|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 5 : PALI ROMAN Vinaya Pitaka Vol 5 : Vinaya. Mahā (2)
[71] Tena kho pana samayena sunidhavassakara magadhamahamatta pataligame nagaram mapenti vajjinam patibahaya . addasa kho bhagava rattiya paccusasamayam paccutthaya dibbena cakkhuna visuddhena atikkantamanusakena sambahula devatayo pataligame vatthuni parigganhantiyo yasmim padese mahesakkha devata vatthuni parigganhanti mahesakkhanam tattha rajunam rajamahamattanam cittani namanti nivesanani mapetum yasmim padese majjhima devata vatthuni parigganhanti majjhimanam tattha rajunam rajamahamattanam cittani namanti nivesanani mapetum yasmim padese nica devata vatthuni parigganhanti nicanam tattha rajunam rajamahamattanam cittani namanti nivesanani mapetum. {71.1} Athakho bhagava ayasmantam anandam amantesi ke nu kho te ananda pataligame nagaram mapentiti . sunidhavassakara bhante magadhamahamatta pataligame nagaram mapenti vajjinam patibahayati . Seyyathapi nama 1- ananda devehi tavatimsehi saddhim mantetva evameva kho ananda sunidhavassakara magadhamahamatta pataligame nagaram mapenti vajjinam patibahaya idhaham ananda rattiya paccusasamayam paccutthaya addasam dibbena cakkhuna visuddhena atikkantamanusakena sambahula devatayo pataligame vatthuni parigganhantiyo yasmim padese mahesakkha devata vatthuni parigganhanti mahesakkhanam tattha rajunam rajamahamattanam cittani namanti nivesanani mapetum @Footnote: 1 Ma. Yu. namasaddo natthi.--------------------------------------------------------------------------------------------- page91.
Yasmim padese majjhima devata vatthuni parigganhanti majjhimanam tattha rajunam rajamahamattanam cittani namanti nivesanani mapetum yasmim padese nica devata vatthuni parigganhanti nicanam tattha rajunam rajamahamattanam cittani namanti nivesanani mapetum yavata ananda ariyanam ayatanam yavata vanijjapatho idam agganagaram bhavissati pataliputtam putabhedanam pataliputtassa kho ananda tayo antaraya bhavissanti aggito va udakato va abbhantarato va mithubhedati. [72] Atha kho sunidhavassakara magadhamahamatta yena bhagava tenupasankamimsu upasankamitva bhagavata saddhim sammodimsu sammodaniyam katham saraniyam vitisaretva ekamantam atthamsu . ekamantam thita kho sunidhavassakara magadhamahamatta bhagavantam etadavocum adhivasetu no bhavam gotamo ajjatanaya 1- bhattam saddhim bhikkhusanghenati . Adhivasesi bhagava tunhibhavena . athakho sunidhavassakara magadhamahamatta bhagavato adhivasanam viditva utthayasana 2- pakkamimsu. {72.1} Athakho sunidhavassakara magadhamahamatta [3]- panitam khadaniyam bhojaniyam patiyadapetva bhagavato kalam arocapesum kalo bho gotama nitthitam bhattanti . athakho bhagava pubbanhasamayam nivasetva pattacivaramadaya yena sunidhavassakaranam magadhamahamattanam parivesana 4- tenupasankami upasankamitva pannatte asane nisidi saddhim @Footnote: 1 Po. ajjasvatanaya. Ma. svatanaya. 2 Ma. Yu. utthayasanati patha na dissanti. @3 Po. sake nivesane. 4 Po. nivesanani. Ma. parivesanam.--------------------------------------------------------------------------------------------- page92.
Bhikkhusanghena . athakho sunidhavassakara magadhamahamatta buddhappamukham bhikkhusangham panitena khadaniyena bhojaniyena sahattha santappetva sampavaretva bhagavantam bhuttavim onitapattapanim ekamantam nisidimsu . Ekamantam nisinne kho sunidhavassakare magadhamahamatte bhagava imahi gathahi anumodi [73] Yasmim padese kappeti vasam panditajatiyo silavantettha bhojetva sannate brahmacarino 1- ya tattha devata asum tasam dakkhinamadise. Ta pujita pujayanti manita manayanti nam tato nam anukampanti mata puttamva orasam. Devatanukampito poso sada bhadrani passatiti. [74] Athakho bhagava sunidhavassakare magadhamahamatte imahi gathahi anumoditva utthayasana pakkami . tena kho pana samayena sunidhavassakara magadhamahamatta bhagavantam pitthito pitthito anubaddha honti yenajja samano gotamo dvarena nikkhamissati tam gotamadvaram nama bhavissati yena titthena gangam nadim uttarissati tam gotamatittham nama bhavissatiti . athakho bhagava yena dvarena nikkhami tam gotamadvaram nama ahosi . athakho bhagava yena ganga nadi tenupasankami . tena kho pana samayena ganga nadi pura hoti samatittika kakapeyya . manussa anne navam @Footnote: 1 Ma. Yu. brahmacariye.--------------------------------------------------------------------------------------------- page93.
Pariyesanti anne ulumpam pariyesanti anne kullam bandhanti ora param gantukama . addasa kho bhagava te manusse anne navam pariyesante anne ulumpam pariyesante anne kullam bandhante ora param gantukame disvana seyyathapi nama balava puriso samminjitam va baham pasareyya pasaritam va baham samminjeyya evameva bhagava gangaya nadiya orime tire antarahito parime tire paccutthasi saddhim bhikkhusanghena . athakho bhagava etamattham viditva tayam velayam imam udanam udanesi ye taranti annavam saram setum katvana visajja pallalani kullam hi jano pabandhati tinna medhavino janati. [75] Athakho bhagava yena kotigamo tenupasankami . Tatra sudam bhagava kotigame viharati . tatra kho bhagava bhikkhu amantesi catunnam bhikkhave ariyasaccanam ananubodha appativedha evamidam dighamaddhanam sandhavitam samsaritam mamanceva tumhakanca katamesam catunnam dukkhassa bhikkhave ariyasaccassa ananubodha appativedha evamidam dighamaddhanam sandhavitam samsaritam mamanceva tumhakanca dukkhasamudayassa ariyasaccassa .pe. Dukkhanirodhassa ariyasaccassa .pe. dukkhanirodhagaminiya patipadaya--------------------------------------------------------------------------------------------- page94.
Ariyasaccassa 1- ananubodha appativedha evamidam dighamaddhanam sandhavitam samsaritam mamanceva tumhakanca tayidam bhikkhave dukkham ariyasaccam anubuddham patividdham dukkhasamudayo 2- ariyasaccam anubuddham patividdham dukkhanirodho 3- ariyasaccam anubuddham patividdham dukkhanirodhagamini patipada ariyasaccam anubuddham patividdham ucchinna bhavatanha khina bhavanetti natthidani punabbhavoti. [76] Catunnam ariyasaccanam yathabhutam adassana samsitam 4- dighamaddhanam tasu tasveva jatisu. Tani etani ditthani bhavanetti samuhata ucchinnam mulam dukkhassa natthidani punabbhavoti.The Pali Tipitaka in Roman Character Volume 5 page 90-94. https://84000.org/tipitaka/read/roman_read.php?B=5&A=1872&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=5&A=1872&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=71&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=19 Study Atthakatha :- https://84000.org/tipitaka/attha/attha.php?b=5&i=71 The Pali Atthakatha in Thai :- https://84000.org/tipitaka/atthapali/read_th.php?B=3&A=4006 The Pali Atthakatha in Roman :- https://84000.org/tipitaka/atthapali/read_rm.php?B=3&A=4006 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]