|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1)
Tatiyo subhutivaggo pathamam subhutittherapadanam (21) [23] |23.1| Himavantassa avidure nisabho nama pabbato assamo sukato mayham pannasala sumapita. |23.2| Kosiyo nama namena jatilo uggatapano ekayiko 1- adutiyo vasami nisabhe tada. |23.3| Phalamulanca pannanca na bhunjami aham tada pavattanca supataham upajivami tavade. @Footnote: 1 Ma. ekakiyo. Yu. ekakiko. |23.4| Naham kopemi ajivam cajamanopi jivitam aradhemi sakam cittam vivajjemi anesanam. |23.5| Ragupasamhitam cittam yada uppajjate mama sayamva paccavekkhami ekako 1- tam damemaham. |23.6| Rajjasi 2- rajaniye ca dosaniye ca dussase muyhase mohaniye ca nikkhamassu vana tuvam. |23.7| Visuddhanam ayam vaso nimmalanam tapassinam ma kho visuddham dusesi nikkhamassu vana tuvam. |23.8| Agariko bhavitvana daya yuttam 3- labhissasi ubhopi ma viradhesi nikkhamassu vana tuvam. |23.9| Chavalatam yatha kattham na kvaci kiccakarakam neva game aranne va na hi tam katthasammatam. |23.10| Chavalatupamo tvamsi na gihi napi sannato ubhato muttako ajja nikkhamassu vana tuvam. |23.11| Siya nukho tava etam ko pajani 4- hi te idam sigham 5- dhuram vahisi 6- me kosajjabahulaya ca. |23.12| Jigucchissanti tam vinnu asucim nagariko yatha akaddhitvana isayo codayissanti tam sada. |23.13| Tam vinnu pavadissanti samatikkantasasanam samvasam alabhanto hi katham jivihisi tuvam. @Footnote: 1 Ma. Yu. ekaggo. 2 Ma. rajjase. 3 Ma. puttam. 4 Ma. pajanati. @5 Ma. saddhadharum. 6 Yu. pahisi. |23.14| Tidhappabhinnam matangam kunjaram satthihayanam balinago upagantva yutha niharate gajam. |23.15| Yutha vinissato santo sukham satam na vindati dukkhito vimano hoti pajjhayanto 1- pavedhati. |23.16| Tatheva jatila tampi niharissanti dummatim tehi tvam nissato santo sukham satam na lacchasi. |23.17| Diva va yadi va rattim sokasallasamappito dayhasi parilahena gajo yuthava nissato. |23.18| Jatarupam yatha kutam neva yayati 2- katthaci tatha silavihino tvam na yayissasi 3- katthaci. |23.19| Agaravasamanopi 4- katham jivihisi tuvam mattikam pettincapi natthi te nihitam dhanam. |23.20| Sakam kammam karitvana gatte sedam pamocayam evam jivihisi gehe sadhu te tam na ruccati. |23.21| Evaham tattha varemi sankilesagatam manam nanadhammakatham katva papa cittam nivarayim. |23.22| Evam me viharantassa appamadaviharino timsavassasahassani pavane me atikkamum. |23.23| Appamadena 5- mam disva uttamattham gavesakam padumuttarasambuddho aganchi mama santikam. @Footnote: 1 Yu. ojjhayanto padhavati. 2 Ma. jhayati. 3 Ma. jhayissati. @4 Po. anagaravasamanopi. 5 Ma. Yu. appamadaratam. |23.24| Timbarusakavannabho appameyyo anupamo rupenasadiso buddho akase cankami tada. |23.25| Suphullo salarajava vijjuvabbhaghanantare nanenasadiso buddho akase cankami tada. |23.26| Siharajavasambhito gajarajava dappito 1- abhito 2- byaggharajava akase cankami tada. |23.27| Singinikkhasuvannabho khadirangarasannibho mani yatha jotiraso akase cankami tada. |23.28| Visuddhakelasasannibho punnamayeva candima majjhantikeva 3- suriyo akase cankami tada. |23.29| Disva nabhe cankamantam evam cintesaham tada devo nukho ayam satto udahu manujo ayam. |23.30| Na me suto va dittho va mahiya ediso naro api mantapadam atthi ayam sattha bhavissati. |23.31| Evaham cintayitvana sakam cittam pasadayim nanapupphanca gandhanca sannipatesaham tada. |23.32| Pupphasanam pannapetva sadhucittam manoramam narasarathinam aggam idam vacanamabravim. |23.33| Idam me asanam vira pannattam tavanucchakam 4- hasayanto mama cittam nisida kusumasane. @Footnote: 1 Po. dampito. 2 Ma. Yu. lasito. 3 Yu. majjhantiko. 4 Ma. Yu. tavanucchavam. |23.34| Nisidi tattha bhagava asambhitova kesari sattarattindivam buddho pavare kusumasane. |23.35| Namassamano atthasim sattarattindivam aham vutthahitva samadhimha sattha loke anuttaro. |23.36| Mama kammam pakittento idam vacanamabravi bhavehi buddhanussatim bhavananam anuttaram. |23.37| Imam satim bhavayitva purayissasi manasam timsakappasahassani devaloke ramissasi. |23.38| Asitikkhattum devindo devarajjam karissasi sahassakkhattum cakkavatti raja ratthe bhavissasi. |23.39| Padesarajjam vipulam gananato asankhayam anubhossasi tam sabbam buddhanussatiya phalam. |23.40| Bhavabhave samsaranto mahabhogam labhissasi bhogehi 1- onata natthi buddhanussatiya phalam. |23.41| Kappasatasahassamhi okkakakulasambhavo gotamo nama gottena sattha loke bhavissati. |23.42| Asitikotim chaddetva dasakammakare bahu gotamassa bhagavato sasane pabbajissasi. |23.43| Aradhayitvana sambuddham gotamam sakyapungavam subhuti nama namena hessasi 2- satthusavako. @Footnote: 1 Ma. Yu. bhoge te unata natthi. 2 Po. Ma. hessati. |23.44| Bhikkhusanghe nisiditva dakkhineyyaganamhi 1- tam tatharanavihare ca dvisu aggam 2- thapessati. |23.45| Idam vatvana sambuddho jalajuttamanayako nabham abbhuggami dhiro hamsarajava ambare. |23.46| Sasito lokanathena namassitva tathagatam sada bhavesim 3- mudito buddhanussatimuttamam. |23.47| Tena kammena sukatena cetanapanidhihi ca jahitva manusam deham tavatimsam aganchaham. |23.48| Asitikkhattum devindo devarajjam akarayim sahassakkhattum raja ca cakkavatti ahosaham. |23.49| Padesarajjam vipulam gananato asankhayam anubhomi susampattim buddhanussatiya phalam. |23.50| Bhavabhave samsaranto mahabhogam labhamaham bhoge me onata natthi buddhanussatiya phalam. |23.51| Satasahassito kappe yam kammamakarim tada duggatim nabhijanami buddhanussatiya phalam. |23.52| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma subhuti thero ima gathayo abhasitthati. Subhutittherassa apadanam samattam. @Footnote: 1 Po. Ma. dakkhineyyagunamhi tam. 2 Ma. agge. 3 Ma. bhavemi.The Pali Tipitaka in Roman Character Volume 32 page 94-99. https://84000.org/tipitaka/read/roman_read.php?B=32&A=1959&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=32&A=1959&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=32&item=23&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=32&siri=23 Study Atthakatha :- https://84000.org/tipitaka/attha/attha.php?b=32&i=23 The Pali Atthakatha in Thai :- https://84000.org/tipitaka/atthapali/read_th.php?B=50&A=799 The Pali Atthakatha in Roman :- https://84000.org/tipitaka/atthapali/read_rm.php?B=50&A=799 Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]