|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 17 : PALI ROMAN Sutta Pitaka Vol 9 : Sutta. Saṃ. Kha.
[231] Ekam samayam sambahula thera bhikkhu baranasiyam viharanti isipatane migadaye . atha kho ayasma channo sayanhasamayam patisallana vutthito apapuranam 2- adaya viharena viharam upasankamitva there bhikkhu etadavoca ovadantu mam ayasmanto thera anusasantu mam ayasmanto thera karontu me ayasmanto thera dhammim katham yathaham dhammam passeyyanti. [232] Evam vutte thera bhikkhu ayasmantam channam etadavocum rupam kho avuso channa aniccam vedana anicca sanna anicca sankhara anicca vinnanam aniccam . rupam anatta vedana . Sanna . sankhara . vinnanam anatta sabbe sankhara anicca sabbe dhamma anattati . atha kho ayasmato channassa etadahosi mayhampi kho 3- evam hoti rupam aniccam vedana. Sanna. Sankhara . vinnanam aniccam . rupam anatta vedana . sanna . Sankhara . vinnanam anatta sabbe sankhara anicca sabbe dhamma anattati atha ca pana me sabbasankharasamathe sabbupadhi- patinissagge tanhakkhaye virage nirodhe nibbane cittam na pakkhandati na pasidati na santitthati na 4- vimuccati paritassana- upadanam uppajjati paccudavattati manasam atha kocarahi me @Footnote: 1 Yu. khemakassa cati . 2 Ma. Yu. avapuranam . 3 Ma. Yu. etanti dissati. @4 Ma. nadhimuccati.--------------------------------------------------------------------------------------------- page163.
Attati . na kho panetam 1- dhammam passato hoti ko nu kho me tatha dhammam deseyya yathaham dhammam passeyyanti. [233] Atha kho ayasmato channassa etadahosi ayam kho ayasma anando kosambiyam viharati ghositarame satthu ceva samvannito sambhavito ca vinnunam sabrahmacarinam pahoti ca me ayasma anando tatha dhammam desetum yathaham dhammam passeyyam atthi ca me ayasmante anande tavatika vissatthi yannunaham yenayasma anando tenupasankameyyanti . atha kho ayasma channo senasanam samsametva pattacivaramadaya yena kosambi ghositaramo yenayasma anando tenupasankami upasankamitva ayasmata anandena saddhim sammodi sammodaniyam katham saraniyam vitisaretva ekamantam nisidi . ekamantam nisinno kho ayasma channo ayasmantam anandam etadavoca {233.1} ekamidaham avuso ananda samayam baranasiyam viharami isipatane migadaye atha khvaham avuso sayanhasamayam patisallana vutthito apapuranam adaya viharena viharam upasankamitva 2- there bhikkhu etadavocam ovadantu mam ayasmanto thera anusasantu mam ayasmanto thera karontu me ayasmanto thera dhammim katham yathaham dhammam passeyyanti . evam vutte mam avuso thera bhikkhu etadavocum rupam kho avuso channa aniccam vedana . Sanna . sankhara . vinnanam aniccam . rupam anatta .pe. @Footnote: 1 Ma. panevam . 2 Ma. upasankamim.--------------------------------------------------------------------------------------------- page164.
Vinnanam anatta sabbe sankhara anicca sabbe dhamma anattati. {233.2} Tassa mayham avuso etadahosi mayhampi kho evam hoti rupam aniccam .pe. vinnanam aniccam . rupam anatta vedana . sanna . sankhara . vinnanam anatta sabbe sankhara anicca sabbe dhamma anattati atha ca pana me sabbasankharasamathe sabbupadhipatinissagge tanhakkhaye virage nirodhe nibbane cittam na pakkhandati na pasidati na santitthati na vimuccati paritassanaupadanam uppajjati paccudavattati manasam atha kocarahi me attati . na kho panetam dhammam passato hoti ko nu kho me tatha dhammam deseyya yathaham dhammam passeyyanti. {233.3} Tassa mayham avuso etadahosi ayam kho ayasma anando kosambiyam viharati ghositarame satthu ceva samvannito sambhavito ca vinnunam sabrahmacarinam pahoti ca me ayasma anando tatha dhammam desetum yathaham dhammam passeyyam atthi ca ayasmante anande tavatika vissatthi yannunaham yenayasma anando tenupasankameyyanti. Ovadatu mam ayasma anando anusasatu mam ayasma anando karotu me ayasma anando dhammim katham yathaham dhammam passeyyanti. [234] Ettakenapi mayam ayasmato channassa attamana abhiraddha tam 1- ayasma channo aviakasisi 2- khilam pabhindi 3- odahavuso @Footnote: 1 Ma. api nama tam . 2 Ma. Yu. aviakasi . 3 Ma. bhinadi.--------------------------------------------------------------------------------------------- page165.
Channa sotam bhabbosi dhammam vinnatunti . atha kho ayasmato channassa tavatakeneva ularam pitipa mojjam uppajji bhabbo kirasmi dhammam vinnatunti. {234.1} Sammukha metam avuso channa bhagavato sutam sammukha [1]- patiggahitam kaccanagottam bhikkhum ovadantassa dvayanissito khvayam 2- kaccana loko yebhuyyena atthitanceva natthitanca . lokasamudayam kho kaccana yathabhutam sammappannaya passato ya loke natthita sa na hoti . lokanirodham kho kaccana yathabhutam sammappannaya passato ya loke atthita sa na hoti . upayupadanabhinivesavinibandho khvayam kaccana loko yebhuyyena tassa upayupadanam cetaso adhitthanabhinivesanusayam na upeti na upadiyati na adhitthati atta meti dukkhameva uppajjamanam uppajjati dukkham nirujjhamanam nirujjhatiti na kankhati na vicikicchati aparappaccaya nanamevassa ettha hoti . Ettavata kho kaccana sammaditthi hoti . sabbamatthiti kho kaccana ayameko anto sabbam natthiti ayam dutiyo anto. Ete te kaccana ubho ante anupagamma majjhena tathagato dhammam deseti avijjapaccaya sankhara sankharapaccaya vinnanam .pe. Evametassa kevalassa dukkhakkhandhassa samudayo hoti . avijjaya tveva asesaviraganirodha sankharanirodho .pe. evametassa kevalassa dukkhakkhandhassa nirodho hotiti. Evametam avuso ananda hoti yesam ayasmantanam tadisa sabrahmacarayo @Footnote: 1 Yu. casaddo dissati . 2 Ma. khavaham.--------------------------------------------------------------------------------------------- page166.
Anukampaka atthakama ovadaka anusasaka idanca pana me ayasmato anandassa dhammadesanam sutva dhammo abhisamitoti 1-.The Pali Tipitaka in Roman Character Volume 17 page 162-166. https://84000.org/tipitaka/read/roman_read.php?B=17&A=3312&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=17&A=3312&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=231&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=17&siri=90 Study Atthakatha :- https://84000.org/tipitaka/attha/attha.php?b=17&i=231 The Pali Atthakatha in Thai :- https://84000.org/tipitaka/atthapali/read_th.php?B=12&A=7643 The Pali Atthakatha in Roman :- https://84000.org/tipitaka/atthapali/read_rm.php?B=12&A=7643 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]