|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 22 : PALI ROMAN Sutta Pitaka Vol 14 : Sutta. Aṅ. (3): pañcaka-chakkanipātā
[200] Pancima bhikkhave nissaraniya 2- dhatuyo katama panca idha bhikkhave bhikkhuno kame 3- manasikaroto kamesu cittam na pakkhandati na pasidati na santitthati na vimuccati nekkhammam kho panassa manasikaroto nekkhamme cittam pakkhandati pasidati santitthati vimuccati tassa tam cittam sugatam 4- subhavitam suvutthitam suvimuttam suvisamyuttam kamehi ye ca kamapaccaya uppajjanti asava vighataparilaha mutto so tehi na so tam vedanam vediyati idamakkhatam kamanam nissaranam. {200.1} Puna caparam bhikkhave bhikkhuno byapadam manasikaroto byapade cittam na pakkhandati na pasidati na santitthati na vimuccati abyapadam kho panassa manasikaroto abyapade cittam pakkhandati pasidati santitthati vimuccati tassa tam cittam sugatam 4- subhavitam suvutthitam suvimuttam suvisamyuttam byapadena ye ca byapadapaccaya uppajjanti asava vighataparilaha mutto so tehi na so tam vedanam vediyati idamakkhatam byapadassa nissaranam. {200.2} Puna caparam bhikkhave bhikkhuno vihesam @Footnote: 1 Ma. yam bhikkhave silavanto . 2 Ma. nissaraniya. Yu. nissaraniya. @3 Po. Ma. Yu. kamam . 4 Yu. sukatam.--------------------------------------------------------------------------------------------- page273.
Manasikaroto vihesaya cittam na pakkhandati na pasidati na santitthati na vimuccati avihesam kho panassa manasikaroto avihesaya cittam pakkhandati pasidati santitthati vimuccati tassa tam cittam sugatam subhavitam suvutthitam suvimuttam suvisamyuttam vihesaya ye ca vihesapaccaya uppajjanti asava vighataparilaha mutto so tehi na so tam vedanam vediyati idamakkhatam vihesaya nissaranam. {200.3} Puna caparam bhikkhave bhikkhuno rupe 1- manasikaroto rupesu 2- cittam na pakkhandati na pasidati na santitthati na vimuccati arupam kho panassa manasikaroto arupe cittam pakkhandati pasidati santitthati vimuccati tassa tam cittam sugatam subhavitam suvutthitam suvimuttam suvisamyuttam rupehi ye ca rupapaccaya uppajjanti asava vighataparilaha mutto so tehi na so tam vedanam vediyati idamakkhatam rupanam nissaranam. {200.4} Puna caparam bhikkhave bhikkhuno sakkayam manasikaroto sakkaye cittam na pakkhandati na pasidati na santitthati na vimuccati sakkayanirodham kho panassa manasikaroto sakkayanirodhe cittam pakkhandati pasidati santitthati vimuccati tassa tam cittam sugatam subhavitam suvutthitam suvimuttam suvisamyuttam sakkayena ye ca sakkayapaccaya uppajjanti asava vighataparilaha mutto so tehi na so tam vedanam vediyati idamakkhatam sakkayassa nissaranam. {200.5} Tassa kamanandipi 3- nanuseti byapadanandipi nanuseti vihesanandipi 4- @Footnote: 1 Po. Ma. Yu. rupam . 2 Ma. Yu. rupe . 3-4 Ma. ...nandipi.--------------------------------------------------------------------------------------------- page274.
Nanuseti rupanandipi 1- nanuseti sakkayanandipi 2- nanuseti so kamanandiyapi ananusaya byapadanandiyapi ananusaya vihesanandiyapi ananusaya rupanandiyapi ananusaya sakkayanandiyapi ananusaya ayam vuccati bhikkhave bhikkhu niralayo 3- acchejji 4- tanham vivattayi sannojanam sammamanabhisamaya antamakasi dukkhassa . ima kho bhikkhave panca nissaraniya dhatuyoti. Brahmanavaggo pancamo. Catuttho pannasako nitthito. Tassuddanam sono dono samgaravo karanapali ca pingiyani supina ca vassa vaca kulam nissaraniyena cati. ------------ @Footnote: 1-2 Ma. ... nandipi . 3 Ma. Yu. niramusayo . 4 Po. Ma. acchecchi.The Pali Tipitaka in Roman Character Volume 22 page 272-274. https://84000.org/tipitaka/read/roman_read.php?B=22&A=5751&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=5751&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=200&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=200 Study Atthakatha :- https://84000.org/tipitaka/attha/attha.php?b=22&i=200 The Pali Atthakatha in Thai :- https://84000.org/tipitaka/atthapali/read_th.php?B=16&A=1840 The Pali Atthakatha in Roman :- https://84000.org/tipitaka/atthapali/read_rm.php?B=16&A=1840 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]