|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 30 : PALI ROMAN Sutta Pitaka Vol 22 : Sutta. Khu. Cūḷaniddeso
Tissametteyyamanavakapanhaniddeso [100] Kodha santusito loke (iccayasma tissametteyyo) kassa no santi injita ko ubhantamabhinnaya majjhe manta na limpati 1- kam brusi mahapurisoti ko idha sibbanimaccagati 2-. [101] Kodha santusito loketi [3]- santuttho attamano paripunnasankappoti kodha santusito loke . iccayasma tissametteyyoti iccati padasandhi padasamsaggo padaparipuri akkharasamavayo byanjanasilitthata padanupubbakametam 4- iccati . ayasmati piyavacanam garuvacanam sagaravasappatissadhivacanametam ayasmati . tissati 5- tassa brahmanassa namam sankha samanna pannatti voharo namam namakammam namadheyyam nirutti byanjanam abhilapo . metteyyati 6- tassa brahmanassa gottam sankha samanna pannatti voharoti iccayasma tissametteyyo. [102] Kassa no santi injitati tanhinjitam ditthinjitam maninjitam kilesinjitam kamminjitam kassime injita natthi na santi na samvijjanti nupalabbhanti pahina samucchinna vupasanta @Footnote: 1 na. lippati. 2 Ma. sabbinimaccaga. evamuparipi. 3 tuttho. 4 Ma. @padanupubbatametam. evamuparipi. 5 Ma. tissoti. 6 metteyyoti.--------------------------------------------------------------------------------------------- page34.
Patippassaddha abhabbuppattika nanaggina daddhati kassa no santi injita. [103] Ko ubhantamabhinnayati ko ubho ante abhinnaya janitva tulayitva tirayitva 1- vibhavayitva vibhutam katvati ko ubhantamabhinnaya. [104] Majjhe manta nalimpatiti [1]- alitto anupalitto nikkhanto nissattho vippamutto visamyutto vimariyadikatena cetasa viharatiti majjhe manta na limpati. [105] Kam brusi mahapurisoti mahapuriso aggapuriso setthapuriso visetthapuriso pamokkhapuriso uttamapuriso [3]- pavarapurisoti kam brusi kam kathesi kam mannesi kam bhanasi kam passasi kam voharesiti 4- kam brusi mahapurisoti. [106] Ko idha sibbanimaccagati ko sibbanim 5- tanham accaga upaccaga atikkanto samatikkanto vitivattoti ko idha sibbanimaccaga. Tenaha so brahmano kodha santusito loke (accayasma tissametteyyo) kassa no santi injita ko ubhantamabhinnaya majjhe manta na limpati kam brusi mahapurisoti @Footnote: 1 Ma. tirayitva. evamuparipi. 2 Ma. majjhe mantaya nalippati. 3 Ma. padhanapuriso. @4 Ma. voharasiti. 5 Ma. sibbinim. evamuparipi.--------------------------------------------------------------------------------------------- page35.
Ko idha sibbanimaccagati. [107] Kamesu brahmacariyava (metteyyati bhagava) vitatanho sada sato sankhaya nibbuto bhikkhu tassa no santi injita so ubhantamabhinnaya majjhe manta na limpati tam brumi mahapurisoti so idha sibbanimaccagati. [108] Kamesu brahmacariyavati kamati uddanato dve kama vatthukama ca kilesakama ca .pe. ime vuccanti vatthukama .pe. ime vuccanti kilesakama . brahmacariyavati 1- brahmacariyam vuccati assaddhammasamapattiya arati virati pativirati verani akiriya akaranam anajjhapatti velaanatikkamo . apica nippariyayena brahmacariyam vuccati ariyo atthangiko maggo seyyathidam sammaditthi sammasankappo sammavaca sammakammanto sammaajivo sammavayamo sammasati sammasamadhi . yo imina ariyena atthangikena maggena upeto samupeto upagato samupagato upapanno samupapanno samannagato so vuccati brahmacariyava . Yatha ca dhanena dhanavati vuccati bhogena bhogavati vuccati yasena @Footnote: 1 Ma. ayam patho natthi.--------------------------------------------------------------------------------------------- page36.
Yasavati vuccati sippena sippavati vuccati silena silavati vuccati viriyena viriyavati vuccati pannaya pannavati vuccati vijjaya vijjavati vuccati evameva yo imina ariyena atthangikena maggena upeto samupeto upagato samupagato upapanno samupapanno samannagato so vuccati brahmacariyavati kamesu brahmacariyava . metteyyati bhagava tam brahmanam gottena alapati . bhagavati garavadhivacanametam .pe. sacchika pannatti yadidam bhagavati metteyyati bhagava. [109] Vitatanho sada satoti tanhati rupatanha saddatanha gandhatanha rasatanha photthabbatanha dhammatanha . yassesa tanha pahina samucchinna vupasanta patippassaddha abhabbuppattika nanaggina daddha so vuccati vitatanho cattatanho vantatanho muttatanho pahinatanho patinissatthatanho vitarago cattarago vantarago muttarago pahinarago patinissattharago nicchato nibbuto sitibhuto sukhapatisamvedi brahmabhutena attana viharati . Sadati sada sabbada sabbakalam niccakalam dhuvakalam satatam samitam abbokinnam pokhanupokham 1- avici samangi sahitam phusitam purebhattam pacchabhattam purimayamam majjhimayamam pacchimayamam kale junhe vasse hemante gimhe purime vayokhandhe majjhime vayokhandhe pacchime vayokhandhe . satoti catuhi karanehi sato @Footnote: 1-2 Ma. ponkhanuponkham udakumikajatam avicisantatisahitam phassitam. evamuparipi.--------------------------------------------------------------------------------------------- page37.
Kaye kayanupassanasatipatthananam bhavitatta 1- sato vedanasu vedananupassanasatipatthananam bhavitatta sato citte cittanupassana- satipatthananam bhavitatta sato dhammesu dhammanupassanasatipatthananam bhavitatta sato .pe. So vuccati satoti vitatanho sada sato. [110] Sankhaya nibbuto bhikkhuti sankhati 2- nanam ya panna pajanana vicayo .pe. amoho dhammavicayo sammaditthi . sankhayati sankhaya janitva tulayitva tirayitva vibhavayitva vibhutam katva sabbe sankhara aniccati sankhaya janitva tulayitva tirayitva vibhavayitva vibhutam katva sabbe sankhara dukkhati sabbe dhamma anattati avijjapaccaya sankharati .pe. yankinci samudayadhammam sabbantam nirodhadhammanti sankhaya janitva tulayitva tirayitva vibhavayitva vibhutam katva. {110.1} Athava aniccato sankhaya janitva tulayitva tirayitva vibhavayitva vibhutam katva dukkhato rogato gandato sallato .pe. anissaranato sankhaya janitva tulayitva tirayitva vibhavayitva vibhutam katva . nibbutoti ragassa nibbapitatta nibbuto dosassa nibbapitatta nibbuto mohassa nibbapitatta nibbuto kodhassa upanahassa makkhassa palasassa issaya macchariyassa mayaya satheyyassa thambhassa sarambhassa manassa atimanassa madassa pamadassa sabbakilesanam sabbaduccaritanam @Footnote: 1 Ma. ... satipatthanam bhavento. evamuparipi. 2 Ma. sankha vuccati nanam.--------------------------------------------------------------------------------------------- page38.
Sabbadarathanam sabbaparilahanam sabbasantapanam sabbakusalabhisankharanam nibbapitatta nibbuto . bhikkhuti sattannam dhammanam bhinnatta bhikkhu .pe. Vusitava khinapunabbhavo sa bhikkhuti sankhaya nibbuto bhikkhu. [111] Tassa no santi injitati tassati arahato khinasavassa injita tanhinjitam ditthinjitam maninjitam kilesinjitam kamminjitam . Tassime injita natthi na santi na samvijjanti nupalabbhanti pahina samucchinna vupasanta patippassaddha abhabbuppattika nanaggina daddhati tassa no santi injita. [112] So ubhantamabhinnaya majjhe manta na limpatiti antoti phasso eko anto phassasamudayo dutiyo anto phassanirodho majjhe atitam eko anto anagatam dutiyo anto paccuppannam majjhe sukha vedana eko anto dukkha vedana dutiyo anto adukkhamasukha vedana majjhe namam eko anto rupam dutiyo anto vinnanam majjhe cha ajjhattikani ayatanani eko anto cha bahirani ayatanani dutiyo anto vinnanam majjhe sakkayo eko anto sakkayasamudayo dutiyo anto sakkayanirodho majjhe . manta vuccati panna ya panna pajanana .pe. amoho dhammavicayo sammaditthi . lepati dve lepa tanhalepo ca ditthilepo ca . katamo--------------------------------------------------------------------------------------------- page39.
Tanhalepo . yavata tanhasankhatena simakatam mariyadikatam 1- odhikatam pariyantikatam 2- pariggahitam mamayitam idam mamam etam mamam ettakam mamam ettavata mamam mama rupa sadda gandha rasa photthabba attharana papurana dasidasa ajelaka kukkutasukara hatthigavassavalava khettam vatthu hirannam suvannam gamanigamarajadhaniyo ratthanca janapado ca koso ca kotthagaranca kevalampi mahapathavim tanhavasena mamayati yavata atthasatatanhaviparitam ayam tanhalepo. Katamo ditthilepo. {112.1} Visativatthuka sakkayaditthi dasavatthuka micchaditthi dasavatthuka antaggahika ditthi ya evarupa ditthi ditthigatam ditthigahanam ditthikantaro ditthivisukayikam ditthivipphanditam ditthisannojanam gaho patiggaho abhiniveso paramaso kummaggo micchapatho micchattam titthayatanam vipariyesaggaho 3- viparitaggaho vipallasaggaho micchagaho ayathavakasmim yathavakanti gaho yavata dvasatthi ditthigatani ayam ditthilepo . so ubhantamabhinnaya majjhe manta na limpatiti so ubho ca ante majjhanca mantaya abhinnaya janitva tulayitva tirayitva vibhavayitva vibhutam katva na limpati [4]- nupalimpati alitto [5]- anupalitto nikkhanto nissattho vippamutto visamyutto vimariyadikatena cetasa viharatiti so ubhantamabhinnaya majjhe manta na limpati. @Footnote: 1 Ma. ayam patho natthi. 2 Ma. pariyantakatam. 3 Ma. pariyasaggaho .... evamuparipi. @4 Ma. na palippati. 5 Ma. asamlitto. evamuparipi.--------------------------------------------------------------------------------------------- page40.
[113] Tam brumi mahapurisoti mahapuriso aggapuriso setthapuriso visetthapuriso pamokkhapuriso uttamapuriso pavarapurisoti tam brumi tam kathemi tam mannami tam bhanami tam passami tam voharemi . Ayasma sariputto bhagavantam etadavoca mahapurisoti 1- bhante vuccati kittavata nu kho bhante mahapuriso hotiti . vimuttacittatta khvaham sariputta mahapurisoti vadami adhimuttacittatta no mahapurisoti vadami kathanca sariputta vimuttacitto hoti idha sariputta bhikkhu ajjhattam kaye kayanupassi viharati atapi sampajano satima vineyya loke abhijjhadomanassam tassa kaye kayanupassino viharato cittam virajjati vimuccati anupadaya asavehi vedanasu citte dhammesu dhammanupassi viharati atapi sampajano satima vineyya loke abhijjhadomanassam tassa dhammesu dhammanupassino viharato cittam virajjati vimuccati anupadaya asavehi evam kho sariputta bhikkhu vimuttacitto vimuttacittatta khvaham sariputta mahapurisoti vadami adhimuttacittatta no mahapurisoti vadamiti tam brumi mahapurisoti. [114] So idha sibbanimaccagati sibbani vuccati tanha yo rago sarago .pe. abhijjha lobho akusalamulam . yassesa sibbani tanha pahina samucchinna vupasanta patippassaddha abhabbuppattika nanaggina daddha so sibbanim tanham accaga @Footnote: 1 Ma. mahapuriso mahapurisoti.--------------------------------------------------------------------------------------------- page41.
Upaccaga atikkanto samatikkanto vitivattoti so idha sibbanimaccaga. Tenaha bhagava kamesu brahmacariyava (metteyyati bhagava) vitatanho sada sato sankhaya nibbuto bhikkhu tassa no santi injita so ubhantamabhinnaya majjhe manta na limpati tam brumi mahapurisoti so idha sibbanimaccagati. [115] Saha gathapariyosana tena brahmanena saddhim ekacchanda ekappayoga ekadhippaya ekavasanavasita tesam anekapanasahassanam virajam vitamalam dhammacakkhum udapadi yankinci samudayadhammam sabbantam nirodhadhammanti tassa ca brahmanassa anupadaya asavehi cittam vimucci . saha arahattappatta ajinajatavakaciradandakamandalukesa ca massu ca antarahita . Bhandakasayavatthavasano sanghatipattacivaradharo anvatthapatipattiya panjaliko bhagavantam namassamano nisinno hoti sattha me bhante bhagava savakohamasmiti. Tissametteyyamanavakapanhaniddeso dutiyo.The Pali Tipitaka in Roman Character Volume 30 page 33-41. https://84000.org/tipitaka/read/roman_read.php?B=30&A=683&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=30&A=683&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=30&item=100&items=16 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=30&siri=21 Study Atthakatha :- https://84000.org/tipitaka/attha/attha.php?b=30&i=100 The Pali Atthakatha in Thai :- https://84000.org/tipitaka/atthapali/read_th.php?B=46&A=217 The Pali Atthakatha in Roman :- https://84000.org/tipitaka/atthapali/read_rm.php?B=46&A=217 Contents of The Tipitaka Volume 30 https://84000.org/tipitaka/read/?index_30 https://84000.org/tipitaka/english/?index_30
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]