|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 12 : PALI ROMAN Sutta Pitaka Vol 4 : Sutta. Ma. Mū.
Vitakkasanthanasuttam [256] Evamme sutam ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti. Bhadanteti te bhikkhu bhagavato paccassosum. [257] Bhagava etadavoca adhicittamanuyuttena bhikkhave bhikkhuna panca nimittani kalena kalam manasikatabbani . katamani panca . Idha bhikkhave bhikkhuno yam nimittam agamma yam nimittam manasikaroto uppajjanti papaka akusala vitakka chandupasanhitapi dosupasanhitapi mohupasanhitapi tena bhikkhave bhikkhuna tamha nimitta annam nimittam manasikatabbam kusalupasanhitam tassa tamha nimitta annam nimittam manasikaroto kusalupasanhitam ye papaka akusala vitakka chandupasanhitapi dosupasanhitapi mohupasanhitapi te pahiyanti te abbhattham gacchanti tesam pahana ajjhattameva cittam santitthati sannisidati ekodibhoti 1- samadhiyati . seyyathapi bhikkhave dakkho phalagando va phalagandantevasi va sukhumaya aniya olarikam anim abhinihaneyya abhinihareyya abhinivatteyya evameva kho bhikkhave bhikkhuno yam nimittam agamma yam nimittam manasikaroto uppajjanti papaka akusala vitakka chandupasanhitapi @Footnote: 1 Si. Ma. Yu. ekodi hoti.--------------------------------------------------------------------------------------------- page242.
Dosupasanhitapi mohupasanhitapi tena bhikkhave bhikkhuna tamha nimitta annam nimittam manasikatabbam kusalupasanhitam tassa tamha nimitta annam nimittam manasikaroto kusalupasanhitam ye papaka akusala vitakka chandupasanhitapi dosupasanhitapi mohupasanhitapi te pahiyanti te abbhattham gacchanti tesam pahana ajjhattameva cittam santitthati sannisidati ekodibhoti samadhiyati. [258] Tassa ce bhikkhave bhikkhuno tamha nimitta annam nimittam manasikaroto kusalupasanhitam uppajjanteva papaka akusala vitakka chandupasanhitapi dosupasanhitapi mohupasanhitapi tena bhikkhave bhikkhuna tesam vitakkanam adinavo upaparikkhitabbo itipime vitakka akusala itipime vitakka savajja itipime vitakka dukkhavipakati . tassa tesam vitakkanam adinavam upaparikkhato ye papaka akusala vitakka chandupasanhitapi dosupasanhitapi mohupasanhitapi te pahiyanti te abbhattham gacchanti tesam pahana ajjhattameva cittam santitthati sannisidati ekodibhoti samadhiyati. {258.1} Seyyathapi bhikkhave itthi va puriso va daharo yuva mandanakajatiko ahikunapena va kukkurakunapena va manussakunapena va kanthe alaggena 1- attiyeyya harayeyya jiguccheyya evameva kho bhikkhave tassa ce bhikkhuno tamha 2- nimitta annam @Footnote: 1 Si. Ma. Yu. asattena. 2 Ma. tamhapimti dissati.--------------------------------------------------------------------------------------------- page243.
Nimittam manasikaroto kusalupasanhitam uppajjanteva papaka akusala vitakka chandupasanhitapi dosupasanhitapi mohupasanhitapi tena bhikkhave bhikkhuna tesam vitakkanam adinavo upaparikkhitabbo itipime vitakka akusala itipime vitakka savajja itipime vitakka dukkhavipakati . tassa tesam vitakkanam adinavam upaparikkhato ye papaka akusala vitakka chandupasanhitapi dosupasanhitapi mohupasanhitapi te pahiyanti te abbhattham gacchanti tesam pahana ajjhattameva cittam santitthati sannisidati ekodibhoti samadhiyati. [259] Tassa ce bhikkhave bhikkhuno tesam 1- vitakkanam adinavam upaparikkhato uppajjanteva papaka akusala vitakka chandupasanhitapi dosupasanhitapi mohupasanhitapi tena bhikkhave bhikkhuna tesam vitakkanam asati amanasikaro apajjitabbo tassa tesam vitakkanam asati amanasikaram apajjato ye papaka akusala vitakka chandupasanhitapi dosupasanhitapi mohupasanhitapi te pahiyanti te abbhattham gacchanti tesam pahana ajjhattameva cittam santitthati sannisidati ekodibhoti samadhiyati . Seyyathapi bhikkhave cakkhuma puriso apathagatanam rupanam adassanakamo assa so nimmileyya va annena va apalokeyya evameva kho bhikkhave tassa ce bhikkhuno tesam vitakkanam adinavam upaparikkhato uppajjanteva papaka akusala vitakka chandupasanhitapi .pe. Ekodibhoti samadhiyati. @Footnote: 1 Ma. Yu. tesampiti dissati.--------------------------------------------------------------------------------------------- page244.
[260] Tassa ce bhikkhave bhikkhuno tesam vitakkanam asatiamanasikaram apajjato uppajjanteva papaka akusala vitakka chandupasanhitapi dosupasanhitapi mohupasanhitapi tena bhikkhave bhikkhuna tesam vitakkanam vitakkasankharasanthanam manasikatabbam tassa tesam vitakkanam vitakkasankharasanthanam manasikaroto ye papaka akusala vitakka chandupasanhitapi dosupasanhitapi mohupasanhitapi te pahiyanti te abbhattham gacchanti tesam pahana ajjhattameva cittam santitthati sannisidati ekodibhoti samadhiyati . seyyathapi bhikkhave puriso sigham gaccheyya tassa evamassa kinnukho aham sigham gacchami yannunaham sanikam gaccheyyanti so sanikam gaccheyya. {260.1} Tassa evamassa kinnukho aham sanikam gacchami yannunaham tittheyyanti so tittheyya . tassa evamassa kinnukho aham thito yannunaham nisideyyanti so nisideyya . tassa evamassa kinnukho aham nisinno yannunaham nipajjeyyanti so nipajjeyya . evanhi so bhikkhave puriso olarikam olarikam iriyapatham abhinissajjetva 1- sukhumam sukhumam iriyapatham kappeyya evameva kho bhikkhave tassa ce bhikkhuno tesampi vitakkanam vitakkasankharasanthanam manasikaroto uppajjanteva papaka akusala vitakka chandupasanhitapi .pe. Ekodibhoti samadhiyati. @Footnote: 1 Si. Ma. Yu. abhinivajjetva.--------------------------------------------------------------------------------------------- page245.
[261] Tassa ce bhikkhave bhikkhuno tesampi vitakkanam vitakkasankharasanthanam manasikaroto uppajjanteva papaka akusala vitakka chandupasanhitapi dosupasanhitapi mohupasanhitapi tena bhikkhave bhikkhuna dantebhi dantamadhaya jivhaya talum ahacca cetasa cittam abhinigganhitabbam abhinippiletabbam abhisantapetabbam tassa dantebhi dantamadhaya jivhaya talum ahacca cetasa cittam abhinigganhato abhinippilayato abhisantapayato ye papaka akusala vitakka chandupasanhitapi dosupasanhitapi mohupasanhitapi te pahiyanti te abbhattham gacchanti tesam pahana ajjhattameva cittam santitthati sannisidati ekodibhoti samadhiyati. {261.1} Seyyathapi bhikkhave balava puriso dubbalataram purisam sise va gale va khandhe va gahetva 1- abhinigganheyya abhinippileyya abhisantapeyya evameva kho bhikkhave tassa ce bhikkhuno tesam vitakkanam vitakkasankharasanthanam manasikaroto uppajjanteva papaka akusala vitakka chandupasanhitapi dosupasanhitapi mohupasanhitapi tena bhikkhave bhikkhuna dantebhi dantamadhaya jivhaya talum ahacca cetasa cittam abhinigganhitabbam abhinippiletabbam abhisantapetabbam tassa dantebhi dantamadhaya jivhaya talum ahacca cetasa cittam abhinigganhato abhinippilayato abhisantapayato ye papaka akusala vitakka chandupasanhitapi @Footnote: 1 Si. Yu. sise gahetva khandhe gahetvati ime patha pannayanti.--------------------------------------------------------------------------------------------- page246.
Dosupasanhitapi mohupasanhitapi te pahiyanti te abbhattham gacchanti tesam pahana ajjhattameva cittam santitthati sannisidati ekodibhoti samadhiyati. [262] Yato ca 1- kho bhikkhave bhikkhuno yam nimittam agamma yam nimittam manasikaroto uppajjanti papaka akusala vitakka chandupasanhitapi dosupasanhitapi mohupasanhitapi tassa tamha nimitta annam nimittam manasikaroto kusalupasanhitam ye papaka akusala vitakka chandupasanhitapi dosupasanhitapi mohupasanhitapi te pahiyanti te abbhattham gacchanti tesam pahana ajjhattameva cittam santitthati sannisidati ekodibhoti samadhiyati. {262.1} Tesam vitakkanam adinavam upaparikkhato ye papaka akusala vitakka chandupasanhitapi dosupasanhitapi mohupasanhitapi te pahiyanti te abbhattham gacchanti tesam pahana ajjhattameva cittam santitthati sannisidati ekodibhoti samadhiyati . tesam vitakkanam asati amanasikaram apajjato ye papaka akusala vitakka chandupasanhitapi dosupasanhitapi mohupasanhitapi te pahiyanti te abbhattham gacchanti tesam pahana ajjhattameva cittam santitthati sannisidati ekodibhoti samadhiyati . tesam vitakkanam vitakkasankharasanthanam manasikaroto ye papaka akusala vitakka chandupasanhitapi dosupasanhitapi @Footnote: 1 Si. Yu. casaddo na dissati.--------------------------------------------------------------------------------------------- page247.
Mohupasanhitapi te pahiyanti te abbhattham gacchanti tesam pahana ajjhattameva cittam santitthati sannisidati ekodibhoti samadhiyati . Dantebhi dantamadhaya jivhaya talum ahacca cetasa cittam abhinigganhato abhinippilayato abhisantapayato ye papaka akusala vitakka chandupasanhitapi dosupasanhitapi mohupasanhitapi te pahiyanti te abbhattham gacchanti tesam pahana ajjhattameva cittam santitthati sannisidati ekodibhoti samadhiyati. {262.2} Ayam vuccati bhikkhave bhikkhu vasi vitakkapariyayapathesu yam vitakkam akankhissati tam vitakkam vitakkessati yam vitakkam nakankhissati na tam vitakkam vitakkessati acchecchi tanham vivattayi 1- sannojanam samma manabhisamaya antamakasi dukkhassati. {262.3} Idamavoca bhagava attamana te bhikkhu bhagavato bhasitam abhinandunti. Vitakkasanthanasuttam nitthitam dasamam. Sihanadavaggo dutiyo. Tassudanam culasihanadalomahamsavaro maha culadukkhakkhandhaanumanikasuttam khilapatthamadhupindikadvidhavitakkam pancanimittakatha puna vaggo. ----------------------- @Footnote: 1 Si. Yu. vavattayi.The Pali Tipitaka in Roman Character Volume 12 page 241-247. https://84000.org/tipitaka/read/roman_read.php?B=12&A=4873&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=12&A=4873&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=12&item=256&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=12&siri=20 Study Atthakatha :- https://84000.org/tipitaka/attha/attha.php?b=12&i=256 The Pali Atthakatha in Thai :- https://84000.org/tipitaka/atthapali/read_th.php?B=7&A=10544 The Pali Atthakatha in Roman :- https://84000.org/tipitaka/atthapali/read_rm.php?B=7&A=10544 Contents of The Tipitaka Volume 12 https://84000.org/tipitaka/read/?index_12 https://84000.org/tipitaka/english/?index_12
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]