|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 7 : PALI ROMAN Vinaya Pitaka Vol 7 : Vinaya. Culla (2)
[424] Tena kho pana samayena chabbaggiya bhikkhu dunnivattha dupparuta anakappasampanna bhattaggam gacchanti vokkammapi theranam bhikkhunam purato purato gacchanti therepi bhikkhu anupakhajja @Footnote: 1 Ma. Yu. Ra. ekakanti vacanam natthi. 2 Ra. vaccapilito. 3 Ma. Yu. agamesi. @4 Ma. sandharetum asakkonto.--------------------------------------------------------------------------------------------- page225.
Nisidanti navepi bhikkhu asanena patibahanti sanghatimpi ottharitva antaraghare nisidanti . ye te bhikkhu appiccha .pe. Te ujjhayanti khiyanti vipacenti katham hi nama chabbaggiya bhikkhu dunnivattha dupparuta anakappasampanna bhattaggam gacchissanti vokkammapi theranam bhikkhunam purato purato gacchissanti therepi bhikkhu anupakhajja nisidissanti navepi bhikkhu asanena 1- patibahissanti sanghatimpi ottharitva antaraghare nisidissantiti. {424.1} Athakho te bhikkhu bhagavato etamattham arocesum .pe. Saccam kira bhikkhave chabbaggiya bhikkhu dunnivattha dupparuta anakappasampanna bhattaggam gacchanti vokkammapi theranam bhikkhunam purato purato gacchanti therepi bhikkhu anupakhajja nisidanti navepi bhikkhu asanena patibahanti sanghatimpi ottharitva antaraghare nisidantiti . saccam bhagavati .pe. Vigarahitva dhammim katham katva bhikkhu amantesi tenahi bhikkhave bhikkhunam bhattaggavattam pannapessami yatha bhikkhuhi bhattagge samma vattitabbam. [425] Sace arame kalo arocito hoti timandalam paticchadentena parimandalam nivasetva kayabandhanam bandhitva sagunam katva sanghatiyo parupitva ganthikam patimuncitva dhovitva pattam gahetva sadhukam ataramanena gamo pavisitabbo na vokkamma theranam bhikkhunam purato purato gantabbam supaticchannena @Footnote: 1 Ma. asanenapi.--------------------------------------------------------------------------------------------- page226.
Antaraghare gantabbam susamvutena antaraghare gantabbam okkhittacakkhuna antaraghare gantabbam na ukkhittakaya antaraghare gantabbam na ujjagghikaya antaraghare gantabbam appasaddena antaraghare gantabbam na kayappacalakam antaraghare gantabbam na bahuppacalakam antaraghare gantabbam na sisappacalakam antaraghare gantabbam na khambhakatena anataraghare gantabbam na ogunthitena antaraghare gantabbam na ukkutikaya antaraghare gantabbam {425.1} supaticchannena antaraghare nisiditabbam susamvutena antaraghare nisiditabbam okkhittacakkhuna antaraghare nisiditabbam na ukkhittakaya antaraghare nisiditabbam na ujjagghikaya antaraghare nisiditabbam appasaddena antaraghare nisiditabbam na kayappacalakam antaraghare nisiditabbam na bahuppacalakam antaraghare nisiditabbam na sisappacalakam antaraghare nisiditabbam na khambhakatena antaraghare nisiditabbam na ogunthitena antaraghare nisiditabbam na pallatthikaya antaraghare nisiditabbam na there bhikkhu anupakhajja nisiditabbam na nava bhikkhu asanena patibahitabba na sanghatim ottharitva antaraghare nisiditabbam {425.2} udake diyamane ubhohi hatthehi pattam pariggahetva udakam patiggahetabbam nicam katva sadhukam aparighamsantena patto dhovitabbo sace udakapatiggahako hoti nicam katva udakapatiggahe udakam asincitabbam ma udakapatiggahako udakena osinci--------------------------------------------------------------------------------------------- page227.
Ma samanta bhikkhu udakena osincimsu ma sanghati udakena osinciti {425.3} sace udakapatiggahako na hoti nicam katva chamayam udakam asincitabbam ma samanta bhikkhu udakena osincimsu ma sanghati udakena osinciti odane diyamane ubhohi hatthehi pattam pariggahetva odano patiggahetabbo supassa okaso katabbo sace hoti sappi va telam va uttaribhangam va therena vattabbo sabbesam samakam sampadehiti sakkaccam pindapato patiggahetabbo pattasannina pindapato patiggahetabbo samasupako pindapato patiggahetabbo samatittiko pindapato patiggahetabbo {425.4} na tava therena bhunjitabbam yava na sabbesam odano sampatto 1- hoti sakkaccam pindapato bhunjitabbo pattasannina pindapato bhunjitabbo sapadanam 2- pindapato bhunjitabbo samasupako pindapato bhunjitabbo na thupato 3- omadditva pindapato bhunjitabbo na supam va byanjanam va odanena paticchadetabbam bhiyyokamyatam upadaya na supam va odanam va agilanena attano atthaya vinnapetva bhunjitabbam na ujjhanasannina paresam patto oloketabbo natimahanto kabalo katabbo parimandalo alopo katabbo @Footnote: 1 Yu. sampanno. 2 Yu. sapadano. 3 thupikatotipi patho dissati.--------------------------------------------------------------------------------------------- page228.
Na anahate kabale mukhadvaram vivaritabbam na bhunjamanena sabbo hattho mukhe pakkhipitabbo na sakabalena mukhena byaharitabbam na pindukkhepakam bhunjitabbam na kabalavacchedakam bhunjitabbam na avagandakarakam bhunjitabbam na hatthaniddhunakam bhunjitabbam na sitthavakarakam bhunjitabbam na jivhaniccharakam bhunjitabbam na capucapukarakam bhunjitabbam na surusurukarakam bhunjitabbam na hatthanillehakam bhunjitabbam na pattanillehakam bhunjitabbam na otthanillehakam bhunjitabbam {425.5} na samisena hatthena paniyathalako patiggahetabbo na tava therena udakam patiggahetabbam yava na sabbe va 1- bhuttavino honti udake diyamane ubhohi hatthehi pattam pariggahetva udakam patiggahetabbam nicam katva sadhukam aparighamsantena patto dhovitabbo sace udakapatiggahako hoti nicam katva udakapatiggahe udakam asincitabbam ma udakapatiggahako udakena osinci ma samanta bhikkhu udakena osincimsu ma sanghati udakena osinciti sace udakapatiggahako na hoti nicam katva chamayam udakam asincitabbam ma samanta bhikkhu udakena osincimsu ma sanghati udakena osinciti na sasitthakam pattadhovanam antaraghare chaddetabbam {425.6} nivattantena navakehi bhikkhuhi pathamataram nivattitabbam paccha therehi supaticchannena antaraghare gantabbam susamvutena antaraghare gantabbam okkhittacakkhuna antaraghare gantabbam na @Footnote: 1 Yu. vasaddo natthi.--------------------------------------------------------------------------------------------- page229.
Ukkhittakaya antaraghare gantabbam na ujjagghikaya antaraghare gantabbam appasaddena antaraghare gantabbam na kayappacalakam antaraghare gantabbam na bahuppacalakam antaraghare gantabbam na sisappacalakam antaraghare gantabbam na khambhakatena antaraghare gantabbam na ogunthitena antaraghare gantabbam na ukkutikaya antaraghare gantabbam {425.7} idam kho bhikkhave bhikkhunam bhattaggavattam yatha bhikkhuhi bhattagge samma vattitabbanti. Pathamabhanavaram nitthitam.The Pali Tipitaka in Roman Character Volume 7 page 224-229. https://84000.org/tipitaka/read/roman_read.php?B=7&A=4498&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=4498&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=424&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=62 Study Atthakatha :- https://84000.org/tipitaka/attha/attha.php?b=7&i=424 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]