|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 6 : PALI ROMAN Vinaya Pitaka Vol 6 : Vinaya. Culla (1)
[354] Tena kho pana samayena manattacarika bhikkhu sadiyanti pakatattanam bhikkhunam abhivadanam paccutthanam anjalikammam samicikammam asanabhiharam seyyabhiharam padodakam padapitham padakathalikam pattacivarapatiggahanam nahane pitthiparikammam . ye te bhikkhu @Footnote: 1 Yu. manattarahavattam nitthitanti natthi.--------------------------------------------------------------------------------------------- page148.
Appiccha .pe. te ujjhayanti khiyanti vipacenti katham hi nama manattacarika bhikkhu sadiyissanti pakatattanam bhikkhunam abhivadanam paccutthanam .pe. nahane pitthiparikammanti . athakho te bhikkhu bhagavato etamattham arocesum. [355] Athakho bhagava etasmim nidane etasmim pakarane bhikkhusangham sannipatapetva bhikkhu patipucchi saccam kira bhikkhave manattacarika bhikkhu sadiyanti pakatattanam bhikkhunam abhivadanam paccutthanam .pe. nahane pitthiparikammanti . saccam bhagavati . Vigarahi buddho bhagava katham hi nama bhikkhave manattacarika bhikkhu sadiyissanti pakatattanam bhikkhunam abhivadanam paccutthanam .pe. Nahane pitthiparikammam netam bhikkhave appasannanam va pasadaya .pe. Vigarahitva dhammim katham katva bhikkhu amantesi na bhikkhave manattacarikena bhikkhuna saditabbam pakatattanam bhikkhunam abhivadanam paccutthanam .pe. nahane pitthiparikammam yo sadiyeyya apatti dukkatassa . anujanami bhikkhave manattacarikanam bhikkhunam mithu yathavuddham abhivadanam paccutthanam .pe. nahane pitthiparikammam . Anujanami bhikkhave manattacarikanam bhikkhunam panca yathavuddham uposatham pavaranam vassikasatikam onojanam bhattanca . tenahi bhikkhave manattacarikanam bhikkhunam vattam pannapessami yatha manattacarikehi bhikkhuhi vattitabbam.--------------------------------------------------------------------------------------------- page149.
[356] Manattacarikena bhikkhave bhikkhuna samma vattitabbam . Tatrayam sammavattana na upasampadetabbam na nissayo databbo na samanero upatthapetabbo na bhikkhunovadakasammati saditabba sammatenapi bhikkhuniyo na ovaditabba yaya apattiya sanghena manattam dinnam hoti sa apatti na apajjitabba anna va tadisika tato va papitthatara kammam na garahitabbam kammika na garahitabba na pakatattassa bhikkhuno uposatho thapetabbo na pavarana thapetabba na savacaniyam katabbam na anuvado patthapetabbo na okaso karetabbo na codetabbo na saretabbo na bhikkhu bhikkhuhi sampayojetabbam. [357] Na bhikkhave manattacarikena bhikkhuna pakatattassa bhikkhuno purato gantabbam na purato nisiditabbam yo hoti sanghassa asanapariyanto seyyapariyanto viharapariyanto so tassa padatabbo tena ca so saditabbo . na bhikkhave manattacarikena bhikkhuna pakatattena bhikkhuna puresamanena va pacchasamanena va kulani upasankamitabbani na arannikangam samaditabbam na pindapatikangam samaditabbam na ca tappaccaya pindapato niharapetabbo ma mam janimsuti. [358] Manattacarikena bhikkhave bhikkhuna agantukena arocetabbam agantukassa arocetabbam uposathe arocetabbam pavaranaya--------------------------------------------------------------------------------------------- page150.
Arocetabbam devasikam arocetabbam sace gilano hoti dutenapi arocapetabbam. [359] Na bhikkhave manattacarikena bhikkhuna sabhikkhuka avasa abhikkhuko avaso gantabbo annatra sanghena annatra antaraya na bhikkhave manattacarikena bhikkhuna sabhikkhuka avasa abhikkhuko anavaso gantabbo annatra sanghena annatra antaraya na bhikkhave manattacarikena bhikkhuna sabhikkhuka avasa abhikkhuko avaso va anavaso va gantabbo annatra sanghena annatra antaraya na bhikkhave manattacarikena bhikkhuna sabhikkhuka anavasa abhikkhuko avaso gantabbo .pe. abhikkhuko anavaso gantabbo .pe. abhikkhuko avaso va anavaso va gantabbo annatra sanghena annatra antaraya na bhikkhave manattacarikena bhikkhuna sabhikkhuka avasa va anavasa va abhikkhuko avaso gantabbo .pe. abhikkhuko anavaso gantabbo .pe. abhikkhuko avaso va anavaso va gantabbo annatra sanghena annatra antaraya. [360] Na bhikkhave manattacarikena bhikkhuna sabhikkhuka avasa sabhikkhuko avaso gantabbo .pe. sabhikkhuko anavaso gantabbo .pe. sabhikkhuko avaso va anavaso va gantabbo yatthassu bhikkhu nanasamvasaka annatra sanghena annatra antaraya na--------------------------------------------------------------------------------------------- page151.
Bhikkhave manattacarikena bhikkhuna sabhikkhuka anavasa sabhikkhuko avaso gantabbo .pe. sabhikkhuko anavaso gantabbo .pe. Sabhikkhuko avaso va anavaso va gantabbo yatthassu bhikkhu nanasamvasaka annatra sanghena annatra antaraya na bhikkhave manattacarikena bhikkhuna sabhikkhuka avasa va anavasa va sabhikkhuko avaso gantabbo .pe. Sabhikkhuko anavaso gantabbo .pe. Sabhikkhuko avaso va anavaso va gantabbo yatthassu bhikkhu nanasamvasaka annatra sanghena annatra antaraya. [361] Gantabbo bhikkhave manattacarikena bhikkhuna sabhikkhuka avasa sabhikkhuko avaso .pe. sabhikkhuko anavaso .pe. Sabhikkhuko avaso va anavaso va yatthassu bhikkhu samanasamvasaka yam janna sakkomi ajjeva gantunti gantabbo bhikkhave manattacarikena bhikkhuna sabhikkhuka anavasa sabhikkhuko avaso .pe. sabhikkhuko anavaso .pe. sabhikkhuko avaso va anavaso va yatthassu bhikkhu samanasamvasaka yam janna sakkomi ajjeva gantunti gantabbo bhikkhave manattacarikena bhikkhuna sabhikkhuka avasa va anavasa va sabhikkhuko avaso .pe. Sabhikkhuko anavaso .pe. sabhikkhuko avaso va anavaso va yatthassu bhikkhu samanasamvasaka yam janna sakkomi ajjeva gantunti.--------------------------------------------------------------------------------------------- page152.
[362] Na bhikkhave manattacarikena bhikkhuna pakatattena bhikkhuna saddhim ekacchanne avase vatthabbam na ekacchanne anavase vatthabbam na ekacchanne avase va anavase va vatthabbam pakatattam bhikkhum disva asana vutthatabbam pakatatto bhikkhu asanena nimantetabbo na pakatattena bhikkhuna saddhim ekasane nisiditabbam na nice asane nisinne ucce asane nisiditabbam na chamayam nisinne asane nisiditabbam na ekacankame cankamitabbam na nice cankame cankamante ucce cankame cankamitabbam na chamayam cankamante cankame cankamitabbam. [363] Na bhikkhave manattacarikena bhikkhuna parivasikena bhikkhuna saddhim .pe. mulaya patikassanarahena bhikkhuna saddhim .pe. Manattarahena bhikkhuna saddhim .pe. manattacarikena vuddhatarena bhikkhuna saddhim .pe. abbhanarahena bhikkhuna saddhim ekacchanne avase vatthabbam na ekacchanne anavase vatthabbam na ekacchanne avase va anavase va vatthabbam na ekasane nisiditabbam na nice asane nisinne ucce asane nisiditabbam na chamayam nisinne asane nisiditabbam na ekacankame cankamitabbam na nice cankame cankamante ucce cankame cankamitabbam na chamayam cankamante cankame cankamitabbam. [364] Manattacarikacatuttho ce bhikkhave parivasam dadeyya--------------------------------------------------------------------------------------------- page153.
Mulaya patikasseyya manattam dadeyya tabbiso abbheyya akammam tam na ca karaniyanti. [365] Athakho ayasma upali yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma upali bhagavantam etadavoca kati nu kho bhante manattacarikassa bhikkhuno ratticchedati . cattaro kho upali manattacarikassa bhikkhuno ratticcheda sahavaso vippavaso anarocana une gane carati 1- ime kho upali cattaro manattacarikassa bhikkhuno ratticchedati. [366] Tena kho pana samayena savatthiyam mahabhikkhusangho sannipatito hoti . na sakkonti manattacarika bhikkhu manattam sodhetum . te bhikkhu bhagavato etamattham arocesum . anujanami bhikkhave manattam nikkhipitum . evanca pana bhikkhave nikkhipitabbam . Tena manattacarikena bhikkhuna ekam bhikkhum upasankamitva ekamsam uttarasangam karitva ukkutikam nisiditva anjalim paggahetva evamassa vacaniyo manattam nikkhipamiti . nikkhittam hoti manattam . Vattam nikkhipamiti. Nikkhittam hoti manattanti. [367] Tena kho pana samayena savatthiya bhikkhu tahim tahim @Footnote: 1 Ma. Yu. onoganena caratitipi onogane caratitipi patho dissati. une gane carananti.--------------------------------------------------------------------------------------------- page154.
Pakkamimsu . sakkonti 1- manattacarika bhikkhu manattam sodhetum . Te bhikkhu bhagavato etamattham arocesum . anujanami bhikkhave manattam samadiyitum 2- . evanca pana bhikkhave samaditabbam . tena manattacarikena bhikkhuna ekam bhikkhum upasankamitva ekamsam uttarasangam karitva ukkutikam nisiditva anjalim paggahetva evamassa vacaniyo manattam samadiyamiti . samadinnam hoti manattam . vattam samadiyamiti. Samadinnam hoti manattanti. Manattacarikavattam nitthitam 3-.The Pali Tipitaka in Roman Character Volume 6 page 147-154. https://84000.org/tipitaka/read/roman_read.php?B=6&A=3004&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=6&A=3004&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=6&item=354&items=14 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=6&siri=19 Contents of The Tipitaka Volume 6 https://84000.org/tipitaka/read/?index_6 https://84000.org/tipitaka/english/?index_6
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]