parikkamanaya . micchasatissa purisapuggalassa sammasati hoti parikkamanaya . micchasamadhissa purisapuggalassa sammasamadhi hoti parikkamanaya . micchananissa purisapuggalassa sammananam hoti parikkamanaya . micchavimuttissa purisapuggalassa sammavimutti hoti parikkamanaya. {106.2} Thinamiddhapariyutthitassa purisapuggalassa vigatathinamiddhata hoti parikkamanaya . uddhatassa purisapuggalassa @Footnote: 1 Si. Yu. pisunavacassa. 2 pharusavacassa.--------------------------------------------------------------------------------------------- page80.
Anuddhaccam hoti parikkamanaya . vecikicchissa purisapuggalassa tinnavicikicchata hoti parikkamanaya . kodhanassa purisapuggalassa akkodho hoti parikkamanaya . upanahissa purisapuggalassa anupanaho hoti parikkamanaya . makkhissa purisapuggalassa amakkho hoti parikkamanaya . palasissa purisapuggalassa apalaso hoti parikkamanaya . issukissa purisapuggalassa anissa hoti parikkamanaya . maccharissa parisapuggalassa amacchariyam hoti parikkamanaya. Sathassa purisapuggalassa asatheyyam hoti parikkamanaya . mayavissa purisapuggalassa amaya hoti parikkamanaya. {106.3} Thaddhassa purisapuggalassa athaddhiyam hoti parikkamanaya . Atimanissa purisapuggalassa anatimano hoti parikkamanaya . dubbacassa purisapuggalassa sovacassata hoti parikkamanaya . papamittassa purisapuggalassa kalyanamittata hoti parikkamanaya . pamattassa purisapuggalassa appamado hoti parikkamanaya . asaddhassa purisapuggalassa saddha hoti parikkamanaya . ahirikassa purisapuggalassa hiri hoti parikkamanaya . anottapissa purisapuggalassa ottappam hoti parikkamanaya . appasutassa purisapuggalassa bahusaccam hoti parikkamanaya . kusitassa purisapuggalassa viriyarambho hoti parikkamanaya . mutthassatissa purisapuggalassa upatthitasatita hoti parikkamanaya . duppannassa purisapuggalassa pannasampada hoti--------------------------------------------------------------------------------------------- page81.
Parikkamanaya . sanditthiparamasiadhanagahiduppatinissaggissa purisapuggalassa asanditthiparamasianadhanagahisupatinissaggita hoti parikkamanaya. [107] Seyyathapi cunda yekeci akusala dhamma sabbe te adhobhavangamaniya yekeci kusala dhamma sabbe te uparibhavangamaniya evameva kho cunda vihimsakassa purisapuggalassa avihimsa hoti uparibhavaya . panatipatissa purisapuggalassa panatipata veramani hoti uparibhavaya . adinnadayissa .pe. Sanditthiparamasiadhanagahiduppatinissaggissa purisapuggalassa asanditthiparamasianadhanagahisupatinissaggita hoti uparibhavaya. [108] So vata cunda attana palipapalipanno param palipapalipannam uddharissatiti netam thanam vijjati . so vata cunda attana apalipapalipanno param palipapalipannam uddharissatiti thanametam vijjati . so vata cunda attana adanto avinito aparinibbuto param damessati vinessati parinibbapessatiti netam thanam vijjati . So vata cunda attana danto vinito parinibbuto param damessati vinessati parinibbapessatiti thanametam vijjati . evameva kho cunda vihimsakassa purisapuggalassa avihimsa hoti parinibbanaya . Panatipatissa purisapuggalassa panatipata veramani hoti parinibbanaya . adinnadayissa purisapuggalassa adinnadana--------------------------------------------------------------------------------------------- page82.
Veramani hoti parinibbanaya . abrahmacarissa purisapuggalassa brahmacariyam 1- hoti parinibbanaya . musavadissa purisapuggalassa musavada veramani hoti parinibbanaya . pisunavacassa purisapuggalassa pisunaya vacaya veramani hoti parinibbanaya . pharusavacassa purisapuggalassa pharusaya vacaya veramani hoti parinibbanaya . Samphappalapissa purisapuggalassa samphappalapa veramani hoti parinibbanaya . abhijjhalussa purisapuggalassa anabhijjha hoti parinibbanaya . byapannacittassa purisapuggalassa abyapado hoti parinibbanaya. {108.1} Micchaditthikassa purisapuggalassa sammaditthi hoti parinibbanaya . micchasankappassa purisapuggalassa sammasankappo hoti parinibbanaya . micchavacassa purisapuggalassa sammavaca hoti parinibbanaya . micchakammantassa purisapuggalassa sammakammanto hoti parinibbanaya . micchaajivassa purisapuggalassa sammaajivo hoti parinibbanaya . micchavayamassa purisapuggalassa sammavayamo hoti parinibbanaya. {108.2} Micchasatissa purisapuggalassa sammasati hoti parinibbanaya. Micchasamadhissa purisapuggalassa sammasamadhi hoti parinibbanaya . Micchananissa purisapuggalassa sammananam hoti parinibbanaya . Micchavimuttissa purisapuggalassa sammavimutti hoti parinibbanaya . Thinamiddhapariyutthitassa @Footnote: 1 abrahmacariya veramanitipi patho.--------------------------------------------------------------------------------------------- page83.
Purisapuggalassa vigatathinamiddhata hoti parinibbanaya . uddhatassa purisapuggalassa anuddhaccam hoti parinibbanaya . vecikicchissa purisapuggalassa tinnavicikicchata hoti parinibbanaya . kodhanassa purisapuggalassa akkodho hoti parinibbanaya . upanahissa purisapuggalassa anupanaho hoti parinibbanaya . makkhissa purisapuggalassa amakkho hoti parinibbanaya . palasissa purisapuggalassa apalaso hoti parinibbanaya . issukissa purisapuggalassa anissa hoti parinibbanaya . maccharissa purisapuggalassa amacchariyam hoti parinibbanaya . sathassa purisapuggalassa asatheyyam hoti parinibbanaya . mayavissa purisapuggalassa amaya hoti parinibbanaya. Thaddhassa purisapuggalassa athaddhiyam hoti parinibbanaya. {108.3} Atimanissa purisapuggalassa anatimano hoti parinibbanaya. Dubbacassa purisapuggalassa sovacassata hoti parinibbanaya . Papamittassa purisapuggalassa kalyanamittata hoti parinibbanaya . pamattassa purisapuggalassa appamado hoti parinibbanaya . asaddhassa purisapuggalassa saddha hoti parinibbanaya . ahirikassa purisapuggalassa hiri hoti parinibbanaya . anottappissa purisapuggalassa ottappam hoti parinibbanaya . appasutassa purisapuggalassa bahusaccam hoti parinibbanaya . kusitassa purisapuggalassa viriyarambho hoti parinibbanaya. Mutthassatissa--------------------------------------------------------------------------------------------- page84.
Purisapuggalassa upatthitasatita hoti parinibbanaya . duppannassa purisapuggalassa pannasampada hoti parinibbanaya . Sanditthiparamasiadhanagahiduppatinissaggissa purisapuggalassa asanditthiparamasianadhanagahisupatinissaggita hoti parinibbanaya. [109] Iti kho cunda desito maya sallekhapariyayo desito cittuppadapariyayo desito parikkamanapariyayo desito uparibhavapariyayo desito parinibbanapariyayo . yam kho cunda satthara karaniyam savakanam hitesina anukampakena anukampam upadaya katam vo tam maya . etani cunda rukkhamulani etani sunnagarani jhayatha cunda ma pamadattha ma paccha vippatisarino ahuvattha . Ayam vo 1- amhakam anusasaniti. Idamavoca bhagava attamano ayasma mahacundo bhagavato bhasitam abhinanditi. Catuttalisa pada vutta sandhiyo panca desita sallekho nama suttanto gambhiro sagarupamoti. Sallekhasuttam nitthitam atthamam. --------- @Footnote: 1 Ma. kho.The Pali Tipitaka in Roman Character Volume 12 page 72-84. https://84000.org/tipitaka/read/roman_read.php?B=12&A=1437&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=12&A=1437&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=12&item=100&items=10 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=12&siri=8 Study Atthakatha :- https://84000.org/tipitaka/attha/attha.php?b=12&i=100 The Pali Atthakatha in Thai :- https://84000.org/tipitaka/atthapali/read_th.php?B=7&A=4960 The Pali Atthakatha in Roman :- https://84000.org/tipitaka/atthapali/read_rm.php?B=7&A=4960 Contents of The Tipitaka Volume 12 https://84000.org/tipitaka/read/?index_12 https://84000.org/tipitaka/english/?index_12
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]